سؤال محرج للجميع هل أنت راض عن مسؤولك ؟؟؟ ولماذا ؟؟

الكاتب : سالم الخالدي | المشاهدات : 1,450 | الردود : 24 | ‏6 أكتوبر 2007
  1. راضي أو ( راضية ) نعم وأتمنى أن يبقى مسؤولي دائما

    8 صوت
    36.4%
  2. غير راضي عنه وأتمنى أن يتغير

    14 صوت
    63.6%
  1. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    السلام عليكم ورحمة الله


    أدري ان الموضوع حساس شوي لكن لابد من المواجهة بكل أدب واحترام وهذا ما نطمحه في هذا المنتدى

    كثيرا ما سمعنا عيوب الموظفين

    هذا ينام - هذا يتأخر- هذه غير متعاونة - هذا يأخذ مرضيات -هذه ما تشتغل-

    ودائما الهجوم على الموظفين المساكين


    ايش رايكم تكون هذه المرةالأقلام موجهة على المسؤؤلين

    والسؤال هنا هل أنت راض عن مسؤؤلك ؟؟؟؟؟؟ هل أنتي راضية عن المسؤؤل ؟؟؟


    واذا كان الجواب بنعم أو لا يرجى ذكر السبب


    فتعالوا بنا
    نقيم المسوؤلين تقييم عدل بس ياليت يكون التقييم بكل حيادية

    وكل أمانة مع ذكر السبب حتى يكون مرجع لكل مسؤؤل ويعرف ماهي السلبيات التي يكرهها الموظفين فيه

    فيحاول تعديلها
     
  2. الغالية

    الغالية بـترولـي خـاص

    1,035
    0
    0
    انا احترم مسؤولي .. لأنه رجل كبير بالسن وأقدم مني بالشغل

    لكنني غير راضيه عنه أبداً .. للأسباب التالية :

    1- لا يعرف ماهية شغلي .. يعني لو يصير اي خلل مايعرف يتصرف مع العلم انه صار له بنفس الإدراة اكثر من 30 سنه .

    2- الحمدلله حاشمه نفسي عن الناس عشان جذيه ماعندي استئذنات وايد .. ولا عندي مرضيات إلا بالشديد القوي ... بمجرد ما صار لي حادث وعطوني مرضيه 3 اسابيع .. تغيرت النفسيه علي ..!!!

    3- اذا اضطريت للاستئذان .. يحسسني كأني طالبة مدرسة !!

    4- اذا بطلع إجازة .. ويكون توقيعه على ورقة الإجازة وعنده خبر من قبل التيم ليدر .. ما يطلب مني اسلم شغلي لأحد بالمره.. بس قبل لا أداوم بكم يوم .. يسلمون الشغل لناس تخربه وتعفسه علي ... يالله المستعان !!

    5- يعامل الأجانب معاملة أحسن من معاملتي (مع العلم انه اجنبي) .. !!!

    شكرا لإثارة الموضوع .. مع العلم اني ما اتحامل على الأجانب لكن .. للاسف يحبون انه الواحد يعطيهم برستيج المسئولين!!
     
  3. PIC

    PIC بـترولـي نشيط جدا

    313
    0
    0
    والله مو عاجبني

    مسئولي مسكين وضعيف وماعنده شخصية ولا له كلمة وللأسف كذاب وما يواجه

    والله متوهقين فيه
     
  4. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    أحسنتي أختنا ( الغالية ) على هذه الصراحة

    اذن نستفيد أن بعض المسؤولين لا يعرف شغل الموظفين اللي تحته .

    ياليت أختنا توضحين معنى طالبة مدرسة ؟؟؟

    في 3- اذا اضطريت للاستئذان .. يحسسني كأني طالبة مدرسة !!


    ايضا أن بعض المسؤولين الأجانب يميز الأجانب ويبخس حق الكويتيين


    منتظرين المشاركة من باقي الأخوة والأخوات
     
  5. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت


    فائدة أخرى أن بعض المسوؤؤلين ضعيف الشخصية ولا يملك قرار ويحاول التملص من الموظفين


    ما قصرت أخونا PIC
     
  6. الغالية

    الغالية بـترولـي خـاص

    1,035
    0
    0
    الواحد لما يستأذن يعطي خبر لمسؤوله انه بيطلع لسبب من الأسباب
    ولما قلت طالبة مدرسة ... لانه يحسسني إني اطلب منه الإذن .. مو مجرد تبليغ !!
    يعني يتنرفز .. وينافخ .. ويكلمني من طرف خشمه !!
    عشان جذيه .. صرت اتعامل معاه بالإيميل ... وازيدك .. الحبيب صار يحذفه من غير ما يقراه !!!

    مثل ما قلت .. المسألة مجرد برستيج وبس !!
     
  7. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    ياليت اخواننا المسؤولين يتذكرون حديث النبي عليه السلام


    انه قال: «اللهم من ولي من أمر أمتي شيئاً فشق عليهم فشقق عليه، ومن ولي من أمر أمتي شيئاً فرفق بهم فأرفق به» رواه مسلم



    وين الرفق بالناس
     
  8. KOC_747

    KOC_747 بـترولـي نشيط

    138
    0
    0
    الوسام صبحك الله بالخير
    والجميع

    المسؤول باعتقادي الكل وده انه يكون متفهم و مراعي الموظفين اللي تحته

    بس يأخي بعضهم على باله إنه دايم بهالمكان وما راح ينشال بيوم من الأيام ، وتلقاه مثل ما قالت الإخت المحترمة يبي يسوي حق نفسه برستيج وبس ، والمشكله لا جاك واحد وليش ما سويت جذيه وليش ما سويت ذاك ومنو معاك ومداوم ولا لا ويروح يسألك عن شغله على أبو إنه عارفها واللي يسأل عنه ماله علاقة باللي كان يأشر عليه

    خلها على الله
    وبالنسبة حقي صرت مع المسائيل على قولتهم رسمي
    والجواب على قد السؤال على ما قيل


    وشكراُ على تميزك بالمواضيع أخوي الخالدي.
     
    آخر تعديل بواسطة المشرف: ‏27 فبراير 2008
  9. BG. 1

    BG. 1 موقوف

    489
    0
    0
    منتظر الترقية
    البيت ماخلص
    حسب ما أشوف المسئول من تيم ليدر وفوق بالنسبة لقسمي ودي يتغير وينقفونه لانهم ما يدرون وين الله قاطهم

    اما اللي تحتهم أشوه شوي منهم
     
  10. المشاكس

    المشاكس بـترولـي خـاص أعضاء الشرف

    998
    1
    0
    ياليت يتم تحديد المسؤول .... في بعض الوظائف مسؤولينهم المباشرين متغيرين دائما .... مثل ألي بالحقول .... ويكون مسؤوله المباشر الثابت من تيم ليدر وفوق .... فهل يتم التقييم من التيم ليدر ....؟
     
  11. MAB12

    MAB12 بـترولـي مميز

    اكثر شي اكره بالمسؤولين المزاجيه .... مرات يكون متضايق برى العمل ولما يداوم على طول يفرغ في الناس اللي حواليه بالعمل ومرات يحسسك بمعاملته ايام الدراسه تسئتذن بكل شي كأنك مراقب واذا كلفك بشغل تلقاه يحوم على راسك يحسسك بتوتر وكانك مو قد الشي اللي كلفك فيه

    وبعض المسؤولين والله من يطلع اجازه نتضايق يكون محبوب من الجميع
     
  12. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    تحديد المسؤول يرجع لك ... أنت اكتب أعلم بحال مسؤولك وعلى هذا فسر



    سواء كان تيم ليدر أو


    suctionhead

    أو أعلى
     
  13. dehen_3ood

    dehen_3ood بـترولـي خـاص أعضاء الشرف

    الحمدالله انا راضية كل الرضا عن مسئولي
    قبل ان يكون مسئول فهو إنسان محترم خلوق متدين ويعرف شلون يتعامل مع الموظفة
    يقدر الظروف ويحرجك بتعامله وأسلوبه
    وهالشي ينعكس عليك فيخليك تنتج أكثر وتحب الشغل أكثر
    وأتمنى الصراحة إن الله لا يغير عليه ولا يتغير علي ويظل رئيسي على طول
    يعطي كل ذي حقٍ حقه وعلى قد شغلك يعطيك وما يقصر معاك
    الكل يبيه ويحبون ينتقلون عنده !!
    جان زين في منه وايد بالشركة جان احنا بخير !!
     
  14. المشاكس

    المشاكس بـترولـي خـاص أعضاء الشرف

    998
    1
    0
    اولاً قبل لاتكلم عن مسؤولي أبي أبين شي معهم

    الإدارة فن ودراسة يعني مو كل واحد صار مسؤول يقدر يدير ألي تحته ..... لهذا السبب نشوف أكثر المسؤولين مايعرفون يديرون الموظفين ألي تحتهم ....

    بالنسبة لي أعتبر مسؤولي المباشر المشرف .... وللأسف كنا من أحسن مايكون بس صار علينا هالمشرف قلب كيان الشغل فوق تحت وصار مزاج الموظفين بالحضيض .... وأفهم يا فهيم
     
  15. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    ممكن توضح أكثر أخوي المشاكس ودنا نبتعد عن الألغاز

    ودنا نكون صريحين حتى يتفهم اخواننا المسؤولين نظرتنا عنهم وعيوبهم


    والهدف من الموضوع علاج نقاط الضعف عند المسؤول
     
  16. HUMMER

    HUMMER بـترولـي خـاص

    لانه عنصري ومومحترم
     
  17. Future man

    Future man بـترولـي نشيط جدا

    180
    0
    0
    الحمد لله أنا مسؤولي ونعم كفو مو محسسنا إنه مسؤول من كثر ماهو متواضع حسينا إنه أخ كبير لنا الله لا يغير علينا إنشاء الله

    أختي الغالية الحين مسؤولج إذا قرأ هذا الموضوع راح يعرفج :) لأنج ذكرتي إنه صار له 30 سنه في نفس الإدارة وإنج طلعتي إجازة مرضية 3 أسابيع
    ههههههههه لا تخافين أتغشمر

    ;)
     
  18. المشاكس

    المشاكس بـترولـي خـاص أعضاء الشرف

    998
    1
    0
    الأخ الخالدي .... كلامي واضح
    المفروض أي موظف يستلم مسؤولية على موظفين يدخلونه كورس عن كيفيفة التعامل مع الموظفين أي مايسمى بفن الإداراة حتى يستطيع إداراة من هم تحته
     
  19. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    أحسنت كلامك صحيح
     
  20. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    ومازلنا ننتظر المزيد من مشاركات الموظفين
     
جاري تحميل الصفحة...

مشاركة هذه الصفحة