راتب الزوجه ...............لمن؟؟؟

الكاتب : حنان | المشاهدات : 1,134 | الردود : 28 | ‏24 نوفمبر 2007
حالة الموضوع:
مغلق
  1. حنان

    حنان بـترولـي خـاص

    2,196
    1
    38
    احدى الاخوات تقول انها موظفه براتب جيد وزوجي راتبه احسن مني وهو ولله الحمد في غنى عنه ولكنه يصر على انه هو احق من اهلي براتبي ...يقول انا اولى من اهلك فانتي ومالك ملك لي ...واهلك خلاص انتهت مسؤليتك تجاههم بعد زواجك ...


    هذه رسالة بعثتها احدى الموظفات المتزوجات التي تواجهه مشكله هي وغيرها من الزوجات العاملات من قضية الراتب الذي يمثل هاجسا لهن ومطمعا للعديد من الأزواج، فالبعض ينظر إلى هذا الراتب على أنه من توابع الزوجة وأن من حق الزوج أن يكون له نصيب منه وأن على الزوجة أن تنفق على الأسرة، طالما هي قادرة.


    على ضوء هاتين النظرتين يتحدد ميزان استقرار الأسر التي بها زوجات عاملات...

    دعونا نتناقش ونطرح الحلول التي ترونها مناسبه لهذه الزوجه .....

    مارايكم براتب الزوجة؟؟ من الاحق به

    الزوجه ....اهلها ....ام زوجها


    منقول
     
  2. Future man

    Future man بـترولـي نشيط جدا

    180
    0
    0
    موضوع جيد

    راتب الزوجه طبعا لها بروحها شنو ياخذه زوجها ممكن تساعد في مصروفات البيت بس أنها تشتغل وتتعب وأخر الشهر تعطي الراتب لزوجها صعبه ولا أتوقع في أحد في الكويت الحين ياخذ راتب زوجته

    وإذا كانت مو متزوجه تعطي والدها ووالدتها منه حالها من حال الرجل اللي يعطي أهله سواء فلوس بشكل شهري إذا كانوا أهلها محتاجين أو تذكرهم بهدايا في الأعياد
     
  3. dehen_3ood

    dehen_3ood بـترولـي خـاص أعضاء الشرف

    طرح جميل اختي حنان وموضوع مهم وهادف
    كل الشكر على هالموضوع ..

    بالطبع راتب الزوجه لها
    بس وللأسف في كثير من الأزواج يجبر الزوجه على تحمل مسئولية البيت
    (هم الرجال الإتكاليين إللي فاقدين حس المسئولية)
    يجبرها تدفع وتحط وتشيل فقيره بهالبيت
    او انه يمتنع من تحمل مسئوليته كزوج وكرب اسرة
    (معاشج وايد وتقدرين تصرفين معاي .. وتالي تصير اهي إللي تصرف وهو يرفع إيده)

    او إنه يمنعها من مساعده اهلها مثلا (خاصة إذا كانت متعودة على هالشي قبل الزواج)
    بحكم انه زوجها ولازم تسمع كلمته وهو الآمر الناهي بالبيت !!

    وإذا كان راتبها زين وكبير (تشتغل بالقطاع النفطي وهو بوزارة مثلا) :D
    لا هني تصير سوالف !! بحكم إن راتبها زبن وكل شي غالي وراتبه ما يكفي
    فطبيعي لازم تحط معاه بالبيت او اهو ياخذه واهو إللي يصرف

    مع المفروض انه ماله شغل براتبها وإن بغت تصرف على البيت او تعطيه لزوجها
    فبطيب خاطر منها !!
     
  4. بلبل عنقريزي

    بلبل عنقريزي بـترولـي خـاص

    2,187
    0
    0
    هذا نفسه رديه صراحه

    الزوجه حره بمعاشها وعادي تصرف عالبيت وعلى اهلها

    اما سالفت انتي ملكي مع معاشج ومالج شغل باهلج فهالشي اعتبره غير سوي صراحه
     
  5. م.محمد

    م.محمد بـترولـي خـاص

  6. EQUATER-1

    EQUATER-1 بـترولـي مميز

    693
    0
    0
    حق السوق والتفسفس وكل شهر امطيرينه على الماركات:D:D:D:D
     
  7. engineera

    engineera بـترولـي مميز

    626
    0
    0
    والله اللي يقول هالكلام لزوجته وياخذ معاشها اسمحولي عالكلمه بس مو ريال ولا هو كفو بيت ولا مسؤليه ولا يصير ابو اللي يقولها اهلج خلت مسؤليتج منهم والله مايستحي
    وشكرا على الطرح
     
  8. The^Queen

    The^Queen بـترولـي نشيط جدا

    288
    0
    0
    معاش الزوحه لها اهي ولاحد غيرها
    كل فلس لها
    اي فلس تصرفه ابيت ريلها يعتبر صدقه
    واللي يرضا ان مرته تتصدق عليه لاتعليق عليه كلش كلش كلش
    وروحو سئولو اي شيخ دين وراح يقولكم نفس الكلام
    اي دينار او فلس تحطه الزوجه علي بيتها او زوجها او عيالها يعتبر صديقه ( بشرو ياحريم الكويت بنيتو قصووووووووور بالجنه انشاءالله)

    لا اهلها يقبضون ثمن تربيتها بمعاشها والابو اللي يطالع بيزتين عند بنته هذا مو ابوووووو تاجرررررر
    والزوج اللي ياخذ معاش مرته ويعطيها مصرف خل يوقف ويحاسب عمره لان قاعد ياخذ فلوس مو من حقه


    بس اللي حاصل هاليومين ومع الغلاء المعيشي اللي احنا عايشينه قامت المره شوي شوي تساعد زوجها طيب منها مو غصبا عليها
    ولكن للاسف كل ماله والزوج الكويتي يتخلي عن دوره المره ستاعده طيب خاطر في البدايه تالي صار فرض عليها تالي انتشرت يمكن الواحد فيهم يروح يتفاخر ان مخلي المره تصرف علي البيت وان معاشه له !! وان طنقر واهي راحت شرت اغراض الجمعيه وان تهاوش وياها وراضته بجوتي ماركه وحزام بيبلوس وكاب فندي ووويست باغ برادا !!! كشخ جدام ربعه وقال هديه من المره وقامو يتناغرون وكل واحد يتباها ان مرته تصرف عليه الحمدالله ياربي والشكر !!!!! اشوا ان لي الحين في رياييل يصرفون علي بيوتهم
    بس اجمالي الحياه صارت تعاون
    وقامو يطمعون بالموظفه (تزوجو وانتو طالبات ابرك يابنات علشان تعودونه يصرف عليكم من البدايه ولاحد يدمج راااااااااااااااتب ولاتحطون فلس بالبيت ترا المره اذا انفصلت عن ريلها قبل 15 سنه تطلع من البييييييييييييييييت شيظمن الريايييل هاليومين)
    علشان تساعد براتبها والحريم هم غلطانين تحملو المسؤوليه وشوي شوي صارت اهي الممول المالي والابو والام والخدامه والللي يوجب بالمناسبات وغسال السياره وحمال الاسيه !!!اللي تسوي بعمرها جذي تستاهل واهي تتحمل
    مع احترامي الشديد للكل
     
  9. A/KARIM

    A/KARIM بـترولـي جـديـد

    41
    0
    0
    انا اقوووووووووووووووووول


    راتب الزوجه للزوجه
     
  10. ابو فاطمة

    ابو فاطمة بـترولـي خـاص

    1,204
    0
    0
    senior security
    في قلب عيالي
    راتب الزوجة للزوجه وهالشي مافيه كلام لالزوجها ولا لاهلها الحق فيه لكن مو عيب ان المرأه تساعد اهلها فهم الخير والبركة والفلوس ماترد لهم من تربيتهم فيها شي.. وموعيب ان المرأه تساعد زوجها ابوعيالها فهي وزجها كيان واحد والدينار لاراح ولارد المهم التوافق الاسري..
    والافضل ان الريال مايوظف زوجته لكن يسمح لها انها تدرس وتاخذ شهادة لها ولظروف الزمن <---- هذا رأيي الشخصي ومحد له شغل :)
     
  11. eagelkwt

    eagelkwt بـترولـي نشيط جدا

    211
    0
    0
    السلام عليكم ورحمة الله وبركاته

    موضوع قيم جدا وهناك كثير من الازواج مسلط سيف القوة على زوجته ( أبوي ما يعرف قوة الى على امي ) ويهددها بالطلاق وعدم الاستفرار العائلي وذلك لجشع المادة والصرف على ملذاته واخر شئ يفكر بزوجته واولادة


    من الناحية الدينية لو الزوجة تملك الاموال الطائلة مو بس راتب تجب نفقة الزوج عليها وهذة مسئولية الزوج في المقام الاول حتى وان كان غير مقتدر.

    أما اذا كانت الزوجه تريد ان تصرف على البيت من طيب خاطرها فهى حرة بما تصرف وعلى من تصرف على ( أهلها،بيتها، زوجها، فقراء ) فهذا حقها والزوج ليس له سلطة عليها

    تحياتي
    Eagelkwt
     
  12. زهرة التوليب

    زهرة التوليب بـترولـي خـاص

    راتب الزوجه لها فقط من غير مشاركه أحد

    لكن برضاها تقدر تعطي من راتبها اللي تبي
    سواء زوجها او اهلها يعني مو مجبوره ؟؟

    خاصه اذا كانت متزوجه ومستقله في بيتها مو مجبوره تعطي اهلها
    ولا مجبوره تعطي زوجها كل شي بإرادتها وعن قناعه

    وبيني وبينج الحياة مشاركه ومافيها شي اذا تعاونوا الزوجين
    ومافي فرق بين الزوجه وزوجها كلن يشيل الثاني
     
  13. Shoomy

    Shoomy بـترولـي خـاص

    شي طبيعي معاشها لها
    واهي حره وين تصرفه .. انشالله تحرقه

    بس اذا ريلها محتاج ولا يبي مساعدتها المفروض تساعده وتوقف معاه
    مو تلعن خيره بالمصاريف

    هذا رايي

    تقبلوا مروري

    تحياتي
     
  14. frfosha

    frfosha بـترولـي مميز

    753
    0
    0
    الوجه تقدر اتشارك زوجها في بعض أمور البيت اذا اهيا حابه انها تساعده يعني بمزاجها بس ما يفرض عليها اشياء اهي مو ملزومه فيها واذا البنت سنعه وتعرف زوجها عدل وتحس انه متضايق في فعض الامور تراوالي يبين بعينها العشره ومصروفه طول الوقت يعني مو عيب انها تساعده بس بمزاجها وعلى حسب ظروفها
     
  15. الناهض

    الناهض بـترولـي خـاص

    2,144
    0
    0
    شركة نفط الكويت
    الحياه مشاركه
    امنت علي نفسها وحياتها ومستقبلها معاه مو مأمنه علي فلوسها
    شهالحجي الفاضي
     
  16. Mr. Engineer

    Mr. Engineer بـترولـي مميز

    662
    0
    0
    و الله آنا برأيي أن الزوج ملزم بالمصاريف الاعتيادية،

    السكن، المأكل و المشرب، و الكسوة (الملابس) المعقولة، و هذه هي الالتزامات الشرعية للزوجة على الزوج.



    أما إذا كانت الزوجة تريد مصاريف إضافية:

    ملابس غالية يديدة حق كل طلعة، ساعات و جناط ماركة كل جم شهر، سفرات إلى أوروبا كل صيفية، سيارة أعلى نوع كل جم سنة، و و و و و الخ من مصروفات الرفاهية، فالزوج غير ملزم و يجب على الزوجة إما المساهمة أو الاقتناع بالموجود.


    إن الشرع و المجتمع لا يلزم الزوجة بالمساهمة في منزل الزوجية، و في الوقت نفسه فالزوج غير ملزم بتحمل أعباء مالية طائلة في سبيل رفاهية الزوجة و تباهيها أمام صديقاتها و أهلها، بينما هي تكنز الأموال في حسابات التوفير!!!


    و هذا رأيي، لكم الحق في قبوله أو مخالفته

    تحياتي
     
  17. حنان

    حنان بـترولـي خـاص

    2,196
    1
    38

    حياك الله اخوي بس هذا مو كلام كل الريايل, ليشنة بعضهم راتب مرتة لازم اهو يتصرف فية
    لو كل رياييل الكويت نفسك جان زين
     
  18. حنان

    حنان بـترولـي خـاص

    2,196
    1
    38
    حياج الله دهن عطرتي موضوعي بردج
     
  19. حنان

    حنان بـترولـي خـاص

    2,196
    1
    38
    حياك الله اخوي, والله كلامك صحيح
     
  20. حنان

    حنان بـترولـي خـاص

    2,196
    1
    38

    حياك اخوي ومشكور ع المشاركة
     
جاري تحميل الصفحة...
حالة الموضوع:
مغلق

مشاركة هذه الصفحة