إلى متى !!

الكاتب : Toxic | المشاهدات : 938 | الردود : 15 | ‏23 نوفمبر 2007
  1. Toxic

    Toxic بـترولـي جـديـد

    29
    0
    0
    السلام عليكم و رحمة الله و بركاته

    يا جماعه انا عندي سؤال .. لي متى هالهواش و السوالف الي ما منها فايده ؟؟

    سواء كنت من الوحده العماليه او من المسار فهدفك وااااحد .. "تعديل وضع العمال و اقرار الزياده و مساندة العامل المظلوم"

    بس للاسف اشوف اغلب الناس ما تهمهم غير المناصب .. الوضع الي احنا فيه ما يسمح للقيل و القال

    لازم نوقف مع النقابه و نشوف لي وين بتوصلنا و انشالله خير ، و انشالله ما فيه قصور بالشباب و كلهم خير و بركه

    بس طلب اخير .. ماله داعي الاوراق اللي تتوزع عند بوابات المصافي و اللي تزيد الطين بله و تزيد المشاكل و اغلبها ما فيها شي من الصحه

    لا تحسبون اني من المسار ولا من الوحده العماليه .. انا نقابي و النقابي يختار الشخص اللي يفيده و ينفعه بغض النظر عن القوائم و الاحزاب


    و اسف على الاطاله و مشكورين على جهودكم الطيبه
     
  2. سيف العز

    سيف العز بـترولـي نشيط جدا

    192
    0
    16
    مشكور على الموضوع الجميل ارجو من الاخوان فى الوحده العماليه يركدون شوى على اساس تكون النقابه الحاليه فاضيه على مناقشة الامور المتعلقه فى العامل خلاص بس من المهاترات الصبيانيه
     
  3. ابوشوكه

    ابوشوكه بـترولـي نشيط

    صدقت اخوي toxic بس شتقول حق الناس اللي ما تفهم ولا يهمها مصلحة العمال ولا النقابه
     
  4. Waluigi

    Waluigi بـترولـي مميز

    822
    0
    0
    امممممممممممم بترولي
    دول الضد
    شوف الموضوع الي فيه مصلحه و كلامه في مصلحة العمال ما فيه و الا 3 ردود و مشاركات ليش لانه مو على هواهم لكن الله يهديهم و هذا الكلام السنع و شكرا على الموضوع الطيب
     
  5. Toxic

    Toxic بـترولـي جـديـد

    29
    0
    0
    تدري ليش ؟؟
    لأن يبون موضوع فيه نجره و مشاكل و عوار راس .. يعني لو متكلم على احد جان شفت الردود لي السنه الجايه بس الناس ماتبي مصلحتك و مصلحتي و مصلحه العامل .. كل واحد يبي مصلحة نفسه و بس يعني "انا و نفسي و ليفنى الجميع"

    الله يهديهم انشالله و يهدون اللعب و يساعدون على اقرار الزياده مو حل النقابه
    ترا اذا انحلت النقابه ما في احد بيتكلم بلساااان العاااامل ..
     
  6. feed gas

    feed gas بـترولـي خـاص

    بس طلب اخير .. ماله داعي الاوراق اللي تتوزع عند بوابات المصافي و اللي تزيد الطين بله و تزيد المشاكل و اغلبها ما فيها شي من الصحه


    صحيح كلامك..وارجو من الاخوان عدم كتابه البسمله او اى الفاض قرانيه ..حيث ان الاوراق تنداس بالارجل وترمى بالمزبله اجلكم الله .ودمتم بخير
     
  7. H.A

    H.A بـترولـي مميز

    725
    0
    0
    يعني خليت سوالف النقابه والبلاوي اللي تسويها وجيت على ناس تبي ترجع الحق الى أهله

    خلك عادل في كلامك اذا تبي الحق وقول هالكلام للكل ولا تخص أحد دون أحد.
     
  8. team leader

    team leader بـترولـي جـديـد

    25
    0
    0
    أخوي HA


    اسمحلي أقوللك كلمة حق وأنا أخوك ولا تزعل


    شوف أنا ماني نقابي والله العظيم


    لكن أنا متابع كل ردودك همز ولمز وتشكيلك في النقابة ونية النقابة ودي أدور شيء يجمع العمال منك اسمحلي وأنا


    لا تزعل الاحظك كله تتبع سياسة التفريق أخوي اذا الله ما كتبلك نصيب انك تنجح في انتخابات قائمتك ياليت اخوي تخلي الناس تشتغل واذا جت الانتخابات الجاية شد حيلك وان شاء الله كل العمال بيوقفون معاك اذا تستحق


    لكن بالطريقة هذي وأنا أخوك ما يصلح


    عشان جذيه تكفى لا يغلي عليك الحسد وأنا أخوك وترى الحسد هو أول ذنب عصي في الله


    وهذا الميدان ياحميدان

    لكن نرجوك وأنا أخوك أنت وربعك اللي دايما يشككون في العالم نرجوك لا تفرقنا ونوعدك اذا نجحت والله كلنا بنوقف جنبك لين تأخذ فرصتك في الانجازات


    لا تزعل وأنا أخوك لكن هذي صج هي الحقيقة اللي فاعدين نشوفها ماكو حوار راقي ولا فيه نقد نستفيد منه


    كله طعون بطعون


    شكرا أخوي انك سمعتلي وأنا آسف
     
  9. Waluigi

    Waluigi بـترولـي مميز

    822
    0
    0
    امممممممممممم بترولي
    دول الضد
    و الله ما ضيعنا الى التفرقه المفروض ان النقابين يوحدون الصفوف لمصلحه العمال او يبتعدون عن العمل و النقابي
     
  10. H.A

    H.A بـترولـي مميز

    725
    0
    0
    احترم رايك لكن للاسف ما حالفك الحظ في رايك بالنسبه لي واللي يعرفني ان شاءالله يعرف انا شنو اقصد. وبعرف شغله انت على اي اساس قلت اني ما نجحت في الانتخابات او شلون تعرف اني رشحت نفسي من الاساس؟

    عموما لا تظن اني اقول شي مادري عنه والله يحاسبني قبل لا احد يحاسبني.
     
  11. Toxic

    Toxic بـترولـي جـديـد

    29
    0
    0
    كلامكم عدل يا اخوان و نتمنى الكل يسمع هالكلام و ينفذه
     
  12. alqreen

    alqreen بـترولـي مميز

    509
    0
    0

    المشكله مو الوحده العمالية بس المشكله المنشقين من المسار اللى اهم تصحيح المسار وانت الصادق
    عقرب طيب هم بكل صراحه
    الناس اللى كانو فى العمالية القياديين قبل يقولون مالنا شغل ولا ندرى عن القاءمه من 6 شهور بس الجدد على القائمه هم اهل المشاكل هذا شى والشى الثانى تصحيح المسار هم اللى يحركونهم مثل الدامه يمين ويسار وقاطين الدعوا بروسهم للاسف تقول عقارب طين الله يهديهم
     
  13. H.A

    H.A بـترولـي مميز

    725
    0
    0
    يحز بخاطري انك مغيب عن الحقيقه وممن على عينهم غشاوه وطبعا ما الومك دامك من المقربين.

    عموما راح تبين الحقيقه ومصيرك راح تعرف .
     
  14. alqreen

    alqreen بـترولـي مميز

    509
    0
    0

    ننطر الحقيقه على احر من الجمر والله مانى من المقربين وقسم بالله وعلى الطلاق مو من المقربين بس مع الحق

    صرت مثلهم احلف:)
     
  15. ابو العتاهية

    ابو العتاهية بـترولـي نشيط

    112
    0
    0
    تكفى يالقرين وانا اخوك الشلاحية لا تروح عليك لا تطلق وش اخبار عقال الرجال وكم وصل ؟
     
  16. ali

    ali بـترولـي نشيط جدا

    152
    0
    0
    القرين شكلك تعبت من العماليه وحولت على تصحيح المسار المشكله انك تتاثر مع اخر واحد يقعد معك وشكله واحد من ربع محمدمساعد والدليل انك قمت تحلف وتتطلق ناقصك تقول فى ذا اللحيه انى ما اكذب عليك وسلمنى على نائب الرئيس محمد الاسد
     
جاري تحميل الصفحة...

مشاركة هذه الصفحة