الكويتي ما يبي يشتغل ... حلقة نقاش

الكاتب : العيـن | المشاهدات : 1,049 | الردود : 11 | ‏21 نوفمبر 2009
  1. العيـن

    العيـن بـترولـي جـديـد

    41
    0
    0
    السلام عليكم
    منذ دخولي الشركة وأنا أسمع بأن الكويتي ما يبي يشتغل وإنه دايم مريح على الآخر
    وأنه أكثر الناس مرضيات بين الموظفين هم الكويتيين ...
    وعند النظر والتحديق أجد بأن الأمر ليس عاما ... أنه يوجد موظفين كويتيين من أفضل العاملين في الشركات وأكثرهم انتاجية وأمانة وانضباط ..


    فهل من الممكن نفتح حلقة نقاش يديرها الأخوة المشرفون عن هذه الظاهرة ؟
    واقترح بأن تكون محاورها كالتالي:


    1- انتاجية الموظف الكويتي في شركات القطاع النفطي



    2- هل ظاهرة " أن الكويتي ما يبي يشتغل " صحيحة؟



    3- دور المسؤوليين في تحفيز الموظف الكويتي من عدمه



    4- هل الموظف غير الكويتي أكثر انتاجية



    5- أسباب زيادة انتاجية الموظف الكويتي بين الواقع والطموح



    6- دور النقابات في زيادة انتاجية الموظف الكويتي بين الواقع والطموح



    7- الحوافز المادية والمعنوية لزيادة الانتاجية
    إلى غير ذلك



    مع العلم بأن كثير من المسؤولين يرتاد المنتدى ... وعلشان نسمع أصواتنا بحيادية وموضوعية ... وصوتك وصل

    أتمنى من الأخوة المشرفين الموافقة بإدارة الحوار والنقاش
     
    آخر تعديل بواسطة المشرف: ‏21 نوفمبر 2009
  2. feed gas

    feed gas بـترولـي خـاص

    الاخ لعين.... تعال زورنا فى اقسام العمليات وانته تتاكد ان الكويتى صج ما يشتغل.... خلك من الكلام وتعال شوف الواقع... ودمت بخير
     
  3. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    شكرا يا العين على الموضوع ، المركز على قضية هامة و متداولة بشكل كبير في الأوساط المختلفة

    و إسمح لي أصيغ موضوعك ليسهل الإقتباس و الرد عليه
     
  4. العيـن

    العيـن بـترولـي جـديـد

    41
    0
    0
    الأخ feed gas ( لعين ..مرة وحدة) .. أشكرك على مشاركتك

    أشكر الأخ عبدالله - المراقب العام - على مشاركته وتنسيقه للموضوع

    وانتمنى المشاركة على المحور الأول " انتاجية الموظف الكويتي في شركات القطاع النفطي ومقارنته مع باقي القطاعات الحكومية والخاصة "
     
  5. GatePass

    GatePass بـترولـي نشيط جدا

    وطني الكويت سلمت للمجد *** وعلى جبينك طالع السعد
    -
    وطني الكويت
    -
    وطني الكويت ** سلمت للمجد


    ********

    العمل ماله جنسية ... كويتي ولا غير كويتي .. !!
    يعتمد على الشخص نفسه ... كل واحد وضميره .. !!
     
  6. API 18

    API 18 بـترولـي مميز

    513
    0
    0
    هذا الي يقول الكويتي ما يشتغل اكيد قاعد يتكلم عن نفسه او المحيطين فيه. بس عند ملاحظه على الناس الي يشتغلون بذمه و ضمير وحارقين عمرهم تلقاهم بعد مده يخقووون والسبب؟؟؟؟؟ انهم يلاقون بالنهايه الي يشتغل والي ما يشتغل سواسيه بالتقييمات والترقييات والحوافز فيقول انا ليش ذابح عمري خلي ادوس بريك واسير نفس الناس ال شغله good. ومن هني يسير التعميم على ان الكويتي ما يشتغل. بس العيب ترى مو بالموظف بس بال system. اللهم احفظ الكويت.
     
  7. Sc0rpio

    Sc0rpio بـترولـي خـاص

    1,000
    0
    36
    مهندس
    الكويت

    أنا موظف جديد نوعاً ما في الشركة

    سوف أكتب عن زملائي الذين هم في مثل سني وتوظفوا معي في نفس الوقت تقريبا

    ونحن نُعْتَبَر بشكل عام الجيل القادم للشركة


    بصراحة

    الأغلبية لا يهمهم العمل ولا إتقانه ولا يهمهم كيفية تطبيقه ولا يتطلعون إلى تطوير إمكانياتهم

    التركيز الأقوى على الجريدات والحوافز الأخرى ولا ننسى أيضاً

    الشاهي .. القهوة .. السوالف :)


     
  8. محمد المذن

    محمد المذن بـترولـي مميز

    694
    0
    0
    انا اتفق مع كلام الاخ
    لاكن انا اشوف الشباب الكويتي يعتمد عليه اذا اعطيت له الثقه والصلاحيه والمسؤوليه
     
  9. Workers

    Workers إدارة المنتدى

    7,767
    30
    48
    ذكر
    الكويت

    هذي هي المشكلة اكثر المسئولين والمدراء بدايتهم مهندس مثل الاغلبية اللي ذكرتهم همهم الوحيد
    الدرجات ياخذها في وقتها والحوافز الاخرى اهم من الدرجه .. هالشي يكبر معه ويزيد مع مرور الوقت
    بعد مايصير مسئول ويبدأ يكتب تقارير الموظفين السنوية .. وفي وقت الذروة ( آخر شهرين من كتاية التقارير )
    يتقلب المزاج عندهم .. وبعضهم يصبح شرس :)
    كل هذا بسبب تقسيم النسبة يصعب عليه اعطاء الموظف تقييم صحيح .. الخ السيناريو المعتاد ..
    من الزرط والبلع من حقوق الموظفين .. هالكلام شايفينه وعارفينه ومجربينه في البتروكيماويبات

    عمركم شفتو شركة .. جميع المسئولين فيها اقل تقييم ياخذونه جيد جداً ..
    وشبه اتفاق بان جميع الموظفين اللي درجاتهم غير اشرافية التقييم الاعلى لهم (جيد )

    شنو توقعون من موظف يشوف هالظلم .. ومع هذا الكل قاعد يشتغل الشغل المطلوب منه
    ولكن لاتطلب منه اكثر من طاقته ولا تنتظر منه مبادرة او ابداع في شغله .. !!
     
  10. قطوة نفوط

    قطوة نفوط موقوف

    46
    0
    0
    عطو الموظفين حقوقهم وشوف شلون يبدعون
    المو كويتي يكرف مو عشان سواد عيون الكويت
    عشان يخاف لا يفنشووونه خايف عالمنصب ... مو حبا بالعمل او اخلاصا له
     
  11. Sc0rpio

    Sc0rpio بـترولـي خـاص

    1,000
    0
    36
    مهندس
    الكويت

    خلال دوامي لأحد الأقسام - لأحدى الدوائر - رأيتُ موقفاً غريباً جداً جداً :)

    فخلال إجتماع السوبر فايزر مع الفورمنية والعمال ( daily safety moment )

    شفت واحد قاعد بعيد تكرمون لابس نعل ( المفروض سيفتي شوز .. أو جوتي يعني على الأقل ) ولاف هالشماغ على راسه جنه قاعد بمخيم

    ( هذا يعني سيفتي هيلميت ) وقاعد متربع على كرسي من كراسي القهاوي الطويلة هذي ( يايبينه من بيتهم :) ) ويشرب " الشاهي " ولا حاط أي إعتبار للسوبر فايزر

    أو للإجتماع وكأنه في عالم ثاني

    فسألت أحد الزملاء .. الأخ شفيه عسى ماشر .. مضيّع ؟

    وشفيه السوبر فايزر ساكت مايكلمه ؟


    قالي .. هذا اللي قاعد هناك قَبَلِياً ينتمي إلى فخذ أعلى من فخذ التيم ليدر .. يشوفون بعض في إحدى الدوانيات ( الباجي تعرفونه )

    قالي أيضاً .. أصلاً هذا الرجل إذا قال شي حق السوبر فايزر لازم يتنفذ حتى لو السوبر فايزر مو مقتنع يقوم يكلمه بلطافة وحنية عشان يقنعه :)


    الآن .. تم تغيير هذا السوبر فايزر وتم وضع مهندس ( من جيلي ) بدله .. والحال هو الحال لم يتغير شيء


    شنو تنتظرون من مهندسين أصلاً يبون شغل وزارات وهالمرّه التيم ليدر واحد مثل هذا

    لا عز الله تطور المهندس وتطور تفكيره :)


    آسف على الإطالة
     
  12. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    1- انتاجية الموظف الكويتي في شركات القطاع النفطي

    الكويتي ينتج متى ما وجد العدالة و التقدير في بيئة العمل الصالحة


    2- هل ظاهرة " أن الكويتي ما يبي يشتغل " صحيحة؟

    ما يبي يشتغل إذا شاف غيره ما يشتغل و يكافأ ، و ما كان في رقابة و متابعة صحيحة ​


    3- دور المسؤوليين في تحفيز الموظف الكويتي من عدمه

    دور مهم و أساسي ، المسؤول إذا إهتم في الموظفين و عرف المتميز و النشط و

    المتقاعس و عرف شلون يتعامل معاهم و يستخدم سياسة الثواب و العقاب ، أما إذا

    إهتم بس في إمتيازاته و نسى الموظفين فلا تتوقعون إنتاجية للموظفين لإحساسهم بالإهمال


    4- هل الموظف غير الكويتي أكثر انتاجية

    ممكن ، و لا ننسى وجود المنتجين من الكويتيين


    5- أسباب زيادة انتاجية الموظف الكويتي بين الواقع والطموح

    الواقع أن مخرجات التعليم المتواضعة نوعا ما و الفكرة العامة السائدة بعدم جدوى العمل بإخلاص

    و عدم وجود الخوف من الله سبحانه و الامانة في أداء العمل هي الواقع

    لكن الطموح يتحقق عندما يدرك المواطن أهمية تجهيزه منذ نشأته في البيت إلى ان يتم دراسته

    إلى أن يلتحق بالوظيفة أن يدرك أن إتقان عمله مرتبط برفعة بلده .

    و أن تدرك الدولة كذلك هذا الامر و ان تهتم في بناء الإنسان لا أن تحبطه و تفسده

    نريد فعلا و تخطيطا سليما من الدولة لبناء الإنسان لا مجرد شعارات . ​


    6- دور النقابات في زيادة انتاجية الموظف الكويتي بين الواقع والطموح

    دورها أن تشد على يديه لتساعده إن أصابته مشكلة و تحافظ على مكتسباته و يجب ان تحرضه على

    العمل و تغرس فيه الإخلاص في العمل

    و أنها مسألة وجودنا كشعب و أمة بين الأمم التي تأخرنا عنها كثيرا .​



    7- الحوافز المادية والمعنوية لزيادة الانتاجية إلى غير ذلك


    إسمها حوافز ، فهي تحفز على الأداء و تمنح الموظف طاقة متجددة و نشاط جديد لينتج ​


    شكرا للعين على الموضوع
     
جاري تحميل الصفحة...
مواضيع مشابهة
  1. بدر المحامي
    الردود:
    0
    المشاهدات:
    1,946
  2. بدر المحامي
    الردود:
    4
    المشاهدات:
    7,343
  3. المحرر النفطي
    الردود:
    0
    المشاهدات:
    7,951
  4. المحرر النفطي
    الردود:
    4
    المشاهدات:
    14,137
  5. المحرر النفطي
    الردود:
    1
    المشاهدات:
    6,883

مشاركة هذه الصفحة