نقابة البترول وتبديد الاموال

الكاتب : واحد عند الساس | المشاهدات : 1,570 | الردود : 32 | ‏22 نوفمبر 2007
حالة الموضوع:
مغلق
  1. واحد عند الساس

    واحد عند الساس بـترولـي نشيط

    137
    0
    0
    بعد الاعلانات المدفوعة الاجر من اموال النقابة والتي بعضها كان صفحة كاملة في الجرائد قامت النقابة حديثا بتوكيل محامي بارز للترافع عنها في القضية المرفوعة ضد الاتحاد ( وهو غير محامي النقابة والذي يتقاضى راتب سنوي يعادل 7 آلاف دينار ) وعلى نفس قضية طرح الثقة السابقة والتى خسروها درجة اولى والاستئناف وللعلم ان القاضي ابطل الجمعية العمومية وطرح الثقة بسبب عدم دفع بعض النقابات اشتراكاتهم في الاتحاد وبالتالي عدم احقيتهم في طرح الثقة والذي لا زال الامر كما هو لم يتغير الا ان عدد الاعضاء من مؤيدي طرح الثقة ازداد بسبب فصلهم 5 من اعضاء مجلس الادارة ( العمالية ) فصلا غير قانوني وهنا اتساءل اليس ذلك تبذير لاموال النقابة والعمال وما الفائدة التي ترجى من هذه القضية وباقي على انتخابات الاتحاد 3 شهور فقط ولمذا نقابة البترول هي من تتزعم هذا التحرك والمحكوم على فشله مقدما ومن وراء هذا التحرك ؟ اعتقد ان ضرب الاتحاد في هذا الوقت واشغاله بالقضايا ياتي متزامنا مع انتخابات نقابة نفط الكويت والبتروكيماويات وهم الايادي الخفية لهذا التحرك ونقابتنا للاسف اصبحت العوبة بايديهم. وياليت النقابة توفر هذا الجهد في حشد التاييد الاعلامي في موضوع الزيادة لاننا لن تستفيد من هذا التحرك بل غيرنا مستفيد . :confused:
     
  2. أمني

    أمني بـترولـي نشيط

    87
    0
    0
    الكلام وايد بس الآن مو وقتة مثل ماقال حبيبنا خالد الهملان
     
  3. H.A

    H.A بـترولـي مميز

    725
    0
    0
    تبي الصج اخوي أمني الكلام وقته ونص خل البشريه اللي على عيونها غشاوه تعرف نقابة البترول شنو قاعد تسوي

    كفانا صمت يا اخي لي متى وهالناس تلعب بمقدرات العمال وفي الاخير يقولون لك الصندوق مافيه شي من هالسوالف والقضايا اللي كلها راحت هباءا منثورا وعلى شنو ياليت على حق.

    بس عناد لا اكثر ولا أقل
     
  4. حبيب البترول

    حبيب البترول بـترولـي نشيط جدا

    302
    4
    18
    والنعم فيك وفي خالد الهملان بس ليش مو وقته اعتقد انها تساؤلات الاخ واحد عند الساس في محلها شنو مصلحة النقابة في طرح الثقة في مربط الفرس وبهالوقت ؟
     
  5. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    اخواني خافوا الله في اخوانكم العمال


    تكفون خلوا هالنزعات بعد موضوع الزيادة وقفوا جنب اخوانكم

    ولا تنازعوا فتفشلوا وتذهب ريحكم


    راجعوا هذا الرابط


    http://www.q8ow.com/vb/showthread.php?t=2500

    وعشان مصلحة العمال اتركوا هالخلاف شوي
     
  6. اسامه

    اسامه بـترولـي نشيط

    59
    0
    0
    اوبريتر
    الكويت
    السلام عليكم

    شباب الموضوع تكلمنا فيه من قبل لكن مثل ماقال الوسام ( بعدين نتحاسب) ولازم نوقف مع النقابه حتى نحصل على الزياده والموقف الجاى صعب يمكن فيه اضراب
     
  7. واحد عند الساس

    واحد عند الساس بـترولـي نشيط

    137
    0
    0
    الاخ والوسام ليش مستذبح على الاضراب الزيادة وقفها الامير مو رئيس الوزراء وللعلم الحكومة مصدومة من هذا التوقيف حالهم حالنا اعتقد ان الاضراب وحتى التلويح فيه خطا لان هذه رغبة سمو الامير ولازم ردة الفعل تكون مناشدات مو اضرابات وفي مثل يقول ( اذا ما تقدر عليه خاوييه)
     
  8. سيف العز

    سيف العز بـترولـي نشيط جدا

    192
    0
    16
    يااخى خلك متفائل وعين ربعك على مايبون ليش تعارضهم يعنى انت الصح وهم الغلط
     
  9. واحد عند الساس

    واحد عند الساس بـترولـي نشيط

    137
    0
    0
    انا ما قلت اني صح وغيري غلط انا طرحت رايي بعقلانية وليس بالعاطفة التي تسيطر على اغلب العمال هالايام بسبب تعليق الكوادر وما ضرب النقابة على وتر الاضراب الا دغدغة للمشاعر واما التفاؤل اخر شيء تفكر فيه اذا اعلنت الاضراب
     
  10. حبيب البترول

    حبيب البترول بـترولـي نشيط جدا

    302
    4
    18
    هالنقابة محظوظة كل هالتجاوزات راح تنساها الناس او تتجاهلها بحجة ان الوقت ما يسمح النقابة عرفت شلون تشتت العمال عن امور النقابة ومشاكلها باعلانها الاضراب الذي لا يسمن ولا يغني من جوع وهم يدرون ان الزيادة جاية بس تبي وقت .
     
  11. بوعدول

    بوعدول بـترولـي جـديـد

    25
    0
    0
    موغلط يا الحبيب
     
  12. حبيب البترول

    حبيب البترول بـترولـي نشيط جدا

    302
    4
    18
    يقولون ان اسم المحامي نواف ساري
     
  13. shayib80

    shayib80 بـترولـي نشيط جدا

    193
    0
    0
    B OPERATOR
    MAB REFINERY




    كلام جميل بس شنو بيد العامل ان يسوي بهالوقت ... خلهم يتكلمون

    خصوصا ان ماصار شي لحد الأن .. وكل تيش بريش معلق على العرش
     
  14. ali

    ali بـترولـي نشيط جدا

    152
    0
    0
    كم تم مصروفات النقابه من شهر 1 هل من جواب ينقابه وترا الرقم يخوف انا ادرى ماراح يرداحد علما ان اخر بيان ضد الاتحاد كان على حساب نقابه البترول تحت اسم جميع النقابات كريم من حلال غيره واللى بيعرف شوف الجرايد والوصل باسم منو ويالتاكيد جريده الراى العام
     
  15. بعيد النظر

    بعيد النظر بـترولـي جـديـد

    26
    0
    0
    ياااااااااااااا عماليه اركدو وخلوا نقابتنا ترى مو وقته
    شلون تبون النقابه اتسوي شي وانتو مناشبينهم بالطالعه والنازله عشان الكراسي
    العمال مو صوبكم انتو والنقاابه يبون ارجاع حقوقهم بالاضراب او بغيره
    ولا تخلوننا كعمال انضن فيكم السوووء.... ان كرسي النقابه والوصول له اهم من العمال ومطااالبهم!!!!!1]
     
  16. ali

    ali بـترولـي نشيط جدا

    152
    0
    0
    الحق ما يزعل والمصارحه زينه ولعب بالحلال محد يرضا فيه ولو فيه شمس كان بانت من زمان
     
  17. H.A

    H.A بـترولـي مميز

    725
    0
    0
    انت شوف بالاول منو قاعد يناشب الثاني

    و اللي قاعد تسويه النقابه علشان تحل الاتحاد هذا شنو تسميه؟
     
  18. واحد من الناس

    واحد من الناس بـترولـي نشيط جدا

    417
    0
    0
    اللي يسمعكم يقول أول ناس يوكلون محامي أذا عندهم قضايا وعليهم قضايا فهم بحاجة لمحامي ويكون بعلمك أول ماستلموا كان موجود محامي وهم اللي قضبوه الباب لأن الوضع مايحتاج لكن شوف الوضع الحالي من كل الجهات حرب عليهم وبعدين قولي أذا أنت كنت رئيس نقابة والأتحاد يحاربك من تحت لتحت شنو الأجراءات اللي تقوم فيها ومعاك أغلب النقابات القيادية جمعية عمومية بدال الوحدة سويت 2 وتملك أغلبية أكثر من 50 عضو ؟؟؟؟ لكن الأمور دخلت بالمحاكم
     
  19. alqreen

    alqreen بـترولـي مميز

    509
    0
    0
    عندك الفواتير اللى دفعتها النقابة للاعلان ؟؟ والا بس تاليف كلام
    عيب عليكم تتكلمون من غير دليل ترى والله
     
  20. alqreen

    alqreen بـترولـي مميز

    509
    0
    0
    انت الحين تتكلم عن الاتحاد والا عن النقابة

    ترى موضوعنا عن نقابة البترول مو اتحاد البترول
     
جاري تحميل الصفحة...
مواضيع مشابهة
  1. اللجنة الثقافية
    الردود:
    0
    المشاهدات:
    286
  2. المحرر النفطي
    الردود:
    0
    المشاهدات:
    7,477
  3. اللجنة الثقافية
    الردود:
    2
    المشاهدات:
    7,793
  4. المحرر النفطي
    الردود:
    0
    المشاهدات:
    6,879
  5. كاتب
    الردود:
    1
    المشاهدات:
    203
حالة الموضوع:
مغلق

مشاركة هذه الصفحة