فيصل العجمي .. نداء استغاثة

الكاتب : خميس الخامس عشر | المشاهدات : 1,370 | الردود : 20 | ‏30 أكتوبر 2009
  1. خميس الخامس عشر

    خميس الخامس عشر بـترولـي خـاص أعضاء الشرف

    باقوا الباسوورد نكي
    وقمت ادخل واشير
    واعيد الذاكرة وامحيها
    واسوي كوبي وبيست
    وانطر العجمي فيصل يشبك
    لعل وعسى اكسر خاطرة
    وفجأة لمع نكة الأحمر ..
    صراحة استحيت نكي اسود
    ونكة لابس الأحمر ياعيني
    قمت وبعتها وقلت بحصل شر طردة
    خفت وخفت وترددت.. نكه احمر يخرع
    ذكرني بالهلب والبالسبورت والكو ادمن

    لاوالله باعها ورد علي ويهلي ويرحب..
    راحت الرهبة .. وطارت السكرة
    وفجأة جاءت الفكرة ..
    بس انا مريض واكسر الخاطر..
    وفيني انفلونزا .. بس مو الخنازير..
    لأني ماني خنزير .. قلت بتلثم وهو يراسلني

    على طاري إنفلونزا الطيور
    وإنفلونزا الدجاج
    وجنون البقر
    وكوكب القردة
    وشلل الأسماك
    وإسهال الغراب
    وصداع الكتاكيت

    وتو قبل امس ..حصد مرض جديد ..
    بعض القتلى والجرحى
    في منتدى السياسة والإقتصاد
    وقاموا يقولون بادي وخالد
    وانا ضايع بالصقلة .. بس فجأة
    استنفرت كل الحدود والمطارات
    واختفت مزارع الخنازير
    وتضوروا جوعاً آكلي لحوم الخنازير
    والسبب ..انتشار .. إنفلونزا الخبول

    ويبقى السؤال متى ..
    ينتشر ذلك المرض الجديد
    ويكون حصرياً بكل داعوس بالمنتدى ..
    والأقمار البيضاء والسوداء
    ويتم الإعلان بعد يومين ..
    عن ظهور داء إنفلونزا الإنترنت...

    لكن يا ترى سوف تكون العدوى من
    جراء فيروس ميكروسكوبي
    أو من خلال هكر علماني
    أو من خلال فوضى المواقع
    والفيس بوك
    والشوز فيس
    والهوت شات
    وكول مي ناو
    والثعلب هز بذيله ..
    وفات
    وفات

    أو من خلال محادثة ساخنة
    طول الليل لصلاة الفجر
    على الماسنجر مع ذيج الكيكة
    أو في الياهو كاميرا واضحة
    وتعال ياليل من اول
    ونرجع شريطك كل شوي
    عشان اسمع الصوت الدافي
    او اشوفها بدون حجاب وقوطي الروب

    وعلى الأرجح أن هذا الداء ناتج
    عن إصابة منتدانا النفطي
    بموضوع مزيف أو منقول
    وليس له جذور
    أو من عضو خبيث
    أحب يرز وجهه
    واحتار بين الجزرة والخيار
    ايهم افضل للمتعة في..
    الأكل طبعاً لحد يفهم غلط
    ويمكن في النفس النية قشرى ..
    والأعمال بالنيات صح؟؟

    وربما كان السبب
    نشر قصيدة عصماء
    بها ذم وشتم ولعنة مترس
    ومن ثم مديح وهز الذنب
    من أحد الشعراء المخضرمين
    لأحد سلاطين الجن
    اوالملوك والزعماء في سوق الجمعه
    تلقاهم وسط البنقالية ..بس
    متسمرين على عروشهم وكراسيهم
    وبالتالي ..احتار الربع بتسجيل الدخول
    صارت صارت.. سجل دخولك بالمنتدى
    بس ياخسارة لازم في بيت شعر
    و لزوم يحصلون بيت شعر ملطوش
    لو من سخافة شاعر المليون
    وانزعجت القوى الوطنية والليبرالية
    وقام يزابد محمد صقر
    وبعض الأحزاب الدنيوية
    ارتعد بين غرفها مطوع نص كم
    صدقوه اذا مايبيع خمر
    وبدأت الأجهزة الاستخباراتية
    بفتح الملفات والأعضاء
    والأجساد والكروش المنتفخة
    واختراق الأسلاك ، وتتبع
    الترددات ، وأجهزة الإنذار والاستشعار
    حصلوه ابشركم حصلوه..
    هذاك صاحبنا مزدوج ..
    يقولون والعهدة على الراوي ..
    لقوا معاه افغانية.. شحلاتها
    جنسية لحد يروح بذاك الراي

    أو كان هناك سبب قوي .. من بندول نايت
    شاعر .. مدح الحذاء
    وشجب الحمار .. واستنكر
    الجدار باللف والدوران
    مع القرار

    وتناقلت الأخبار أن هناك
    قائد جبار .. ما زال يسأل عن الأخبار
    ويعيش تحت الأرض والبحار

    أو ربما قُتل جوجل
    والعزاء بديوانية الدسك توب
    والنساء في التراش
    والشك يحوم ويدور حول
    مستر فايرفوكس
    لأنه يعشق
    مسزز ويندوز
    صاحبتك يالمرحوم قوقل

    والمكتوب سايت..
    ما زال يحاول أن يجد حل لمدونات
    تحت الحصار ..
    ومدونين ... داخل السجون
    والذنب .. ذنبهم
    لأنهم شتموا الحِمار ؟
    وبدأت الروابط ترتبط بفكرة ، وتعتقد بعقدة
    أن للشعب حق الخِيار
    أو الجلوس على كرسي النار
    ملتهب كجمر النار

    لكن ..
    هناك احتمال وارد
    أن يكون سبب هذا الداء
    هو ..تقاعد قلم الرصاص
    والفِكر احتار وانهار

    فهمتني يالعجمي.. ايه اقص ايدي
     
  2. العجمـي

    العجمـي بـترولـي خـاص

    1,857
    0
    0
    سـر
    kuwait
    مرحبا اخوي خميس :)

    ان شاء الله تكون بأحسن صحه وعافيه

    قبل لا يرد عليك احد

    انا ما فهمت شي

    بس الاكيد اللغه سياسيه وفيها لحمة ضب :)
     
  3. خميس الخامس عشر

    خميس الخامس عشر بـترولـي خـاص أعضاء الشرف

  4. العجمـي

    العجمـي بـترولـي خـاص

    1,857
    0
    0
    سـر
    kuwait
    والله سمعتها وازين ما فيها انها بدون موسيقى

    الله يرحم الحال

    والله يشافيك ويعافيك إن شاء الله :)
     
  5. يادنيا

    يادنيا بـترولـي مميز

    الله يشفيك يا اخونا خميس :)

    يبيلك حبتين برب ترتاح جم يوم :)

    ماتشوف شر
     
  6. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀

    مرحبا فيك أخوي "خميس الخامس عشر"
    شنو هذي نشيده
    :D

    الله يعطيك العافية طال عمرك كلام فيه إبداع وتصوير جرئ يحاكي واقع الحال
    تسلم على الموضوع

    وشكراً لإهدائك رابط الملف الصوتي للشاعرة الصحفية ماجدة سليمان
    وتقبل مروري, مع تمنياتي لك بالشفاء العاجل
    :)
     
  7. خميس الخامس عشر

    خميس الخامس عشر بـترولـي خـاص أعضاء الشرف

    قلت برب قالوا تيت ثلاث سنين ..

    مايجيك الشر..
     
  8. pic1

    pic1 بـترولـي نشيط

    128
    0
    0
    خميس :D


    قسم بالله كلام كبير :rolleyes:

    مع اني اجزم انك انت مو فاهم منه شي ( مثلي ) :cool:


    بس الاكيد ان الموضوع فيه هلوسه وبربسه

    ;)
     
  9. خميس الخامس عشر

    خميس الخامس عشر بـترولـي خـاص أعضاء الشرف

    مراحب با ادارة..

    هذي شعوذة بعيد عنك..

    مسوي عمل لبوعبداللة..

    طلع محصن ابن هالحلال..

    قلنا يمكن طبية 3 ايام ويرافس قصدي يراجع..

    بس.. والا ماله داعي ...

    شكرا لمرورك... بس لاتضحك
     
  10. خميس الخامس عشر

    خميس الخامس عشر بـترولـي خـاص أعضاء الشرف

    مامن هلوسة ياوليدي..

    والبربسة محشومين عنها ..

    ادارة واعضاء ..

    المعنى عميق لاتغرق فيه..

    تبي فكس ترا عندي ادهن راسك وارقد...
     
  11. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    السلام عليكم

    خميس صبحك الله بالخير طال عمرك

    وسلامات وانا اخوك

    داء انفلونزا الانترنت طلع وانتشر في بعض المواقع طال عمرك ،، واللقاح موجود عندنا ،، اللي حاب ياخذها يمر على pickw في الخاص :)
     
  12. خميس الخامس عشر

    خميس الخامس عشر بـترولـي خـاص أعضاء الشرف

    الله يسلمك من كل شر..

    ويصبحك بالسعادة والسرور..

    قايل لنفسي ماينفع معاك الشعوذه ..

    ولايجيب راسك سحر داوود ..

    والروس تبقى روس..

    وانت راس على ثلاث شوارع..

    وماينفع طمان الراس عقب ارتفاعه..

    وتلقيح النخل موسمة راح ..

    ماودك .. والا ادري بردك..

    تدري شلون.. بصارحك بسر الليل

     
  13. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    خميس ماعليك زود وانا اخوك
    اشوى انها ثلاث شوارع مو ست شوارع :)
    الظاهر يبيلك زياره خاصه :)
     
  14. خميس صبحك الله بالخير يالامير



    انا بقول ابشر بسعدك وانا مدري وش السالفه

    لكن تدري شلون فيصل العجمي رد عليك بنعرف منه وش القصه وتبشر بالخير
    لاني مافهمت الا انك تسجل دخوولك
    ولكن ماتقدر تسجل الا ببيت شعري ملطوش :)

    لاهنت وكلام كبير
     
  15. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    خاطرة او ابيات غامضة ... شالسالفة ؟ بس شكو ارز فيسي مدام انها

    رسالة او نداء للادارة حسب ما فهمت:)
     
  16. المعلمة المتميزة

    المعلمة المتميزة بـترولـي مميز

    945
    0
    0
    تناغم جميل لكلمات هذه الخاطره ..**
    التي لا تخلوا من حس الفكاهة والواقعيهـ ..**
    في نفس الوقت ..**
    تقبل احترامي ..

    [​IMG]
     
  17. خميس الخامس عشر

    خميس الخامس عشر بـترولـي خـاص أعضاء الشرف

    عساك تبشر بالسعد والسعادة..

    ولاتهون يابعد قلبي انت وزولك..

    يا خسارة سكر باب التسجيل..

    وقمنا ندور واسطة واستثناء..

    وابشرك لقينا ..بان كي مون..

    بس الزرقة من دوامة صعبة..

    ورئيستة نسرة في صورة إمرأة...

    سبحان من صور شكلها..

    تقول اللي يطق خال الحكم...

    وردد معاي ياليل مطولك..
     
  18. خميس الخامس عشر

    خميس الخامس عشر بـترولـي خـاص أعضاء الشرف

    أهلاً أهلاً.. حجية انوار

    مستشارة المشاكل النفسية الدولية..

    بقولج .. انتي ماتدرين إن توارد الأفكار وتقاربها شيء جميل جداً جداً ويساعد على استقرار الحياة الأنترنية والواقعية ، وهذه نعمة من الله بها علينا في المنتدى اللي مديرة بابا فيصل قدس الله سره ، وليش تسوينها مشكلة وتسألين عن خفايا الأمور؟؟ هل هو الفضول؟؟ لالا تبين الصج انتي مو فضولية .. وترى هناك بعض الأمور لا يستطيع جنرالات العلم تفسيرها لأن الله عز وجل وه الذي يتحكم فيها وحده ،لزوم تعرفين حجية أن هذا رزق قد منحه الله لي فلا تسأليني عن أشياء أمتعني الله بها فهناك من يرزقه الله بالمال الكثير هل يسأل لماذا أنا رزقي واسع وغير كذا ، ويجعلها مشكلة وهناك من يرزقه الله بالذكاء وملكة الفكرة السريعة والقدرة على إصدار الفتواى والأحكام على الأمور فهل يجعلها مشكلة ويقول أريد تفسير لذلك ؟
    وهناك من أنعم الله عليه بالصحة والجمال مثلج طبعاً و انا العكس تماماً ، أتعجب منج سؤالج على نعمة من نعم الله التي لا يستطيع أي علم تفسيرها ، ذكري الله سر وعلانية واكثري من حمده على نعمه وفضله . والعني ابليس .. وربطي السيت بلت ( حزام الأمان) مو بالسيارة بس حتى بالطيارة .. تدرين خالتي انوار شيقول فهد بورسلي الف رحمة ونور علية ؟؟
    جزا البارحة جفني عن النوم .. جزا من غرابيل الزماني

    صبرت أمس مع قبل أمس واليوم .. وأشوف العشر تصفي ثماني.

    غنيها وانتي طربانة يمكن تعرفين ليش امريكا اغدمت صدام اول يوم عيد..

     
  19. خميس الخامس عشر

    خميس الخامس عشر بـترولـي خـاص أعضاء الشرف

    الله الله الله عليج يامعلمة

    يامعلمه يامعلمة ... يامعلمة

    أعطيها دروس زيادة .. حتى تنال الشهادة..

    ندخل جو السعادة و نعمل حفلة ..

    قلبي عامل له تلفزيون ليراها على الشاشة..

    فرّحني لكن مابيك وشاشة قلبي غشاشة ..

    به تقرب خطوات .. وتقدم وردات..

    وكل تخيلات ..إلخ الهب هوب .....

    وليحيا براد بيت ..

    بس خسارة انا مخلص الجامعة..

    واكبر فضيحة بالديرة لي كانت ..

    اني ناجح بالجامعة جوازاً..
     
  20. الذهب الأسود

    الذهب الأسود بـترولـي جـديـد

    23
    0
    0
    خميس تعرف تقول (( بطتنا بطت بطن بطتكم وبطتكم بطت بطن بطتنا ))

    تقوووولها ثلاث مرااات وبسرعه
    :d
     
جاري تحميل الصفحة...

مشاركة هذه الصفحة