للفقر لذه في عيون الهوامير

الكاتب : كلمـ ولو جبر خاطر ـه | المشاهدات : 693 | الردود : 19 | ‏25 نوفمبر 2007
  1. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
    للفقر لذه في عيون الهوامير ............. شوفو وش لون بفقرنا شاركونا

    دينارهم يستنسخونه دنانير ........... ولـو طلبناهـم تـرى ماعطونـا

    حسرة قليل المال بكفوفهم غير .......... لوهو ذهب يمدي خذوه وخذونـا

    الله لايجزى هاك الطالع بخيـر ....... اللـي عليـه بعافيتنـا حسدونـا

    تجمعت شرابت الماءعلى البير ......... يحليـل عنـه الجماعـه حدونـا

    جونا شتات أصفر تلقفهم الطير ......... بلـوا ياليـت بشرهـم مابلونـا

    طاوع معاهم من لقى دهنت السير ........... ولا وش الي سكته يوم جونا

    ذقنا على ايديهم هوان المشاوير ......... ضيعهم الله مثـل مـا ضيعونـا

    وش صار فينا وش بعد باقي ايصير .......... يافاهمين السالفه فهمونـا

    المشكله ياحبنا للمعاذيـر ......... والنـاس وصلـو للقمـر وسبقونـا

    دايم نسـوي للخيانـه تباريـر ....... والظاهـر الخايـن طلـع كلبونـا



    من ابداعات عبد الرحمن الشمري
     
  2. Shoomy

    Shoomy بـترولـي خـاص

    ابدعت يا كلمه
    صح لسان كاتبها
    وتسلم ايد ناقلها

    دينارهم يستنسخونه دنانير --> علموني شلون ؟؟

    يعطيك العافيه
    تحياتي
     
  3. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
    انا اقولج شومي


    اشتريلج سكنر وانسخيه واشتري سرير بالمركزي ترى يمدحونه
     
  4. Shoomy

    Shoomy بـترولـي خـاص

    كااااااااااااااااااااااك بدعت يا كلمه
    هذا اللي بسويه انشالله
     
  5. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
  6. frfosha

    frfosha بـترولـي مميز

    753
    0
    0
    شومي وياج جم ربطه ترى العيد ياينا لا تنسين اخيتج ومشكور يا كلمه على هالشعر
     
  7. Shoomy

    Shoomy بـترولـي خـاص

    افا عليكم بس
    لاتوصون حريصه

    راح اسوي حق كل واحد 5000 دينار

    جذي زين؟؟
     
  8. PANADOL_NiGHT

    PANADOL_NiGHT بـترولـي جـديـد

    18
    0
    0
    دكتور بالقطاع النفطي
    الكويت
  9. زهرة التوليب

    زهرة التوليب بـترولـي خـاص

    وش صار فينا وش بعد باقي ايصير .......... يافاهمين السالفه فهمونـا
    كلام في الصميم

    الف شكر على النقل الرائع

    يعطيك الف عافيه
     
  10. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    يا جماعة لا تظلمون الهوامير ، تراهم يسبحون بروحهم و ما لهم شغل بالسمج الصغار هم شباعى مو محتاجين يشفطون من جيب السمج الصغار
    بس إذا إحتاجوا و كان الله بعونهم لما يحتاجون يجبرون الحكومة و يضغطون عليها علشان تساعدهم
    يبون مناقصات
    يبون مشاريع يستفيدون منها يعطونها لغيرهم بالباطن و يريحون بالهم
    ما يخلون المستثمر الأجنبي أو أحد غيرهم من السبيطية أو الشعوم يسوي مشاريع عدلة و هم ما يبون يسوون شي بالبلد إلا ما ندر علشان يخلون الكويت (منطقة محمية من المشاريع و التطوير و العمار)
    أحلى أراضي لو أستغلت تحول الدولة إلى جنة دنيا على الأرض بس هم خذوها ليستمتعون فيها بروحهم مثل اللي يقطف وردة علشان يشمها و ما يدري إنه أنهى حياتها علشان أنانيته. و عجيبة لما تشوف هامور يشم وردة :)
    لا خلى الدولة تأجر منه الأرض و لا سوى فيها مشاريع و منتزهات علشان تخف الزحمة عن السالمية و حولي و الفحيحيل و ما عند الناس مانع تدفع حق وناستها بالحلال بدال السفر بكل عطلة فتكون فلوسنا بديرتنا لهواميرنا الكرام لا للهوامير الغرب مقابل خدمات من الهامور المحترم على كل شعم و نويبية في البلد
    حفظنا الله و إياكم و أدام علينا الصحة و العافية و نسأله نعمة زوال الجلحة و الملحة و السبخ و العرفج اللي طالع في غيرمكانه لنا حتى في المناطق السكنية و المدرج و أنت بالطيارة بتسافر
    و أتمنى إزالة الأنانية و الطبقة البازلتية الموجودة على عقول بعض الهوامير التي تمنعهم و تحرمنا من وجود أماكن و مرافق جيدة يزورنا السايح فيها و تبيض الويه ، و تخلينا نمسك أرضنا و ما تخلي المسافر يتسلف علشان ينحاش من قلة الأماكن.
     
  11. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    بس فيه عيب صغير الهامور ، إنه وده هو بروحه يكون هامور و علشان لا يسمن السمج الصغير يحاول يخليه يقلل أكله فبالتالي يزيد عليه سعر المواد الغذائية و المواد الإستهلاكية و الكماليات ، تلقى فرق السعر في بضاعة معينة ( سيارة مثلا) أغلى من مثيلتها بدولة مجاورة بأكثر من 1800 دينار كويتي،تنباع هناك ب 10000 و هني بمواصفات مماثلة تنباع ب 15000
    أكثر شيء يمكن يستخدمه , و يستهلكه الهامور هو المصاص اوعود الشرب و يكون إستخدامه مفيد في شفــــــــــــط جيوب الصغار
     
  12. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
    مشكوووووووووورين على المرور وصح بدنكم وشرف لي مروركم
     
  13. حنان

    حنان بـترولـي خـاص

    2,197
    1
    38
  14. م.محمد

    م.محمد بـترولـي خـاص

    يعطيك العافيه وصح لسانك

    بس شومي اذا نسختيلج لا تنسيني :)
     
  15. engineera

    engineera بـترولـي مميز

    626
    0
    0
    الله يهني كل انسان وغني ويزيده اكثر من نعيمه يا رب ويزيدنا ويعطينا مثل ماعطاهم والحمدالله لك يا رب على النعمه اللي احنا فيها ويزدنا من نعيمه انشاءالله اللهم اميين :)
     
  16. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
    صح بدنكم وعسى الله يقبل دعوتج يا انجنيرا ومشكورين على المرور
     
  17. alaslamy

    alaslamy بـترولـي نشيط جدا

    258
    0
    0
    ألف شكر لك يا الغالي على المشاركه الرائعه

    ويعطيك العافيه
     
  18. SOS_KW

    SOS_KW بـترولـي خـاص أعضاء الشرف

    2,252
    0
    0
    سلمت عزيزي على هذه القصيدة التحفة وفعلا لقد ألقاها في اول حلقة من مسابقة شاعر المليون
     
  19. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
  20. MR HANDSOME

    MR HANDSOME بـترولـي نشيط

    120
    0
    0
    يعطيك العافيه
    تحياتي
     
جاري تحميل الصفحة...

مشاركة هذه الصفحة