ترجية اسيل و دلاق رولا

الكاتب : شركة من صادها عشى عيالة | المشاهدات : 699 | الردود : 4 | ‏11 نوفمبر 2009
  1. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    في احدى الدوانيات المنتشرة بالبلد .....

    فهد : حيا الله الشباب شلون كلن بأسمة .

    احمد : الحمد الله احنا بخير الله يسلمك .

    عايض : الله يحيكك بخير جعلك بخير .

    وائل : هلا هلا هلا فهوودي .

    فهد : يا اخوي احس اني جاهل حلاوته بفمه يوم تقولي فهودي ؟!!

    وائل : اي انت فهودي بعد عمري حبيبي انت .

    عايض : وائل انت علاجك اسبوع اسرحك مع الابل عشان تعرف تقول فهد .

    وائل : اهوا فهودي و انت عيوضي .

    احمد : شوف عاد اسم عايض محد دلعة بالتاريخ .

    فهد : الحين يا شله الفلس خلوا عنكم هالسوالف و قولولي متى بنحجز للمغرب .

    احمد : صج شباب شرايكم بسالفة حجاب النائبات رولا و اسيل .

    عايض : ذولي ما عندهم سالفة و لا يستحن ... الا شرايكم نروح على القطرية ترى يمدحونها الشباب .

    وائل : و الله يا اخوك انا اقول المفروض يطردون اسيل و رولا عشان ما تسير مسخرة بالمجلس ... و انت يا عايض ايش قطرية ما قطرية اترك عنك الهرج و اخذ الاماراتية و ارتاح .

    وائل : احمد شصار على اللي رقمتها عند البنك بجنوب السرة .

    احمد : يا معود طلعت مقلب يوم شفتها عدل و لا جنه بطريق متنيه و قصيرة .

    يضحك الكل من كلمة احمد .

    احمد : انزني شباب خل نتفق احنا نبي نسهر و نستانس بس رجائن لحد يقرب للحشيش مانبي مشاكل .

    فهد : لا توبه مانبي مشاكل نبي نروح نوسع صدورنا بس انتوا ما تعتقدون انهم يبغون ينشرون الفساد بالمجمتع ( يتكلم عن رولا و اسيل )

    عايض : و الله يا اخوك احنا فاسدين خلقة ( يضحك الجميع ) لكن لازم يستحن و يتحجبن .

    احمد : اي و الله صارت مسخرة شنو حرمة تدش المجلس لا و ما تلبس حجاب بعد صج شباب شلون الكازينوهات هناك يقولون شادين عليهم .

    وائل : يبى لا شادين عليهم و لا شي الامور كلها سهالات .

    فهد : تذكر يوم يطردونا يقولون ليه لابسين نعال .

    احمد : مو انت الله يهداك لابس انعال عبالك رايح الفرع خلك كشخة مثل وائل 24 عشرين ساعة مطلع سيقانة الجلحة .

    عايض : اجل انتم معي انه العضوات لازم يتحجبن ... الا نسيت كم يبغى لنا مصرف ؟!!

    وائل : شوفوا اللي بييب معاه اقل من 1500 بحذفة من الطيارة .

    فهد : اخس يا قوي روعتني و انت عبالك اني طايح على بنك انا حدي الف و لي فلست مالي الا الحوالة و فزعات الربع .

    احمد : و الله طرطره مفلسين و بيسافرون ... صج هذيل ليش ما يحترمون المجلس و يتحجبون هذا امر الهي ؟!!

    عايض : شف ذولي ما عندم دين و لا ايمان بالله .

    وائل : عايض يا ابو ايمان محسسني انك عقب اسبوع بتروح العمرة .

    فهد : شف انت يا ابو جبه ( وائل ) اللي بنهببه في المغرب شي و الدين شي ثاني .

    احمد : اي احنا شباب من حقنا نخربط تونا صغار لكن هذيل كل وحدها مرتزه بالمجلس لا حيى و لا مستحى .

    عايض : انا ابو ايمان يا ابو سوسو يا اخوك انا من سفرتنا لسوريا و انا ودي اتوطى في بطنك .

    وائل : اي عيل هذي ديرة تودوني لها لا اكو وجبات سريعة و لا ستيكات كلا مشاوي مشاوي تقول زلمات .

    فهد : الحين اتفقنى على الاسبوع الجاي و الحجز على الاماراتية

    يجاوب الكل

    عايض : تم

    احمد : OK

    وائل : فوقه .

    يهمون الشباب للخروج من الدوانية اللي صاحبها وائل و اهم واقفين يدور هالكلام .

    وائل : الحين كلكم سفلتم برولا و اسيل على اساس انهم يخالفون الدين لكن ابي واحد فيكم يقولي اللي سويناه طول هالسنين من مواعد و اذية البنات و خرابيطنا بالسفرات كل هذا مو حرام مو عيب .

    احمد : يا معود فكنا زين المهم لا تنسى تحجز من النت ارخص و احنا بعدين نعطيك الفلوس .

    عايض : دور تذاكر رخيييصة .

    فهد : ما اوصيك الاماراتية .


    الحرام يضل حرام سواء للرجل و المرأة و العيب يركب الاثنين :)
     
  2. EviaN

    EviaN بـترولـي نشيط جدا

    انا فهمت القصد
    ان يعني اكو ناس اتقول حرام خل يتحجبون واهما يسوون حرام بالاصل

    بس اعتقد ان هالشي اللي انته قصدته مو كل الناس جذي

    يعني مو كل من نادى بان ما يصير لازم يتحجبون رولا واسيل ان هذيل اللي نادو بهالشي اهما يسوون حرام وجذي

    اعتقد ان الخير يعم ... ومهما يكون الواحد عاصي اعتقد فيه غيره على دينه

    مره من المرات شباب خليجيين يسهرون بديسكو باحدى الدول العربيه ووحده من اللي يشتغلون بالديسكو ترقص بالعلم السعودي وواحد من الشباب السكارى واهو سكران قام واخذ العلم وطق هالبنت وفزعو معاه الشباب من الخليج كلهم


    يعني اهوا سكران وفوق هذا فيه غيره على ديينه ( اللي مكتوب على العلم السعودي لا اله الا الله )

    مشكور على القصه بس اعتقد ماوصلت لللي انته تبيه من فكره

    وتقبل مروري
     
  3. جابر

    جابر قــلــم بــتــرولــي أعضاء الشرف

    يعطيك العافيه ...كالعاده أسلوب قصصى حلو ..
    انا معاك ..اللى يبى يصلّح وضع ما ...يبدأ بنفسه ..وبعدين بأهله واللى تحت أيده ..وبالأخر يشوف المجتمع ...
    أما اللى بس يبى يسولف وينتقد ..ويحاول من أول خطوه (يطمر) لأصلاح المجتمع بكبره ..حتى لو صلحت نيته..الناس راح تبدأ تشكك فى دوافعه ..

    وسلامتك
     
  4. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    اخوي اللي قصدته انه البعض يبي يصلح الاخرين و يسوي نفسه مدافع عن الدين و الاسلام و اهوا بالاساس يطعن بالدين و بعيد عنه :)

    حاولت اوصل هالفكرة من خلال القصة اللي كتبتها و بالنسبة لرأيك اني ما قدرت اوصل الفكرة فهذا رأيك و انا احترمة :)

    مشكور لقرائتك للموضوع و تعليقك :)
     
  5. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي

    مشكور اخوي على قرائتك للموضوع و تعليقك :)

    مثل ما قلت تلقى واحد يلعن الفساد و بنفس الوقت يدق على واحد يدور واسطة ياخذ فيها حق غيرة :)
     
جاري تحميل الصفحة...
مواضيع مشابهة
  1. خميس الخامس عشر
    الردود:
    4
    المشاهدات:
    729

مشاركة هذه الصفحة