رسوم التعليم بالخاص ------ ودور النقابه

الكاتب : eng_q8 | المشاهدات : 1,740 | الردود : 22 | ‏17 نوفمبر 2009
  1. eng_q8

    eng_q8 بـترولـي جـديـد

    39
    0
    0
    شباب النقابه يعطيكم العافيه

    هل في مطالبه بالمساواه مع الموظف الاجنبي بدفع رسوم تعليم ابنائه بالمدارس الخاصه ؟

    او على الاقل 50 % تتحملها الشركه مو لازم مساواه

    واذا النقابه الحاليه ماطالبت فيها

    اي قائمه مستعده تتحرك لهالموضوع علشا ن نصوت لهم :)
     
  2. العجمـي

    العجمـي بـترولـي خـاص

    1,857
    0
    0
    سـر
    kuwait
  3. eng_q8

    eng_q8 بـترولـي جـديـد

    39
    0
    0
  4. العجمـي

    العجمـي بـترولـي خـاص

    1,857
    0
    0
    سـر
    kuwait
  5. bdr

    bdr بـترولـي نشيط

    57
    0
    0
  6. p.m

    p.m بـترولـي نشيط

    50
    0
    0
    إي والله ياليت
    بجد مقترح قوي جداً
    و إن شاء الله يصبح إنجاز بمعنى الكلمه
     
  7. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0
    يا ليت أنفكر بإنجاز يحمي حقوقنا ويطور مستوى الوظيفي والمادي

    مو ندور على حل لمشاكلنا الشحصية عند النقابة .......... يا أخي ما تقدر تدرس عيالك في الخاص شوف مدرسة حكومية سنعة والستاف حقها ممتاز ودرسهم فيها بدال ما تشكي حالك المادي على النقابة وتقول: ياليت يكون .... بصير خوش إنجاز

    وبالنسبة للاجنبي ... الشركة ما تقدر تستقطب الخبرات من غير مغريات في العقد
    و لاتنسى أنه مدة وبيمشي وأنت ولد الديرة لك مميزات ثانيا افضل منه



    إذا هذي تطلعاتنا ............. سلم على مستوى الاداء نقابياً
     
  8. MamLOoO7a

    MamLOoO7a بـترولـي مميز


    انا مو معاك باللي قلته وليش مايتحركون يعني على الاقل نستفيد منهم بشي

    وبالنسبه لحقوقنااا والتطوير والانجاز معتقد راح ينصفوناااا فليش نتعب عمرناا واحنا بس قاعدين نزيد ونعيد بنفس الحجي ولا في فايده مادام هالمسائييل همهم نفسهم وبس

    بس احنا لنا الله

    وياليت في نقابه تكون معاناا مو بس حجي وماشفنا شي

    وهذا رايي الشخصي :cool:

    ويعطيك العافيه
     
  9. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0

    أسمحلي بالرد هذا القصة مو خلنا نستفيد من أي شي ............. هذي جنك داش بزار وتبي تشتري أي شي
    وأسمه طلعت بشي.......... ليتك تطبق الحكم إلي في توقيعك :eek:

    يا أخي يا إنجازات على قدر تطلعاتنا ...... ولا شنوا فايدة نقابة ....... تدورلك خصومات ...... حطيت من مستوى النقابي

    على قدر الهمم تأتي العزائم ............

    مراح نتقدم إذا هذي همتنا يا اخي خلنا نكون طموحين في احلامنا ......... علشان نقدر نحقق شي أو نقترب منها

    مو ياله أهو اسمه أنجاز وجابوا لنا خصم ......... طالع حواليك وشوف أداء الموظف وشوف حققنا وين راحة كله طارت
    وصار الاجنبي مقرب من الادارة وافضل من الكويتي .............. ما يالامون فينا اقصانا ندور خصم ... في معرض ولا في مدرسة ولا في سفرة عليها عرض حلو...........

    أسمحلي ما راح نوصل لشي إذا هذي الشريحة إلي راح تواجة الانتخابات وتختار النقابة الجاي
    ما تشوف مستوانا من ........ اردى .............. فردى

    بس مثل ما قال المثل الاجنبي: العربة الفارغة أكثر ضجيجا من العربة الممتلئة ......... وفهم يا فهيم

     
  10. PPA

    PPA بـترولـي نشيط

    91
    0
    0
    السلام عليكم ورحمة الله وبركاته
    اولا خل النقابة الدايخة تشوف الكويتيين المظلومين على الدرجات كأنهم يطرون منهم وبعدين فكر بالمدارس الخاصة

    ثانيا على النقابة تمنع اعطاء سيارات حق الموظفين الاجانب يايك من ديرته منتف وصار شيخ عندنا إذا العمل يحتاج سيارة يستعملها أثناء الدوام الرسمى بس

    ثالثا على النقابة على الأقل تزور أقسام الشركة كل إسبوع قسم أو مديرية وتسمع شكواهم
    ورابعا وخامسا وسادسا ووووووو وماكو شى
    بعدين خل تفكر بالمدارس الخاصة حبيبى هذا فوق مستواها العقلى والفكرى
    الله يرحم أيام النقابة لما كانت نقابة شركة نفط الكويت مو الحين ( تنفخ بجربه مقضوضة )
    وإحنا ماعندنا ياليت النقابة وياليت النقابة هذا واجب مو منة من أحد والله العظيم عيب
    وشكرا
    والسلام عليكم ورحمة الله وبركاته
     
  11. Workers

    Workers إدارة المنتدى

    7,767
    30
    48
    ذكر
    الكويت


    إختيار المدرسة مو بكيفك .. :)
     
  12. eng_q8

    eng_q8 بـترولـي جـديـد

    39
    0
    0
    ردوا عليك الاخوان مشكورين

    ولكن تقدر تقولي مدرسه حكوميه سنعه والستاف على قولتك ممتاز وين فيه ؟؟ الوضع العام بمدارس الحكومه من سيئ إلى اسوأ وقالك اخونا ان اختيار المدرسه الحكوميه مو بكيفك

    ثانيا انت تعتب على اللي قال خل نستفيد من النقابه وتقول همكم خصم وتناقض نفسك بقولك يطور مستوانا الوظيفي والمادي !! المادي مو فلوس بعد؟؟

    واخيرا ياليت ياخوي تذكر لنا الاقتراحات اللي تقول عنها خل نستفيد ومنها النقابه يقرون ويتبنون افكارك
    ومشكور
     
  13. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0


    تحياتي لك PPA

    الواحد يفرح إذا شاف عمال عندها وعي ......

    عجبتني فكرة (( على النقابة على الأقل تزور أقسام الشركة كل إسبوع قسم أو مديرية وتسمع شكواهم ))
    وتابع المشكلة وين وصلت وشنو الحل الامثل............

    أتمنى من النقابة الحالية والقوائم الجاية أنها تحط هالمقترح في برنامجها الانتخابي​
     
  14. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0
    بالنسبة لمدرسة حكومية سنعة أسئل أي مدرس أو مدرسة من معارفك في المنطقة او المنطقة إلي جنبك
    بخبرك شنو أفضل مدرسه في منطقتك ...........
    وإذا على نقلهم مع ختلاف العنوان بسيطة امرها محلول ........

    بالنسبة للمستوى المادي ..... هذا حق من حقوقي مو فايدة أدورها ورى النقابة .... لازم النقابة تجيب لنا حقنا

    120 دينار إلي انحرمنا منها وحسبوها علينا مع الزيادة ......... يش النقابة ما تجيبها لنا.
    وأقتراح الاخ على النقابة على الأقل تزور أقسام الشركة كل إسبوع قسم أو مديرية وتسمع شكواهم
    هذا بحد ذاته بخلي المسؤل يعمل حسابة قبل ما يضر اي موظف
    اخوانا في الصيدلية شوف مشاكلهم والقريدات إلي مظلومين فيها
    اخوانا في مختبر برقان ............. المبنى غير صالح لعمل المختبر ..... معمل ما فيه شفاطات .... والمبنى مكلف ملايين .... وجديد بعد ويفتقد اساسيات السلامة ......
    إذا انت موظف على قريد 12 وأقل ما يحق لك سكن حتى قريد 13 .....
    هالكلام ما كان موجود من قبل ما انوجد إلى في زمن المعتدله والاتلاف ...............

    فهمت الاحين يا خوي احنا مو شايلين على اي قائمة تمسك النقابة ...... لاكن شايلين في قلوبنا من هالتدهور إلي صاير في الاوضاع والمشكله العمال حتى مستواهم نزل حتى في طلاباتهم مع النقابة صايرة بسيطة وسطحية ..... مع انك موظف قطاع خاص .... ولازم تكون هناك بيئة جاذبة مو طاردة مثل هالوضع الي صاير​
     
  15. MamLOoO7a

    MamLOoO7a بـترولـي مميز

    :rolleyes:
    يا أخي يا إنجازات على قدر تطلعاتنا ...... ولا شنوا فايدة نقابة ....... تدورلك خصومات ...... حطيت من مستوى النقابي ------> وين الخصومات الله يخليك كل مانبرز هويه النقابه يقولون بس حق مجلس النقابه طيب واحنا مالنا رب يعني وتبي دليل روح مستشفى الهادي وشوف

    ليتك تطبق الحكم إلي في توقيعك :eek: ------> انا مطبقه الحكم ودايم مبتسمه والحمدلله بس كلامك يبط الجبد لان الواقع غير اللي تقوله
     
  16. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0

    عسى دوم مبتسمه

    بس أنت فهمة غلط
    أنا ما ادافع عن النقابة أنا ..... أتكلم على مستوى الوعي النقابي .... لانه كما تكونوا يولى عليكم
    ولا انا مو راضي عن التدهور إلي صاير .... وحالنا من اردى فردى

    بس إذا خصم مستشفى الهادي بس لاعضاء النقابة ........... هذي جديدة
    راح نخصص موضوع فيه .... إذا تقدرين تزودينا برقم العلاقات العامة بالمستشفى ..... اكون شاكرلج
     
  17. redrose

    redrose بـترولـي نشيط جدا

    442
    0
    0


    اصلا الأجنبي يحلم يشتغل بالكويت لا وبشركة النفط ومعاش مبلغ وقدره ومميزات كثيره ،، ف خل يدرسون عيالنا احنا اولى من الأجنبي
    بس الشكوي لله
    عين عذاري ...............
     
  18. AD-01

    AD-01 بـترولـي خـاص

    1,040
    2
    38
    صبحك الله بالخير

    مع ان مواضيعك ما تشدني وايد لكن مرات ودي ادردش ازيد معلوماتي :)




    انت شكلك خالط ... النقابه ملزمة تجيب حقك اذا انسلب .. وحقوقك موثقه بعقد العمل اللى وقعته اول ما توظفت ، واي شي غيره (فوق البيعة) يسمونه مكاسب عمالية يعتمد على جهد النقابة اذا كانت نايمه والا قاعده .. فالنقابة لما تجيب درجات للكل من مدير لين العامل بو ثانوية عامة .. وتجيب تأمين صحي وترفع الصندوق لين 750 دينار وغيره من مطالب تلقاها بموقع النقابة غير الخصومات اللى حولت النقابة حق شركة اعلانات..

    الخلاصه .. تطوير المستوى المادي مو حق من حقوقك يا الحبيب هذي من التطوير اللى كل نقابة تجتهد علشان تحققه للعمال.



    ال120 دينار ملغيه بامر مجلس الوزراء .. يعني لا نقابتك ولا اتحادك ولا وزيرك يقدر يردها .. يا الحبيب

    وابشرك ان نقابتنا رافعه قضية على مجلس الوزراء بخصوص ال120 .. واذا لك حق راح يجيبه القضاء







    اقتراح الاخ حلو بس هم الوضع الحالي في ايميل وفيه اعضاء متواجدين بالنقابة كل يوم وكافي فزعه النقابة باي شكوى وهالشي راح يخلي اي مسئول يحسب حساب الجرجرة والتحقيق والعلاقات الصناعية

    مشاكل الاخوان في الصيدلية حلها ترقيه مو اب قريد

    المختبر زاره الدي ام دي مرتين وشكل لجنة ووعد بمتابعة مشاكله




    هذا شي صار اسمه توحيد المزايا والفوائد بين كل شركات القطاع النفطي في سنة 2003 .. كان فيه مميزات وكان في سلبيات وهذي من السلبيات اللى صارت وكان لنا عتب على الاخوان في الاتحاد ذيك الايام لكن كانت المميزات افضل ... لكن الغريب انك تقحم الائتلاف بهالسالفة !!

    خلك منطقي شوي ترا الائتلاف ما دخل فيها الا شخصين من المعتدله وكان واحد منهم مستقيل بعد :)

    بعدين اشجاب انجازات القائمة الحالية خلال اقل من ستين بانجازات اللى قبلها ؟ :) ماكو مقارنه





    نورنا شنو المطالب السطحيه وشنو التدهور اللى صار بالعمال اللهم يا كافي

    ابي اسمع اشاعات وافتراء وتبلي وزلغ وايرات :)

    جمله ختاميه : لا تلف وتدور وتغير الموضوع وتقول اني اعرف تفاصيل واني انا رئيس النقابة متنكر بالمنتدى :) ترا سوالفك (مرات) تخليني ادق اسال الربع بالنقابة قبل ما اكتب بالمنتدى
     
  19. AD-01

    AD-01 بـترولـي خـاص

    1,040
    2
    38


    هذا خبر جديد اخت مملوحه اشلون صار الهادي في خصم حق اعضاء مجلس النقابة ؟!!


    بما ان الاخ مسوي زحمة راح يستكشف الموضوع من العلاقات العامة فهذا شي طيب :) يمكن واحد من ربعة الاثنين في قائمته (الاسلامية الغير عنصرية) له طريق على ابن عمهم راعي مستشفى الهادي ويعطينا وثائق تفضح النقابة الحالية المرتشية ;)
     
  20. PPA

    PPA بـترولـي نشيط

    91
    0
    0
    السلام عليكم ورحمة الله وبركاته
    عيدكم مبارك وتقبل الله طاعتكم
    أقسم بالله العظيم إنى مانى ضد ولا مع انا مع مبدأ يااخوانى لكن مع الكويتين اللى قاعدين فى بيوتهم وعندهم شهادات ونسبة وايدة منهم نحتاج لهم فى الشركة وانا ضد الاجنبى وشنو الخبرة اللى عندهم لمل يكون هندى ولا باكستانى ليش ماعندنا كويتيين يا اخى لمعلوماتك حبيبى الناس العاميين فى بالهم اللى شغل السناتر شركة بكتل لكن اللى شغل عيال شركة نفط الكويت من Maint+prod لكن على قولتك الخبرات طقة بوهناد اللى مايعرف كوعه من بوعه إهو اللى رزته الشركة علينا عارف ليش
    1- مايقدر يقول لأ لهم والكويتى يناجرهم
    2- الميزات اللى ياخذها عندنا مايحلم فيها سكن وسيارة ومدارس خاصة وتأمين صحى ولو تزيده شركة ثانية 10 دنانير خلاك
    3- لو فى حرص من النقابة تحقق مع الشركة شلون وظفتوا العدد هذا من الأجانب وثق باالله العظيم ياخوى لو الشركة عارفه فى نقابة قوية تحسب لها مليون حساب لكن عارفة الإدارة شنوا اللى جدامها الله يرحم أيام محمد السرحان بس
    وإصبر وبتشوف بعينك كم نسبتنا بعد كم سنة
    وعسى الله يوفق اللى يخاف على حقوق الموظفين ويخاف الله فى الكويت
    وآسف على الإطالة
     
جاري تحميل الصفحة...

مشاركة هذه الصفحة