pay sli--Nov 09

الكاتب : bumejbil1972 | المشاهدات : 1,254 | الردود : 11 | ‏20 نوفمبر 2009
  1. bumejbil1972

    bumejbil1972 بـترولـي جـديـد

    49
    0
    0
    صباح الخير يا شباب- اخوكم زكريا أشكناني يصبح عليكم و يتمنالكم يوم سعيد،تم ارسال كشف الرواتب لعموم الموظفين و اتمنى الكل يكون استلمه و في وااااااااااااااااااااااااايد ايميلات قاااعده ترجع بسبب صندوق الوارد للايميل full- اتمنى من الاخوان اللي ما استلموا يرسلونلي ايميل وكذلك اللي عنده اي استفسار او ملاحظه على كشف الرواتب- احنا حاظريين و بالخدمه.

    مع الشكر

    *** ملاحظه: طبعا لعدم مقدرتنا على فتح المنتدى اثناء الدوام اتمنى من العموم التواصل عبر الايميل21523
     
  2. bumejbil1972

    bumejbil1972 بـترولـي جـديـد

    49
    0
    0
    الترشيح للانتخابات

    :eek:صباح الخير ياشباب - قررت بعد الاتكال على الله سبحانه و تعالى - ان ارشح نفسي للانتخابات القادمه وذلك عن (الخفجي) - و طبعا للعلم راح انزل مستقل لوحدي و مهما كانت النتائج اللي راح احصل عليها و لو المركز الاخير و بأصوات قليله ، الا اني حاااب انزل عشان احاول اسوي شي حق موظفين الخفجي اللي عندهم مشاكل كبيره و كثيره و كوني في شؤون الموظفين شايف و قاعد اتلمس معاناتهم و عارف ان القوائم و الاشخاص اللي نازليين لهم ثقلهم و وزنهم و نااسهم -الا اني عندي ثقه بالله عز وجل وبالاخوه اللي راح يوقفون معاي سواء في مكتب الخفجي او الاحمدي باني راح احقق نتيجه طيبه و حتى و لو ما قدرت راح اظل اخدم الموظفين باللي نقدر عليه لانهم اخوان لنا. ارجو ام لاتبخلون علي بالمشوره و الدعم / بو مجبل - زكريا اشكناني
     
  3. جابر

    جابر قــلــم بــتــرولــي أعضاء الشرف

    يمسيك بالخير ..
    والله إنك تستاهل كل خير ...خدوم وحبيب ...
    لكن السالفه صارت كسر عظم بالإنتخابات الجايه ...
    يعنى لازم قوائم والتزام ...والا حقوق الخفجى راح ننساها ...
    على الله فرسان الخفجى الثلاثه يشوفون لهم حل قبل لايتسببون بمنافستهم بضياع كل شى على أهل الخفجى :(

    لكن إن صممت تنزل مستقل ..مانقدر نقول لك إلا بالتوفيق يابو الزيك :eek:
     
  4. القرناس

    القرناس بـترولـي نشيط جدا

    153
    0
    0
    موفق يا زكريا بس يا ريت تحط خبر ترشيحك بموضوع منفصل عشان يكون واضح للجميع، أنت إنسان خدوم وإنسان واضح وهذا اللي نحتاجه بالخفجي. موفق خير
     
  5. العوضي

    العوضي بـترولـي خـاص

    1,054
    3
    0
    يستاهل زكريا أشكناني ونتمنى من الشباب بمساعدته
     
  6. ابومحمد

    ابومحمد بـترولـي نشيط جدا

    196
    0
    0

    اخوي زكريا الله يعطيك العافية على عرض خدماتك لاخوانك والتسهيل عليهم.

    بس ما تشوف معاي انها حركة غير موفقة انك تعلن ترشحك بنفس الوقت الي تعرض خدماتك :rolleyes:

    يمكن بعض الناس تفهم غلط ;)

    ع العموم اتمنى لك التوفيق اذا كان هدفك المصلحة العامة
     
  7. هلا خفجى

    هلا خفجى بـترولـي نشيط جدا

    179
    0
    0
    نتمنالك كل التوفيق يا بو مجبل بس صعبه انك تنزل بروحك عسى ماشر بس انصحك نصيحة انك اتشوفلك قائمة تنزل معاها
     
  8. اطفائي كووول

    اطفائي كووول بـترولـي نشيط جدا

    156
    0
    0
    ;)
    اخونا زكريا ترشيحك مستقل ما يمشى فى النقابة فى الحالة مالك اى دور لو تنجح وانصحك اتشوفلك قائمة تنزل وياها واذا اتفكر تنزل مستقل شوفلك اى جمعية انزل فيها .
     
  9. tlyoos

    tlyoos بـترولـي جـديـد

    33
    0
    0
    الاخ بو مجدل بعد التحية

    كيف ممك نرشحك وانت اصلا ما ترد على الايميلات ؟؟؟ اشلون تبينه انصوتلك وانت قبل لا اتصيرر الامور ومنطنش الايميلات المرسلة من قبلنا وين الي يقوووول اي استفسار أنا حاظرر

    وسلامتكم
     
  10. العوضي

    العوضي بـترولـي خـاص

    1,054
    3
    0
    اخونا زكريا باجازه خارج الكويت
     
  11. bumejbil1972

    bumejbil1972 بـترولـي جـديـد

    49
    0
    0
    الترشيح للانتخابات و

    السلام عليكم لعموم الاخوان و اعتذر عن الغيييبه الطويله لان كنت باجازه في الخارج- بس كنت مطلع على اخبار المنتدى و اعتذر من الاخوان اذا حطيت موضوعين مع بعض بس للتوضيح : ان موضوع الـــpay slip مو موضوع خدماتي - و انما لعلم جميع الموظفين بهالشي لان اللي لاحظته ان اغلب الايميلات اللي نرسله و اللي فيها كشف الراتب- ترجع تلقائيا لان الايميل يكون full - اما فيما يخص الانتخابات و ترشيحي- اكرر للاخوان اللي قدموا اقتراحاتهم بس لتوضيح شغله هامه و هذا من وجهة نظري :ان نزولي مع اي قائمه كانت موجوده بالسابق قد لايخدم المصلحه العماليه لان كانوا موجودين اساسا وما كانت هناك اي انجازات تذكر و مافي اي قائمه حاليه موجوده بالخفجي جديده يمكن ان ننضم لها - عشان جذدي قررت الانسحاب و ما ارشح نفسي و اظل في مكاني اخدم اخواني الموظفين باللي اقدر عليه و دايما بومجبل بوالزيك بالخدمه- و اعتذر اذا كان هناك اي ايميل او اتصال وصل لطرفي و ما رديت عليه و اكرر انا بخدمة اخواني الموظفين
     
  12. kjo

    kjo بـترولـي نشيط

    93
    0
    0
    تبقى كبير

    تبقى كبير يا بوالزيييييييييييييييييك
    والله رايتك بيضه وانا اعرف الناس في معدنك واصلك
    وان شاء الله اشوفك مدير العلاقات الصناعية وهذا دعوة في بداية السنة الهجرية

    بالقريب العاجل ما في شي بعيد على الله
     

مشاركة هذه الصفحة