30 صفحه .... ترى قوية يا شباب حيل قوية

الكاتب : alighsaad | المشاهدات : 1,440 | الردود : 18 | ‏19 ديسمبر 2009
  1. alighsaad

    alighsaad بـترولـي نشيط

    131
    0
    0
    30 صفحة انجازات في سنتين يعني 15 صفحه بالسنة يعني بكل شهر صفحه وربع لسرد انجازاتهم ... ترى حدث العاقل بما يعقل ............ ذكروني بمسرحية حامي الديار لمن سعد الفرج وخالد النفيسي يتحدون بعض بالجذب ... واحد يقول الكويت كلها بتصير قطارات ... والثاني يقول له الحداق بيصير بمدينة تحت الماي .. يعني بدل ما تقط خيطك حدر .. تقطه فوق.....
    عيل الجمود الوظيفي بالدوائر ... شخباره
    وحرمان الموظفة من تذكره لمرافق .... شصار عليه
    وحرمان اللي ترقوا من درجة 16 الى 17 من الاوفر تايم وطلعت عليهم اغلى من بيع السوق ..
    ومكاتب الادرايين اللي كأنها بسطات سوق الجمعه بالمبنى الجديد ..... والموظفة ما تعدل ملابسها أو حجابها إلا والعالم مخازز .... شنو مو خواتنا .. مو لازم ظمن انجازاتكم يا حلويين
    والدورات الخارجية اللي تنعطي لواحد سنوية وللثاني كل 4 سنوات مرة .. واحد يروح ماليزيا والثاني بالكحه يروح البحرين ... واحد يروح اسبوع والمرضي عنه يروح اسبوعين ...
    الترقيات اللي محد فاهم متى له حق يترقى ومتى لازم ينطر .. واحد ترقيته عالبراد وخلال 8 أشهر من ترقيته السابقه والثاني يقولون له انطر 3 سنوات عشان تستحق وان جبت استثناء نخليها سنتين ونص ........ أكمل يا .......... والا كفاية

    هذا غير انجازات نقابة البترول اللي عمت القطاع النفطي واللي مسجلينها بأسمكم ... حتى والله اخاف تجينيا منحه اميرية تقولون أنكم مقدمين أقتراح فيها
    وكله كوم والاقتراحات المرفوضه اللي كاشخين فيها ... عشان يقولون طالبنا لكم بس الجماعه ما عطونا ويه ...

    ملاحظه : عمر الشركه ما فتحت احظانها للنقابه بحيث تفتح لها مجال عالبوست ماستر لأجل تنشر إنجازاتها مباشره للموظفين ......... شنو ها الدعم اللي هالمرة أنفتح لكم يا إئتلاف .... وشنو الثمن

    علي العلي
     
  2. العامري

    العامري بـترولـي نشيط جدا

    والله هذا اللي انا موفاهمه ولا الباقي ندري انه ماكو شي بس شلون فتحوا البوست ماستر للربع في الاتلاف ممكن احد يوضح لنا ؟؟؟؟؟؟؟؟؟
     
  3. Lag

    Lag بـترولـي نشيط

    94
    0
    0
    وعشرين موضوع في اسبوع ,,
    قوية والله قوية :)
     
  4. alighsaad

    alighsaad بـترولـي نشيط

    131
    0
    0
    وانت الصادق عشرين خابور ............. واللي جاي أشد .. وما شفت منك رد يا "لاق" ...... وإلا ..اسمك منعك تكمل تعليقك

    ترى المبارزات ما تحصل الا قبل المعركة ......... وبحيل ربي محسومة النتيجة ... لصالح عمال شركة نفط الكويت "العمالية" ضد الادارة ممثلة بمنتخب الإئتلاف


    علي العلي
     
  5. Lag

    Lag بـترولـي نشيط

    94
    0
    0
    الله الله شفيك ياخوي ,,معصب :) نتشاقا معاك بس :)
    انا ما افهم بالانتخابات ولا النقابة ,, بس اللي اعرفه انك اذا كنت مفتاح انتخابي ,, مو بهذا الاسلوب تكسب الناس
    بس ولا يهمك ,, راح اهتم بمواضيع الانتخابات ,, ولكن في الخندق المقابل :)
    بس والله حبي لاعضاء العمالية يمنعني اكون في الخندق المقابل , لهذا السبب بصير حيادي في المقصورة المقابلة
     
  6. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    اللـه يعيــن الكيبــورد عليـك عزيزي :D

    أستـاذي كــلن يــري نفسـة أنـه صـاحب أنجـاز

    يمكـــن فـي أشخـــاص غيــرك يرون أنها أنجاز للمــوظف

    قدمـــت وجهـة نظــرك هنــا وإن شــاء اللـه نشــوفك بالسـاحة الأنتخابيـة تواجـة القائمــة بأنتقـاداتـك الفعــالة :cool:
     
  7. alighsaad

    alighsaad بـترولـي نشيط

    131
    0
    0
    معلش ... يمكن بالغت بالرد .......... بس السموحه .. ترى المدة اللي فاتت ... كل واحد يدخل بنك وبدل لا ينقد الكلم .. يتكلم بالشتايم .... فصار عندي حساسية من النكات اليديده ......... عموما اختار الخندق اللي تقتنع فيه

    انا اشوف الائتلاف ... مو مال من يصوت لهم ... والعمالية رغم عيوبهم الكثيره لكن فيهم أمل ... ومحد له سلطان على عقلك وتفكيرك

    اعتذر منكم مرة ثانية

    علي العلي
     
  8. ابوو علي

    ابوو علي بـترولـي جـديـد

    21
    0
    0
    السلام عليكم ورحمه الله ,,

    يا اخوي علي انا بعرف انت شنو اللي ذابحك وترا كلها انتخابات والائتلاف اكبر واحسن قائمه بالانجازات وانت بوجهة نظرك انها قائمه ماانجزت شي , بس العكس صحيح وانا اتوقع انك مريض نفسي والا مافي احد يقول الكلام اللي تقوله انت يا انك مفتاح انتخابي مع العماليه والا انك .....؟
    انا اقول الله يشافيك انشالله , وادعووو لأخونا علي بالشفاء من العقده النفسيه والغيره من الائتلاف ,,

    الائتلاااااااااااااف اذا تحدى ما يخاف .

    قدام يالائتلاف والله يوفقكم وانشالله 15 كرسي بأذن الله
    .
     
  9. alighsaad

    alighsaad بـترولـي نشيط

    131
    0
    0
    أولا ... شكرا على دعوتك لي أن الله يشفيني

    ثانيا ... الانتخابات والديمقراطية وضعت للنقد .. وكشف ورق الخصم .. فأن كنت لا تحتملها .. خل الساحة لغيرك يا حلو ..

    ثالثا ... عمري ما قلت انهم ما انجزوا ... انت الظاهر تقرأ الكلام بالشقلوب ... أنا أقول غالبية انجازاته مصطنعه ومن فعل غيرهم ... وفوق هذا اقول انهم من تنظيم الادارة .... وأنا اللي قراره مو بيده ما اشوفه كفؤ يمثل عمال شركة نفط الكويت

    رابعا واخيرا .. أشوف لهم مصالح خاصة تصب لعائلة معينة أكلت ترقيات شركة نفط الكويت وتركت للباجي الفتات

    وأختم ... بالدعاء لك انه يفتح لك بصيرتك ... لانك إما ...عارف الوضع ومستفيد ... أو تطبل مع المطبلين بغير وعي

    علي العلي
     
  10. علميني الحب

    علميني الحب بـترولـي نشيط جدا

    365
    0
    0
    كتبت ومسحت وكتبت ومسحت
    وحسيت خساره الرد لأني أدري
    ماراح ترد على كلامي
    إما تنحاش لموضوع جديد أو تنتظر أحد المطبلين يرد وتعلق على كلامه

     
  11. kuwaiti_965

    kuwaiti_965 بـترولـي جـديـد

    38
    0
    0

    علميني الحب الله يعطيك العافية

    بس انا عندي انتقاد عليك شخصيا

    انا مادري ليش معور راسك بالردود على النك نيم علي العلي

    انت والاخ محمد المذن تركوه خله يولول لين تروح السكره وتجي النتايج تصحي النايم من سباته

    انا اشوف يا جماعة الخير انه اللي يتابع المنتدى راح يشوف امرين لا ثالث لهم

    الاول راح يشوف انه الاخ ينب.... لين يروح صوته وماحد حوله يعني ماحد يقراله

    الامر الثاني : واضح انه عاجب اصحاب المنتدى وخاصة انه يطبل على موالهم
    فاتركوه لا خير فيهم
     
  12. العامري

    العامري بـترولـي نشيط جدا

    فعلا كل اناء بما فيه ينضح شنو الأسلوب هذا علي العلي تقدرون تردون عليه بأنجازات الاتلاف بس انا عرفت ليش تعمدتوا الأسلوب هذا لان اللي ما عنده شي يبدا يسب ويعتمد الاسلوب هذا
     
  13. صريع النقرور

    صريع النقرور بـترولـي نشيط جدا

    152
    0
    16
    100 % معاك بهالنقطه الي ما عنده شي على الرجال وافعالهم يبدى ينزل مواضيع تافهه جدا ومالها داعي اما بالنسبه لانجازات الائتلاف اكيد ما تخفى عليك ولا على اي احد وهي بالفعل نقابة الانجازات والوصول للافضل ان شاء الله والائتلاف انا اشهد انا مافيهم شكه
     
  14. محمد المذن

    محمد المذن بـترولـي مميز

    694
    0
    0
    لا الريال ماسك على الاتلاف وايد شغلات مثل ليش خيمتهم ب 30 الف لي الانجازات 30 صفحه زين مايسأل ليش حاطين المقر يم السينما ليش مو مكان ثاني :)
     
  15. under maintenance

    under maintenance بـترولـي نشيط جدا

    453
    0
    0
    و عليكم السلام و رحمة الله و بركاته

    اخوي ابو علي كيف الحال

    اعتقد الجواب على سؤالك انت راد عليه بنفسك

    لانه الي ذابحك , ذابحه
    اذا بتسأل شلون بقولك دفااعك عن ربع حق مشروع لك مثل ما انتقاده لهم حق مشروع له
     
  16. under maintenance

    under maintenance بـترولـي نشيط جدا

    453
    0
    0
    يا محمد
    الله يرحملي والديييييييييييييييييييييك ركز عجزت و اقولك ركز و انا اخوك مو راضي

    انا الي كاتب ال 30 الف :D
     
  17. under maintenance

    under maintenance بـترولـي نشيط جدا

    453
    0
    0
    اخي العزيز ناصر

    حاول ترتقي باسلوبك, اضرب بمثل ما تضرب به, اما الاسلوب الغير مقبول به حتى نفسك ماترضاها على نفسها هذا الاسلوب.

    و ان كان احد معور راسه فاهو انت يا اخي لاترد على الرجال
     
  18. محمد المذن

    محمد المذن بـترولـي مميز

    694
    0
    0
    ماطاح الى انبطح نفس الاسلوب نفس الفكر نفس التوجه ماتدري اذا نفس الشخص
     
  19. under maintenance

    under maintenance بـترولـي نشيط جدا

    453
    0
    0
    الطياره طاحت من السما شلوووووووووووووووووون!!!!

    المشكله انك تسوي نفسك فهلوي و انت حدك اداه و بالانجليزي TOOL و بالفرنسي outil و بالايطالي strumento

    فهمت ماماتي انته ولا لا ؟؟؟؟ ادري لا
     
جاري تحميل الصفحة...

مشاركة هذه الصفحة