عندي سؤال بسيط ؟؟؟؟؟

الكاتب : bo-saleh | المشاهدات : 311 | الردود : 2 | ‏2 نوفمبر 2009
  1. bo-saleh

    bo-saleh بـترولـي مميز

    السلام عليكم ياجماعه عندي سؤال بسيط


    اللي عنده بيت ويدفع الكهرباء والماء يجد مع الفاتوره رسوم للبلديه دينار لكل شهر طبعا كم بيت في الكويت وكل بيت عليه دينار للبلديه في الشهر عليكم الحسبه ملايين طبعا

    السؤال ؟؟؟؟


    هالفلوس هذي اللي ندفعها للبلديه عليهم بالعافيه لكن ليش مايتم تنظيف شوارع المناظق الخارجيه واكرر الخارجيه كالمنطقه العاشره والمنطقه الرابعه والجهراء وام الهيمان والوفره السكنيه حدث ولاحرج يمشي الواحد بسيارته على الشارع يغرز واللي مو مصدق يروح للوفره السكنيه ويشوف بعينه


    ليش البلديه ماتستغل هالفلوس وتوظفها في تنظيف شوارع البلاد وتشجير الشوارع


    او ينظفون ويرتبون حدائقنا العامه


    او بس فالحين بالازاله وشادين حيلهم ونسوا مهنتهم الاصليه وهي تجميل وتنظيف البلاد


    الله يستر لاتروح هالفلوس هدر ؟؟!!
     
  2. العجمـي

    العجمـي بـترولـي خـاص

    1,857
    0
    0
    سـر
    kuwait
    طال عمرك فيه عمال نظافه موجودين إذا تشوفهم بالشوارع كل يوم من الفجر لي الساعه 11 صباحاً بس مو للتنظيف !! بس حيلهم بالقواطي :) علشان ألمونيوم

    إذا هذولا طال عمرك ينظفون الحدايق من ( لعبه ناسيها ولدك في حديقة بيتك أو سيارتك ناسيها مفتوحه يتم تنظيفها من الداخل أو الدوانيه مفتوحه هم يتم تنظيفها ) اقولك ليش : لان عامل التنظيف جاي الكويت يبي راتب لكن ربعنا اللي معاهم عقد مع البلديه ما يعطون هالعامل راتبه من 6 الى 7 شهور .. شنو تبي العامل يسوي لازم يبوق ( طبعاً مو كلامي هذا شوف المخافر والجرايد )

    الشي الثاني بعض من ربعنا الله يهديهم يبي ينظم حديقة بيته من قص وتنظيف يروح اي دوار ويحصل هالعمال

    ويتفق معاهم على قص الزرع ( طبعاً المتر على 5 دنانير ) وعليك الحساب .. يعني العامل يشرط عليك سعر خيالي وربعنا يركضون وراه .


    اخيراً لو انت ساكت وانا ساكت تصير الدعوه سايبه

     
  3. bo-saleh

    bo-saleh بـترولـي مميز




    كلامك صحيح يالعجمي بس ليه هالبلديه ماتراقب هالشركات وتحل هالمشاكل مع هالشركات واذا خالفوا الانظمه يلغى عقده مع البلديه ويشوف شركه ثانيه تستحق العقد ونخلص

    بس فالحين بلع هالملايين وهم قاعدين مايراقبون اوضاع البلد مع هالبنقاليه اللي تارسين الشوارع ومامنهم اي فايده
     
جاري تحميل الصفحة...

مشاركة هذه الصفحة