يجب أن يكون لنا موقف ........

الكاتب : alighsaad | المشاهدات : 1,019 | الردود : 16 | ‏11 ديسمبر 2009
حالة الموضوع:
مغلق
  1. alighsaad

    alighsaad بـترولـي نشيط

    131
    0
    0
    مهما اختلفنا ك كويتيين حول تجنيس البدون فما اعتقد شخص يعترض على حقوقهم كبشر ، نمنح الهندوس والبوذيين ما لا نعطيه لهم !!.... كانوا في ما مضي زملاء لنا فالشركة ومنهم من تربطه قرابة دم بهم لكن الصمت المطبق من قبل قطاعنا الذي يعتبر عماد الدولة ، أراه صمت مخزي ، إنا لا أدعو لاعتصام أو احتجاج أو حتى إضراب ، لكن لم لا نسجل موقف رمزي لدعمهم أو نسعى لنعطي بعض الأفضلية للتوظيف مع المقاولين في حال وجود مهارات عندهم "وكثير منهم متعلمين" ، لم لا ندعم أبناء الكويتية باعتباره جزء من العمالة المحلية المطلوبة من المقاول توظيفها بدل ان يجلب المزيد من العماله الغير مدربه من الهند وبنغلادش.

    الرحمة واجبه لكل ذي كبد رطبه كما قال رسولنا الكريم صلوات الله عليه وعلى آله وصحبه وسلم

    علي العلي
     
  2. علميني الحب

    علميني الحب بـترولـي نشيط جدا

    365
    0
    0
    أعتقد هالموضوع مكانه في المنتدى العام
    الظاهر إنك قاعد تتخبط وما تدري شنو تكتب
    وأشكرك على العواطف الجياشه بس من باب أولى إنك توصلها لأحد أعضاء مجلس الأمه أو للجنة البدون في مجلس الأمه
     
  3. صريع النقرور

    صريع النقرور بـترولـي نشيط جدا

    152
    0
    16
    اسف على التاخير اخوي على العلي لان مثل ما تعرف انا احرص واحد بالمشاركه بمواضيعك
    يا علميني الحب لا تتغيشم وين النقابه عن تجنيس اخوانه البدون ؟؟؟؟؟؟؟؟؟؟؟؟؟ : )
     
  4. alighsaad

    alighsaad بـترولـي نشيط

    131
    0
    0
    هلا بالحلويين علميني الحب والاخ سبيطي ...... اسف النقرور

    تشابه علينا "........." ............. عموما كنت اراهن واحد من الربع انكم اول من يرد علي اي شي اكتبه حتى لو سعر العقار بالديره

    اشوا ما خيبتو ظني فيكم ........... الظاهر المنتدى ممل ......... ومتابعين لي ... بس لا تخافون يا عيال ... كرمكم واجب علي ... والعشا علي بحيل ربي بمخيم العمالية بيناير

    علي العلي
     
  5. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0
    في كثير من الدول .... نقابات العمال .... وكثير من نقابات الطلاب .... لها دور كبير في الحركة السياسية في البلاد
    بل في مصر وسورية ... كانت الحركات الطلابية والنقابات لها دور كبير في الاستقلال وتثبيت روح النظال الوطني في شعوبها .... وهذا من الهداف الجوهرية لكثير من الاحزاب والتيارات السياسية وهو استحواذ على أكبر عدد من النقابات لتكون أداة ضغط لها على حكوماتها .... وهذا ما كنا نراه في الامس القريب في الجامعة من تدخل بعض القوى السياسية في انتخابات مجالس الطلاب ... لانها من وسائل الضغط على الحكومة .... وكذلك النقابات ... ولكن كثير من النقابات تنازلت عن هذا الدور ونشغلت في تقوية صفوفها الداخلية وتثبيت مقاعدها ... وهذا الحال ليس في نقابتنا ... بل كثير من نقابات الدولة .......


    شكرا على الموضوع النساني والحيوي الذي يعيد أمجاد النقابات
    وأرجو عدم الخروج عن الموضوع بهذه الطريقة .... المحزنة .... وأرجو أن لا تكون قضية أخواننا البدون .... أداة تسلية أو ترفيه لأن هذا مصير أمة كاملة .... فأرجو البقى على القليل من احترامهم

     
  6. yazeed

    yazeed بـترولـي جـديـد

    7
    0
    0
    البدون موضوع الساعه

    اشكر الاخ على تعاطفه معاهم واتمنى لو الاخوان نسوا الحزازات شوي وايدوه في طرحه لان الامر انساني وما يحتمل التعليق بهالاسلوب

    واتمنى من كل قلبي ان النقابه يكون لها دور اجتماعي واضح مو بس التركيز على الماده ، ومثل ما قال الاخ مسوي زحمه ، في كل العالم نقابات العمال تمثل نبض الشارع ومشاكله

    اشكرك اخوي مره ثانيه
     
  7. الشايب

    الشايب بـترولـي خـاص

    2,818
    0
    36
    مسؤول أد الدنيا
    في قلب المحبين
    يا ليل السرمدي

    وش علي النقابه في تجنيس البدون

    وش معنى نقابه شركه النفط هي الي تسوي اضراب

    اذا علي كذا خل كل الدوائر الحكوميه تسوي اضراب معنا

    يا خوووك والله مدري من أنت معه من القوايم ولكن كلامك ما يقدر عليه الا صاحب السمو

    لا نقابه ولا بطيخ

    تكلمو بشي عقلاني

    ..؟؟
     
  8. صريع النقرور

    صريع النقرور بـترولـي نشيط جدا

    152
    0
    16
    ما عاش من يخيب ظنك يالذيب وباذن الله انك بتلقى اول مشاركه دائما من صريع النقرور : )
    كم علي العلي عندنا
     
  9. FLB

    FLB بـترولـي جـديـد

    23
    0
    0
    اشكرك يا علي العلي على هذا الاحساس في اخواننا البدون ... ولكن عمل النقابة ماله شغل في تجنيسهم او توظيفهم ومع العلم انه فيه منهم لا يزال يعمل في شركة نفط الكويت وياخذ حقه مثل غبره من الموظفين وعلشان اثبتلك ( سعود شاهر ) في الصيانة وفيه واحد ايضا بس ما يحضرني اسمه وكم واحد بعد ما حصلوا على الجنسية الكويتية الا قبل 8 سنوات وكانوا يعملون في الشركة وانا اعرف كثير يعملون في المقاول .
     
  10. محمد المذن

    محمد المذن بـترولـي مميز

    694
    0
    0
    اتفق معاك بهالموضوع
    الصراحه موضوع البدون مو ضعب لهادرجة الي صار له سنين مو راضي يحلونه
    الناس الي يستاهلون وعندهم اثباتات وجودهم بالكويت عطوهم والي خشو جناسيهم وقالو احنا قضينا عمرنا بالكويت خلوهم على وضعهم
     
  11. محمد المذن

    محمد المذن بـترولـي مميز

    694
    0
    0
    عجبني موضوعك وقررت اني ارجع له
    شنو تقترح نسوي كموظفين بشركة نفط الكويت او كنقابة نفط الكويت شنو تسوي
    كل الي تقدر تسوي انك تضغط على اعضاء مجلس الامه وما اعتقد بينفع
    الموضوع انساني قبل لايصير سياسي
    وان شاء الله يحلون الموضوع
     
  12. الشايب

    الشايب بـترولـي خـاص

    2,818
    0
    36
    مسؤول أد الدنيا
    في قلب المحبين
    الا صحيح ليش النقابه ما ترد الدواوين والحدايق

    ليش حنا موظفين ماعندنا بيوت نبي نحط قدامها خيام ومزارع

    يالله يا محمد المذن اضغط علي اعضاء مجلس الامه

    ونبيها حمله نبيها دواوين وحدايق

    :)


    كلامكم ما يخش العقل :)
     
  13. الشايب

    الشايب بـترولـي خـاص

    2,818
    0
    36
    مسؤول أد الدنيا
    في قلب المحبين
    الي النقابه ولمن يهمه الامر :)


    دام النقابه تقدر تسوي كل شي


    نبي من الاخوان يردون الخيام قدام البيوت والحدايق ووينهم بعد من اسعار الضحايا قبل العيد ليييش ما تدخلوووو

    وليش ما يطالبون بتوسعت الشوارع وليييييش وليش وليش وليش وليش ألخ :)



    اعجبني كلام محمد المذن يوم يقول يضغطون علي اعضاء المجلس



    علي الاخوه المرشحين والداعمين للقوايم

    والله لا اميل لاي قايمه ولكن نبي شي اتناقشونه بعين العقل

    عشان لما انصوت للقايمه يكون مرضي الله وضميري بالصوت

    اما تروحون علي مواضيع ولا اوباما يقدر يحلها عشان يحلونها سواء الاتلاف ولا العماليه

    نتظر نقاشاتكم العقلانيه حتى الناخب يشوف من يستحق ومن لا يستحق
     
  14. p.m

    p.m بـترولـي نشيط

    50
    0
    0
    يسعد صباحك يالشايب:)

    هالله هالله بالتوجيه يالشيخ لطرح النقابي العقلاني ؟؟

    مهو بشي مايدخل المخ لا بالعرض ولا بالطول؟؟


    على قولتك مواضيع مايحلها أوباما دوم نقابه:d
     
  15. الشايب

    الشايب بـترولـي خـاص

    2,818
    0
    36
    مسؤول أد الدنيا
    في قلب المحبين
    وين النقابه من مراقبين هالموقع ليش يحطون موضوعي مع موضوعهم



    يسعد صباحك يا ذيبان

    يا مرحبابك
     
  16. kuwaiti_965

    kuwaiti_965 بـترولـي جـديـد

    38
    0
    0
    انطح انطح ما تعور غير قرنك



    انا اشوف انه المزيف علي العلي وهذا نك نيم جديد لانه مو من عيال العلي اللي نعرفهم ونقدرهم هذا منتسب لهم ولا وين البزمات وين عيال العلي

    المهم



    اقول يبه انت الحين وضحت شنو تبي

    انت حاقد على اشخاص اعضاء النقابة وتبي تلزق فيهم اي شيء عشان بس تفرغ حقدك ولا مصلحة العمال ما همتك ولا همت ربعك الفصيح اللي ابو لسانين اللي حطك معاه في ..........




    ها يالربع شقلت لكم مو قلت هذا ما عنده الا الافلاس ويبي يشوه سمعت ناس ابرك منه


    اقول حبيبي تزكل على ابليسك اللي يحركك ومعمي قلبك وفارج منتدانا يتعذرك
     
  17. hassankoc

    hassankoc بـترولـي خـاص

    ابسط الحقوق ان يعاملونهم كمعاملة الوافد ويستغنون عن العماله التي من الممكن ان يستبدل بدلها من فئة البدون كسواق الأجره(التكسي) والجمعيات وغيرها من الوظائف وهم اولا واخيرا موجودين بيننا ولا يشكلون عبئ على البلد كالوافدين ولا شرايكم
     
جاري تحميل الصفحة...
حالة الموضوع:
مغلق

مشاركة هذه الصفحة