هل مسؤولك المباشر و الغير مباشر يأثر في تصويتك ؟!؟!؟!؟

فرق كبير بين الولاء لطرف ...... وبين استغلالك لمنصبك لنصرة توجهك ... بس شتقول لهم ... وأن قلت ... بيفهمون ؟؟

 

انت تبي تسأل انه هل مسؤولك يأثر بتصويتك وله تبي تقول انه فيه تيم ليدر قال صوتو للاتلاف مبينه يالحبيب حط موضوع للنقاش مو للهجوم

 

يا اخي الرجل ما غلط عليك شماله الاسلوب الطفولي الي تستخدونه بالمنتدى بس ودي اقولك ان في موضوع كان كاتبه الاخ زياد المطيري بالمنتدى عن الاسماء المستعاره تراه مفيد جدا يا ليتك تقراه لانك راح تتعلم منه امور كثيره تفيدك

 

سلامة جبدك يا بعد جبدي
شكو التيم ليدر مبسط بالنقابه في ديسمبر 2007 ويطلب للإئتلاف
مع العلم هالوقت كانت المعتدله متربعه بالنقابه
الظاهر إنك سمعته غلط
وبعدين إذا إذا إذا كان كلامك صحيح
فشي زين إنه يطلب للقائمه كلها
مو اللي نشوفه ونسمعه الحين
كل واحد يطلب لنفسه
وأعتقد فاهمني منو أقصد

 

والله معاك حق والله السنه هذي بنشوف قطع مو طبيعي ان شاء الله لا وأبشرك والله بوادره باينه بين كتلتين في الأتلاف و الكلام هذا انا مسؤول عنه

 

انا اسمي مستعار طال عمرك لان ادري في ناس شرواك ماتثمن كلامها بالمنتدى وتحتاج مرات انك اترد عليهم فما يحتاج اني ادخل باسمي الحقيقي واخلي الناس تاخذ عني فكره عشان ناس شرواك بعد مره : ) موفق

 

صـراحـه شي مخـجل تدخل أفراد من الإداره في إنتخابات العمـال ..

وبالضغط على موظفينهم للتصويت لصالح .. قائمة الإداره ..

أعتقـد لازم تكـون هناك وقفـه من العمال تجاه هذي القائمه إذا كان هالكلام صحيح .

واللي أعتقد أنه صحيح لأن فيه أخبار شبه أكيده أن فيه أثنين من DMD قاعدين يحاولون يساعدون هالقائمه بالبقاء فتره قادمه.

وبالأخير أتمنى أن العامل يشوف مصلحته ويصوت للقائمه الأفضل .. لكي لايكون لسان حاله قائلاً :


يا أعدل الناس إلا في معاملتـي *** فيك الخصـام وأنت الخصـم والحـكم

 

الله يعطيكم العقل ,, انا بعرف الحين التيم ليدر شكوو بالموضوع يعني اذا قاله عط الائتلاف راح يعطيها يعني , اقسم بالله ان عقولكم صغيره بس الواحد يترفع عن السوالف هي ,, وانا للمره المليون اقول ان كل واحد فيكم ينتقد الائتلاف او يتكلم عن انجازاتها ما يدري وين الله قاطه , هذي اكبر نقابه بالانجازات .

بالتووووووفيق يالائتلاااااااااااااااااااااااااااااااااااف

15 كرسي بأذن الله

 

ما أصدق لأن هذا الأسلوب معروف من قبل
بس أقولك ما ترمى إلا الشجره المثمره

كتلتين تقصد الكنادره والشيعه
هذا من ناحية عدد الناخبين عندهم
وتقول الكلام انت مسؤول عنه يعني سامعه
فأنا أتحداك تذكر اسم شخص سمعته يتكلم بهذا الكلام
لأن الإلتزام بينهم قائم ولا تهده الشائعات
وقلت لمعلمك اللي مسمي نفسه علي العلي لا يضرب على هالوتر
لأنه وتر فاشل والرجال ملتزمه بكلامها

إي والله شي مخجل اشوف واحد توه مسجل وطايح شطح ونطح بخلق الله وينتقدهم
كثر مشاركاتك عشان يعتقدون أنك زبون قديم عندهم
بس ممكن تقولي منو الأثنين DMD اللي قاعدين يساعدون الإئتلاف
خلوا عندكم جأه شوي وأذكروا أسماء عشان يمكن نغير راينا وتوجهنا
لا تخلون الكلام مبهم
مو تبون تستقطبون الناس للعماليه
لازم تذكرون مساوئ الإئتلاف بالأدله
وتذكرون محاسن العمالية بالأدله
عشان الناس تغير توجها
لأن الناس يبون الصالح لهم
تدري أحلى ما في مشاركاتك شنو
البيت اللي كاتبه

 

المفروض على اصحاب المناصب القياديه في الشركه عدم التدخل في هذه الامور لانه راح يدش في خلافات انتخابيه الافضل انه يتم محايد ويروح الصندوق ويختار الى يبيه

لا يوقف في اي مقر انتخابي ولا يحط نفسه بموقع يكسبه عداوت انتخابيه

وجه نطر

ولكم جزيل الشكر

 

أسلوبـك مو أسلوب واحـد يستـحق الـرد عليـه ..

وأتمنـى ما يكون لك رد على مداخلاتي ..
أو أرتق بأسلوبك عشان الواحد يقدر يخاطبك بنفس الدرجه اللي هو متعود يتناقش فيها مع الناس

 

لا يجرمنكم شنئان قوم على ان لا تعدلو

بسم الله الرحمن الرحيم

الحمدالله والصلاة والسلام على رسول الله

ثم اما بعد فبعد شكر الاخ الفاضل ابا عبدالله العتيبي الذي قد نبهني على ايراد بعض اعضاء المنتدى لاسمي بشكل خاطئ فكان لزاما علي ان ابين

بالرغم من اني قد قطعت على نفسي عهد ان لا اخوض في هذه الفترة في المنتدى حيث يكثر الرويبضة والمتكسبين من لا يملك من الحياء ما يمنعه عن الاسفاف في الطرح

ولكن يجب علي ان ابين الامر بشكله الحقيقة

ولكن اوجه نداء للاخ العزيز مسوي زحمة والشارف فاضي ان يدخل هو ويبين حقيقة ماحصل في ذلك الموضوع فقد بينت له كل شيء وبالادلة الدامغة

فسأنتظر رد الاخ مسوي زحمة ان يشهد شهادته في هذا الموضوع وانا اعلم عنه علم يقين بامانته في الشهادة

وللاخ الفاضل الذي اورد اسمي فلا ترمي الناس بالباطل قبل ان تتأكد من حقيقة الامر