وعسى ان تكرهوا شيئا وهو خير لكم

الكاتب : صدى العمال | المشاهدات : 355 | الردود : 4 | ‏17 نوفمبر 2009
  1. صدى العمال

    صدى العمال بـترولـي نشيط جدا

    صج قصة تعور القلب
    وفيها عبرة





    يا جماعة الخير هذي قصة حقيقية
    في وحده راحت للعمرة واهي تصلي بالحرم اللي بذيج المرة اللي تصلي وتبجي
    تصلي وتبجي وتدعي وتبجي
    المرأة استغربت منها وقالت أكيد لها سالفة وكان كل مابين فتره اييها ولد شاب يكلمها ويروح ويشوف شنو تبي
    المرأة أخذها الفضول واجلست بجانبها وأسالتها ليش تبجين عسا ما شر
    فردت وقالت لها والله من العذاب اللي فيني
    وليش؟ شنو سالفتج؟؟!!
    قالتلها اقولج قصتي وبعدين احكمي
    كنت متزوجة من زوج ونعم الأزواج يحبني ويحترمني ويعزني
    بس كان فيني عيب إني ما اييب اعيال وأنا حاولت بس الله ما رزقني فشرت عليه انه يتزوج ثانيه اهو ما رضى بس أنا ظليت احن واحن الين وافق
    فدورتله على المرة وخطبتها له وتم الزواج بس بعد ما تزوجها شبت نار الغيرة بقلبي لأنه اخذ يميل لها وماتمينا فتره إلا والمرأه حامل زادت غيرتي المهم جابت له ولد الزوج استانس وفرح وظليت انا افكر بروحي اشلون انا اللي شرت عليه
    في يوم ياني زوجي وقالي بسافر مع مرتي الثانيه وبنخلي الولد عندج
    ووافقت طبعا لانه ماكو احد يمسك الولد غيري
    سافروا وخلو الولد عندي وكان الوقت شتا وكنت شابه الدوه(فحم)
    والولد عمره تقريبا بين السنة وجم شهر واهو يلعب ويطامر جدامي
    وانا بقلبي نار تشتعل مثل جمر الدوه اشلون ياخذها ويسافر ولا !!ويخلي الولد عندي الخ من ها لكلام وفجاه الا الولد يمد ايده بيلعب بالفحم اللي با لدوة ومن ناري وغيرتي مسكت ايديه وحطيتها أكثر بالفحم اللين ذابت ايده واهني شلتها بعدها ما يحتاج اقولج اشلون صارت ايد الولد
    واهني حسيت إن ناري طفت اشوي نمنا ذيك الليلة إلا ويينا خبر وفاة زوجي مع زوجته وهم في طريق العودة بحادث
    وظليت ابروحي عايشه مالي احد غير ربي ومن ثم الولد اللي تشوفينه وصار اكثر من ولدي واعز ويدور راحتي ويرعاني ومالي ظل غيره
    واهو اللي يشوف طلباتي وطلبات البيت ومو مقصر معاي بشي
    بس أنا كل ما شفت ايده يتقطع قلبي على اللي سويته فيه واهو ينادي بيمه بس لحد الآن ما قلتله إني أنا اللي شوهت ايده
    ولازلت اعاني من العذاب وتأنيب الضمير وادعي ربي يغفر لي ذنبي
    سبحان الله اشلون حكمة ربج انه صار ها لولد خير لي لولا ها لولد جان أنا حالتي حاله
    ويرد اييها الولد واهو خاش ايده ويحب راسها ويسألها ها يمة نروح الحين؟؟؟

    وعسى ان تكرهوا شيئا وهو خير لكم

     
  2. العجمـي

    العجمـي بـترولـي خـاص

    1,857
    0
    0
    سـر
    kuwait


    سبحان الله .. حكمة رب العالمين

    مشكور يالغالي
     
  3. Balloons Shop

    Balloons Shop بـترولـي نشيط جدا

    415
    0
    0
    visiter
    Kuwait
    أعوذ بالله من بعض الناس
    اللهم لا تقسي قلوبنا
    ارحموا من في الأرض يرحمكم من في السماء
    كلنا بشر وقاصرين ونؤذي خلق الله

    خير الناس أنفعهم للناس ، وسبحان الله قدر ه عادل.
     
  4. reznama

    reznama بـترولـي مميز

    مادري اشصار فيني وآنا أقرا ..

    حسيت بشعور غريب ما مر علي من قبل ..!!

    حسيت برعشه قويه والله

    ليش بعض الحريم عقولهم حجر ..!!

    الله لا يقول إييني يوم وأحط حرّتي بأي طفل .. لو مهما كان السبب ..!

    يا ليت ما قريت القصه .. جد والله ضاق خلقي وايد

    ..
     
  5. ziena

    ziena طبيبة أعضاء الشرف

    746
    0
    0
    سبحان الله العلي العظيم

    أعوذ بالله العلي العظيم من قسوة القلب

    أعوذ بالله العلي العظيم من عين لا تدمع من خشية الله

    أعوذ بالله العلي العظيم من قلب لا يخشع


    تأمل إنك يوما تتوب !.......... وتشكو الذنوب .........وأنت الذنوب!.......

    وفي كل يوم تبؤ بذنب ......وعيبا يضاف لباقي العيوب...........

    تأمل إنك تحيا طويلا ............وشمسك مالت وحان الغروب...

    أتخفي السنين مع الأربعين......فكيف ستخفي إشتعال المشيب.........

    أتهجر درب الهدي والصلاح ......وترحل في مهلكات الدروب ؟!

    تؤجل توبتك دوما ! ولست ....تؤجل يوما لقاء الذنوب!
     

مشاركة هذه الصفحة