كافي......بووووووق

الكاتب : بياع | المشاهدات : 355 | الردود : 3 | ‏1 نوفمبر 2009
  1. بياع

    بياع بـترولـي جـديـد

    41
    0
    0
    السلام عليكم ...

    يا جماعه في شغلات صايره بالبلد وأشوف محد داير لها بال ليش؟
    من هذي الشغلات:

    1- قضية مولدات الكهرباء الي شرتها الحكومه وهي عطلانه وادفعوا فيها 400 مليون دينار ما صار علييها شي ولا أحد تحاسب ولا طلعو منو الحرامي الي وقع عقد شراء هذي المولدات ليش؟

    2- قضية اعلانات وزارت الداخليه ماصار عليها شي ليش؟

    3- قضية صيانة الأجهزه الراداريه الحدوديه الي عطوا عقد صيانتها حق شركه رأس مالها 10000 دينار وما وقعوا عقد الصيانه مع الشركه الى تصنع هذي الكاميرات وقطع غيارها مع العلم أنه الشركه المصنعه ماراح تعطي قطع الغيار لأي شركه أخرى يعني ما أدري من وين الشركه الي موقعين معاها العقد راح تجيب قطع غيار اذا صانع القطع ماراح يعطيها.

    4- البورصه الكويتيه قاعده تنهار ومحد قاعد يحرك ساكن والشركات الوهميه موجوده ومازالت شغاله بالنصب على الناس مع العلم أنه في أمريكا أكثر من 200 بنك روؤس أموالهم بالمليارات أغلقوا بعد الأزمه الأقتصاديه غير شركة ج أم س وأيضا باقي الشركات الكبرى بس احنا شركات الكويت اظاهر انها وايد أفضل من الشركات الأمريكيه لأن ولا شركه أعلنت افلاسها أو لأن أصحاب هذي الشركات مستمرين في خداع الناس والحكومه قاعده تتفرج , كل البورصات العالميه والخليجه تعدلت الا بورصة الكويت من سيء الى أسوأ.

    5- مؤسسة التأمينات الأجتماعيه تطالب الحكومه 5 مليار دينار واذا ما سددتهم الحكومه راح تعلن المؤسسه افلاسها في 2018 يعني جم سنه وما كو معاشات .

    6- رجل الأعمال سلمان الدبوس تفضل ببناء وحده من 5 أدوار متخصص في أمراض القلب في مستشفى العدان على نفقته الخاصه و خلص المبنى صارله سنه أو سنه ونص بس الوزاره رافضه أنه رجل الأعمال يجيب المعدات الطبيه الى هي صناعه ألمانيه على نفقته الخاصه بسعر 3 مليون دينار وطالبه منه يدفع مبلغ 27 مليون دينار علشان هم يجيبون معدات طبيه صناعه ألمانيه أيضا( هذي المعلومه من دكتور في العدان) بعد البوق اشلون صاير.


    هذي بالنسبه للكويت بشكل عام ومسكين المحامي نواف الفزيع ايده تقرحت وهو يكتب عن هذي الشغلات وكيف أنه في دراسه تؤكد أنه الكويت راح تواجه أزمه ماليه كبيره جدا في عام 2020 وعمك أصمخ أما القطاع النفطي بشكل خاص فحدث ولا حرج مثلا:

    1- المصفاة الرابعه والكل يعرف مدى الخساره على الكويت لو تم هذا المشروع وللحين لم يتم محاسبة أحد على هذا المشروع الي كان راح يكلف الكويت مليارات بدون فايده.

    2- 4 مليار دولار مصفاة فيتنام و5 مليار دولار مصفاة الصين والخبراء يقولون أنهم ما منهم فايده.


    3- ما أدري منو الأخ الي تعاقد مع الشركه الي تجيب الأرياق الصينيه للحفر مع العلم أنه هذي الأرياق خرطي وصار فيها كم حادث ولولا ستر رب العالمين كان ماتوا فيها ناس وكذلك هذي الأرياق قاعده تأجرها الشركه على koc بسعر أغلى من سعر الأرياق الأمريكيه التي كانت تستخدم في السابق.( شنو السالفه تنفيع وخلاص)

    4- المبنى الجديد للشركه قاطين عليه فلوس بالملايين والموظفين قريد 11,12,13 قاعدين في بارتشنات مفتوحه مالها باب وقصيره مو عاليه يعني الي يمر لازم يشوفك( يعني لو حاطينهم بره عند النافوره أبرك على الأقل يقدرون يدخنون) والواحد ما يقدر يركز بشغله من كثر ما أنه قاعد يسمع كل سالفه أو رنة تلفون في البارتشنات الي يمه أو صوت أي أحد يمر وقاعد يسولف مع رفيجه لازم تسمع سالفتهم لا وقريد 14 , 15 لهم مكتب بدون شباك والي قريده 16,17 مكتب بو شباك واحد والتيم ليدر مكتب بو شباكين ( يعنى لو قاطين جم فلس زياده ورافعين البارتشنات وحاطين لهم باب أبرك)

    والطامه الكبرى أنه في 2008 كان يوجد لدى الكويت فائض في الميزانيه حوالي 7 مليار دينار وفي سنة 2009 صار عندنا عجز في الميزانيه 6 مليار دينار .

    سؤال ؟ لي متى راح يستمر البوق والتنفيع ؟ لي متى محد يحاسب الحراميه الكبار ؟ لى متى اذا الحرامي العود باق محد يكلمه واذا أحد باعها وقاله أنت حرامي جمدوه أو أنقلوه أو لبسوه تهمه؟

    في أحد فيكم عنده جواب
     
  2. aL- raSy

    aL- raSy إدارة المنتدى

    2,714
    0
    36
    هذي الكويت صل على النبي
     
  3. العجمـي

    العجمـي بـترولـي خـاص

    1,857
    0
    0
    سـر
    kuwait
    فيه واحد قال السنه هذي بدخل انتخابات جمعية ..

    سألته ليش ؟؟

    قال أبي آكل مثل الناس اللي تاكل من سنين

    يعني صار كل مكان للأكل الحرام .. الله المستعان

    والناس تركض تبي تفزع معاه

    سؤالك طال عمرك ما قدرت اجاوب عليه :) بس تذكرت سالفة الجمعيات ​
     
  4. سهيل

    سهيل بـترولـي نشيط

    60
    0
    0
    نسيت شغله استاد جابر صارفين عليه 88 مليون واخر شي البلديه تقول لا يصلح وجنه سمعت اللي اخذ مناقصة ارضية الملعب كان يسقيه ماي صليبي سلمني على المركز المالي والديموقراطيه والحل بالحل هذا اللي نعرفه والكل يطنطن علي

    بس ما اقول الا حسبي الله ونعم الوكيل

    ادعوا الله للكويت بالاصلاح
     

مشاركة هذه الصفحة