رئيس اتحاد البترول ولجنة التنظيم

الكاتب : العامري | المشاهدات : 1,309 | الردود : 17 | ‏26 ديسمبر 2009
  1. العامري

    العامري بـترولـي نشيط جدا

    شباب تدرون شنو معنى رئيس اتحاد البترول ؟ لا تستعجلون بقول لكم :) معناها انه ممثل للعمال في 9 شركات نفطيه وكيميائيه له وضعه الخاص وله مكانه المميز اوكي شباب :)
    نجي للموضوع الأصلي تتدرون شنو كان دور رئيس اتحاد البترول في احتفالات شركة النفط بمناسبة 75 عام كان منضم يودي المعازيم لكراسيهم وينضم دخول وخروج المدعوين ويتأكد ان كل حاجه 100% لا والأدها والأمر انه ما كان فيه كلمه للعمال ورئيس الأتحاد راح نقول كان مشغول بالتوصيل طيب رئيس نقابة النفط كان توصيل بعد ولا ليش ما طالب بكلمة للعمال اللي بنيت الشركة على اكتافها ما نقول الا لا بد ان يكون الرجل المناسب في المكان المناسب
     
  2. علميني الحب

    علميني الحب بـترولـي نشيط جدا

    365
    0
    0
    خخخخخخخخخخخ ضحكتني وأنا شاد حيلي
    يا محترم جاسم الناصر قبل لا يكون رئيس أتحاد ترى موظف بقسم خدمات الأحمدي
     
  3. العامري

    العامري بـترولـي نشيط جدا

    والله ادري ان فيه ناس راح ترد بالرد هذا وفعلا معاك حق موضف في الخدمات بس من سنتين هو رئيس اتحاد عمال البترول يا نبيه مكانه يكون في الصف الأمامي هذا يكون احتفاله مو يوزع خدمات يا نبيه :D
     
  4. علميني الحب

    علميني الحب بـترولـي نشيط جدا

    365
    0
    0
    لا حول ولا قوة إلا بالله
    نقوله موظف يقول مسماه
    يا أخي فرق شوي الله يرحم والديك وأترك المهاترات عنك
    وقول شي لمصلحة العامل أو أكرمنا بسكوتك
    بس لا تنسى تسأل حمود صج قدم شكوى أو أنا أتبلى عليه
     
  5. محمد المذن

    محمد المذن بـترولـي مميز

    694
    0
    0
    الحين انت شتبي لايصير هجومكم بمجرد الهجوم ليش ما رئيس النقابه قال كلمه عن العمال !!!!*
     
  6. ملك زماني

    ملك زماني موقوف

    6
    0
    0
    فشله والله

    صراحه ايد كلام الاخ ........رئيس الاتحاد له مكانته حتى لو كانت وظيفته بالخدمات..........مكانه قبل رؤؤساء الشركات بالصف الامامي .....والله فشله طيح سوق هيبه الاتحاد
     
  7. العامري

    العامري بـترولـي نشيط جدا

    بو جاسم يعني عادي ما يلقي كلمه بأسم العمال في احتفال الشركه ال 75 تدري شنو معنى كلامك يعني العامل مو مهم ولا له اي داعي يشارك في الحفل هذا
     
  8. بياع

    بياع بـترولـي جـديـد

    41
    0
    0
    السلام عليكم

    يا جماعه أنا عندي راي بهالموضوع
    أنا أعتقد أنه المناصب تكليف وليست تشريف ومالنا حق نحاسب رئيس الأتحاد على وظيفته فاذا كان يعمل في خدمات الأحمدي يعني هذا شغله وجزاه الله ألف خير لما يكون شايل هموم العمال وكذلك مجابل شغل الأتحاد وبعدين احنا لازم ما نعيب عليه لأنه ما قعد في الصفوف الأماميه مع الشيوخ والوزراء بل كان يمارس وظيفته في الشركه يعني كان مع العمال الي هو منهم وهذا شي ما يعيب الرجال بل أنه يرفع من مكانته بين العمال عشان كذا لازم نفرق بين الي يبي المنصب عشان يكمل النقص الي عنده ويقعد بين الشيوخ ويحس أنه مهم وبين الي مجابل شغله ويتعب عشان العمال وأنا أعتقد أنه الأتحاد هالمره ماقصروا في مطالب العمال ويعطيهم ألف عافيه وأيضا لو أنه كان قاعد مع الشيوخ وراز عمره بينهم أيضا كان في ناس راح يقولون ليش قاعد مع الشيوخ وراز نفسه ؟ نسى أنه من العمال ؟ ولا علباله صار شيخ؟

    ويعطيكم العافيه
     
  9. صريع النقرور

    صريع النقرور بـترولـي نشيط جدا

    152
    0
    16
    ومنو الي قالك ما كانو بالصفوف الاماميه اهو ورئيس النقابه ؟؟؟؟
    انا الي اعرفه انهم كانو بالصفوف الاماميه وبالفعل قام جاسم وشاف الشغل ورد مكانه الا اذا انت ديدنك مثل ديدن علي العلي وادور اي شي تنتقد فيه النقابه هذا شي ثاني هذا شي ثاني
    موفق
     
  10. العامري

    العامري بـترولـي نشيط جدا

    لا يا باشاه ما تعرف شي لا صفوف أماميه ولا غيره وبعدين شنو الشغل اللي شافه توزيع العصير على المدعوين :D
     
  11. صريع النقرور

    صريع النقرور بـترولـي نشيط جدا

    152
    0
    16
    لا يالامير انت غلطان وكانو قاعدين بعد جدام رؤساء الشركات واخذ الكلام الحين لان الناس الي قالته لي ناس صاادقه جدا : )
     
  12. under maintenance

    under maintenance بـترولـي نشيط جدا

    453
    0
    0
    السلام عليكم

    يالغالي لا تهقى كل الناس عندها خلفية بالتسلسلات الوظيفيه و المقامات انا فاهم الي انت تقصده لكن الاعمى الي يدافع دفاع مستميت ما عليه حرج و انت فاهم قصدي!!!!!!!!!!!

    في من الناس الي بس يطالع تحت رجلييييييييييييييه ...... و نفس الوقت في من الناس الي يطالع قدامة



    و عسى الرساله و صلت
     
  13. العامري

    العامري بـترولـي نشيط جدا

    وصلت طال عمرك
     
  14. نفط الكويت

    نفط الكويت بـترولـي نشيط جدا

    183
    0
    0
    الأخ الذي يقول بأن رئيس اتحاد العمال موظف بالشركة و لا يلام على كونه في لجنة الاستقبال لأنه بالأساس موظف في شركة نفط الكويت؟!!!

    طيب لو كان رئيس الاتحاد موظف في السناتر هل يكون من المقبول أن يكون هذا الرئيس منسدح بالسنتر و الناس قاعده تحتفل بمرور 75 عام على تاسيس الشركة .... سيدي الفاضل ... الرئيس هو المتحدث بإسم العمال و مثل ما شفنا بالصور الابيض و الاسود كل الصور للعمال ... و هم اساس الشركة ليش ما كانت لهم كلمة..... إذا كانوا في المدارس يلقون كلمة الطلبة.....رئيس العمال ماله كلمة؟!!!!
    الأمر لا يخلوا من شيئين
    يا إنه لا يعرف قدر المسؤولية اللي على عاتقه و أنه صوت العمال و يجب أن لا يهمش.
    أو أنها من ميانة الأدارة مع النقابة و قدرها عندهم في مثل هذا الحدث ،،، و كلا الأمرين مر.
    يا اخي حدث العاقل بما يعقل
     
  15. WOLF

    WOLF بـترولـي نشيط جدا

    180
    0
    0
    شي مخزي

    صراحه شي مخزي جدا جدا (( شي مخزي بمعنى الكلمة )) رئيس اتحاد نقابات شركات النفط ورئيس نقابة شركة نفط الكويت حتى كلمة أمام الحضور ماقدروا يلقون (( كلمة باسم العمال ماقدروا يلقونها )) هذيلا وينهم ووين قدرتهم على المطالبة بحقوق العمال ... ذبحونه بسالفة هالاب قريد اللي بالقطاارة (( الاب قريد طبعا انجاز النقابة السابقة )) ..
    بس صرااااااااحة فعلا شي مخزي رئيس اتحاد نقابات البترول يقعد ضيوف الحفل بكراسيهم !!!!! ويشرف على العصير على ذمة الراوي !!! هذا فعلا شي مخزي
    :confused:
     
  16. المهندس

    المهندس بـترولـي خـاص

    1,305
    8
    0
    اذا صدق الموضوع... صراحه فضيحه
    ذكرتوني في سالفه صارت من 5 سنوات وكان فيها توزيع جوائز السنويه للسيفتي .. دليهي دز مندوبه وجيك على مكان كرسيه ولمن عرف انه كرسيه في الصف الثاني لم يحضر المناسه وعفسهم عفاس.. وكانو محتاسين منظمين الحفل وقالتلي منظمه في الحفل يبي مكان جنب الجيرمان... صراحه قوي

    صج مالي مكانه
     
  17. العامري

    العامري بـترولـي نشيط جدا

    بو سعد الله يذكره بالخير رغم اختلافي معه بس كان عارف هو شنو يمثل ومالي مكانه
     
  18. سهاله

    سهاله بـترولـي نشيط جدا

    202
    0
    0
    صراحه كلامك صحيح يالعامري 100%
    اعتقد فيه موظفين في دائرة الخدمات يقدرون ينظمون الحفل غير الاخ جاسم الناصر لانه رئيس الاتحاد وله وزنه
    بس للاسف راحت الهيبه مع الرجال السابقين وافهم يافهيم
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    1,602
  2. المحرر النفطي
    الردود:
    2
    المشاهدات:
    13,343
  3. المحرر النفطي
    الردود:
    0
    المشاهدات:
    1,699
  4. المحرر النفطي
    الردود:
    0
    المشاهدات:
    10,455
  5. فهد شموه
    الردود:
    0
    المشاهدات:
    306

مشاركة هذه الصفحة