مطعم ابراج الكويت ليس بمستوي حضارتنا - 15/11/2009

الكاتب : KuwaitBoy1 | المشاهدات : 1,723 | الردود : 14 | ‏15 نوفمبر 2009
  1. KuwaitBoy1

    KuwaitBoy1 بـترولـي نشيط جدا

    393
    0
    0
    موضوعي يعتبر صدمة كانت بالنسبة لي عندما ذهبت مع صديق اجنبي الي زيارة الابراج .. وحبيت اوريكم بشنو انصدمت



    طبعا كلنا ندري ابراج الكويت .. المفرووووظ تعتبر كمعلم من معالم السياحة في كويتنا الجميلة

    اوكي ؟؟ والمطعم المفرووووظ يكون حلو ونظيف وعلى مستوى يليق بمكان مثل هذا
    وانصدمت
    كنا قاعدين أيام التسعينات .. لا لا والله ايام الثمانينات انسب !!!


    بوريكم الصور:
    [​IMG]

    مادري اي "اعالي السحاب" يقصدون !! لوووول


    المهم

    [​IMG]


    ابي تقولولون ليش ترتيب الطاولات جذي ؟؟

    وليش الكراسي قديمة مافكرو يجددون المكان ؟؟

    لا .. وكاشخين بالتلفزيون كان زين مشغلينه .. وصار بالليل صار المكان ظلمة شوي ماشبو الليتات (متبعين ترشيد عدل) الا لما انا قتلهم

    اي خل اقوولكم ..

    طبعا قعدنا يمكن يمكن 15 دقيقة بس نبي نطلب !!! محد معطينا ويه

    ولمن يابو الطلب الاكل حلو اوكي .. بس طولو وااايد مع ان ماكان زحمة اصلا
    اماااانة شوفو القوري والقلاصات :

    [​IMG]


    لووول من سنة يدتي ... لالا لا اكيد من سنة يدت يدتي ..



    وتذكرت شغلة ..

    احنا وقاعدين انصدمنا بعامل نظافة بالمخمة القديييييمة (ماقدرت اصوره للاسف) ياي ينظف بين الطاولات .. لووول
    منظره مو حظاري كللللش

    جنه قاعدين بالشارع لما الزبال تكرمون ينظف بالاشارة بين السيايير خخخخخخخخخخخ بس هذا بالمطعم ...

    ابي تعليكم
     
  2. Sc0rpio

    Sc0rpio بـترولـي خـاص

    1,000
    0
    36
    مهندس
    الكويت


    شي يحزن :(

    ما أقدر أعلق من الحرّة الي فيني :confused:
     
  3. KuwaitBoy1

    KuwaitBoy1 بـترولـي نشيط جدا

    393
    0
    0
  4. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    لا ذ1ك اليوم عأزم الربـع..
    بغيت اروح لمطعم الأبـراااج
    يازين فريج صويلح

    :)
     
  5. KuwaitBoy1

    KuwaitBoy1 بـترولـي نشيط جدا

    393
    0
    0
  6. المعلمة المتميزة

    المعلمة المتميزة بـترولـي مميز

    945
    0
    0
    صرااااحه قلبت المواجع ....>>وحطيت ايدكـ على الجرح قلبااا وصوره ...>>
    تقبل مروري

    [​IMG]
     
  7. KuwaitBoy1

    KuwaitBoy1 بـترولـي نشيط جدا

    393
    0
    0
  8. reznama

    reznama بـترولـي مميز

    تكلمت عن موضوع جدا إمحيرني ..!!

    ومن زماااااان أفكر بهالشي والله

    ألا وهو ..

    الأبراج

    اللي يعتبر رمز دولتنا الكويت من بعد العلَم والنشيد الوطني ..!

    قبل لا إتصور داخل الأبراج ياخوي .. إنت ما جيّكت على الدوائر اللي على الأبراج من برّه ؟

    شايف شكل الفوّهه إشلون طالع منها غبار و سواااد !!

    يعني مادري ليش ما يحاولون ينظفونها وإلا يعيدون طلائها ..

    وسالفه ثانيه .. اللي إهي البرج الثالث .. الضعيف الطويل .. ثلاث أرباع الليتات فيه محترقين ..!!!!

    إي يا يبه قلنا ترشيد .. بس عاد مو حق معلم من معالم الديره الرئيسي ..!

    يعني ألحين الإمارات صار معلمها (( برج العرب ))

    وشوف إشلون الإهتمام

    ماكو ليت واحد محترق .. :eek:

    جد والله

    شي يحر ترى

    خصوصا إن الأبراج جبال قصر دسمان .. يعني برضووو بمكان هااام جداااا

    يعني قبل فتره كنا طالعين قروب ودّونا الأبراج علشان إنصوّرها من جميع الزوايا ..

    آنا الوحيده بالقروب ما طوّلت بالتصوير .. من كثر ماضاق خلقي من المنظر اللي يفشــّــل بصراحه ..!

    قاعده أقول حق الإستاذ .. لو رايحين حديقة بيتنا إمصورين وايد أحلى والله :)

    ..

    ألحين خلصنا من شكل الأبراج من بره

    ومثل ما تفضلت حضرتك وقلت عن المواعين (( الـــــــــــــداثره )) اللي أتوقع من أول ماصار إفتتاح الأبراج قبل الغزو بعد مو عقب ..

    والكراسي اللي جنهم (( كرسي العــُمده )) ..!

    إي ليــــــــــش جذي داثرين ..!

    وشي ثاني (( برضوووو )) مثل ما تفضلت حضرتك وقلت عن عامل النظافه اللي ينظف بين الطاولات ..!!

    إنت مووو جذي ..!

    آنا مرّه رايحه مع صديقتي ريوق إهناك .. ليلحين ما خلصنا وكان فيه شوية ناس ..

    وإلا نسمع صوت (( مكنسة )) @@

    والله العظيم ويطقطق بكراسي وأهو يخم ..!

    (( يعني فعلا شي يفشـّل ))

    وخابين عمرهم شركة المشروعات السياحيه وأهما يسوون دعايه حق السياحه (( الداثره )) الموجوده ف نواح متفرقه من البلاد ..

    :rolleyes:

    آنا من رأيي إن أي واحد يروح مطعم الأبراج .. ياخذ معاه الآتي :

    (( صحون سفري وملاعق .. وإذا قدر ياخذ معاه بعد " غوري سفري " هم خير وبركه )) :eek:

    وتحياتي للدثاااااره الأبديه :)

    ..
     
  9. KuwaitBoy1

    KuwaitBoy1 بـترولـي نشيط جدا

    393
    0
    0
    اولا الف شكر لك علي اضافة معلومات اضافية مهمة ومكملة للموضوع
    وثانيا الضاهر المطعم خسران مايطلع فلوس علشان يغيرون الكراسي وادوات الشاي
    الثالث ان شركة السياحة والترفيه في بلدنا سكروها وطردوا مديرها>
    الرابع الظاهر عندنا نظام ابن المشروع وخله يخرب مال عمك مايهمك
    خامس شئ اقل شئ حطولكم فراش عربي ياخي احسن من الفراش البنغالي الي منظرة يفشل وحتي ماعندة لابدلة تليق بالمكان ولا مكنسة


    واخيرا شو رايكم نعمل حملة انقاذ للابراج وترميمها
     
  10. النوخذه

    النوخذه بـترولـي مميز

    517
    0
    0
    مراقب
    الكويت
    السلام عليكم
    يا يبا شركة المشروعات السياحيه فيها ناس ما ادري شنو نوعيتهم ومايحبون الكويتيين يحبون يذلونهم يعذبونهم يعني شقول خل اعطيكم مثل النادي البحري الي بفحيحيل مو الكوت الثاني مال الفقارا المشروعات السياحيه ندفع اشتراك سنوي اصغر طراد يدفع تقريبا 400 دينار والكبار يدفعون تقريبا 800 وتعالوا شوفوا شكثر طراريد وشكثر يطلعون فلوس وتعالوا شوفوا الخدمات والله غير برادة ماي ما كو ويمكن بعد من تبرعات اهل الخير مو من المشروعات لا مطعم ولا بقاله ولاثلج ولا في شي وفوقها ملوعين جبدنا لو الواحد يتاخر يوم واحد عن دفع الاشتراك غرامه خمس دنانير يعني كل يوم خمسه ولا في سماح ولا يوم حتى لو كان عيد او عطله رسميه
    شرايكم اكو دكتاتوريه اكثر من جذي
    وماني مطول عليكم لان في شغلات وايد وما خفي اعظم
     
  11. KuwaitBoy1

    KuwaitBoy1 بـترولـي نشيط جدا

    393
    0
    0
    اخوي النوخذة خلها علي الله ورايح انزل صور شاطئ جميل ماخذله شويت صور وهو شاطئ المنقف وبالتحديد امام ابراج الهبدان وتعرفون شلون قيمة هذا المنفس الوحيد والمتبقي من شاطئ المنقف والذي يزورة الاف الناس واكثرهم من الاجانب لقرب سكنهم منه وكثير من الناس ذات الدخل البسيط والتي لاتستطيع دفع تذاكر دخول الاماكن السياحية في ايام العطل والله قهر هل وصلنا الي هذا الحد من الاهمال والمشكلة ان الشاطئ طولة بحدود كيلو متر او اقل واعتقد لو اعطي اثنان فقط من البنغالية دينارين لتنظيفة والله رايح يلحسونه لحس واعطهم بعد ربطة اكياس قمامه وحطلهم حاوية قمامه كان كل يوم تشوفهم ناطرينك وناطرين الدينارين
    اشكرك اخوي علي المشاركة
     
  12. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
  13. KuwaitBoy1

    KuwaitBoy1 بـترولـي نشيط جدا

    393
    0
    0
  14. الشايب

    الشايب بـترولـي خـاص

    2,818
    0
    36
    مسؤول أد الدنيا
    في قلب المحبين
    الله يجزاك خير

    من زمان ودي اشوووف وش داخل الابراج والحين بالصور شفتها :)

    كنها بوفيه في النعيريه نفس التصميم وحتى التلفزيون بس حق النعيريه أكبر

    وشكرا
     
  15. Dashti83

    Dashti83 بـترولـي نشيط

    84
    0
    0
    سجين نفطي
    وطن النهار
    صج شي يفشل

    اعالي السحاب يقولون

    وين كنا ووين صرنا
     
جاري تحميل الصفحة...

مشاركة هذه الصفحة