بيان الترقية بعد عام ديسمبر 2009

الكاتب : المتمكن | المشاهدات : 2,267 | الردود : 24 | ‏23 ديسمبر 2009
  1. المتمكن

    المتمكن بـترولـي خـاص أعضاء الشرف

    1,350
    0
    0
    الاخوه والعمال0000الاخوات العاملات


    يود مجلس ادارة نقابتكم ان يزف لكم بشرى موافقة الشركة
    على تعديل شروط استحقاق الترقيه



    من سنتيـــن الى سنـــه

    وقد تم ذلك بعد مفاوضات جاده اجتازت مراحل عديده ابتداء
    من ادارة الشركه وادارة المؤسسه ومعالى وزير النفط حيث
    استطعنا اقناع الجميع باحقية عمالنا فى هذا المطلب شاكرين كل
    من ساهم فى تحقيق هذا الانجــاز


    ونعدكم ايها الاخوه باننا سنبقى دائما على ما عاهدناكم عليه
    فى التوصل الى كل ما يخدم مصالح عمالنا من مكاسب وانجازات
    تنعكس بالخير على عموم العاملين مستمدين العزيمه والقوه من
    الله ثم منكم


    والله ولى التوفيق


    مجلس ادارة النقابه



    منقـــول من البيان اللى صدر من النقابه بتاريخ 22\12\2009
     
  2. المتمكن

    المتمكن بـترولـي خـاص أعضاء الشرف

    1,350
    0
    0
  3. Workers

    Workers إدارة المنتدى

    7,767
    30
    48
    ذكر
    الكويت
    وشدعوه بوحسن كان نزلت الكتاب : ).. الله يعطيك العافية على الخبر المفرح و بارك الله في جهودكم ..


    [​IMG]

    متى راح يعتمد رسمي ؟
    حسب مانعرفه ان الوضع الحالي بعد سنتين تستلم درجتك على طول وتكون نازله بالسستم
    بعد هالتعديل هل راح تنزل بالسستم للموظفين اللي صار لهم سنه ؟
     
  4. شبلودر 2

    شبلودر 2 بـترولـي نشيط

    147
    0
    0
    الف مبروووووووووووووووووووك ومنها للأعلى ان شاء الله وجزاك الله خير يا بوحسن على الخبرية الحلوة
     
  5. الفارس99

    الفارس99 بـترولـي نشيط

    145
    0
    0
    aaaa

    انجاز ......... تاريخي غير مسبوق.............. ونبارك لجميع العاملين ...... وللنقابة علي هذا الانجاز الرائع
     
  6. manoosh

    manoosh بـترولـي نشيط

    65
    0
    0
    يعطيهم العافية ما قصروا الصراحة
    بس عندي سؤال هل ينطبق هذا القرار على الموظفين الجدد ولا لأ؟
     
  7. الفارس99

    الفارس99 بـترولـي نشيط

    145
    0
    0
    نعم ..... يطبق القرار علي جميع العاملين ولم يتم استثناء احد
     
  8. الملك الظليل

    الملك الظليل بـترولـي جـديـد

    26
    0
    0
    الف مبرووك للجميع وبيض الله وجيهم هقوتنا فيهم كبيره ومنها لمزيد من الانجازات باذن الله
     
  9. _f_

    _f_ بـترولـي نشيط

    133
    0
    0
    هذا حق مسلوب مننا وانظلمنا بتأخر هذا الحق للحين وقلنا هالكلام من زمان والحين الابواق قاعده تطبل ونست الكلام كله.
    ليش الحين رجعتوها سنة ياجابر الخشم اقسم بالله انك ماتخاف ربك لا انت ولا ربعك
    بالبداية كننا نقول ان الشركة وبالتحديد سعد شبيب تلاعب فيكم وعرف شلون يقلل ميزات التسكين لكن بعد مانزلتوا بيان الحين وبالتحديد قبل الانتخابات انا اقول انكم متخاذلين ومتعاونين مع ادارة الشركة .
    علي بالكم ان هذا مكسب نقابي تضربون فيه القائمة الثانية وتنسون فيه حقوق الناس والامانه اللي برقابكم بعتوها بنقل من قسم الي قسم اخر وتعديل اوضاع والشاطر يفهم يابشر .
     
  10. _f_

    _f_ بـترولـي نشيط

    133
    0
    0
    تناقض كبير بين اللي نشوفه بالبيان وبين رايكم بقضية التسكين((( استطعنا اقناع الجميع بأحقية عمالنا بهذا المطلب ))) شلون اقنعتوا الجميع باحقية التسكين واحنا صارلنا سنة نقنع فيكم ولا واحد فيكم راضي يقتنع واذا ناسي ياجابر انت وجاسم وبجاد انذكركم .
     
  11. غريسو

    غريسو بـترولـي جـديـد

    39
    0
    0
    انا زعلان على النقابه لان طراق وايد قوي حيل حيل حيل الاراده حاطته في البرنامج الانتخابي جان نسقتوا وياهم قبل لا يطبعون البرنامج عشان المخاسير حرام هذا هدر واكرر هدر لفلوس الحطه او القطيه بس بالنهايه يهمنا الانجاز وشكرا لكم لاننا كلنا المستفيدين منا موظفين
     
  12. Workers

    Workers إدارة المنتدى

    7,767
    30
    48
    ذكر
    الكويت
    ممكن احد يجاوبنا اذا تكرمتم .. قبل ماتصير هوشه بينكم ونفلس .. !
    عدلت العنوان .. نفس الموجود في صفحة النقابة الداخلية بالشركة
     
  13. _f_

    _f_ بـترولـي نشيط

    133
    0
    0
    لا مخاسير ولا شي الناس كانوا مقتنعين بوجود خلل بنظام التسكين وحابين يعدلونه وربعك اللي للأسف هم الخسارة الحقيقية توهم نزلوه وانا اجزم ان اتفاق بينهم وبين الشركة علي تأخير هالاستحقاق الا ماقبل الانتخابات لضرب اي قائمة ونسوا انهم ضيعوا سنة كاملة علي العمال ... والله والله والله وانا صادق عند ربي هم يعرفون انهم علي باطل حسبي الله ونعم الوكيل فيكم ياقائمة التجمع واحد واحد صعدتوا علي ظهورنا ومثلتوا علي العمال النزاهة والعمل الشريف وانتم ابعد ماتكونون عنهم وتشهد عليكم الدورات النقابية لربعكم واللعب في التقارير السنوية والضغط علي العمال بسحب تواقيعهم في كتاب شكوي التسكين ولو تبي اكثر من هالفضايح اعطيك وروح استفسر عنها ولاتصير مع احترامي لك امعه تكتب وبس احترم عقلك وعقول الناس ونصيحتي لك حاول بعد ماتطلع من المنتدي شيل النك نيم مالك من الجهاز علشان لاتنفضح يا حبي
     
  14. بوشهد

    بوشهد بـترولـي نشيط

    59
    0
    0
    تبي الصج اف انته مثل الل قاعد ينطح الجبل بقرونه


    يبه لا تعتقد انك بس الذكي انته وربعك عشان تقول هذا انجاز وهذا لا


    احنا قلبي موظفين ونعرف الصح من الخطا ونميز لون النور من لون الظلام


    وانا صراحه اشوووف فرق كبير بين انصار التجمع العمالي وانصار المعتدله والتالف (الاراده حاليا) انصار التجمع كل موظف واعي فاهم طيب يعد الحق لو على نفسه والعكس صحيح مع احترامي للجميع ولا تزعل من هالحقيقه والكل شايف هالشي ويتحجى فيه

    ماقول الا الله يعينك على الوضع الل انته فيه
     
  15. الفارس99

    الفارس99 بـترولـي نشيط

    145
    0
    0
    aaaa

    فعلا..... كل عامل فاهم شنو الي قاعد يصير من هجوم غير مبرر اتجاة النقابة الحالية وهذا ان دل علي شى فيدل علي نجاح هذة النقابة ........ الي افعالها تسبق اقوالها...

    وحركات التظليل التى تمارس بالمنتدي ماهي الي دافع قوي ودعم كبير لانجاح النقابة الحالية
     
  16. المرعب

    المرعب بـترولـي نشيط جدا

    196
    0
    0
    يا هلا بالفارس صاحب الحركات الواضحه :)

    اولا احنا بشركه الكثير من عمالها فاهمين وواعين يعني كلمت تظليل يالغالي ما تصلح لهم

    الشئ الثاني يالغالي بالنسبه لإنجاز اخوانا في النقابه فهذا الإنجاز الكارثه ايضا ما يقل تأثير عن التسكين السابق

    يعني احنا كنا المفروض ناخذ الدرجات 2008 بالتسكين وعلى النظام السابق

    النقابه الله يحفظها نقلت المكسب الى 2009 علشان تضمن اكبر قدر لمكسبها اذا اسانا النيه فيها

    لكن نبي نحسن النيه ونقول

    الشركه ظللت النقابه مثل كل مره وسرقت سنه كامله من خدمتنا على الترقيه المسروقه مسبقاً

    وسلملم على النقابه اللي كل مره يظللونها الشركه :)
     
  17. ملك الاخلاق

    ملك الاخلاق بـترولـي جـديـد

    22
    0
    0
    السلام عليكم ..... الاخ المرعب اذا النقابه الحاليه اخرت المكسب سنه على كلامك اذا النقابه السابقه اخرته سنوات وضيعت للاسف مكاسب كثيره وأما المكسب الذهبي الاخير فهوه وسام على صدر كل شريف بالشركه ولا احد ينكر ذالك غير المكاسب الاخرى الله يجزي النقابه كل خير يشتغلون بكل ضمير وشكراا
     
  18. q8pic

    q8pic بـترولـي جـديـد

    36
    0
    0
    لم يكن انجاز بقدر ما هو تدارك خطأ !!!!
     
  19. المرعب

    المرعب بـترولـي نشيط جدا

    196
    0
    0
    وانا شعلي بالنقابه السابقه اخرته سنه ولا قرن

    انا علي باللي بحاسبه هالسنه وهو ما قصر فيني

    حول كل كل مطالبي وانجازاتي الى كوارث

    ونعم هي وسام علي جبين كل عضو بالنقابه بيحاسبهم رب العالمين عليه

    وسلملم
     
  20. ammonia

    ammonia بـترولـي جـديـد

    7
    0
    0
    ما شفنا شئ

    السلام عليكم هذا المكسب متى يطبق وهل هو باثر رجعي ام بعد الميزانية هذا السؤال لاعضاء النقابة
    فأرجو الاجابة عليه وشكرا
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    8,655
  2. المحرر النفطي
    الردود:
    0
    المشاهدات:
    8,199
  3. المحرر النفطي
    الردود:
    0
    المشاهدات:
    6,190
  4. قائمة_التجمع_العمالي
    الردود:
    0
    المشاهدات:
    296
  5. قائمة_التجمع_العمالي
    الردود:
    0
    المشاهدات:
    2,294

مشاركة هذه الصفحة