ابتلشنا بالسنافر

الكاتب : شركة من صادها عشى عيالة | المشاهدات : 1,175 | الردود : 16 | ‏29 أكتوبر 2009
  1. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    بسم الله الرحمن الرحيم


    اذا تذكرون كان ينعرض في فترة الثمانينات كرتون السنافر و كان بيهم سنفور كان دائما يردد انا اكره :D يعني يكره كل شي يشوفه يكره الجو و يكره ربعه و حتى يكره الارض اللي يمشي عليها.

    عندنا وايد من هالسنفور لكنهم يتميزون انهم يكرهون كل شي يختلف عنهم حتى لو باختلاف بسيط يعني لو انت تسكن بمنطقة غير منطقته يكرهك و لو انه اصلك يختلف عن اصله هم يكرهك و ساعات يكرهك ليش مذهبك يختلف عن مذهبة هالسنافر الغريب انهم ينتمون لاكثر من اصل في سنفور شيعي يكره كل سني و سنفور سني يكره كل شيعي و في سنفور بدوي يكره كل حضري و سنفور حضري يكره كل بدوي لا و العجيب فيهم ( السنافر ) لهم حركات عجيبة غربية يعني بعضهم يكرهك حتى على نوع سيارتك .

    هالنوع من السنافر يتشابهون بصفات معينه لحضتها عندهم كلهم انهم ما يخالطون الا اللي نفسهم اصلهم و مذهبهم و لا تربطهم علاقة صداقة مع شخص يختلف عنهم بالاصل و المذهب و هذا بلا ابوك يا عقاب يعني السنفور الحضري ما يضر لو انه تعدى الدائري الخامس راح يشوف انه البدو فيهم الطيب بفعله و كلامه و نفس الشي السنفور البدوي ما يضره لو انه خالط حضر و عرف انه الحضر فيهم اللي يفزع لصاحبه لو انه احتاجه بيوم و كذلك السنفور الشيعي ما يضره لو جرب مندي المملكة مو كله كباب الحجة :D

    اهل الكويت تجمعهم صداقات باختلاف اصولهم و مذهبهم و البدوي يزور الحضري و الحضري يحضر عرس البدوي و الشيعي يقدم واجب العزاء لاخوه السني لي شفنا واحد واقف على اليمين بالشارع ما نسألة انت بدوي و لا حضري قبل ما نساعده و اذا لاعب من المنتخب حط قول ما نسأل عن مذهبه و اللي ما يعجب تواصل اهل الكويت و اخوتهم خل يصبغ نفسه ازرق و يتحول سنفور و يقول انا اكره :D
    .



    طلعت من المنتدى لسبب و عند انتفاء السبب رجعت له .
     
  2. VIP OIL

    VIP OIL موقوف

    802
    0
    0
    يا حياك الله اخونا العزيز شركة من صادها عشانا وعشا عياله :)

    وطرح واقعي بطريقة سلسلة كوميدية وشأنك غالي والمكان مكانك والإحباط مرات يولد طاقات لووووول
     
  3. بلبل عنقريزي

    بلبل عنقريزي بـترولـي خـاص

    2,187
    0
    0
    موضوع ولا اروع يالغالي
    ماقلت غير الصح
     
  4. بن عامر

    بن عامر بـترولـي خـاص

    1,159
    0
    0
    k.o.c
    kuwait
    ولكم بااااك يا شركة و هلابك من جديد في محلك و بيتك .


    و كلامك اليوم أصبت فيه كبد الحقيقة و مع الأسف فيه ناس تعمل على انتشار العداء بين الشعب و محاولة التفريق بينهم مثل المجنون [ الجاهل ] هو و قناته الجديدة و مع الأسف أنه مدعوم من سلطات علياااا و أنت عارف منو اللي أستقبله بالفترة الأخيرة .


    الشق عود يا شركة و حنا لو ربي يفكنا من هالسنافر كان حنا بخير .
     
  5. Workers

    Workers إدارة المنتدى

    7,767
    30
    48
    ذكر
    الكويت
    ياهلا والله بالعزيز شركة ونورت المنتدى .. [​IMG]
     
  6. خميس الخامس عشر

    خميس الخامس عشر بـترولـي خـاص أعضاء الشرف

    السنة عيدين والثالث عودتك الحميدة..
    فأهلا بك من القلب للقلب...
    وبوجود اسمك (شركة) ازدهر المنتدى نوراً ..
    وغردت حروفنا بعطر قدومك...
    اتمنى أن تجد بين اعضاء المنتدى...
    وزهوره ما يسرك...
    نتمنى لك أقامة رائعة ودائمة...
    في ظلال صفحاتنا الساحره...
    تحيااااتي معطرة من عبق الورد...
    المعتق بعطر قدومك ،،،
    تقبل تحياتي وحبي لك...
     
  7. ولكم باااااااااك يا شركه :)

    خوش موضوع الصراحه ويعطيييك العافيه

    والحمدالله على سلامتك ( عاد خلنا نشووف غشمرتك اللي تعودنا عليها )

    :)
     
  8. العجمـي

    العجمـي بـترولـي خـاص

    1,857
    0
    0
    سـر
    kuwait
    الله يعطيك العافيه اخوي

     
  9. EviaN

    EviaN بـترولـي نشيط جدا

    مشكور على هالموضوع اخوي شركه
     
  10. Sc0rpio

    Sc0rpio بـترولـي خـاص

    1,000
    0
    36
    مهندس
    الكويت


    حياك الله أخوي شركة من جديد

    وأهلا وسهلا فيك :)
     
  11. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    موضوع رائع يضاف الى سلسلة مواضيعك الرائعة اشكرك عليه
     
  12. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
  13. touareg777

    touareg777 بـترولـي مميز

    641
    0
    0
    عروقها بالماي
    دولة الكويت
    شكرا على الموضوع الحلو
    وسنفرواااااا سنافركم
     
  14. reznama

    reznama بـترولـي مميز

    مواضيع واقعيه محلــّيه .. والأهم من ذلك إنها غير تقليديه .. وتناقش مجتمعنا الكويتي من جميع الفئات !!

    هذا ما عوّدنا عليه أخونا (( شركه ))

    تـحياتـي

    ..
     
  15. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    مشكورة اختي على قرائتج للموضوع و تعليقج :)
     
  16. p.m

    p.m بـترولـي نشيط

    50
    0
    0
    عوداً حميداً يالشركه
    والموضوع غايه بالروعه والواقعيه

    عسى الله يفكنا من هالنوع من السنافر
    ويكثر من سنفور شاطر :d
    وسنفوره بعد;)

    لاهنت يالحبيب على الموضوع
     
  17. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    مشكور اخوي على قرائتك للمقال و تعليقك عليه :)

    اما السنفورات ما اقدر اتكلم عنهم لاني بعيد الشر عنك متزوج :D
     

مشاركة هذه الصفحة