مشاكل العمل مع الموظفين الأجانب

الكاتب : mjaljaser | المشاهدات : 1,487 | الردود : 17 | ‏7 ديسمبر 2009
  1. mjaljaser

    mjaljaser بـترولـي جـديـد

    18
    0
    0
    السلام عليكم ورحمة الله و بركاته، تحية طيبة و بعد، لمن لديه أي تجارب سابقة مع الموظفين الأجانب يرجى التكرم بالافادة عنها.

    أسئلة:
    -ما هي عقلية الموظفين الأجانب في الشركة؟
    -هل لهم تجمعات خارج الشركة يتناقشون بها في أمور الشركة؟
    -هل يتعاونون على أن يعملوا خطة حتى يقضوا وقت أطول في الشركة؟
    -ما هي الحدود التي يجب الالتزام بها ليكون الموظف الكويتي في القمة ضد الأجانب؟
    -ما هو نظام عقودهم؟ و هل نظام عقودهم هي التي تضطرهم لأن يكونوا غير واضحين بالعمل؟
    -هل يصورون للمسئولين أن الأعمال التي يقومون بها تعجيزية و أنه لا يستطيع حلها إلا أنفسهم؟
    -هل يفضل بعض المسئولين الكويتيين العمالة الأجنبية على العمالة الكويتية لكونهم لا يرفضون طلب لهم؟
    -هل يخفي بعض الموظفين الأجانب المعلومات المتعلقة بالعمل عن الموظفين الكويتيين مخافة أن يتفوقوا عليهم؟
     
  2. Export_Doc's

    Export_Doc's بـترولـي خـاص أعضاء الشرف

    2,561
    0
    0
    اخي الكريم كل شي لهم كورسات داخليه او خارجيه و سيارات و الخافي اعظم ما اقول الى الله كريم
     
  3. mjaljaser

    mjaljaser بـترولـي جـديـد

    18
    0
    0
    نحن نريد الخافي الأعظم في هذا الموضوع
     
  4. الولدالذهبى

    الولدالذهبى بـترولـي نشيط جدا

    192
    0
    0
    صباح الخير عليكم

    الموضوع جدا مهم وحساس
    لان فعلا كل النقاط اللى ذكرتها تتوفر فى اجانب الشركه
    لكن اكرر ووبشده ليس الكل البعض منهم فى كل الاحوال

    -ما هي عقلية الموظفين الأجانب في الشركة؟
    ( عقليه ليست مميزه جدا .. بل عاديه .. وممكن يكون البعض منهم بدون خبره )
    -هل لهم تجمعات خارج الشركة يتناقشون بها في أمور الشركة؟
    (نعم .. والبعض منهم مع اعضاء سفاراتهم )
    -هل يتعاونون على أن يعملوا خطة حتى يقضوا وقت أطول في الشركة؟ ( المهم أن يحصلون على خبره من الشركه ويتقدمون بها للدوله الاخرى للعمل بها )
    -ما هي الحدود التي يجب الالتزام بها ليكون الموظف الكويتي في القمة ضد الأجانب؟
    ( ليس هناك حدود بل لا مقارنه لان البعض من المسؤوولين ... يفضلون الأجانب )
    -ما هو نظام عقودهم؟ و هل نظام عقودهم هي التي تضطرهم لأن يكونوا غير واضحين بالعمل؟
    ( لا ليس العقد بل التنفكير )
    -هل يصورون للمسئولين أن الأعمال التي يقومون بها تعجيزية و أنه لا يستطيع حلها إلا أنفسهم؟
    ( نعم ويعمل لها فيلم مصرى ابيض واسود والسؤوول مصدق )
    -هل يفضل بعض المسئولين الكويتيين العمالة الأجنبية على العمالة الكويتية لكونهم لا يرفضون طلب لهم؟
    ( نعم ويحب ريحة الاجنبى على عطر شانيل )
    -هل يخفي بعض الموظفين الأجانب المعلومات المتعلقة بالعمل عن الموظفين الكويتيين مخافة أن يتفوقوا عليهم؟
    ( نعم نعم نعم )


    مما سبق احب اضيف حصووولهم على مميزات ما يحلم بها الكويتى فى حياته
    تذاكر - كورسات - فحص طبيب - سياره -اكل بو ربع وياخذ زياده للبيب
    الاعظم هو فلوس الدراسه لاولادهم ؟؟؟؟!!!!!!!!




    * الاعظم مسؤوول وملتحى بعد يقول انا الاجنبى احسن عندى من الكويتى
    ع الاقل ما عجبنى .. أفنشه بأى وقت ... بس الكويتى يصير عضم بحلجى





    وبس
    والله
     
  5. mjaljaser

    mjaljaser بـترولـي جـديـد

    18
    0
    0
    أنا لا أقول ماذا لهم و ماذا لنا،ولا أريد أن ينحرف الموضوع إلى مزايا الأجانب و مزايا الكويتي، أنا أتكلم عن جو العمل، أنا أريد أن أثبت أن الكويتي يستطيع فعل ما يفعله الأجنبي على أكمل وجه، ولكن بعض المسئولين لا يفهم هذا الواقع.
     
  6. dehen_3ood

    dehen_3ood بـترولـي خـاص أعضاء الشرف

    طبيعي !! بس بقليل من الذكاء من قبل الكويتي يقدر يعرف كل اسرار وخبايا الشغل من الأجنبي .. عموماً الأجنبي مو دايم بالشركة مثل الكويتي


    بالنهاية احب اضيف .. قليل من الثقة بالكويتي من قبل المسئولين .. وشوية حماس وطموح من الكويتي أنا متأكده إن الصورة السلبية عن الموظف الكويتي بتتغير للأفضل .. ولو يطبقون سياسة الأحلال وينقفون كل الأجانب من الشركة ويوظفون الكويتيين يكون دهنا في مكبتنا !!
     
  7. الولدالذهبى

    الولدالذهبى بـترولـي نشيط جدا

    192
    0
    0


    نعم العمل فى القطاع النفطى يثبت هذا الشى
    يكفى الإنتاج كلهم كويتيين .... وعندك قسم الصيانه الأغلب كويتيين
    والكويتى يقدر يؤدى العمل على أكمل وجه ... إذا لم يحبط ؟؟
    صدقنى اخوى الكويتى قادر ع العمل وبزززووووود بعد

    أما المسؤوولين ... فيهم من يقدر هذا الشى ويعرف



    وبس
    والله
     
  8. mjaljaser

    mjaljaser بـترولـي جـديـد

    18
    0
    0
    -هل يتعاونون على أن يعملوا خطة حتى يقضوا وقت أطول في الشركة؟

    ما افتكر (حسب المجموعة اللي اشتغلت معاها) ولكن في البعض من لديه مشاريع بديرته وخطط مستقبلية والود وده يعشعش ويخلل بالشركة من أجل كسب المزيد من المال لتحقيق حلم عمره بديرته !!
    (أنا قصدي إن هل يفبرك شيء من لا شيء؟ و هو الوحيد الذي يعرف حل "اللاشيء" اللي سواه، بالتالي يوصل صورة للمسئول إنها مشكلة كبيرة و تحتاج وقت و جهد و دوام إضافي ...إلخ أنا أعرف هذي النوعية و مشتغل معاها.)

    -ما هي الحدود التي يجب الالتزام بها ليكون الموظف الكويتي في القمة ضد الأجانب؟

    خل الكويتي يلتزم بالعمل والوقت ولا يقول لا ولا يجادل .. ما اقول خل نطمس هويته ولكن خل يكون في اخلاص بالعمل (للبعض مو الكل) عشان بالتالي اتغير الفكرة والنظرة الخاطئة عن الموظيف الكويتي ويكون بالقمة ضد الأجنبي
    (و إضافة نقطة، هذي نقطة مهمة لأن ليش إحنا ننطر عشان تتغير نظرتنا من قبل المسئول؟ العمل عمل، و الجد و الاجتهاد مطلوب، و لكن يجب أن يكون هناك محل ثقة من قبل امسئول، يعطيها للكويتي و يفضله على الأجنبي ولو حصل أخطاء في البداية، و لكن ليتعلم الكويتي و يستفيد، و للأسف المسئول بس يريد الشغل يمشي صح، و لكن بدون روح وطنية، ماكو إنسان كامل و الأجنبي بعضهم حافظ صم، و لكن بدون منطق، الكويتي يقدر يسوي كل شي يسويه الأجنبي بس يخاف، نعم أنا أقولها إحنا نخاف نسوي شي خطأ بالعمل، لأن الصورة واصلتنا إن إذا سويت خطأ إذن أنت مغضوب عليك، الأجنبي يخاف بعد، لكن مو قاعد في ديرته يقدر يتحايل للحصول على مراده)

    -ما هو نظام عقودهم؟ و هل نظام عقودهم هي التي تضطرهم لأن يكونوا غير واضحين بالعمل؟

    عقود سنوية .. بس عفواً شلون يعني مو واضحين بالعمل؟ تقريباً اهم ماسكين أغلب الشغل (ادارياً)
    (قصدي إنه يدري إنه عقده سنوي، و إنه إذا صلح كل المشاكل في سنة (و هو أصلا يقدر) راح يستغنون عنه و ماراح يجددون عقده، فيحاول جاهدا أنه يفبرك عشان يكون محط أنظار بالتالي لن يستغنون عنه، و عندهم ذكاء خبيث في هذا الموضوع بشكل ما تتصورونه، أعجز عن التعبير صراحة.)
     
  9. Salem J

    Salem J بـترولـي نشيط جدا

    226
    0
    0
    Eng
    Kuwait
    لا تقول قصدي ما قصدي

    الأجنبي يشيل 10 اضعاف الشغل اللي يسويه الكويتي

    شلون ما تبي المسؤول يحبه؟

    و موضوع الذمم كل واحد بينه و بين ربه

    أنا الحمد لله بعيد عن الكويتيين لأن سوالفهم كلها قرعة كأس العالم و بورمية و مسلم البراك...

    أما الأجانب فتستفيد منهم لغة و تعرف الشغل و شرفاء و يحللون معاشاتهم.
     
  10. mjaljaser

    mjaljaser بـترولـي جـديـد

    18
    0
    0
    أخوي Salem J الموضوع يتكلم عن مشاكل العمل مع الموظفين الأجانب، إنت ما عندك مشكلة معاهم مثل ما استنتجت من كلامك فليش علقت أصلا؟ لو دازلي رسالة خاصة أبرك، ما له داعي إنك تجمع كل الكويتيين إنهم ما يشتغلون، هذا أول شي، ثاني شي الله يسامحك تقولي: "لا تقولي قصدي ما قصدي" يعني هذا كأنه إستهزاء أو أمر، عفوا بس هذا المنتدى مو منتدى Salem J بروحه! بعدين نتكلم عن موضوع المسئول اللي يحب الأجنبي، إذا المسئول كان مثل اللي إنت تقول عنهم "الكويتيين" يعني كان يوم من الأيام يتكلم عن كأس العالم و مجلس الأمة، يعني كان من الناس اللي إنت ما تحبهم صح؟ بعدين مو بس الأجنبي اللي تاخذ منه معلومات و تتعلم الشغل و تاخذ لغة، و الأجنبي مو ملاك منزل، و لاحظ أنا ما قلت جنسية هذا الأجنبي، قد يكون اللي يكون، و الجنسيات تختلف شخصياتهم، في الزين و في الشين، حتى الكويتي في الزين و في الشين، إذا إنت ما مروا عليك كويتيين يشتغلون هذي مشكلتك، بس إنك تعمم هذا غلط، و بعدين الأجنبي مو ملاك منزل من السما تسمع كل اللي يقوله، توصل بعض الأحيان تقوله: "لا شغلك غلط" و أرجع و أقول الموضوع لمن يواجه مشكلة أو مشاكل مع الموظفين الأجانب، إذا إنت مرتاح منهم مشاركتك ما تفيد، و شكرا.
     
  11. المرسى

    المرسى بـترولـي نشيط

    80
    0
    0
    سالم اصاب الحقيقة الى نستحى نصرح فيها .
     
  12. Salem J

    Salem J بـترولـي نشيط جدا

    226
    0
    0
    Eng
    Kuwait
    و الله مساكين هالأجانب مفروض رواتبهم دبلات الكويتيين... شوف الأوربيين و الأمريكان منصفينهم الشركة و رواتبهم فوق 10 آلاف دينار. لأنهم يستاهلون

    أما اذا جنسيتك آسيوي ما لك الا تاخذ نصف راتب الكويتي اللي يلعب كوت بو 6 و يقرا الجرايد.

    عشان جذي فيه نقص حاد في الشركة و يروحون للدول اللي تقدر في قطر و الإمارات.

    صدقني لو يفكونا من النقابة و من الواسطات، تصير الشركة في مصاف الشركات العالمية.
     
  13. Workers

    Workers إدارة المنتدى

    7,767
    30
    48
    ذكر
    الكويت

    توك أمس مداوم امداك تشوف موظفين يلعبون كوت بو6 وخاصة انك تحت التدريب
    لاتحط في ذمتك شي يامطوع !!
    اللي تشوفه بعينك استشهد فيه ..!
     
  14. Salem J

    Salem J بـترولـي نشيط جدا

    226
    0
    0
    Eng
    Kuwait
  15. mjaljaser

    mjaljaser بـترولـي جـديـد

    18
    0
    0
    واللي ما شفته شنو؟ عندنا ناس تشتغل بس نبي نسلط العين عليهم
     
  16. Salem J

    Salem J بـترولـي نشيط جدا

    226
    0
    0
    Eng
    Kuwait
    أخوي مو كل الكويتيين طبعاً سلبيين طبعاً و لكل قاعدة شواذ.

    القاعدة أن الشخص المدلل ما يشتغل.

    عموماً كما قال الأخ يمكن في المستقبل أشوف ناس تشتغل و فاهمة :) وقتها عاد أستانس :) و أقول الدنيا لازالت بخير
     
  17. Bent_Abooha

    Bent_Abooha بـترولـي نشيط جدا

    في وايد كوويتين عقولهم نظيفه ويحبون يثبتون نفسهم بس ماايعطونهم فرصه واغلب الشغل الي ينعطى لهم اهوا شغل روتيني ممل مامنه فايده :mad:
    انااا مليت من سوالف الريكوستتات ووطقت جبدي
     
  18. mjaljaser

    mjaljaser بـترولـي جـديـد

    18
    0
    0
    هناك نقطة أخرى، أن بعض المسئولين عندما يسمع إقتراح أو حل لمشكلة من موظف أجنبي يقدرها و يحترمها و يرى أنها الاجابة النموذجية، و حين تكون نفس المعلومة أو الاقتراح من موظف كويتي (حتى لو كانت فكرة الكويتي أول) يرفضها و لا يقتنع بها، هناك مرض نفسي في البعض الذي يعتقد أن الأجنبي لا يخطئ و أن كلامه لا يحتمل الخطأ إن صح التعبير.
     
جاري تحميل الصفحة...

مشاركة هذه الصفحة