وزير النفط يعتمد كشف تعيين 200 موظف جديد في القطاع النفطي

الكاتب : كنافة | المشاهدات : 3,479 | الردود : 40 | ‏8 ديسمبر 2009
  1. كنافة

    كنافة بـترولـي نشيط

    55
    0
    0
    وزير النفط يعتمد كشف تعيين 200 موظف جديد في القطاع النفطي



    كتب سعد الشيتي:
    علمت «القبس» ان وزير النفط الشيخ احمد العبدالله الصباح اعتمد كشف المعينين الجدد لحديثي التخرج لشغل الشواغر الوظيفية في مؤسسة البترول وشركاتها التابعة.
    وقالت مصادر ان الكشف ضم 200 موظف جديد من حديثي التخرج، وذلك في تخصصات معينة ومحددة يحتاج إليها القطاع النفطي. وان من اهم هذه التخصصات هي هندسة البترول والهندسة الكيميائية والفنيين من حملة الدبلوم.
    وبينت المصادر ان السوق الكويتي لا يفي باحتياجات القطاع النفطي من الموظفين، خصوصا الفنيين منهم حيث ان مخرجات التعليم في الكويت في المجالات الفنية لا تفي بالغرض وتطلعات الشركات النفطية، فالكثيرون يبتعدون عن دراسة التخصصات الفنية المطلوبة، التي دائما ما يكون القطاع النفطي بحاجة لها. فلذلك حرصت المؤسسة على وضع الخطط اللازمة لتلافي هذا النقص الحاد في التخصصات الفنية.


    المصدر
    http://www.alqabas.com.kw/Article.aspx?id=556160&date=08122009
     
  2. meshal

    meshal بـترولـي نشيط

    52
    0
    0

    انزين ومشغل حقل جاحدينهم !! :D

    تششكرآت ..
     
  3. bader albader

    bader albader بـترولـي نشيط جدا

    166
    0
    0
    لا صراحه ماقصروا شركه 200 من اصل مايقارب 2800 مفروض هم ينقصون بعد مالت والله على شعارهم اللي يقول تكويت الايدي العامله
     
  4. Assistant driller

    Assistant driller بـترولـي خـاص أعضاء الشرف

    الــ 200 موظف هذوول بس العلني أما الخشاشي يمكن أكثر من الـ300 موظف الواسطات ما ترحم وبنفس الوقت اهي نعمة ونغمه ساعات تحتاجلها وساعات تكرهها على العموم كلشي بيد الله :)
     
  5. bader albader

    bader albader بـترولـي نشيط جدا

    166
    0
    0
    لا اخوي ماكو شي اسمه خشاشي هل 200 كلهم بس حق ربعهم ولا من يصدق شركه كل سنه تفتح توظيف ولا هل سنه مافتحوها الا حق ربعهم اللي ينعدون على اصابع خمس رجال انا اموت واعرف قطاع نفطي يمثل 98 من ميه من دخل دوله في ميزانيتها شلون يدش فيها المحسوبيات وهذا ولد عمنا وهذا ولد خالنا هل الاستراتيجيه ماتنفع بالقطاع النفطي بالذات
     
  6. Assistant driller

    Assistant driller بـترولـي خـاص أعضاء الشرف

    شنسوي ياخوي ديرتنا ماشية جذي ولله في بعض المسؤولين بالقطاع النفطي رافضين الواسطة بس الاغلبية تمشي عندهم الواسطة .... عيل احنا ديرتنا ليش متأخرة من كل النواحي والمشاكل اللي صايرة هذي كلها بسبب رئيسي واهي الــ واسطة وبيني وبينك انا اكثر شغلاتي اخلصها بالواسطة وصدقني ماودي انها توصل للواسطة بس يحدونك على الشي هذا وبالتوفييج للكل انشالله :)
     
  7. tamtam

    tamtam بـترولـي جـديـد

    46
    0
    0
    الحين أهم دزو المسجات ولا لا ؟؟ أهم قالو 500 شلون صارو بس ?00
     
  8. Assistant driller

    Assistant driller بـترولـي خـاص أعضاء الشرف

    ولله ياخوي مادري ما عندي علم بس على الخبر هذا معناتها انه خلاص خلصوا كلشي و الوزير اعتمد الــ 200 شخص ، بس لا تستعيلون نطروا على نهاية الاسبوع هذا وكلشي يبين علشان لا تضلمون أحد .... وبالتوفييييج انشالله للجميع :)
     
  9. فهد شموه

    فهد شموه المـراقب الـعـام

    2,712
    25
    38
    ذكر
    Production Engineering Mechanics
    ☀Q8 دار الفخــر والعــز☀
    مبروك للمقبولين ونسأل الله لهم التوفيق والنجاح في عملهم

    "كنافة" شكراً على النقل
     
  10. CupCake

    CupCake بـترولـي جـديـد

    46
    0
    0
    ayshy shino bs 200!! welbajy ;S
     
  11. Assistant driller

    Assistant driller بـترولـي خـاص أعضاء الشرف


    ياخي ادعيلهم بالتوفيييج لو كنت من ضمن هل 200 موظف جان ماحتجيت قول عسى الله يوفقهم وخلاص واذا لك نصيب ولله كاتبلك اياه بتاخذه غصبن علينا كلنا ok be cool يا خوي :)
     
  12. bader albader

    bader albader بـترولـي نشيط جدا

    166
    0
    0
    الظاهر انك من ال200 لوووووووول
     
  13. meshal

    meshal بـترولـي نشيط

    52
    0
    0
    يبى إذا في احد احتج والله مو حسد بس ظلم شوفوا جم واحد تعذب وراجع وتعب وآخرتها يجي ابو فيتامين واو واهو ببيته ينقبل :(
     
  14. Assistant driller

    Assistant driller بـترولـي خـاص أعضاء الشرف

    لا ياخوي انا الحمدلله متوظف من زمان بس يمكن من الـ 200 موظف يكون فيهم احد من عايلتي أو عايلتك أو أي عايلة فعلشان جذي نقول ادعيلهم بالتوفيج بغض النظر في واسطة أو ماكو واسطة او انك تشكك فهلخبر كلامي وكلامك وكلام الكل ماكو فايدة منه ولا راح يغير شي والله يوفق الجميع :)
     
  15. tamtam

    tamtam بـترولـي جـديـد

    46
    0
    0
    الله يوفق الكل انشالله
    بس اللي يوصله المسج او يعرف احد وصله المسج خل يقولنا ما عليكم امر :)
     
  16. يارب أرزقني

    يارب أرزقني بـترولـي نشيط

    86
    0
    0
    الله يوفق اللي انقبلو والفال لنا ان شاء الله يارب

    بس بسال متى ان شاء الله يعتمدون موظفيين العقوود والله يعطييكم العافيه

    وكلن ياخذ اللي الله كاتبه له
     
  17. bader albader

    bader albader بـترولـي نشيط جدا

    166
    0
    0
    لا اخوي الحين خل يختبرونا بالاول عشان يعتمدون (( عقود المقاولين )) لازم يختبرونا اول بعدها يقابلونا بعدها يعتمدونا ليش انت قدمت اختبارات المقاولين الاخيره اخوي يارب ارزقني
     
  18. يارب أرزقني

    يارب أرزقني بـترولـي نشيط

    86
    0
    0
    لا ماقدمت أي أختبار
    أستنى يدزون لي مسج
     
  19. bader albader

    bader albader بـترولـي نشيط جدا

    166
    0
    0
    عموما اللي دارج حاليا انهم مادزوا لاحد والله اعلم اذا دزوا او لا حق مقاولين
     
  20. sugar_979

    sugar_979 بـترولـي جـديـد

    39
    0
    0
    شكراا كنافه والله يوفق الجمييييع يارب ونكون منهم
     
جاري تحميل الصفحة...

مشاركة هذه الصفحة