ياجماعه الحمد لله ان صار عندنا منتدي نكتب ونشتكي ونرفع صوتنا وشكوانا للمسؤولين لعل وعسي يكونوا اعضاء في منتدانا ويعرفوا مشاكلنا وهموما ونوصلها لهم بأسلوبنا لأنني لا اعرف ان كانت شكوانا توصل قبل او لا مطعمنا ذبحنا لا اكل مثل الناس لا طباخ ولا سيرفس ولا تقديم ريوق وغدا وعشا الله يديم النعمه الريوق الصمون منتف وما عندهم الا حلوم وبيض وبطاط وبيذنجان وجبن اصفر وابيض حتي فلافل ماكو ولا فول ولا شي غير اللي قلته والغذا اللي يجينا دجاج زفر ما تاكله حتي القطاوه وبعضه دمه فيه ويقطر واللحم وغير الدهن تقول ديزل صابه علي ايدك والعيش ناشف ومكسر والعشا ما ودي احلف واقسم انه باقي الغدا يسخن ويجينا مافي احترام لنا وكأن المطعم يوكلنا علي حسابه صدقه يعني وكأن الشركه ما تعطيه فلوس علي كل وجبه بس لا حول ولا قوة الا بالله لا ذمه ولا ضمير ليش الشركه ما تجيب لنا مطاعم معروفه واكلها حلو مثل النوخذه شرمبي الوجبات السريعه اي وحده فيهم مغل محل قيصر وتلزمه بالديكورات وتعديل المطعم وتري اسعارهم مثل سعر هالمطعم اللي عندنا مو غاليه لهدرجه حلو لما الانسان ياكل في مكان نظيف وسيرفس حلو وتقديم رائع واكل راقي مو ناكل ونروح الطبيب تدرون ان المطعم سبب من اسباب كثرة المرضيات وإدارة الشركه حريصه علي تقليل المرضيات في الشركه غيروا المطعم عشان الناس ما تمرض وجيبو لنا مطاعم نظيفه معروفه واكلها رائع تدرون مكان مثل مكان مطعمنا ممكن يكون حق ثلاث او اربع مطاعم تتنافس علي ارضاء الزبون وهو الموظف مثل مطاعم المجمعات اي الاسواق ويكون تنافسهم قوي ولا ينسون الكافي مثل استار بكس وكوستا كوفي ابي اعرف شنو المانع في ذلك شكرا لكم
كلامك صحيح بس في نقطه موضحتها ألا وهي طريقة الدفع للمطاعم طبعا طريقة الدفع هي نفسا حالياّ ولكن توزع على المطاعم الموجودة كل علي حسب زباينه فمثلا مطعم حصل علي 1000 وجبه في اشهر تدفع الشركه له نفس الدعم المعتاد والموظف الباقي وبدل ما تكون هنالك مكينه وحده لختم الكروت للمطعم يكون كل مطعم عنده مكينه عشان يحسب كم وجبه اشترت من عنده ويحاسب الموظف والشركه طبعا ما راح يتغير شي الموظف ماله الا وجبه وحده واللي يبي زياده يدفع حسابه حلوه منك فكرة مجمع المطاعم هذي ويحمدون ربهم اهل المطاعم مكان حلو وبلاش وزبائن مضمونين يا ليت تطبق الشركه هالفكره تري ملينا من هالمطعم الاوحد يتحكم فينا وحلوه سالفة المرضيات واعتقد انها صحيحه
صباح الــــــــــــــــــــــــورد أخووووى والله موضوع كبير ومهم وحساس لى أقصى حد المطعم وما أدراك ما المطعم والله لو عندى صاروخ لا أشلع هالمطعم شلع من من قاااااااااااااااااااااااااااعه أخوى المحترم والعزيز أولا هاذا المكان حرام نسميه المطعم هاذا حشاكم حديقه الحشرررررات والله مو قصدى ألوع .......... العالم بس هاذى الحقيقه المررررررره المكان هاذا الحمد الله صارلى تقريبا 6 سنوات ما أكلت فيه ولا أتخيل يوم أنى راح أكل المهم سوالفى مع هالمكان الحقير والله والله ما أظلم هالمكان هاذا وأزود حرف عليهم ..... 1-زياره من غير قصد بدوام النايت والله شفت شى ما فيه أحد يصدقه دشيت بالصدفه ولا ........ مانى قايل أسم الحشره أحقر حشره عندى وعند النااااس حوالين الصمون وحوالين كل شى كملت الزياره من غير قصد أدور الهندى الحقير دشيت داخل تعمقت فى عالم هالمكان الحقير وصاااخه لى أبعد الحدوود أدوات ألى يستعملونه بالقلى والى يستعملونه حق العيوش (ياحبنا حق العيوووش وصخه بشكل ما تخيلووون يا الحلوووووين.. والله مصخرررره حلفت مارد لى هالمكان مره ثانيه .. 2- قلت حق صاحبى الكلام هاذا ماصدق يوم من ألايام الحبيب أشتهى شوربه كلم المطعم وصلت الشوربه السخنه المفلفله عشان تشتهون وأكسر فيكم بعدين و لا الحشررره الحقيره تسبح على الوش بتاع الشوربه لووووووووول هاذا بعد ما شرب الحبيب شوووويه على باله خضره لووووووووول... سوالف شكثر لى ولربع بس الله كريم يا الحلوووين عزأى الوحيد أنه المسؤلين ....... ياكلون منه وبنهـــــــــــــم والله هاذا الى مفرح قلبى والمصيبه يدرون أنه وصخ بس مسؤلين ........ أكيد مو الكل بس أغلبهم المفروض أهم نفسهم يشتكون ويغيرون المطعم بس الحلوين مايقدرون يحركون حتى شعره ... والله مابى أكمل المصخره ألى صايره بهالمكان بس كاااافى كااافى يســـــــــــــعد بسنا وصااااخه
والله ملينا من هالعيشه تقول حنا مو بقطاع نفطي اكل يسد النفس لا ويمن عليك تدرون ليش لان المسؤولين راضين عليهم ويجيهم وجبه انضف وارتب من وجبتك نريد حلا ولا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كلامك صحيح 100% بس لو تدري باللي عندنا بتترحم عاللي عندكم !! مرات تلقا شعر بالاكل و مرات تلقا ذبان و بعوض بالاكل و مرات تييك السلطه زفففففففففففره و الخبز ايي يااااابس و تخيل انت صايم و اييك الفطور وصخ شتسوي ؟؟ ما حطو ببالهم ان الموظف هذا بني ادم و يتعب و يداوم شفتات ؟؟ يعني يحتاج شي نظيف الله يعنا و يعينكم و فوق كل هذا ما يبون يقرون الزياده لنا الله
اذا كان رب البيت للدف قارع فشيمت اهل البيت الرقص حقيقة موضوع شيق جدا وحساس . للاسف انا واحد من اللي بطونهم مسمومة من هالمطعم الخايس (اعزكم الله) ياجماعة لاتلمون هالمطعم لوموا رب المطعم اقصد المشرف واللي للاسف مايدري وين الله قاطه تجيه وتكلمة عن المخالفات والنظافة يقول نشوف ولايقوم معاك ولا يعرف يتكلم .......لاتلموني انا صارلي موقع معاه واستغربت شلون يحطون مشرف على المطعم في حدود امكانياتة...بس لما عرفت من يكون وشنو الصله اللي تربطه باحد المصاكة فهمت.وسكت. انا ما ودي تفهون ان هذا تهجم على مشرف المطعم ولكن هذي امانة يجب ان تعطى لشخص فاهم ومتعلم وقوي مو ضعيف والمطعم للاسف يديرة المصري المتين هو المقاول وهو المشرف مايصير ياجماعة الخير
السلام عليكم ورحمة الله وبركاته ... بقول كلمه وأتمنى انها تلقى رضاكم ... وخاصه للي يعملون في منطقة الشعيبه الصناعيه وتخدم جميع الشركات بدون استثناء ... يكون في الشعيبه مجمع مطاعم يضم معظم شركات الوجبات السريعه (ماكدونالد _ هارديز _كنتاكي _ برجر كنج _ بيتزاهت ..الخ ) وغيرها من المطاعم ذات الصيت الطيب (مغل محل _ ميس الغانم _ قصر فخر الدين الخ ) ... وتقدم خدماتها بطريق توصيل الطلبات الى بوابة كل شركه داخل نطاق الشعيبه ... وأتمنى الأقتراح هذا يُسمع من قبل أمن منطقة الشعيبه و هيئة الصناعه لأنهم مسؤوليتهم بالدرجه الأولى ... وأما ان يكون لكل شركه مجمع مطاعم هذا بيكون محدود الفائده ويضم عدد قليل من الأختيارات للمطاعم ... واتمنى التوفيق للجميع
هل صحيح تم التجديد لمطعم الشركه هذا اذا صحيح ودي اقول شي لا لا لا ليششششششششششش ليش ليش احنا مو بشر خلوني اصرخ من القهراه اه اه اه اه عليك يا زمان العجايب صارنا ننجبر علي شي مانبيه للأسف
[b]يعطيكم العافيه جميعاً والله الموضوع جيد جيداً وطرحه ممتاز أنا أبي أفهم شيء واحد بس !!!! ليش ما يسوون إستفتاء على نطاق العاملين في الشركه!!!! وليش ما يخيرونا في المطعم !!! وليش ما فيه إلا شرقي وغربي!!! والله أنا مستغرب بصراحه هالمطعم مو محطوط للعاملين !!! يا أما يجيبون أكل سنع وإلا يكنسلون هالمطعم أنا من الناس اللي ما آكل من هالمطعم والسبه من الأكل السيء ( الله يديم النعمه ) وأتمنى من المسؤولين أن يشوفون حل في هالمطعم (ولا يعتقدون إن الأكل اللي يجيهم هو نفسه الأكل اللي يوصل للعاملين ) [/b]
معاك حق بعيد الهقاوي معاك حق وكلامك صحيح شوف وضع المطعم يفشل لانظافة لا ادارة ولا شي حتى شيف مافية كلة فوضى في فوضى........لا حياء لمن تنادي مدام اللي يدير المطعم معاة فيتامين واووووووووووووووووووو للاسف
شوفوا اخوانا في المنتدي ماذا فعلوا بالمنتدي في شركة البترول الوطنيه مع المطعم وكثرت الشكاوي وياليت ربعنا يطبقون مافعله اخوانا في الشركات الاخرى حنا بعد لنا مطالب وحقوق اليكم الرابط بيض الله وجيهم ما قصروا[ /B]http://www.q8ow.com/vb/showthread.php?t=6011
شكرا للاخ انور الكندري لجهوده الواضحه في المطعم بس السؤال وين انور الحين وهل يد الفساد لها دور في ابتعاده؟؟؟؟؟؟
