الى من ننتمي ؟

الكاتب : frfosha | المشاهدات : 764 | الردود : 10 | ‏25 نوفمبر 2007
  1. frfosha

    frfosha بـترولـي مميز

    753
    0
    0
    صباح الخير يا اخوان ويا خوات موضوعي اليوم منقول من برنامج 6/6 مقدمه يوسف عالحميد الجاسم والضيوف المشاركين هم الشيخ أحمد الفهد والمحامي على البغلي والمحامي على الزعابي ، وما جاء بالموضوع والذي شدني اليه والاصغاء لهم بأن السؤال ( هل انت ولائك وانتمائك للكويت أم ولائك وانتمائك لبعض الطوائف ؟؟؟)
    صحيح في الاونه الاخيره لا نتكلم بأننا كويتيين قمنا نتكلم بأننا حضر أم بدو أو شيعي أو سني على العلم كلنا تحت أرض الكويت وكويتيين باعتقادكم لماذا جاءت هذه الفكره ومن المفروض التعديل يأتي من أين وكيف على هذا الفكر الذي قد يدمر هذا البلد وأتمنى أن لا يفهم الموضوع بالمعنى الخاطىء وأن يكون هناك روح المناقشه الطيبه لانها والله مشكله كبيره تدخل مجتمعنا بهذا الوقت ويجب ان يتم اصلاح هذا البلد من هذه الظاهره ونطلب الحلول والمناقشات المفيده .

    ولكم جزيل الشكر ،،،
     
  2. Shoomy

    Shoomy بـترولـي خـاص

    للاثنين

    يعني انا كويتيه وشيعيه
    شايله اسم الشيعه بديرتي وبرا الديره
    وشايله اسم الكويت باليره وبرا الديره

    يعني امثل الاثنين
     
  3. q8security

    q8security بـترولـي خـاص أعضاء الشرف

  4. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
    بالعكس فرفوشا موضوعج حيل حلو واللي يفهمه غلط غلطان

    الشاعر يقول

    الغرب يصنع طايرات وصواريخ *** والشرق الاوسط ضاع نفطه بلاشي
    حطولهم في صفحة العلم تاريخ ** واحنا بماضينا نعيد النقاشي



    هذا اللي يبونا اننا نلهى بموضوع

    وتلقينهم دايم يخلقولنا سالفه علشان لا جا الليل

    كل واحد يروح الديوانيه ويقعد يخرط بهالسوالف اللي دون براهين

    والغرب قاعد يصعد ومع الاسف حنا قاعدين نصعد على درج كهربائي نازل يعني بس نرفع الرجل الاولى ونبي نرفع الثانيه نلقى الاولى ردت لمكانها
     
  5. حنان

    حنان بـترولـي خـاص

    2,196
    1
    38
    فرفوشة مشكورة على هالموضوع انا بصراحة احس بانتماء غير طبيعي للكويت واحس ان اسم هالدولة اهو الدم اللي في عروقي مع اني " بدون" مو كويتية بس يكفي اني عشت فيها ولدت فيها تربيت فيها
    انا واهلي وعايلتي وكلنا يعني مااتصور حياتي بيكون في شعار ارفعه فيها غير الكويت
    حتن وانا شيعية بس شيعية وين؟ في الكويت
    ليش للكويت
    يعني الاهم الكويت بس هذا ما يعني اني ما امثل انتمائي الطائفي
    اصلا تدرين كل شي فينا المفروض يكون للكويت حتن بنقاشنا
    اسلوبنا
    كلامنا
    وحتى تعصبي الطائفي للكويت
    مشكورة ونسني موضوعج واااااااااايد
     
  6. frfosha

    frfosha بـترولـي مميز

    753
    0
    0
    بعد عمري حنونه اي هذا اللي نبيه منكم نبي كلنا نقول كويتيين وليس كويتي شيعي او سني او حضري او بدوي احنا كلنا واحد وكلن تحت على الكويت وعسى الله يحفظ الكل سواء ان كان كويتي او غير كويتي ، والله يا اختي انه في ناس غير كويتيين ولكن ولائهم وحبهم لهذه الارض غير طبيعي وعسى الله يحفظ الكل والجميع
     
  7. بترولي عتيج

    بترولي عتيج بـترولـي نشيط

    73
    0
    6
    مشغل غرفة تحكم
    الكويت
    كلنا نمثل وطن واحد وننتمي الى شئ واحد وهو دولة الكويت

    اللهم احفظ الكويت واهلها من كل مكروه
     
  8. SOS_KW

    SOS_KW بـترولـي خـاص أعضاء الشرف

    2,252
    0
    0
    عزيزتي frfosha بصراحة هذا البرنامج للتفلسف فقط ولا أرى به أي نوع من الديمقراطية .. واللي يقهر أكثر انهم مرات عديدة يتكلمون باسم الشعب ولا يستطيع أي أحد ان يرد كلامهم وذلك لعدم تخصيص رقم خاص للاتصال بهم حتى يرد عليهم الرد الصحيح .. وفيه نوع من الفتنة والتحيز لشريحة معينة في المجتمع ..


    بلادي وإن جارت علي عزيزة ... وأهلي وإن ظنوا علي كرام
     
  9. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    أعتز مهماصار إني كويتي عربي مسلم مع مصلحة الكويت في كل شيء و مع الفقير و المسكين و ربي حسيبي
    و الحكمة ضالة المسلم وين ما كانت فإذا جاءت من شخص من أي توجه و تتماشى مع المصلحة العامة و المباديء و بعيدة عن الشبهة فهي ضالتي
     
  10. ابو فاطمة

    ابو فاطمة بـترولـي خـاص

    1,204
    0
    0
    senior security
    في قلب عيالي
    الله يعطيج العافية على النقل و الطرح المفيد والموضوع الشيق
     
  11. frfosha

    frfosha بـترولـي مميز

    753
    0
    0
    مشكورين على المرور حبايبي كلكم ، بس يا سوس بالعكس هذا الشي ما فيه فتنه باعتقادي انه هذا واقع والكل عايشه وانا عجبني تدرين ليش حتى نوضح للناس انا لا ننجرف تحت افكار بعض هالاعضاء وانه المفروض كلنا نقول كويتيين بس واتفق معاج على سالفة انه باقي الشعب لا يمكنه الوصول او الاتصال على بعض البرامج المثاله والمهمه انا اعتبرها خلال بعض القنوات ويحاولون ان يكون هناك البعض باستضافتهم بس هم مرات ما نلومهم لانا في الاغلب يمكن ما يقدر يسيطر على اعصابه ويبدى يغلط بالكلام فيمكن يكونون ماخذين حذرهم من هالمواضيع
     

مشاركة هذه الصفحة