حكومة الكويت البخيلة

الكاتب : Future man | المشاهدات : 669 | الردود : 18 | ‏24 نوفمبر 2007
  1. Future man

    Future man بـترولـي نشيط جدا

    180
    0
    0
    الحكومة الكويتية تستحق وبكل جدارة أن يطلق عليها إسم الحكومة البخيلة لماذا تابعوا معاي !!

    أنظروا الي زيادة الرواتب التي حصلت في قطر ( مرتين) والإمارات (مرتين) فقد قررت حكومة هاذين البلدين زيادة الرواتب دون إية مطالبات من الموظفين بزيادة الرواتب يعني مكرمة من الحكومة

    أما زيادة الرواتب في الكويت سواء العامة أو الكوادر فجميع هذه الزيادات جاءت بالطلب من الموظفين أنفسهم وعملوا المستحيل لينالوا هذه الزيادة أو الكادر سواء عن طريق مجلس الأمة أو عن طريق التهديد بالإضراب والدعاية الإعلامية يعني أبي زيادة صارت في الكويت أو كادر طبق ببادرة من الحكومة دون المطالبة من الموظفين no way مستحيل فعلا حكومة بخيلة


    ومن ناحية أخرى زيادة الرواتب التي حصلت في أبوظبي قبل الأخيرة كانت 100% من الراتب الإجمالي نعم من الراتب الإجمالي يعني دبل راتب والزيادة الأخيرة التي حصلت في دولة الإمارات هي 70% من الراتب الأساسي

    وكذلك في قطر كانت الزيادة مجزية ولكن لا يحضرني الأن نسب الزيادة التي حصلت على الراتب

    ونحن في الكويت الزيادة التي يطالبون فيها النواب 50 دينار والله عيب عيب على مجلس الأمة يطالب بهكذا زيادة وعيب على الحكومة تقول زيادة ال 50 دينار ترهق الميزانية

    هزلت
     
  2. Toxic

    Toxic بـترولـي جـديـد

    29
    0
    0
    العوض على الله :)
    اعضاء المجلس يطلبون للشعب 50 دك و حق نفسهم يبون 2600 دك ؟؟؟؟
    ويقولون نبي نخدم الوطن و المواطن @@
    وارد و اقولك العوض على الله :)
     
  3. workerq8

    workerq8 بـترولـي مميز

    613
    6
    18
    تبي الصراحة مانبي لا كادر او زيادة نبي تخصيص جزء من ارباح الدخل القومي وتسميته صندوق الاجيال الحالية وان لا يقل عن 10 بالمئة

    احنا قبل 30 سنه كنه نسمع عن صندوق الاجيال القادمة اللى هم احنا الحين

    دخل الكويت الحالى يوزاي خمسة بلايين دولار كل خمسة ايام وعليك الحساب
     
  4. ابوشوكه

    ابوشوكه بـترولـي نشيط

    انا اقول مو حكومه بخيله بل هي حكومه نحيسه
     
  5. بلبل عنقريزي

    بلبل عنقريزي بـترولـي خـاص

    2,187
    0
    0
    الشكوه لغير الله مذله

    الزياده عندما تأتي من بعد خوف لاطعم لها صراحه


    عندما نرى الامارات وقطر والسعوديه والبحرين نتحسر على وضعنا

    مانبي احد يدش ويقول احنا احسن من غيرنا
    صح معاك حق احسن من غيرنا بالحجي والهياط

    اما الخدمات كأنك بأفغانستان قولي جهه حكوميه نفس العالم

    صرحوا اول الايام وقالوا عيديه العيد الوطني طبعا ماطلعت الا بعد اضراب الخطوط !!
    بهالوقت الامارات احرقوا كرتهم لما اعلنوا النسبه
    وردوا مره ثانيه وصرحوا الزياده بتكون من 150 وما فوق بوقتها ضحكت لاني ادري انهم بياعين حجي
    تدرون ليش ؟ لانهم اعلنوا المبالغ قبل لايدرس الخبير !!!

    ومت ضحك اكثر لما قريت اليوم ان الزياده 25 %

    شر البلية مايضحك

    كلمة بخل احس انها قليله

    كلنا كويتيين وكلنا نحب الكويت وولي الامر ونفديهم بروحنا

    بس الشعب محتاج كل شي تغير الزياده نار التجار بدوا يتحكمون على راحتهم بدون خوف !! وين الرقابه عن هالمرضى

    واسف عالاطاله
     
  6. م.محمد

    م.محمد بـترولـي خـاص

    كلامك سليم ولد عمي

    الله يكون بالعون
     
  7. احمد علي محمد

    احمد علي محمد بـترولـي نشيط

    120
    0
    0
    الضباع الجائعة

    اقول لاتتحلطمون وايد موزين يدتي اتقول موزين فقر المعاشات راحت اتزيد وكل واحد راح يستانس بس خوفك من التجار اوالضباع الجائعة او النسور راح تنهش الزيادة
     
  8. engineera

    engineera بـترولـي مميز

    626
    0
    0
    ترى زيادة الامارات قطر ماهي الا كسرت عين حق دولة الكويت والشاطر يفهم..وانتو شفو التوقيت اللي صارت فيه زيادتهم واقروها وين وليش ومتى ومن الحكومه نفسها ..
    لنا الله والحمدالله على كل حال:)
     
  9. frfosha

    frfosha بـترولـي مميز

    753
    0
    0
    انا اتفق مع راي زميلي وركر ، واضيف ما نبي زيادات وما نبي كوادر نبي تصليح نبي اعمار نبي مستشفيات حكوميه مثل الاوادم ونبي جامعات جديده ونبي وظائف جديده لخريجي هذا الجيل وما بعده ، ويييييييييييييييييييييييييييه تعبت ونشف ريجي الله يقطع بليسكم على هالموضوع اشتطيت اشوي
     
  10. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
    انا اقول نبي قطارات تنقل الموظف من بيته لدوامه

    تقعد الصبح تلبس ملابسك شايل بششتك راكب قطارك رايح دوامك



    والله يا جماعه الظاهر راح نموت واحنا انفكر بالزياده

    الحين العمر كله عشنا بدون زياده

    اعتبروها مااقرت وخلاص وريحوا بالكم

    والله كل مااقرا موضوع عن الزياده يزيد القهر اللي فقلبي


    وعلى قولة المثل

    لقمة الشبعان على الجوعان بطيه

    يعني اصبروا
     
  11. Shoomy

    Shoomy بـترولـي خـاص

    انتوا للحين تتناقشون وتتحلطمون؟؟
    انا رحت بنغلادش وخذيت الجنسيه وعطوني نصيبي من ال 10 ملايين وانتوا للحين قاعدين؟؟؟

    ليش تعورون راسكم .... هاجرواا بكل بساطه
    انا وحده وعن نفسي كلها سنتين ولا ثلاث بالكثير ورايحه انشالله
     
  12. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
    ها شومي مو علساس نروحح انا ووياج

    ولا خونتي

    عاد عنده عرض

    تزوج بغاليه واحصل على الجنسيه

    وتزوجي بنغالي واحصلي على الجنسيه

    يعني لحقوا لحقوا

    الفتره محدود

    وخلونا انصير بني بنغال
     
  13. Shoomy

    Shoomy بـترولـي خـاص

    كلمه ولو جبر خاطر

    ايي نسيت اقولك
    انت عبالك انا وين كنت مختفيه طول الايام اللي طافت
    رحت ضبطت شغلي ورديت ;)

    خلاص بروح هالويك اند تعال معاي
     
  14. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
    افا يا شوميي

    خيانه هذي

    اي اكيد بروح معاج هالويك اند


    هالويك اند انا بودع المنتدى لرحلة علاج وابيكم تدعولي عاد
     
  15. Shoomy

    Shoomy بـترولـي خـاص

    الله وياك يالغالي
    الله يشافي كل المرضى

    تروح وترد بالسلامه انشالله
     
  16. كلمـ ولو جبر خاطر ـه

    كلمـ ولو جبر خاطر ـه بـترولـي نشيط جدا

    357
    0
    0
  17. المهندس

    المهندس بـترولـي خـاص

    1,305
    8
    0

    شوفي أول ضحايا الزياده - وشكلي انا راح ألحقك هههههههههه الله يردك بالسلامه وما تشوف شر وانشالله ترجع والزياده مقرينها

    بالتوفيق ولد عمي
     
  18. المهندس

    المهندس بـترولـي خـاص

    1,305
    8
    0

    صح كلامج - لانه هذولي ناس عندهم مخ ويعرفون شلون يرضون شعبهم - وناس قاعدين يشوفون ويقرون ويتعضون من اللي قاعد يصير في الدول المجاوره - ناس تفهم :mad:
     
  19. زهرة التوليب

    زهرة التوليب بـترولـي خـاص

    بخيله من قلب

    عمرهم ما فرحوا الشعب بشي فيه خير
    بس فالحين يقصون علينا بالمكرمه الأميريه

    اللي من تنزل بالراتب السوق يشب نار !!!

    والله فشله بعد ما كانت الكويت بالمقدمه
    صارت بالمؤخره وكل دول الخليج قامت بعمرانها وبشعبها ومشاريعها
    واحنا الى الخلف در :(
     
جاري تحميل الصفحة...

مشاركة هذه الصفحة