أقدر أشتري سيّاره ب20 دينار>>>>منقول

الكاتب : Bent_Abooha | المشاهدات : 661 | الردود : 8 | ‏16 ديسمبر 2009
  1. Bent_Abooha

    Bent_Abooha بـترولـي نشيط جدا



    السلآم عليكم ورحمة الله .{

    مستغربين ؟

    كملوا معآي للآخر ..

    الموضوع مو ممل .. !

    ف عطوني من وقتج ربع ساعه بس .. }

    ،

    أقدر أشتري سيّاره ب20 دينار . بس ؟
    طبعاً لا ..

    السياره يبيلهااا 5 .6000 ع الأقل .!

    أقدر أشتري بيت ب 700 دينار ؟


    طبعاا طبعا لآ .. يبيلي 80 الف ع الاقل وخصوصا الحين وبوقتنا هذا

    طيّب ؟

    أقدري أشتري الجنّه ب20 دينار ؟


    ءي والله أقدر .. مع الاخلاص واحسان الظن بالله !

    شفتوا شلون احنااا مو حاسين بعظيم نعمة الله عليناا ...

    انا هنااا حابّه اقولكم عن أسرتين .. ذاقو من التقشف كثير .. وبختصرلكم معاناتهم .. لأن بالنهايه انتي لا حبيتي تسوين لهم استقطاع بتشوفين بعيونج ومحد يقولج ! [ وهذا الشي اللي طول عمري كنت اتمناه ] !

    مو لشي ..

    الا عشان استشعر قيمة الصدقه اللي اشوفها قليله لكن تأثيرها عظيم عظيم عظيم والله العظيم !

    ..


    العائله الاولى :

    تُدعى أسرة أم لطيف .. وهم ام واب وولد .. من فئة البدون .. الام والابو كبار في السن .. ومع هذا اهم اللي يشتغلون ويجيبون قوت يومهم [ لاحظوا قوت يومهم ! يعني ينامون وهم متكلين ع الله في بكره ] وشنو شغلهم ؟
    تجميع الصفائح المعدنيه والخبر وبيع الخيشه ب400 فلس !!

    يا الله !
    400 فلس ؟
    هذي نشوفها طايحه بالصاله مانلقي لها بال !
    اللهم لك الحمد كما ينبغي لجلال وجهك
    طيب وين الولد ؟ مو المفروض يراعي امه وابوه ؟
    ؟
    الولد معاق وشاء الله ان يُخلق بدون عينين !
    مُقعد بالبيت وينتظر المسنين يجيبون له قوته

    ..

    { سآرعوا الى مغففره من ربكم وجنة عرضها السموت والأرض }


    نجي للعايله الثانيه :

    وهي لأرمله اسمها [ عايشه ] .. تسكن في مكان لايصلح للسكن .. لكنها مضطره لضيق العيشْ .. وفوق هذا قايمه ع والدها المُقعد اللي تشيله وتحطه وتعتني فيه .. وهي اساساً مريضه بالسكر ...
    ولاننسى ان الرسول صلى الله عليه وسلم قال : { (( الساعي على الأرملة والمسكين , كالمجاهد في سبيل الله " وأحسبه قال "
    وكالقائم الذي لا يفتر وكالصائم الذي لا يفطر )) متفق عليه

    منو منّا مايحي يكون صائم طول النهار قائم طول الليل ومجاهد ف ي سبيل الله .. كل هذا ب10 دنانير بس !
    يا الله ..

    وش كثر ال10 لها قيمه في مثل هذا ..

    واحنا نصرفها ع اقل اقل شي ..!

    ونقول دايم [ العشره ماتقعد ! العشره كنها دينار ] !

    ؟

    وين وصلتوا في تأنيب الضمير عقب كل هذا ؟

    نفسي اللي تصرف الاموال ع غير حاجه .. وفيه غيري يبكون من الحاجه !

    اُسر عفيفه مايبين عليها ابد {
    ..

    بقى اذكركم بقوله تعالى : { إن تبدوا الصدقات فنعما هي وإن تخفوها وتؤتوها الفقراء فهو خير لكم ويكفر عنكم من سيئاتكم والله بما تعملون خبير "271").

    ..

    الجنّه تنآديلك ...
    تشتاق لك ؟

    والله تعالى قال : { لن تنالوا البرّ حتى تنفقوا ممّا تحبون }
    ..

    ملاحظه /


    الأسرتين تابعين ل لجنة الاصلاح الاجتماعي في غرب الجليب [ عبد الله مبارك ] وانا من قبل كنت ما اروح الا حق لجنة احياء التراث

    بس دام انّي كلتهم وشفتهم وعرفت اني اقدر اشوف بعيوني فلوسي وين تروح ..

    عزّمت ع انفاق ما إستطعت انفاقه ع اسرة ام لطيف واسرة عايشه ..
    .

    وحتى لو تبون عنوانهم تقدرون تاخذونه وتروح لهم لحد مكان السكن .. وبعد تقدرون تعطونهم صدقات عينيه [ طعام او كسوه او اثاث او فرش ...الخ ]

    ..

    بسرعه سابقي نفسج واعيني غيرك حتى يعينك الله ..

    ..

    هذا رقم الأخ [ ابو محمد ] ولكم الاختيار بين الجنه وماقرب اليها من قول او عمل .. وبين التكاسل وعدم الرغبه بالجنه

    99557008
    ..

    دعواتكم
     
  2. smile

    smile بـترولـي جـديـد

    19
    0
    0
  3. Disele

    Disele بـترولـي نشيط

    64
    0
    0
    جزاكي الله خيرا

    والدال على الخير كفاعله
     
  4. Bent_Abooha

    Bent_Abooha بـترولـي نشيط جدا

    يجزانا وويجزاك ان شاء الله ووويعطيك أللف عافيه على مررورك :)
     
  5. Bent_Abooha

    Bent_Abooha بـترولـي نشيط جدا

    يعطيك العافيه على مرورك وتشجيعك اخي الكريم :)
     
  6. reznama

    reznama بـترولـي مميز

    الله يفرجها عليهم وعلى كل محتاج ..

    بارك الله فيج

    ..
     
  7. GatePass

    GatePass بـترولـي نشيط جدا

  8. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT
    جزاك الله خير ...

    كل ما قلته صحيح ..
     
  9. سياسي محنك

    سياسي محنك بـترولـي نشيط جدا

    يعطيج العافيه على النقل وجزاج الله الف خير والله يفك كربة كل مسلم .

    تقبلي مروري وان شاء الله بتلقينها في ميزان حسناتج .
     

مشاركة هذه الصفحة