هنا تجمع مشاكل الfield oprator العامة .. مرجع للمسؤولين

اتوقع ان يكون هذا الموضوع مثار جدل
حيث ان مشاكل مشغلي الحقل كثيره جدا
ويمكن الكثير من المشاكل طرحت في مواضيع مستقله
ولكن اهم مشاكلهم الشلاتر وما ادراك ما الشلاتر

واترك الباقي لاخواني

 

بالنسبه لي شخصيا احمد الله لاني لا احتاج ايان من هما ولاكن نريد منهم بعض التقدير والكلمه الطيبه

والتشجيع وكلنا للوطن وفي خدمة الشركه ..

كما نامل منهم حسن الظن من الشباب الكويتيين وعدم اظهارهم بالصوره السيئه امام البقيه والتشهير فيهم

نحن باذن الله مستقبل الشركه والكويت انشالله

وسنقوم بواجباتنا على اكمل وجه وسنخرج من بعدنا جيل وان يكون افضل منا انشالله

ولا ينسى المسؤول ان (( الابتسامه في وجه اخيك صدقه )) . .

 

السلام عليكم ورحمة الله وبركاته

اخوي الخالدي موضوع جميل والمشاكل او الاقتراحات كثيره لا تحصى وبعضها لا يذكر من سخافتها على سبيل المثال بعض الاقسام ماعندهم حمامات ( اعزكم الله ) فتخيل تخاطب مسؤولك المباشر و تقوله ابي حمام شوف متى يرفع تقرير بالموضوع هذا ومتى ينظر فيه المسؤول اللي فوقه ومتى يتم التحرك

انا اقترح ان يتم الربط مع المسؤولين عن طريق المشرفين او المراقبين بالمنتدى ويكون بالطريقه التاليه :

اي شخص يقدم شكوى او اقتراح يطرح امامنا بالمنتدى ويتم تداوله بينا واعطاء الراي ومن بعد ذلك يتم تعديله بصوره افضل وحذف اي شي غير مرغوب في ذكره مثل صيغة كلام خاطئه وبعد ذلك يرسل الى المسؤول مباشرةً وانتظار الرد وعرضه امام الجميع

 

فكرة ممتازة أخوي الخالدي تشكر عليها ، ولعلها تجد التفاعل المأمول معها ....

المشغل يريد من المسؤول :


العدل والإنصاف :
في التعامل وكتابة التقارير ومنح البونص

بيئة عمل مناسبة :
مكان للراحة مناسب (Shelter) تتوفر به جميع سبل الراحة من برادات ماء وثلاجات وطباخات وميكرويف وغير ذلك

صحة وسلامة :
فحص طبي دوري نصف سنوي للإطمئنان على الصحة وإكتشاف الأمراض - إن وجدت - مبكراً

توفير أدوات سلامة شخصية مناسبة وذات جودة عالية

تحسين مستوى الصيانة للمعدات الموجودة ​

 

السلام عليكم ورحمة الله وبركاته

أستأذن اخي الخالدي في الرد على ابو نايف

ابو نايف الموقع في بدايته وعليه اقبال كبير وغير متوقع

وللعلم هذا الأقبال تم من غير حمله اعلانيه

وسيتم أشهار الحمله الاعلانيه عما قريب

وأقبال السواد الأعظم من الموظفين في القطاع النفطي ألا وهم العاملين

سيجبر المسؤول على الأطلاع والألتفات للشكاوي



نـــــــلــــــتـــــــــقــــــــــي لــــــنـــــــرتـــــــــقــــــــي

 

ترى المشالكل هذي من قديم الزمان

 

ياجماه والله موضوووعكم حلو بس منو اللي بيسمع احنا عندنا بمصفاتنا طلبنا شلتر قالو اوكي قلنا نبي عزكم الله حمام فيه.. لانه حمام وحدتنا بعييييييييييييد حلو ماسمعنا ولا شي عن الخبر بعد فتره قالو ماكو ميزانيه حق الحمااام يعني شركه او هالله هالله حمام عزكم الله ما عندكم حقه ميزانيه او مشكلات الاوبيريتر وايييييد صدقوووني منها واحد يتأخر 5 او 10 دقايق ليش متاخر مادري شنو يعني يمكن زحمه يمكن بنشرت ويمكن ويمكن ياخي لو واحد يقولك يعطيك العافيه ويقعد شوي يسولف وياك والله الكل ايي الدوام ويداوم محد ياخذ سيك بس شتقوووول هل من مجيييييييييييب؟

 

صراحة الموضوع وايد شيق خصوصا ان في كثير منا صار فيهم كبت و احباط من كثر ما المسؤلين "اذن من طين و اذن من عجين"

وخصوصا موضوع الشلاتر و الحمامات - أعزكم الله- و هذه بادرة طيبة نتمنى من المنتدى يوصل اللي ما قدرت نقابتنا العزيزة انها توصله

و مشكورين على جهودكم

 

المدراء يدرون بكل شي بس ما يبون يسوون شي

 

والله يا جماعه انا قدمت أستقالتي من هذه الوظيفه االي مادري شلون الناس مستحمله

عن نفسي انا كنت بالشعيبه والشلتر الله لا يراويك لدرجه نحط الماي والبيبسي عند المكيف علشان يبرد ..

الوضع جدنا كسيف والله واذا وصل الغدا وتبي تسخنه والله يا جماعه احطه على لاين الستيم .. شنو هل مصخره وين قاعدين سجن

ممنوع تيلفون وجريده ومجلة وكل شي ليييييييييييييييييييييييش بتقولي سيفتي انا أتحداك اذا مو كل الناس مدخله تيلفوناتها معاها وخاشه بالمكتب كا ما صار شي ولا انفجر شي ...

وحتى الجرايد يدخلون وعقب ما يقرونهم يقطونهم بالهيتر يحترقون علشان ما يشوف المسؤول

بالله هذي حاله

 

اخوي الوسام انا راح اكتب كل اللي عندي وان شاء الله يسمعون لمشاكلنا

 

مو يبون سيفتي مو الشركه ماسكه علينا سيفتي وسيفتي اللي لو يسالك احد داخل المصفاه شسمك ؟ زين ماتقوله سيفتي
اكثر واغلب الشلاتر في مينا الاحمدي والشعيبه مو سيفتي وانا عن تجربه سالت المهندس قلت له الشلتر اللي الحين انا وياك فيه سيفتي قالي لا
يعني شر البليه مايضحك لا ويبون سيفتي بعد