شيعية وسني% سنية وشيعي(حرام وعيب ومايصير)؟؟؟

الكاتب : حنان | المشاهدات : 3,479 | الردود : 46 | ‏16 ديسمبر 2009
حالة الموضوع:
مغلق
  1. حنان

    حنان بـترولـي خـاص

    2,196
    1
    38
    السلام عليكم ورحمة الله وبركاتة
    موضوعي مختلف مو منقول اهوا واقع بين اشخاص اعرفهم
    يمكن شوي يكون فية جراة ما تعودتوها مني بس مرات الادمي يبي يعرف ارااء الناس يمكن يكون فية براية غلط
    يشوف وجهات نظرهم بعد يمكن يكون راية مبني على شي غلط
    مابي ندخل في شي غير هالموضوع خلونا نتناقش بعقل
    لي وصل الموضوع لي اشياء مو حلوة ولا زينة اتمنى انة الادارة تسكر الموضوع
    بس فيني ثقة ومتاكدة ن هالشي انكم كبار الكل كبار بالعقل ان شالله
    الزواج سنة وشي اساسي للبنت والولد
    سبحانة ربي حلل هالشي ولا في اسس حق الزواج اقصد بكلامي مافي شروط تختص في المذهب يعني مو حرام السني يتزوج شيعية ولا الشيعي يتزوج سنية ما نزل نص على ما اعتقد يحرم هالشي.
    ليش اهلنا ومجتمعنا يشوف حق زواج هلاثنين على انة اهانة حق عوايل بعض؟
    وليش يرفضون وما يوافقون؟
    اهوا مو الاساس البنت والشاب اللي اهما المفروض يكونون الزوج والزوجة؟
    ليش الاهل يوقفون بويه هالشي ويصير جنة اووف جريمة كبيرة
    ويقولون كلام كبير بنتبأ منك او منج
    هذيل مو منا
    هذيل مادري شلون
    مذهبهم غلط
    اهما غلط انزين ليش؟
    الحمدلله الكل مسلم
    ليش هالنظرة وليش هالتأزيم

    نقطة ثانية يوا وخطبوا بنت وشافوا امها مثلا مصرية- هندية- سورية عراقية ( حتن الريال بعد لي شافوا اهل البنت هالشي يرفضونة)
    مع احترامي للكل ولا قصدت في كلامي اهانة بس تمثيل
    انزين ليش ترفضون تزوجونها حق ولدكم خو مو عيب امها بعد شتسوي؟
    فية نص مباشر او صريح حرم هلاشياء؟

    اهوا بس ابي افهم وين العيب؟
    ممكن الاهل يخافون يعني يصير مشاكل بعدين ؟
    اوكي بتصير مشاكل شلون واهيا تعرفة واهو يعرفها؟
    ناطرة
     
  2. التمويلي

    التمويلي بيت التمويل الكويتي

    1,176
    0
    0
    يعطيج العافية اخت حنان على الموضوع ودايما متميزة بمواضيعج ولو انها قليله هالايام مو نفس قبل

    اما بالنسبة للموضوع انا رايي ان الاختلاف مو بالدين ولا المذاهب من ناحيه حرام وحلال

    الموضوع فيه نوع من العنصريه من ناحية ان انا مثلا سني لايمكن اتزوج شيعيه ليس لان الزواج من الشيعيه حرام والعكس صحيح

    السبب في نظري ان العنصرية زادت في الوقت الحاضر بين الناس من ناحية سني وشيعي حضري وبدوي اصيل وبيسري ولا يخفا عليكم التصنيف الجويهلي الجديد (خارج السور وداخل السور)
     
  3. Bent_Abooha

    Bent_Abooha بـترولـي نشيط جدا

    انا برأيي ان المشكله مو بالمذهب شيعي او سني بالعكس اقررب صديقاتي من المذهب الشيعي وبينا صداقه وعشره عمر طويله الحمدالله والله لايغير علينا
    بس بالنسبه لي (وهذا راايي بليز لاتنتقدوني عليه وتقولوون فتنه ) الموضوع فيه صعوبه شوي بحكم اختلاف في بعض التصرفات والعادات فالأهل برفضهم مو تنقيص حق مذهب او اصل او فصل بس من باب خوفهم ان عيالهم ماراح يرتاحون بحياتهم وانهم بيدشون بمشاكل مو شرط مع بعض ممكن مع الاهل او ان عيالهم مايكون لهم موقف محدد.
    كعاده الاهل عندهم عيالهم سواء ولد او بنت اعز ماعندهم ويستاهلون الاحسن
    بس لامانه اعرف ناس ماخذين من مذاهب مختلفه عنهم وامهاتهم مو كويتييات وبعضهم فلبينيات(وانا مانقص من قدرهم) وعايشين باحسن حال
    بالنهايه يالسميه الموووضوع قسمه ونصيب واهم شيء رضى الوالدين

    مشكوووره عالمووضوع وتقبلي مروري :)
     
  4. حنان

    حنان بـترولـي خـاص

    2,196
    1
    38
    يعافيك ويسلم قلبك اخوي تمويلي
    مشكور على المرور
     
  5. حنان

    حنان بـترولـي خـاص

    2,196
    1
    38
    هلا حبيبتي
    شوفي انا شيعية واقول لج عادي تكلمي قولي اللي تبين دام مافية تجريح وانتي كلامج عادي فلا تحاتين احد ينتقدج دام كلامج ما تخطى حدوده :)
    انزين اهما يخافون من شنو؟
    شنو اللي في المذهب الشيعي يخوف؟
    شنو في المذهب السني يخوف؟
    حياج الله حبيبتي
     
  6. Sc0rpio

    Sc0rpio بـترولـي خـاص

    1,000
    0
    36
    مهندس
    الكويت


    بسم الله الرحمن الرحيم


    إختي الكريمة حنان


    سوف أكتب لك وجهة نظري الشخصية :)



    ليس هناك عيب في كلا الطرفين .. الشيعة و السنة

    فنحن أولا وأخيرا إخوان في الله وفي الإسلام

    ولكن قضية الزواج قضية مهمة ومختلفة ..


    هناك مخاوف مابعد الزواج على الصعيد الإجتماعي والعقائدي

    من الممكن أن تضعف عقيدة الرجل ( الشيعي أو السني ) في مذهبه عند زواجه من المرأه ( المخالفة لمذهبه )

    وأيضا من الممكن أن يصبح الرجل ( الشيعي ) سنياً أو العكس .. وكذلك الحال ذاته بالنسبة للمرأه

    ولا ننسى المخاوف ذاتها في الأولاد مستقبلاً .. كثير من الأولاد أراهم شخصياً ضحايا هذا النوع من الزواج

    فيضحى الولد أو البنت .. لا يعرف أيّ مذهب يتخذ ؟

    فلا هو بشيعي ولا سني المذهب .. وهذا أمر مؤسف حقاً .. لا يمتلك أي إعتقاد في قلبه ويشعر أنه في دوّامه لا يستطيع الخروج منها


    فالقضية هنا قضية نسل وتكاثر .. أجيال .. وليست قضية زوجين فقط

    ولذلك ترين ذلك الحرص الشديد من قبل أهل الطرفين ( الشيعة والسنة ) في هذه القضية

    كلاً منهم يحرص على نسله وأحفاده في أن يولدوا ( شيعة أو سنة )

    وأنا شخصيا لا ألوم أياً من الطرفين في هذا الموضوع :)




    عند الفرقة الجعفرية .. فقهيا وشرعاً .. يستطيع الرجل الشيعي أن يتزوج بالسنيّة مع شرطية المحافظة على مذهبه وإعتقاده الجعفري

    ويحرص على ذلك في أولاده وبناته ..

    وهذا الشيء طبعا لا يحصل إلا بمساعدة الزوجه ( السنية ) واقتناعها بهذا الأمر .. وهذا أمر لا يحصل عادة في الواقع



    إعذروني على الإطالة


    شكرا



     
  7. الشايب

    الشايب بـترولـي خـاص

    2,818
    0
    36
    مسؤول أد الدنيا
    في قلب المحبين
    لا فرق بين عربي واعجمي الا بالتقوى

    وكلنا عبيد الله

    وشوكريا
     
  8. Bent_Abooha

    Bent_Abooha بـترولـي نشيط جدا

    ردج دليل على تفكيرج الرااقي :)
    الناس تخاف من اي شيء ماتعرفه عددل وبعد الكلام الي ينقال والايميلات ماتقصر تعطي صوره بايخه مو بس عن المذهب عن كل شيء واذا حب الشخص يسال ويتعلم يلقى ناس تهاجمه من دون اي نقاش
    غير جذي يخافون على احفادهم راح يتبعون اي مذهب؟ وبصرااحه في بنات اعرفهم لاهم سنه ولا شيعه واذا سالتيهم انتوا شنو؟ قالوووا احنا نص شيعه ونص سنه (للحين مو قادره افهمها)
    وبعد ممكن انهم يخافون ان عيالهم ممكن يغيروون مذاهبهم بعد الزواج وينتمون لمذهب الطرف الثاني ولاسمح الله مانكتب لهم يستمرون فالاحوال الشخصيه والقوانين بالمحاكم مختلفه من مذهب لثاني


    وبالنهاايه والنعم بالاثنين :)
     
  9. touareg777

    touareg777 بـترولـي مميز

    641
    0
    0
    عروقها بالماي
    دولة الكويت
    وجهة نظري الشخصيه وكوني من ابناء الطائفه الشيعيه

    اشوف هذا الامر معقد عند بعض الناس انته شيعي انته سني كانك لو تقول انته مسلم وانته غير مسلم واستغرب من البعض هذا الخلاف لو نرد للدين واركانه
    الصلاة - الزكاة - الصيام - الشهاده - الحج في المذهبين الشيعي والسني نفس الاركان وهاذي اهم شروط الاسلام ومعني كلمة الاسلام هي التسليم لله وحد لا شريك له بالتوحيد والانقياد له بالطاعه

    اذن اصول الدين وحده وهذا اهم شي صح ؟؟ عيل وين الاختلاف ؟؟ الاختلاف يا اخوان في فروع الدين وهذا مو ضروري كثر اصول الدين

    رأي بكل صراحه
    انه مافي مشكله في الزواج بين المذهبين الشيعي والسني كلنا مسلمين ونعبد الله لا شريك له
    اما بالنسبه للاولاد فهم يتبعون ابوهم وراح اذكر لكم سالفه قديمه

    ولد خالتي ابوه شيعي امه سنيه الولد هذا قال حق امه انا سني ولا شيعي ؟؟ شنو ردت عليه الام
    قالت له يا ولدي انته شيعي لانك تتبع ابوك انته من صلب ابوك وشايل اسمه مو اسمي انا ولو انه ابوك ديانته غلط جان انا ما تزوجته ولو انا ديانتي غلط جان ابوك ما خذاني
     
  10. Sc0rpio

    Sc0rpio بـترولـي خـاص

    1,000
    0
    36
    مهندس
    الكويت


    إسمحلي يالطيب على هذه المداخلة :)



    أخي الكريم.. عفواً .. اللي ذكرتهم .. هي أركان الإسلام الخمسة وليست أصول الدين :)


    أصول الدين هي

    التوحيد .. العدل .. النبوة .. الإمامة .. الميعاد




    الإختلاف عند الفريقين في أصول الدين :)

    ولا نستطيع القول أنّ أصول الدين أكثر أهمية من فروعه .. فكلٍ له جانبه ومجاله الخاص



    أخي .. وهل تعتقد أنّ كل النساء مثل تلك المرأة التي ذكرتها ؟

    المرأه التي ذكرتها أخي الكريم حالة خاصة .. وليست قاعدة أساسية عامّة


     
  11. touareg777

    touareg777 بـترولـي مميز

    641
    0
    0
    عروقها بالماي
    دولة الكويت
    ^
    ممكن اني غلطت بالتسميه بس الي اقصده الاركان وسامحنوني على الغلطه

    بس الاركان وحده هذا الي اقصده اما الاصول التوحيد .. العدل .. النبوة .. الإمامة .. الميعاد فهي موجوده في في كلاا الطرفين ايضا
     
  12. Sc0rpio

    Sc0rpio بـترولـي خـاص

    1,000
    0
    36
    مهندس
    الكويت

    موجودة كإسم ممكن ( لا أعلم عن مذاهب إخوانا السنة )

    لكن الإختلاف أكيد في الإمامة .. كما يعلم الجميع

    فهذا الإختلاف ليس بالشيء القليل ويحمل الكثير من القضايا المهمة :)

     
  13. smile

    smile بـترولـي جـديـد

    19
    0
    0
    لا اكو عيب و لا حرام لكن كل المسألة عبارة عن عادات و تقاليد و كل واحد يزوج بناته على كيفه بعد شكو داشين بأخلاق الناس .
     
  14. الملك

    الملك بـترولـي نشيط

    56
    0
    0
    الزواج قسمة ونصيب

    وهي التي تتحكم بالظروف المتغيرة في كلا العائلتين

    ومشكورة اختي حنان على الموضوع
     
  15. شهد

    شهد بـترولـي جـديـد

    45
    0
    0
    kwt
    حلات الثوب رقعته منه وفيه

    واذا كان الزواج بين مذهبين فالاولاد هم راح ينظلمون نوعا ما وتزداد المشاكل وتوصل للمحاكم وحسب علمي القليل عن المحكمه الجعفريه تختلف تماما عن المحكمه السنيه

    وهو لا قصورؤ لا بالسنه ولا بالشيعه
    فالزواج بي المذهبين وهو لا حرام ولا حلال

    بس الناس وتفكيرها ومجتمعهم وبيئتهم

    و البنت لازم تمشي ورا اهلها

    الريال عمره ما ينفع البنت دامها راكبه راسها

    والله يبوفقج بالريال الصالح

    ام نواف
     
  16. WaRiO

    WaRiO بـترولـي مميز

    ليست تماما .... يا اخت شهد

    فقط بعض الامور الوضعيه وليست الشرعيه
     
  17. مشكوره ع الموضوع

    بدخل بالموضوع على طول

    في حديث للرسول عليه الصلاة والسلام يقول :تنكح المرأة لأربع لجمالها ونسبها ومالها ودينها فاظفر بذات الدين تربت يداك


    وذكر من بين الاربع ونسبها

    وهنا يبين ضرورة النسب في الدين الحنيف ووصانا به الرسول عليه الصلاة والسلام

    ولكن ميزهم بصاحبة الدين

    اظفر بذات الدين تربت يداك
     
  18. Dashti83

    Dashti83 بـترولـي نشيط

    84
    0
    0
    سجين نفطي
    وطن النهار
    يعطيكم العافية


    بصراحة هذا الموضوع من قديم الازل في مجتمعنا الكويتي ولا نقدر نغيره لانها صارت مثل العادات سواءا عند الشيعة


    او السنة , اهو لاحرام ولا عيب ولا مايصير ولا شي من هذا بس في عوايل شيعية وااايد تعطي السنة والعكس هم


    صحيح , لكن الاغلبية مايعطون ومايرضون والسبب الرئيسي مثل ما انت عارف اختلاف المذهب وهذا سبب مهم لان

    ممكن يسبب مشاكل بين الزوجين بعدين او بين الاهل او حتى مع الاولاد بعدين , موضوعك واااايد حساس وماراح

    ينتهي ويعطيك العافية .
     
  19. WaRiO

    WaRiO بـترولـي مميز

    ما اعتقد ان المقصود جذي اخي ابو نايف ... المقصود ان الرجال دائما يدورن المرأه اما بسبب جمالها او مالها او بنت منو او دينها ... فوصانه بذات الدين

    وانشالله اني ما غلطت

    موفقيين
     
  20. Sc0rpio

    Sc0rpio بـترولـي خـاص

    1,000
    0
    36
    مهندس
    الكويت


    ليس المقصود بالحديث الشريف بيان ضرورة النسب وتمييزه

    هو وضّح الأمور الأربعة التي من أجلها أن تجعل الرجل يتقدم للزواج بالمرأة

    فنصحنا النبي الكريم بتفضيل المرأة ذات الدين عن ذات الجمال .. المال .. النسب

    :)

    شكرا لكم
     
حالة الموضوع:
مغلق

مشاركة هذه الصفحة