السماح بالسفر على متن جميع خطوط الطيران العاملة في الكويت

الكاتب : فهد شموه | المشاهدات : 1,491 | الردود : 16 | ‏9 نوفمبر 2009
  1. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀
    الإخوة الزملاء والزميلات / أعضاء الجمعية العمومية المحترمين
    نقابة العاملين في شركة نفط الكويت

    تحية طيبه وبعد



    السماح بالسفر على متن جميع خطوط الطيران لمهمات العمل والدورات التدريبية


    يطيب لنا أن نزف لكم بشرى الموافقة واعتماد المطلب النقابي الخاص بحرية اختيار العاملين الموفدين للمهمات الرسمية أو للدورات تدريبية خارج البلاد بالسفر على متن أي خطوط طيران عاملة في الكويت إضافة إلى الخطوط الجوية الكويتية.

    كما يسرنا إبلاغكم بان هذا القرار سيشمل العاملين على الدرجة (16) وما فوق كخطوة أولى اعتبارا من الأسبوع الحالي على أن يتم دراسة إضافة شرائح جديدة خلال الشهرين القادمين.

    ختاما فان نقابة العاملين تتقدم بجزيل الشكر والعرفان للسيد/ رئيس مجلس الإدارة والعضو المنتدب والى السيد/ نائب العضو المنتدب (للإدارة) على حسن تعاونهم في تحقيق هذا الانجاز وحرصهم على راحة العاملين في الشركة




    وتقبلوا منا فائق الشكر والتقدير


    اخوانكم
    رئيس واعضاء مجلس الادارة
    نقابة العاملين بشركة نفط الكويت
     
  2. قطوة نفوط

    قطوة نفوط موقوف

    46
    0
    0
    الصراحه حرام عليكم انا شفت ناس مايحبون الكويت بس نفسكم ماشفت الحين خيرنا وفلوس ديرتنا وندفعه حق شركات طيران ثانيه,, صج مو كفو خير الكويت وايد عليكم ما تستاهلون خيرها
    بعد عمري يا الكويت عومه ماكوله ومذمومه
    اكيد مو كويتي ولا فيه اي انتماء للوطن اللي اتخذ هالقرار
    وانا كويتي وافتخر
     
  3. Fahad5

    Fahad5 بـترولـي جـديـد

    12
    0
    0
    تفضل الكويت على رؤوسنا وبقلوبنا والخير نفيد وطننا مهما يصير مو تنفيع شركات طيران غير تابعة للديرة. لكني أعتقد إن القرار يتناول حرية الاختيار بين خطوط الوطنية أو الجزيرة أو الكويتية.
     
  4. ابومحمد

    ابومحمد بـترولـي نشيط جدا

    196
    0
    0

    الموضوع مو مثل ما انت فاهمه......ومحد ولله الحمد مشكوك بوطنيته وحبه لديرته

    بس كل ما في الامر تسهيل للعاملين لان هناك ملاحظات عالكويتية وهي:


    1- محطاتها قليلة.
    2- خدمة سيئة.
    3-اسعار غالية.



    وسلامتكم.
     
  5. المنصور

    المنصور بـترولـي خـاص أعضاء الشرف

    اضيف على كلامك اخي الكريم

    ان في بعض الاحيان الناس ما تلقى حجز على الخطوط الجوية الكويتية

    فـ بالتالي القرار هذا راح يعطي مرونه للموظفين

    بحيث انهم يلقون حجوزات في الاوقات المناسبة


    نتمنى من اختنا الكريمة انها تحسن النية وما تتفاعل بشكل سريع من غير لا تعرف الاسباب
     
  6. silver cover

    silver cover بـترولـي خـاص أعضاء الشرف

    اضافة للعلم ان الكويتية تبى تاكد الحجز خلال 72 ساعة حتى لو انك عضو فى الواحة او تذكرتك درجة رجال الاعمال و لكن الخطوط الثانية تاكيد الحجوزات بسهولة وممكن من كلام الاخوان ان التذاكر تكون بسعر عالى على الكويتية ولكن تغيرها عن طريقةالكوبونات ممكن تسافر انت وواحد من أولادك وزوجتك بسعر تذكرة الكويتية والزايد من المبلغ ممكن تحجز فية فندق
     
  7. P.Engineer

    P.Engineer بـترولـي جـديـد

    45
    0
    0
    مهندس بترول
    الكويت
    صحيح كلامك .. يعني السالفة مو سالفة مانحب الكويت ومانبي نفيدها بالعكس نبي نفيد ونستفيد بس الخطوط الكويتية عليها شويه ملاحظات .. بالإضافة أن في دول الخطوط الكويتية ما تروح لها فيضطر العامل أو المسافر يأخذ ترانزيت طويل في مطارات ثانية ويركب أكثر من طيارة ويتعب بالسفر .. أما بهل طريقة راح يقدر يختار الطيران إلي يروح عليها رحلة مباشرة بدون محطات توقف .. أنا صراحة أيد هل إنجاز ..
     
  8. AD-01

    AD-01 بـترولـي خـاص

    1,040
    2
    38
    الله !! الوطنية صارت على هذي ؟!! تكفا لا يطيح بلعومك :)


    اقول عسى هالقرار يسنع الكويتية ويخليها تتنافس مع غيرها ويصيرون اوادم .. مافي وجهه مقارنه بين الكويتية وبين اي خطوط ثانية ( الوطنية - الجزيرة-الاتحاد- الاماراتية- القطرية- حتى السيلانية ) صار عندهم انضباط واحترام للمواعيد وللبشر وهالشي مع الاسف مفقود عند الكويتية .. الله يخلف علي الكويتية يوم كانت مضرب مثل ايام الثمانينات

    موفقين يا النقابة وبانتظار انجازاتكم الجديده
     
  9. Balloons Shop

    Balloons Shop بـترولـي نشيط جدا

    415
    0
    0
    visiter
    Kuwait
    مشكلتنا مافي مرونة في القرارات
    الأمر بسعه ، وعساها تتسنع فعلا الكويتية
     
  10. Barbarian

    Barbarian بـترولـي نشيط

    120
    0
    0
    وطنيه مره وحده !!!!

    شكلك من زمان مو مسافر على الكويتيه

    تدرين متى آخر مره شرت الكويتيه طياراتها ؟

    مغبره والمستوى حده يفشل والواحد يركب الطياره وما يدري يوصل والا لا

    طياراتها تطير بالقوتره

    بالاضافه...ليش لمن نحجز عن طريق الكويتيه يعطون الـ KOC سعر تذكره حكوميه غاليه جداً ؟

    ليش هالنصب والاحتيال ؟ انتي لو تروحين تحجزين التذكره تطلع لج ارخص بكثير

    الخدمه سيئه جداً والكراسي تعبانه والمواعيد ما شاء الله دايماً متأخره واذا واحد متأخر ينطرونك لمن آخر واحد يركب بعدين تطير الطياره !!

    اتوقع هالقرار مشوووووووووووووه ووافقوا عليه عشان الراس الكبيره مال الوطنيه للطيران واعتقد الكل يعرف منو

    تنفيع في تنفيع هذه الزبده
     
  11. ابو ريتاج

    ابو ريتاج بـترولـي نشيط جدا

    190
    0
    0
    الله اكبر ... سؤال بس ... بذمتج كم مره رحتى على الخطوط الكويتيه ...لو كنتى تروحين على الكويتيه جان ايدتى القرار --بس شكلج على الامارتيه او الاتحاد .--قال تنفيع شركات ثانيه قال - السالفه مو سالفه وطنيه والحمدالله يمكن عندنا وطنيه اكثر منج .. بس الموضوع على الخدمات السيئه فى الكويتيه
     
  12. السيل

    السيل بـترولـي جـديـد

    11
    0
    0
    يا جماعه الكويتيه شوية سكاريب مجمعينها ويسفرون الناس عليها

    والله من تركبها تحط إيدك على قلبك وتقول الله يستر

    لانه كل مرة تتأخر والسبب عطل فني

    وبالمناسبه ذكر التاخير فقد أصبح سمة مصاحبة للكويتيه


    وتعال شوف من فيها إذا بغيت تروح لندن والا أمريكا ....... كلهم هنود

    أما الاسعار فهناك فرق بين الاسعار اللي للكويتين واللي للهنود

    روحلهم هز راسك ...... يعطونك التذكرة بربع السعر :D

    أو إحجز من بومبي تاخذها بربع السعر كذلك



     
  13. قطوة نفوط

    قطوة نفوط موقوف

    46
    0
    0
    لا انا من عمري اسافر على الكويتيه وما اقول ان الكويتيه بي فكت وفعلا انا متاكدة ان حتى السيلانيه احسن من الكويتيه
    بس دام انها رحله عمل ومو دافع شي من جيبك خل فلوس البلد ترد للبلد
    لا سافرت زيورخ ولا باريس ويا الاهل قص تذكرتك عالاتحاد ولا لفتهانزا
    هذا القصد
    الكويت من وراء القصد
    ولو ... لو شنو كان طيران ديرتي اقط فيه فلوسي احسن مما انفع غيرها ، لا صارت اجازتك ورحلة النقاهه مالتك تحجز بكيف كيفك
    وهذي وجهه نظري ووطنيتي تحتم علي
    فعلا اذا بالصيف سافروا حتى عالعراقيه هذي فلوسك وانت حر
    بس فلوس نفطنا حق طيراننا
    وانا مقتنعه باللي اقوله ... ليس مدح بالكويتيه ولكن ذم باللي اتخذو القرار المجحف بحق الكويتيه
    لو شنو هذي ريحة الكويت وما اقبل مثل هالقرار
     
  14. ALQAYSER

    ALQAYSER بـترولـي نشيط جدا

    189
    0
    16
    السلام عليكم .... أختلاف بالراي لايفسد للود قضية يمكن هالقرار تخلي المسؤولين على الكوييتة يسنعون خدماتهم وطيرانهم ومواقيت الافلاع اللي كل مره نسمع في تاخير بسبب خلل فني والمفرووض يكونون هم احرص الناس على فلوووووووس الكويت وقبل اسبوعين صار تاخير على الكويتية للقاهرة لمدة 8 ساعات والسبب خلل فني المشكله كثرت المشاكل بالكويتية (الشق عود والله ) .... الله المستعان وان شاء الله مانشك بوطنيه احد الكل كويتيين ويحبون هالبلد ..... وانا مع كل واحد بكيفه يختار الطيران اللي يرتاح فيه ولا هي سالفه التذكرة مدفوعه بالمجان ....وسلامتكم
     
  15. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀
    السلام عليكم ورحمة الله وبركاته
    أحييكم جميعاً على تفاعلكم ومشاركاتكم

    لكل شركة طيران جدول رحلات مخصص بالإضافة إلى الوقت والوجهات أو المطارات التي تستقبلها
    لكل شركة طيران تصميم خارجي وداخلي خاص بطائراتها يميزها عن مثيلاتها
    لكل شركة طيران خدمات وتسهيلات لركابها تميزها عن الآخرين
    لكل شركة طيران عرض سعر تذكرة سفر خاص بها

    نقاط مهمة في اعتقادي غالباً ما نبحث عنها للمقارنة إلى الأفضل
    ذلك فإن تعدد الشركات يعتبر ظاهرة صحية فهذا الأمر يدعو إلى التنافس وتقديم الأفضل وبالتالي فإن الأفراد هم المستفيد الأول والأخير من هذا التنافس ناهيك عن حرية الاختيار

    قرار سليم بما يخدم المستهلك, مع الشكر لمن سعى في تحقيقه.
     
  16. hassankoc

    hassankoc بـترولـي خـاص

    لو حب الوطن بالطيران زين!!!
     
  17. العيال كبرت

    العيال كبرت بـترولـي نشيط

    92
    0
    0
    يعطيكم العافيه
    المشكله بالموضوع مو الوطنيه وحب الوطن
    المشكله ليش ما عطوا الكل
    ليش المسئوووولين اول
    ابي افهم ليييييييييييييييييييييييييييييييييييش
    واغلب الانجازات بالفتره هذي لهم ليش شنو ناقصهم
    سفرات وديوتي وعلى الدرجه الاولى وقاعد بمكتبه ومو عارف وين الله طاقه مو كلهم طبعا علشان ما نبخص حق الناس الزينه
    لكن ليش كله لهم واحنا وين رحنا وينا من هذا كله
    آآآآآآآآآآآآآآآآآآآآآآآآآآآخ عورتوا راسي والله
    والله المستعاااااااااااااااااااان
     
جاري تحميل الصفحة...

مشاركة هذه الصفحة