أخوان ابليس !!

الكاتب : F15 | المشاهدات : 1,084 | الردود : 9 | ‏18 نوفمبر 2009
  1. F15

    F15 بـترولـي جـديـد

    3
    0
    0
    يعطيكم العافيه

    شباب اكو شعور سائد في المصنع هاليومين .. الاحباط ..

    الروح المعنويه .. وجو الاخوه اللي كان مهيمن من فتره بالمصنع مفقود ..

    بعد البحث والسؤال.. عرفنا السبب ...

    وإذا عرف السبب بطل العجب ..

    للاسف .. طلع لنا من باب ابليس مجموعه تتكون من 5 اشخاص ..

    مهمتهم نشر الاحباط بين الشباب والتذمر من كل شي .. واي شي..

    على سبيل المثال ...

    1- رئيس مجلس الادراة اخلف في وعوده ..

    2- نائب الرئيس كلف كذا شخص بالتجسس على العاملين ..

    3- التفنن في نشر الاشاعات عن المدير ..

    وطبعاً اخوان ابليس وزعوا ادوارهم بين واحد ينشر بالمنتدى والثاني يلقط الاخبار ..

    والثالث (((((يصنع العيوب))))) ويلصقها بإدارة المشاريع...

    انا ما همني كل اللي ذكرته .. اللي همني شي واحد بس ... المحاولة في خلق شعور ان المصنع كله على بعضه عيوب ..

    السؤال ياخي اذا كله عيوب .. خلك انت مافيك عيب ورح شوفلك مكان ثاني !!!!!!!!!!

    أخوان أبليس كل مالهم وريحتم قامت تفوووح للكل ... واللعبه بانت أهدافها ...

    شكلهم موعودين بشي من أحد اذا أخذ منصب بالمصنع ...

    بعد ما نشرتوا بالراي .. وبعد ما ردحتوا بالمنتدى شنو اللي باقي؟؟؟؟؟

    الله يرحم أيام بو محمد أهو الوحيد اللي كان يعرف لكم ..

    كنتوا ايامه منكسين روسكم بالأرض..

    بس صج الطيب ضايع مع ...........................
     
  2. kotc1234

    kotc1234 بـترولـي نشيط

    136
    0
    0
    اخوي كل واحد فيه عيب بس انتدارك عيوبنا ولما احنا انتكلم عن عيوب هذا المدير احنا انعرف شنو الي انتكلم عنه مو احد يعلمنا ويمكن انت ماقريت شنو المواضيع الي تطرقنالها . كان كلامنا عن ادائه وعن ملاحظات مايغطيها منخل وعن تصفيه الحسابات الي قاعد يسويها اخوي اتمنى تطلع على كل الملاحظات قبل لاتطرق وتتهم الناس او اتسميهم بهذي المسمى . ومافي احد بالمصنع مواعدينه على شي يمكن انت الي مواعدينك لانك وايد ادافع عنه . وانا معاك اتمنى يرجع بومحمد للمصنع وموقصور بالشيخ علي بس ابيه يرجع لان اهو الي يعرف اشلون يدير قسم المشاريع عدل ومايخلي التستر الي صاير بالقسم من عيوب واضحه بالمركز الرابع وتسريب من خزانات الغاز الجديده والي يعالجون التسريب بمواد من شركات محليه .
    انا اسعدني ان في واحد يدافع عنه بس بادله دافع مو بس كلام ينقال وماكو ادله ومافي واحد يقول اشاعات لان الامور مكشوفه جدام الكل واتمنى اتصفح مجله الشركه وتشوف التناقض بين تصريح مدير المشاريع وكبير مهندسي المشاريع عن المركز الرابع ................ وللحديث بقيه
     
  3. الطواش

    الطواش بـترولـي نشيط

    126
    0
    0
    يعني الريال دافع عن الرئيس والنائب ... شمعني ركزت عن دفاعه للمدير ..!!!!!!!!

    وبعدين الريال قال اللي يهمه بالدرجه الأولى المصنع والروح اللي فاقدها

    بصراحه أنا مؤيد لكلامه 100% أتمنى ماأصير أنا بعد من ضمن المتعاونيين أو الموعودين :eek:

    يأخوان خلونا نتقبل الراي الآخر بدون تكلف لو سمحتوا

    شكراً أخوي F15

    وللحديث بقية
     
  4. kotc1234

    kotc1234 بـترولـي نشيط

    136
    0
    0
    اخوي الطواش اهو دخل اسم الرئيس ونائبه علشان مايخلي الموضوع عن المدير بالتحديد بس اهو الي امتعبه المواضيع الي انتطرق لها عن المدير الروح الي اتكلم عنها اخوي الطواش ترى اهي موجوده بين العاملين بس في ناس وانتي مرفوع عنهم اهم الي قاعدين يخلون المعنويات تنزل عند الموظفين ولاحظ اخوي الطواش شنو القرارات الي اتخذها المدير لما مسك المصنع بالانابه .
     
  5. الطواش

    الطواش بـترولـي نشيط

    126
    0
    0
    أخوي kotc1234 إحنا ما نبي نحكم بالنوايا .. الريال تكلم عن نشر الإحباط مهما كان هذا قبل لا يكون مصنع غاز هذا بيتنا أو جذيه احنا نحس .. خلنا نكون أكثر واقعيه يعني مو معقولة شخص ما صار موظف بالشركة إلآ من 3 سنين وياي يتكلم عن سلبيات المصنع وإذا على المشاريع .. اكو شي اسمه رئيس ونائب اهم اللي لهم الحق يحاسبون المخطئ بمعنى أدق إحنا ماندري شنو اللي يصير بالادارة للمخطي بالمشاريع ..
     
  6. فلان الفلاني

    فلان الفلاني بـترولـي جـديـد

    29
    0
    0
    لا تنسون

    يا جماعة أنا ملاحظ إن انتو وايد متحاملين على مدير المشاريع

    وفي ناس قاعدة تتمنى عودة بومحمد بعد ما كانت ترقص لما تغير

    معروف إن الكويتيين عاطفيين وطيبين وايد

    ومعروف أيضا إن الكويتيين ينسون بسرعة


    "وعلى فكرة ترا في ناس وايد بالعراق تتمنى عودة صدام!"


    الزبدة يا شباب يا حلوين إن الظاهر العلة فينا

    لا تنسون إن مشروع الخزانات كان تحت مسئولية نائب العضو السابق بومحمد لغاية تشطيبات المشروع؟؟ كذلك مركز التعبئة الرابع انطلق بعهدة.

    ولا تنسون بعد إن جميع مشاريع المصنع السابقة التي كانت بعهدة كانت تتأخر بالأشهر والسنوات وكان أهو المسئول عنها...

    لذلك إذا مدير المشاريع أو المصنع ضعاف فلابد من تقييم ذلك بشكل صحيح وليس الحكم بالظاهر ومعالجة الخطأ بخطأ آخر.. وهذه هي علتنا!

    أنا ما أدافع عن أحد ولكن أوضح بعض الأمور يمكن نكون نسينا أو تناسينا والذكرى تنفع المؤمنين.

    أتمنى أن نعيد النظر للماضي وننظر للأمور ونتمعن بعدسة عادلة ومنصفة حتى نتمكن من التقييم والحكم على الأمور بشكل صحيح.
     
  7. F15

    F15 بـترولـي جـديـد

    3
    0
    0


    مشكور أخوي على كل اللي قلته .. أولاً انا ما أدافع عن أحد ولا أتبلى على أحد

    ثانياً أنا مؤهلي ما يعطيني الحق بتقيم مدير .. فما بالك رئيس ونائبة ( أتمنى الكل يعرف مؤهلة)

    أي مدير ضعيف بالعكس .. الطيبه عمرها ما كانت ضعف .. لما نترحم على أيام بومحمد .. توك قلتها يااااااااكثر أخطائه بس منو كان يتجرأ ينتقده .. معنا كلامك صح الخلل فينا .. الحين الطيب واللي يآخذ ويعطي معانا صار ضعيف!!!

    أنا كل كلامي ينصب في معنويات ربعي وأخواني اللي بالمصنع ..

    لك مني كل الشكر للمرور والتعقيب
     
  8. ميناء عبدالله

    ميناء عبدالله بـترولـي جـديـد

    5
    0
    0
    انشالله القائمه الجديده فيها البركه
     
  9. ولد مساعد

    ولد مساعد بـترولـي جـديـد

    19
    0
    0
    الصراحة انشاللة ترجع ايام بو محمد علشان الفيران ادش جحورها مرة ثانية وما نسمع صوتها
    ونبي يكون بو محمد وبو سليمان بو عبدالرحمن والصراحة خل القافلة تسير و ......... تنبح
     
  10. مرعوب

    مرعوب بـترولـي نشيط

    98
    0
    0
    عمي روح العب عند بابا
    مادري عاد مسؤولين شركة شيفرون !!!
     

مشاركة هذه الصفحة