ألم أقل لك ....أنهم قوم بهت

الكاتب : alighsaad | المشاهدات : 1,190 | الردود : 12 | ‏17 ديسمبر 2009
  1. alighsaad

    alighsaad بـترولـي نشيط

    131
    0
    0
    وأنا اقرأ بالمنتدى تذكرت قصة إسلام الصحابي عبد الله بن سلام وباختصار أقول القصة:

    كان الصحابي الجليل من علماء اليهود فلما اسلم طلب من رسولنا الكريم كتمان الأمر عن اليهود وسؤالهم عن رأيهم به...... فقالوا سيدنا وابن سيدنا وعالمنا وابن عالمنا ...... فخرج الصحابي من خلف الستار وأعلن إسلامه فقالوا: جاهلنا وابن جاهلنا .. سفيهنا وابن سفيهنا .. فضحك عبد الله وقال لرسولنا الكريم : ألم أقل لك أنهم قوم بهت.

    هذه القصة قفزت لذهني بمجرد ما شفت التطاول على عضو بالعمالية.. قدم خدمات جليلة للائتلاف بالماضي وخدمهم لكنه لم يرشح نفسه معهم .. وهذا العام باسوا أيده عشان ينزل معاهم لكنه رفض لأنه شاف منهم أمور ما ترضيه .. ورفض عروضهم وقال انه ملتزم مع عائلته وملتزم بطريقة عمل القائمة العمالية... فكان الأمر كما في القصة ... الهجوم عليه والتجريح فيه وانه خائن للمبادئ ويجيب أصوات للعمالية عبر مرضيات من المستشفى.. والسؤال هو
    هل العامل الكويتي رخيص في نظركم ليقبل الرشوة بمرضية ويغير قناعته ؟؟!!
    هل أسلوب الشخص –إن كان كذلك-في كسب الأصوات حلال لكم وحرام للعمالية ؟؟ّ!!
    لكن الجواب كما قال بن سلام لرسولنا الكريم ...... ألم أقل لك أنهم قوم بهت

    سؤال أخير في بالي .... اسم الائتلاف هل له صله بالقائمة الأتلافية التي تعمل بالجامعة ومدعومة من التيار سيء الصيت المسمى بالحركة الدستورية "حدس" أم أن الإخوة بالقائمة تعطلت أسلاك الإبداع عندهم فلم يجدوا غير هذا الاسم عنوانا لمشروعهم الآيل للسقوط

    علي العلي
     
    آخر تعديل: ‏17 ديسمبر 2009
  2. 4649

    4649 بـترولـي نشيط جدا

    180
    0
    16
    يعجبني اسلوبك في الكنابه اخوي علي

    وللأسف كل ماله صله بحدس فهو سيئ ولا يستحق ان يمثل احد
     
  3. مهموم

    مهموم بـترولـي نشيط جدا

    261
    0
    0
    تسلم يااخوي العلي وفعلا ماله داعي رمي التهم جزافا من اجل اختلافه معهم ويليت الكل يفهم معنى الشرف في الخصومه ونتناقش فيما ينفع العامل ونبتعد عن التجريح والامور الشخصيه وفي النهايه نبقى كلنا اخوان
     
  4. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0


    الغريب يا استاذي الفاضل

    أنهم بهتو المرشح نصار المطيري في كثير من الامور وللاسف أن أحد أتباعهم اول مشاركة كانت في اضافة موضوع يتكلم في الرجال

    وهم إلى الآن آثارة الطيبة لتزال معلمه على الاتلاف ..... خصوصا المقر إلي جابة لهم الدورة الماضية .... ولي تعاقدو معاهم للمرة الثانية .... كان عن طريق الاخ نصار .....ولي جاب نفس المقر للعمالية

    لكن هل يستطيع الاخوان في الاتلاف ان يسكتوا أفواة الصبيان عن المساس بالرموز... خصوصا أنه كان بينكم عيش وملح في يوم من الايام
     
  5. صريع النقرور

    صريع النقرور بـترولـي نشيط جدا

    152
    0
    16
    مساك الله بالخير اخوي علي العلي
    انا لاخر لحظه وانا احاول اني ما ارد على مواضيعك وللعلم نصار يبققى اخ وعزيز ولكن انا بسالك سؤال واتمنى الاجابه هل نصار قال هالكلام الي معلملك عليه بالاحمر هل نصار قال ان الائتلاف باسو ايده وحاولوا فيه ان ينزل معاهم ؟؟؟
    اتمنى ان تجاوبني على السؤال بس مو اكثر
     
  6. صريع النقرور

    صريع النقرور بـترولـي نشيط جدا

    152
    0
    16
    هلا اخوي مسوي زحمه
    انا اقولك الاخ نصار محشوم ولكن حبيت ابينلك شغله لكي لا نبخس على قولتهم مجهود العالم الي اشتغلت بالانتخابات السابقه المخيم الي تعب فيه هم اثنين 1 . فهاد القحطاني 2. سالم العازمي
    وما انكر دور نصار بجمع بعض الاصوات من المستشفى
    بس خلنا نتفق على شي انا معاك الي راح يوصل للنقابه هالسنه يكون هو الافضل بالنسبه للعمال والا شرايك
     
  7. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0
    أكييييييييييييييييييييييييييييييييييييييييييد
    طال عمرك

    ولتوضيح:
    قلت إلي جاب المقر من الشركة المنفذة
    ما قلت إلي قام على المقر
    ودليل أنها شركة طيبة وشغلها سنع تعاقدو معاها مرة ثانية


    ولتنويه:
    شنو تقصد بجمع الاصوات من المستشفى

    أخوانك الموظفين إلى في المستشفى مهم إمعات يقودهم أحد
    لهم راي وفكر .... للأسف إذا هذا تصورك عنهم .... أو هذي سياست ربعك .... تجميع وجيب أصوات
    الانتخابات فكر .... وراي ..... وديمقراطية ..... ما هي .............؟

     
  8. صريع النقرور

    صريع النقرور بـترولـي نشيط جدا

    152
    0
    16
    واليييييييييي يا اخي انت منين تفهم من الي قال امعات لا محشومين العالم وفيهم الي اخير مني ومنك
    بس والله اني طلعت يالغالي مخدوع فيك ودام هذي طرقتك واسلوبك بستعطاف الناس انا ماني راد عليك انت بعد بس تاكد ان العالم كلها تفكر زين ولا تحسب ان بكلامك الفاضي وتفسيراتك الفذه صراحه بتكسب تايدهم بالنهايه الصندوق الي بيفصل وبيرجعون اخوان وكل شي يتم على وضعه الطبيعي ان شاء الله : )
     
  9. صريع النقرور

    صريع النقرور بـترولـي نشيط جدا

    152
    0
    16
  10. صريع النقرور

    صريع النقرور بـترولـي نشيط جدا

    152
    0
    16
    ولا راح اتجاوب يا اخ علي العلي عشان بس اتعرف ان كلامك ما خوذ خيره
     
  11. علميني الحب

    علميني الحب بـترولـي نشيط جدا

    365
    0
    0

    تطاااااااااااااااااااول سويتها تطاول وهي إنه كتب عنه موضوعين بس
    الأول ليش غير مبدأه من الإئتلاف للعماليه
    والثاني الأخ صار يعرض خدماته لطبيات لرايح والجاي
    صارت تطاول
    الله يعين اللي قاعد تشهر فيهم بالمنتدى ما ادري شتسميها
    لأنها تعدت حدود التطاول
    وعشان اريحك شنو الخدمات اللي سواها نصار عشان نناقشها
    ترى كل اللي سواه وقف على الباب يوم الأنتخابات بس
    محد قال حرام وحلال كل إنسان وله طريقته بس مو حلوه تنزل بقائمه وتطلب لنفسك وتترك ربعك
    وبعدين سالفه جديده هذي باسوا أيده
    اللي اعرف غير بس أتمنى تقولي منو مصدر هذي السالفه عشان نعرف نرد
    وبالنسبه للأسم أقولك نام وارتاح مع العلم أدري إنه موال جديد حاب تشطح وتنطح فيه
    بس أقولك هذي الإئتلاف مو الإئتلافيه
    يعني فيه فرق ولا تنتمي له



    أول مشاركه سأل ليش غير توجهه وما أعتقد بهت بشي إذا كنت تفهم معنى البهت
    وشنو الأثار اللي ما تزال معلمه بالإئتلاف ؟؟؟؟
    والمقر أعتقد إنه من الشركه العالميه وفلوسه دافعتها القائمه ما جت عانيه من نصار
    والصبيان وأتمنى أنها تسكت لأنه معروفه وواضحه
    وأغلب الناس مللللللللللللللللللت كتاباتهم
    والدليل إنها تدخل تقرأ وتضحك بأستهزاء على العقليه
    ومحد أنكر من الإئتلاف العيش والملح
    وإذا كنت ما تعرف بأسرار الأمور أنصحك تسأل نصار شنو اللي صار عشان تعرف
    بس لا تقذفون الناس
    لأنها بأعناقكم يوم القيامه
     
  12. under maintenance

    under maintenance بـترولـي نشيط جدا

    453
    0
    0
    بالنسبه للدعم قبل اي نعم لكن الحين اشك بالامر و اعتقد ما تعدي عليك هذي الامور اكيد فاهمني
     
  13. under maintenance

    under maintenance بـترولـي نشيط جدا

    453
    0
    0
    انت وقعت بيد من لا يرحم فهمه من شمال ليمين بالانجليزي ياعيني :)
     
جاري تحميل الصفحة...

مشاركة هذه الصفحة