ما هو السر في موقف النقابة السلبي مع جماعة الانتاج....؟

الكاتب : مسوي زحمة والشارع فاضي | المشاهدات : 2,274 | الردود : 40 | ‏4 ديسمبر 2009
  1. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0
    السلام عليكم مرحبا شباب
    هذا الموضوع خاص بشباب الانتاج ..... كما هو واضح من العنوان
    لو تشوفون موضوع (( التميز للانتاج )) تشوف ان المشاهدة اكثر من 1600

    وموظفين كثير راحو للنقابة وكثير راسلوني على الخاص يستفسرون وناس تحلفني في ردودي إلي أذكر فيها ان الموضوع خالص بين الادارة والنقابة



    مع أن الحال بسييييييييييييييييييط جداااااااااااااااااااااااااااا


    ليش ما النقابة تنزل بيان او توضيح في الموقع الخاص فيها أو ترسل إيميل للموظفين تبين فيه هالاشكال
    والغريب:
    ولا واحد من النقابة رضي يصرح بشي ؟؟؟؟؟؟؟؟
    يعني سياسة ؟؟؟؟؟؟؟؟

    خصوصا ان كثير من الانتاج منزعجين من هالتكتم إلي صاير


     
  2. zeeroo

    zeeroo بـترولـي نشيط

    134
    0
    0
    السلام عليكم

    أخي الفاضل شكرا على الموضوع
    لكن في نظري أن هالامور تناقشها النقابة مع زملائهم في الانتاج في حال أن أحدهم زار النقابة وستفسر وما أعتقد أن الخوان هناك ما عندهم رد بس إذا الرد مو عاجب نوعية معينه فهذي مشكلة.
    خصوصا أنه هالفترة فترة أنتخابات وهالمواضيع ممكن تستغل في غير محلها أو تجير لمصالح شخصية.


    فأرجو من الاخوان أنه لا يخوضون في مواضيع والغرض إستثارة المشاعر .

    "رزقك يا ابن آدم مكتوب لك وأنت في بطن أمك"


    وأنا صراحتاً أسجل أعتراضي على الموضوع​
     
  3. FLB

    FLB بـترولـي جـديـد

    23
    0
    0
    بسم الله الرحمن الرحيم

    الاخ العزيز مسوي زحمة أنا ما ادري ليش انت مكبر الموضوع ومعطيه اكبر من حجمه وكل ما تقول شي تقول النقابة والادارة اولا لا تنسي وانا ادري انك صغير سن وما تعرف شي عن الوضع بالشركة والفرق بين الماضي والحاضر . الادارة اللي انت تتكلم عنها اكثرهم اخوانا وربعنا ويعملون معنا ولهم حقوق مثلنا وعمرهم ما ضايقوا احد من احد من الموظفين والنقابة ايضا اخواننا وربعنا واللي اعرفه وانا في الانتاج وخدمتي 22 سنة ان موضوع التميز جاء بناء على مطالبة من النقابة وهم الذين طالبوا فيه وسعوا فيه من بداية استلامهم للنقابة . وما أدري ليش انت حاط الموضوع وكأنه حق لك والادارة اخذته منك هذه المطالبات لازم تأخذ مجراها ووقتها وأنا شخصيا سألت أحد المسئولين بالانتاج بالعيد عن التمييز قال ان الموضوع خلصوه النقابة من الشركة بس علشان فيها صرف فلوس والمبلغ كبير لازم موافقة المؤسسة بذلك وأيضا سألت النقابة عن الموضوع أفادوا بفس الجواب فأتمنى ان تقوم انت وتسأل مثلي واطلب من النقابة ان يعطونك دليل على كلامهم . ومشكووور
     
  4. i5phone

    i5phone بـترولـي جـديـد

    16
    0
    0
    القت النقابه هالفكره على الاداره ..

    والاداره تفهمت وشافت ان الموضوع فيه حق .. ويصلح ان يميزون جماعه الانتاج ..

    بعدم قصور باقي الاقسام لكن

    اقوى دائره والتركيز عليها اكثر من باقي الدوائر من حيث العمل ...
     
  5. علميني الحب

    علميني الحب بـترولـي نشيط جدا

    365
    0
    0

    الله يسامح التيم ليدر اللي قالك الموضوع خالص بأحد ردودك
    بس نصيحتي لك مثل ما قال الأخ FLB
    روح واسأل وتأكد وكل الأخوان بيردون عليك بالنقابه
    بس لا تقول محد راضي يصرح عشان كا تحسب عليك كذبه
     
  6. مهاجم صريح

    مهاجم صريح بـترولـي جـديـد

    27
    0
    0
    ماشالله ربع النقابـه كثـروا هالأيام بالمنتـدى ..

    صدقـوني مافيـه واحـد عـاقل راضي عن النقابـه قبل 6 شهـور .. بس من قربت الإنتخابات قامت تشتغل
    النقابه وكثرت العروض والإيميلات .. بس إن شاء الله .. من أرتمـى في حضـن الإداره راح تكـون لنـا وقفـه
    معـاه .. وأنت يابو خـدمه 22 لاتكـون من اللي فاوضوكم على cont 1 ووافقت .. وتبي العالم يصوتون لهم
     
  7. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0


    يسعد مساك أستاذ صفر

    إلى كل موضوع نخاف من أنه بعض الاشخاص راح تفسرة غلط أو أن مجموعة من القوائم راح تجيرة لصالحها ............ أجل ما فيه ولا موضوع نقدر نناقشة

    أسمحلي على عتراضك ............ مو في محلة
     
  8. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0





    مساء التفهي ي ي ي

    شكلكم سهارى وما قريتو الموضوع عدل
    علمني الحب حبيب قلبي هدي أقرى الموضوع عدل لا تدش ادعوم شكلك من شفت الدعوى فيها نقابة وسلبي داش 200 هدي هدي هدي

    شباب أنا أتكلم عن موضوع ثاني بعييييييييييييييييييييييييييد
    عن إلي تقولونه ..................

    الموضوع بختصار ...... كثر الكلام عن متى ينزل بدل التميز؟
    والكل يسأل ............. وراحو يا حبي لنقابة بس محد راضي يصرح بالموعد ......؟؟؟؟؟

    طيب ليش ما النقابة تنزل بيان أو تصريح توضح الاشكال لموظفين الانتاج ؟؟؟؟
     
  9. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0

    للاسف أن هناك قداما المحاربين في الانتاج قلبهم على نفسهم مو على ربعهم

    وفي الاجتماع إلي صار من أجل موضوع cont 1 في النقابة لاحضنا انه هناك من يريد أن يستفيد لوحدة فقط يعني أنا ومن بعدي الطوفان ........ يبي هالقريد لو يولع في الانتاج كله

    مع أن هالهيكلة الجديدة راح تطلع على الشباب الي بعدهم بس هم ولا هامهم
    قريد وسيارة وشغل خفيف
    ولي يدل على التخبط إلي ماشية فيه الادارة والي تطبله النقابة .... التأخر في الوصف الوظيفي لهذه الدرجة والتعديلات إلي كل شوي عليها يدل على انهم ما كانوا جاهزين لهذا الشي .... وبكرة تطلع من عين الشباب الجدد


    وعلى الاسامي الي من زمان ما شفناهها لا تحاتي بتكثر هالايام:p,,,,,,,, خصوصا أن القوائم تعلمت أن أفضل شي الأعلام ... مو مهم المضمون كثر ما هو التواجد على الساحة وهذا الشي تعلمناه من الاتلاف ,,,:D


     
  10. p.m

    p.m بـترولـي نشيط

    50
    0
    0
    السلام عليكم ورحمة الله

    كلام كبير يا أخي الفاضل لكن هل من قلوب تفقه وتعي.

    كان لي مشاركة سابقة في موضوع سابق وأحببت أن أضيفها في هذا الموضوع


     
  11. FLB

    FLB بـترولـي جـديـد

    23
    0
    0
    ما شاء الله أشوف إن الاخوان اللي يهاجمون النقابة كثروا بعد ترى عندي نصيحة لهم ترى قائمة العمالية لا زالت ناقصة ويبون واحد يكمل القائمة عشان ما تصير تزكية هالسنة . واحنا بعد ودنا ما تصير تزكية علشان تكون هناك انتخابات. وبعدين والله غريبة وشلون يقدر واحد يحدد شي لما الحين ما صار يعني النقابة ما تقدر تحدد متى تنزل علاوة التميز إلا لما تخلص ويتفقوا عليها .. وترى النقابة على حد علمي انها مستعجلة اكثر منكم .
     
  12. FLB

    FLB بـترولـي جـديـد

    23
    0
    0
    أما بخصوص موضوع الهيكلة فأنا كنت من الغير موافقين عليها ولكن الجماعة اكذوا راي الجمبع ومروا على جمبع السناتر والشفتات وهذه موجودة في موقع النقابة بالاسماء والارقام والتاريخ وهذه قمة الشفافية اللي ما عرفناها الا على عهد هذه النقابة الحالية والحق لازم يقال ... والكل راح يستفيد من الهيكلة بالترقيات .. وبعدين ترى الهيكلة معروضة من الادارة مو من النقابة .... لكن شنو رايك في تقسيم المناطق الجديدة مطالبة فية والترقيات لها وهذا الانجاز من النقابة .
     
  13. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0

    إشفيه ابو تسع مشاركات وأنت علبالك العمالية بشكلون خطر على ربعك إذا نفس الاسماء إلى في الانتخابات السابقة ونفس النفس لا عزالله رحنا وطي ..... بس هدي يا الحب

    شرايك أنها بتنزل خلال هالشهر .... والعهدة علي
    بس شنو لي منك إذا طلع كلامي صحيح

    هذا يدل على أن بعض أعضاء النقابة ما يدري وصرح بتصريح خاطئ



    صباح العسل حبيبي كانو يفترون على الموافقة على البدل التميز مو على قريد cont. 1
    لووووووووووووووووووووووووووووووووووووووووووووووووووووووووووووووووووووووووووووول

    هدي لا ياخذك الحماس هذا وأنت من الانتاج ما تدري شنو وقعت عليه

    وإذا على الشفافية ليه ما أصرو على القريد وإذا الادارة رافضة علقو الاضراب حلهم حال النقابات الثانية .... مثل البترول وحال الزمن الماضي إذا النقابة مصرة على أمر والإدارة رافضة تهدد بالاضراب
    مو تمشي بالسناتر تسوق لموضوع الادارة هي إلي حاطته وتقول شفافية
     
  14. AD-01

    AD-01 بـترولـي خـاص

    1,040
    2
    38
    انت قاطلك كلمة قبل كم يوم وابتلشت

    قايل ان علاوة التميز خالصه وبتنزل للناس شهر 12 مادري شهر 1 .. وليلحين مو مستوعب ان ماعندك سالفة :)


    وفر اقتراحاتك لنفسك يا الفطين .. والنقابة راح تنزل بيان اكيد مو علشان ترقعلك .. علشان تكون صادقه جدام العمال يا الحبيب .. ناس عندهم امانه ويبون يطلعون بوجهه ابيض


    فاتحلي موضوع جديد تقترح فيه ان النقابة تنزل بيان جدام العمال ... واجد عليك :)

    دق واسال واحد من حمران النوظر من ربع الائتلاف اذا انت مشغول بالمنتدى وما تقدر تدق على احد في النقابة تنشده عن اي معلومة

    بس تدري ... شكلها بتقزر عليك هالشهر :)
     
  15. علميني الحب

    علميني الحب بـترولـي نشيط جدا

    365
    0
    0
    زين أنك فهمتني وانا كنت فاهم الموضوع غلط
    بس المشكله إني علقت على كلام التيم ليدر اللي قالك ولا تشعبت بالموضوع أكثر
    وثاني نقطه يا أستاذي الفطين إن النقابة مو ملزومه تنزل تصريح توضح فيه لأن بدل التميز مو حق وسلب من الأنتاج
    لا هو مطلب تبنته النقابه لتمييز الأنتاج وأتمنى إنك تفرق بين حق مسلوب ومطلب
    وبعدين بالنسبه لكلامك إن الشباب راحوا لنقابة ومحد راضي يصرح أقولك بأن قذف الناس ذنب
    وإذا صار هذا الشي أتمنى تكتب أسمه لي بالخاص مع أني ما أعتقد راح تكتب
     
  16. العامري

    العامري بـترولـي نشيط جدا

    هذا الكلام مو صحيح العرض من الشركه للنقابه السابقه كان اب قريد بس طالبوا انه يكون للماي والغاز وتوقف بس لما وصلت النقابه الحاليه تعدل الوضع ومشى الكنترولر 1 رغم انه حرم منه الشباب .
    طيب اذا نزل التميز هل راح يكون في المعاش؟تحت اي بند ؟
    هل راح يكون نفس الانسنتف ؟لان اذا كان بدون بند ممكن انه ينشال في اي لحضه
     
  17. علميني الحب

    علميني الحب بـترولـي نشيط جدا

    365
    0
    0
    كلامك صح والأخوان مأخذين هذا بعين الأعتبار مو ناسين هذا الشي
    وأكيد عندهم حل لأنهم رافضين يكون نفس الأنسنتف عشان يكون حق دائم
    وحسب ما سمعت بأنه راح يتم أستخراج مسمى أو تغير مسمى
    نبي الخير لربعنا
     
  18. محمد المذن

    محمد المذن بـترولـي مميز

    694
    0
    0
    انا اشوف ان الكلام عن التميز زاد هل اهو مجرد هجوم على النقابه
    ام صحيح مطالبة من الموظفين ؟؟
    اذا مطالبه انا اقترح انك تروح النقابه او تتصل فيهم وتسأل
    احسن من لا تحط موضوع وتتكلم فيه وبالنهاية مازدت ((للمطالبة )) شي
    وشكراا
     
  19. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0

    يالحب
    هدي طال عمرك وراك مسرع ومو شايف الخط

    أبي منك تعطيني دليل واحد أنه أنا قلت أن التميز حق مكتسب للانتاج ونسلب منهم

    يا فطين .... بالعكس انا سؤالي ما دام أنه كثر الكلام عن التميز متى ينزل ليش ما النقابة تريح العالم ... بس ما لومك شكلك مركب تيربوا وشاخط مو قاعد تشوف العلامات هدي يا خوي ...
    أشهد بالله انك تحب الاتلاف
    موووووووووووووووووووووووت

    بس كلالالالالالالالالالالالافي تعصب أعمى
     
  20. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0



    مسااااااااااااااااااااااااااااء الحنية:p


    ابوخلود حبيب قلبي وراك معصب وشاق القاع وقايل باااااااااااااااااااااع:eek:

    ما دام أن النقابة بتنزل بيان توضيحي ............. فمشكووووووووووورين على تبني

    فكرتي
    وهذا يحملني أمانة كبيرة بأن أصواتنا مسموعة ... فلازم نحافظ على المصداقية:)


    وبالنسبة أني أفتح موضوع جديد أقترح فيه أن النقابة تنزل بيان جدام العمال ... هذا مو واجد علي ... وهالمساحة من الحرية كفلها لنا الدستور وسياسة المنتدى ..... فلا تحرمنا منها طال عمرك.... والدليل أن النقابة تبنت الموضوع مشكورين

    بس سؤال واحد أنت شلون تدري عن الامور قبل لا تصير وبعد ما تصير وين مداها وشنو اصدائها.... بس ما شاء الله عليك




     
جاري تحميل الصفحة...

مشاركة هذه الصفحة