أمثال كويتيه ( عجيبه )

الكاتب : skipper | المشاهدات : 4,079 | الردود : 123 | ‏24 نوفمبر 2007
  1. skipper

    skipper بـترولـي مميز

    579
    0
    16
    أمثال كويتيه ( عجيبه )

    --------------------------------------------------------------------------------





    · أبو طبيع ما يجوز من طبعه

    · إذا بغيت صاحبك دوم حاسبه كل يوم

    · إذا حبتك عيني ما ضامك الدهر

    · إذا حجت البقر على قرونها

    · إذا حضر الماء بطل التيمم

    · إذا صار رفيجك حلو لا تاكله كله

    · إذا طاح الجمل كثرت سكاكينه

    · إذا طبع دوس على تريجه

    · إذا فات الفوت ما ينفع الصوت

    · إسأل مجرب ولا تسأل طبيب

    · إش حادك يا المسمار ؟ قال المطرقه

    · إصرف ما في الجيب يأتيك ما في الغيب

    · أضبط من ساعة الملا

    · اقبض من دبش

    · أقضب مجنونك لا يجيك أجن منه

    · إكل ما تشتهي وإلبس ما يعجب الناس

    · إما طلعه ولا طبعه

    · إن طاعك الزمن وإلا طيعه

    · إنطر يا حمار لما يجيك الربيع

    · إنفخ يا شريم قال ماكو برطم

    · الباب اللي يجيك منه الريح سده وإستريح

    · بات مظلوم ولا تبات ظالم

    · بغاها طرب صارت نشب

    · بغى يكحلها عماها

    · بغيناه عون صار فرعون

    · تجيك التهايم وإنت نايم

    · ثوب أطول منك يعتك

    · جارك ثم دارك

    · حاميها حراميها

    · حشره مع الناس عيد

    · حط راسك بين رجليك وإشهد على والديك

    · حط فلوسك بالشمس وإقعد بالذلال (إجلس بالظل)

    · خبز خبزتيه يا الرفله إكليه

    · خربان من البيضه

    · دابة الله بأرض الله

    · الذيب ما يهرول عبث

    · راعي النصيفة سالم

    · رزق القطاوه على الخاملات

    · زرع الميانين (المجانين) يطلعه رب العالمين

    · شبعونا طراقات وشبعناهم شتايم

    · طارت الطيور بأرزاقها

    · طقاق روحه ما يصيح

    · الطول طول نخله والعقل عقل صخله

    · عتيج الصوف ولا جديد البريسم

    · عمره ما تبخر ، تبخر وإحترق

    · عومه مأكوله ومذمومه

    · غصيت فيك يا ماي ، شدفعك في

    · فال الله ولا فالك

    · الفرخ يجوجي في البيضه

    · قال عندك تاكل ؟ قال لأ . قال عندك تغرم ؟ قال إي

    · قراقيع صيف

    · قطو وطقيته بمصير

    · كثر الدق يفك اللحام

    · كلٍ بقلبه شيقاليله (شقاء له)

    · كوم حجار ولا هالجار

    · لي بغيب الخبر يشيع عطه (أعطه) أم بزيع

    · لو جريت جري الوحوش غير رزقك ما تحوش

    · لي طار طيرك قول سبيل

    · لي فات الفوت ما ينفع الصوت

    · اللي في الجدر يطلعه الملاس

    · اللي ما يرضى بجزَه ، يرضى بجزَه وخروف

    · اللي ما يستحي منك لا تستحي منه

    · اللي ما يطول العنقود يقول حامض

    · اللي ما يطيع يضيع

    · اللي ما يعرف الصقر يشويه

    · اللي ماله أول ماله تالي

    · اللي مو على دينك ما يعينك

    · اللي هذا أوله ينعاف تاليه

    · اللي يجي من الله حياه الله

    · ما تعينك إلا يمينك

    · ما لك إلا خشمك لو كان عوي (أعوج)

    · مال عمك لا يهمك

    · مخروش طاح بكروش

    · مد رجولك على قد لحافك

    · مداح نفسه يبي له رفسه

    · مكسورة و تبرَد

    · من طمع طبع

    · نصيبك يصيبك

    · هذا سيفوه وهذي خلاجينه (ملابسه)

    · الوجه من الوجه أبيض

    · يا شين شيء ما شابه هله (أهله)

    · يا من شرا له من حلاله علَه

    · يفوتك من الجذاب صج وايد

    · يمدح السوق من ربح فيه

    · يوَد (أمسك) الحبَه وفلَت (أفلت) الدبَه

    ( آه منك )
     
    آخر تعديل بواسطة المشرف: ‏25 نوفمبر 2007
  2. engineera

    engineera بـترولـي مميز

    626
    0
    0
  3. Shoomy

    Shoomy بـترولـي خـاص

    يعطيك الف عافيه يا سكيبر

    هذي احلاهم --> · شبعونا طراقات وشبعناهم شتايم

    حدها عجيبه

    تحياتي
     
  4. frfosha

    frfosha بـترولـي مميز

    753
    0
    0
    قال انفخ يا شريم قال ما من برطم ، هذا حالنا بالقطاع النفطي
     
  5. النزغة

    النزغة بـترولـي خـاص

    1,073
    0
    0
    رزق القطاوة على الخاملات لووول وااايد اسمعة هالمثل و يعطيك العافية
     
  6. alaslamy

    alaslamy بـترولـي نشيط جدا

    258
    0
    0
    يعطيك العافيه على المشاركة الحلوه
     
  7. زهرة التوليب

    زهرة التوليب بـترولـي خـاص

    إذا حجت البقر على قرونها

    هذا ينطبق على الزيادة :p
     
  8. skipper

    skipper بـترولـي مميز

    579
    0
    16
    مشكورين على المشاركه
    ويعطيكم الف عافيه
    وفالكم الزياده انشالله :)
     
  9. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    أمثال رائعة تقريبا ما عدا اللي ببالي
     
  10. skipper

    skipper بـترولـي مميز

    579
    0
    16
    شاكر على مرورك عبدالله شنو اللي ببالك
    واللي عنده مثل مو موجود يقوله يجماعه
     
  11. skipper

    skipper بـترولـي مميز

    579
    0
    16
    شاكر على مرورك عبدالله شنو اللي ببالك
    واللي عنده مثل مو موجود يقوله ياجماعه
     
  12. The^Queen

    The^Queen بـترولـي نشيط جدا

    288
    0
    0
    · إذا طبع دوس على تريجه

    ابي شرح للمثل هذا
     
  13. حنان

    حنان بـترولـي خـاص

    2,196
    1
    38
    والله يااخوي الموضوع وايد حلو وفية بعد معلومات عن تراثنا اللي احنا لاهين عنة ومافي احسن من الامثال تعبر عن التراث, كل الامثال عجبتني وحسيت انها تحاكي الواقع فما قدرت اختار شي منها
    لكن شكرا اخوي ويعطيك العافية
     
  14. skipper

    skipper بـترولـي مميز

    579
    0
    16
    مشكورين على المشاركه ويعطيكم العافيه
     
  15. skipper

    skipper بـترولـي مميز

    579
    0
    16

    انا اللي العرفه بقولجياه طبعا المثل بحري
    اذا طبع = اذا غرق
    دوس على تريجه = دوس علة قرف الطراد - يعني دوس على طرف سطح الطراد :)
    شلون اشرحلج التريج بالظبط مادري
    عموما التريج حافه الطراد او المركب
    فينقال المثل اذا طبع دوس على تريجه ( عشان يتعدل )
     
  16. النزغة

    النزغة بـترولـي خـاص

    1,073
    0
    0
    نسيت بعد اللي ما يعرف الصقر يشوية :) و يعطيك العافية
     
  17. jajs04

    jajs04 بـترولـي نشيط جدا

    علمناه الطراره .....
    أكمل الفراغ
     
  18. SOS_KW

    SOS_KW بـترولـي خـاص أعضاء الشرف

    2,252
    0
    0
    عزيزي skipper فعلا مشاركة ثرية وممتعة .. سلمت يداك على ما نقلت
     
  19. عامل

    عامل بـترولـي نشيط

    65
    0
    0
    عامل
    كويت
    لي بغيب الخبر يشيع عطه (أعطه) أم بزيع


    منو أم بزيع هاذي
     
  20. بنت البلد

    بنت البلد بـترولـي نشيط جدا

    151
    0
    0
    المثل إلي فاز بالمركز الأول لهالسنة هو:

    عاشر من تعاشر ... لابد من الفراق يوما

    "يعوّر القلب"
     
جاري تحميل الصفحة...

مشاركة هذه الصفحة