أهمية وجود مخزن لقطع الغيار في كل مركز تجميع و محطة غاز!

الكاتب : mjaljaser | المشاهدات : 828 | الردود : 7 | ‏29 أكتوبر 2009
  1. mjaljaser

    mjaljaser بـترولـي جـديـد

    18
    0
    0
    ما رأيكم في وجود مخزن لقطع الغيار في كل مركز تجميع و كل محطة تعزيز غاز؟ حتى و إن كانت خارج سور المركز أو المحطة؟
     
  2. محمد المذن

    محمد المذن بـترولـي مميز

    694
    0
    0
    اشرح الفكره بالضبط
    تبي تحط قطع غيار كامله للمحطه ؟
    تبي ال op2 يبدلون بحالة العطل وله الصيانه
    لو تشرح اكثر يكون احسن

    بكل الحالات رأي انه ماله داعي

    وشكرا
     
  3. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    أقتـــراح ممتـاز ولكـن يخالف قوانيـن السلامـة لما قـد يــُــعرض المخـزن المنشأة للخطــر
     
  4. MoFaTisH

    MoFaTisH بـترولـي جـديـد

    6
    0
    0
    ما ني عراف كيف يعرض (المخرن) المنشأة للخطر ؟!!

    بالعكس فكرة قوية للأمانة

    وكنا ننادي رؤساؤنا والمدراء المحترومون وغيرنا (كانوا) ينادون بهذه الفكرة..


    والإجابة غير واضحة المعالم ! ،، القطع الغيار مهمة للمنشأة مادام هناك فريق صيانة!

    وللعلم هناك لكل مركز تجميع أو محطة لتعزيز الغاز مكان لهذه القطع المطلوبة للتبديل والصيانة لكن لا تفيد للغرض الفني!

    نتمنى وما في التمني إلا الرجاء أن ينظر لهذا الموضوع بشكل جدي..

    ولا ينفع كتابة الكلمات من أناملنا الضاربة فقط لإيجاد مواضيع مهمة وغير مهمة ،، بل تحريك الموضوع لجهة الإختصاص
    فعليا
    لا كلاميا أو شفهيا نتداوله كديوانية صغيرة،، وأشيد بموضوع الأخ /mjaljaser
    فهو مهم جدا لمنشآتنا..

    أشكرك أخي mjaljaser على موضوعك لكن نريد إيصال ذلك عبر القنوات الفعالة لمناقشته بصورة فعلية
    ولو على دراسته بأضعف الإيمان ؛ لأننا مهما تكلمنا عن أي شيء مادام فيه ميزانية .. يتأخر أو يؤجل أو (يطنش) !

    لا أحبطكم لكن هناك عاملين في الشركة ونعم العاملين ،نعم يريدون المثابرة والعمل لأجل مصحلة الدولة التي تبدأ في الإرادة..

    شكرا mjaljaser لك ..
    أتمنى للجميع
    التوفيق
     
  5. mjaljaser

    mjaljaser بـترولـي جـديـد

    18
    0
    0
    أشكرك يا أخوي MoFaTisH على هذا الاطراء، و ردا على محمد المذن، أنا مشتغل مع الغاز و أعرف ظروفهم و أنا أصلا أعرفك شخصيا، و قبل لا تتهجم علي إسمع من الأقدم منك و استفيد، و راح أشرح لك إن شاء الله، و ردا على الأخ (جونم جقرم)، أنا أقولك ليش هذي الفكرة ماراح تعرض المنشأة للخطر، لأن الفكرة أن هذا "المخزن" راح يكون خارج سور المنشأة، و ليس بالداخل، إحنا ناس إنعرف السلامة لا تحاتي، أخوي محمد المذن، عمرك شفت وكالة سيارات كراجها مثلا في الأحمدي و فرع قطع الغيار في الجهراء؟! تخيل معاي هذا الوضع، تروح الوكالة و سيارتك تحتاج قطع غيار و يقولك روح الجهراء إشتر القطع و تعال نركبها! هذا اللي صاير معانا، و يقولك تبي إحنا نجيب القطع ماكو مشكلة، بس إنطر إسبوع على ما توصل، ألحين وضحت الصورة؟ على سبيل المثال شمال الكويت، في مخزن مجهز بالكامل لمنطقة الشمال و لكن ما يفتح إلا يوم واحد بالاسبوع و لا! ما فيه قطع بس جذي زينة، و هذا ناهيك عن مشكلة قسم الصيانة و تخزين قطع الغيار في المكاتب، إنت تخيل معاي إنك في محطة غاز و محتاج Gasket ضروري لأن عندك Leak، و لنفرض البايب اللي عليه leak حجمه 48 إنش، تخيل معاي و إنت محتاجه ضروري يكون عندك 24 ساعة، وين راح تحطه؟ أها شفت شلون، محتاج مكان يكون قريب منك، أنا أذكر في ناس جدد يوصلون الدوام يبون مكاتب مو محصلين ليش؟! لأن أكو مكتبين كلهم قطع غيار! حق منو! حق المحطة مو حقي، إحنا ما نبي مبنى و حالة حالة، لا يبى نطلب إن أولا تؤخذ هذي الفكرة بعين الاعتبار، و ثانيا كل اللي نحتاجه container لكل قسم من أقسام الصيانة، واحد كهربا واحد ميكانيك واحد آلات دقيقة و بس، لكن طبعا يكون مرتب بحيث يسهل علينا نطلع قطع الغيار بسهوله، هذا حل، و الحل الأفضل إنه يكون مبنى بنيان خارج كل محطة و مركز و يكون المسئول عن هذا المخزن المخازن الرئيسيةاللي بالاحمدي، و إن يسوون عليه جرد سنوي بحيث يكون نظيف و مرتب على طول. و سلامتكم و أتمنى أكون جاوبت على أسئلتكم، و اللي عنده زيادة على الموضوع يتفضل يزيد و له جزيل الشكر.
     
  6. Q8GAS

    Q8GAS بـترولـي مميز

    514
    0
    16
    خوش إقتراح و اعرضها على مسؤلك قبل لا تروح الفكره لواحد غيرك :)
     
  7. المنجنيقي

    المنجنيقي بـترولـي خـاص

    1,966
    0
    36
    اقتراح ممتاز بس منو اللي يسمع
     
  8. نفطي متقاعد

    نفطي متقاعد بـترولـي جـديـد

    5
    0
    0
    خوي Majljaser انت عطيت مثل عن شغله بسيطه وهي تسرب من وتحتاج Gasket بس تدري ان ترتيب حق العمل و خطوات العمل تحتاج 2 الي 4 ساعات منها شتداون و ديبرشيرايز السيستم تقدر تروح المخازن الرئيسيه و تسحب القطع
     
جاري تحميل الصفحة...

مشاركة هذه الصفحة