هااااااااااااااام جدا جداااا ؟

الكاتب : FOX70 | المشاهدات : 1,289 | الردود : 1 | ‏23 نوفمبر 2009
  1. FOX70

    FOX70 بـترولـي مميز

    ما صارت هالكل بينهبنا من صوب



    لي متى نرجع لي ورى بقوانينا !!



    شنو هالمهزلة !!



    كل هذا بس عشان تنفعون كبار التجار اللي ذبحونا بغلاء أسعار بضائعهم !! و بيحرمونا انه نشتري من النت بأرخص الأسعار حتى لو نضيف سعر الشحن !!



    وين بنوصل بالكويت لي ويييييييييييين







    السلام عليكم

    اخواني الي يطلب من الانترنت لايطلب شي رخيص من اليوم ورايح

    يوم 21/10/2009

    [​IMG]

    الجمارك طلعو قرار وطبقوه على شركة ارامكس وكل شركات الشحن
    انه اي شحنه تدش الكويت عن طريقها ماعدا الاوراق عليه رسوم جمركيه



    وهي عباره عن:


    رسوم جمركيه 5%

    +

    15 دينار ثابته رسوم ارضيه - وهذي منفعه للتاجر صاحب المخزن بالمطار

    1 دينار بيان - سعر الورقه الي مكتوب فيها الاسعار يعني الفاتوره

    4 دنانير عمولة البنك التجاري

    1 دينار طابع

    +

    5 دينار التخليص الجمركي والمناوله

    +

    طبعا السعر الاصلي للشحن الي اهو كل نص كيلو 3 دنانير



    يعني الاستنتاج انه اذا تطلب اي شي سعره 10 دنانير مثلا تي شيرت

    راح تدفع عليه 26 دينار حق الدوله بدون وجه حق

    وطبعا مافي قانون بالدنيا يتيح الشي هذا هذا غير سعر ال5% وسعر التوصيل نفسه



    لو على ال5% بس مقدور عليها بس ال26 الثابته هذي ليش؟ وحق منو؟ ومنو المسؤول؟



    * مع العلم انه الكويت موجوده بالبلاك لست بمنظمة التجاره العالميه ومنظمة حقوق الانسان

    ومنطمة التجاره العالميه من قوانينها منح الحريه للتجاره الالكترونيه والاعفاء الجمركي والكويت عضو فيها





    والله حاله والله مصخره الي قاعد يصير بالبلد سكرو علينا كل شي من كل الجهات
    والحين سكرو علينا التسوق بالانترنت



    الله يعينه على طمع وجشع المسؤولين والتجار

    كل دول العالم تشجع التجاره الالكترونيه واحنه بديرتنا تندفنها الى الابد



    هذا المفروض انه القانون الجمركي موحد بالخليج وانا كلمت كل الاخوه من كل دول الخليج احنه الوحيدين الي تصير عندنه المصخره هذي شلون قانون موحد وشلون احنه غير؟

    كلهم اغراضهم تمر على الجمارك للتفتيش بس وتمشي وتوصل للبيت بدون جمرك وبدون اي شي وبالسعوديه صار عندهم خدمات والشركات

    تتنافس على توفير خدمة التسوق الالكتروني - ارامكس ودي اتش ال وخدمة واصل والبريد السعودي وغيره

    واحنه خللف سر




    هذا ايميل من شركة ارامكس واصلني يوم تنفيذ القرار:

    عزيزنا العميل:
    شكراً لاختياركم ارامكس كشريك للنقل،
    يرجى العلم بأنه تم ابلاغنا مؤخراً من قبل الإدارة العامة للجمارك بأن جميع الشحنات ستخضع للترسيم الجمركي لحظة وصولها مطار الكويت الدولي فيما عدا الوثائق والرسائل الورقية، وستقوم شركة ارامكس بتقديم خدمة التخليص الجمركي لعملائها الكرام ولكن لن نستطيع اعلامكم بالمدة اللازمة لهذا التخليص والتي من الممكن أن تزيد عن خمسة أيام عمل، لذلك فإن شركة ارامكس تنصح عملائها الكرام الراغبين بتخليص جمركي سريع أن يستلموا الوثائق الخاصة بشحناتهم من مكتب شركة ارامكس الكائن بمنطقة العارضية والعمل على تخليصها لدى إدارة الجمارك.

    لمزيد من المعلومات أو الاستفسار، يرجى الاتصال على رقم هاتف الشركة
    هذا، وتفضلوا بقبول فائق التقدير والاحترام،،،


    اتمنى انه محد يسكت على المهزله الي قاعده تصير وتشتكون وتكلمون اعضاء مجلس الامه الي انخبتوهم هذا وقتهم الحين

    وتكلمون الجرايد واذا تقدرون تدقون على القنوات التلفزيونيه او تشتكون بخدمة المواطن او بالقضاء

    السالفه مصخت وزادت عن حدها وهذي ضريبة السكوت

    لو الي صار هذا صار بدوله اجنبيه والله ثاني يوم تشوف مظاهرات بالمطار بس احنه كله ساكتين عشان جذي التجار يشوفونه وجبه دسمه لهم



    لاحول ولاقوة الا بلله العلي العظيم







    ملاحظة / هذه الرسالة وصلتنى عبر ايميلى الخاص - وانا بدورى اعرضها عليكم لابداء الراى _ وشكرا للجميع
     
  2. GatePass

    GatePass بـترولـي نشيط جدا

    اكثر من مرة طلبت من الارامكس ... بس قبل القانون .. !!

    بتصل فيهم وأشوف ...

    والحل يعني !!



    يعطيك العافية على الموضوع ..
     
جاري تحميل الصفحة...

مشاركة هذه الصفحة