المنطقة الأولى مصفاة الأحمدي .. ملينا

الكاتب : المنطقة الأولى | المشاهدات : 3,087 | الردود : 29 | ‏24 أكتوبر 2009
  1. المنطقة الأولى

    المنطقة الأولى بـترولـي جـديـد

    37
    2
    8
    السلام عليكم ورحمة الله وبركاته ....
    في البدايه اشكركم واهنيكم على هالمنتدى الطيب ... وانا من زمان متابع واقرا المواضيع بس والله ماجت الفرصه المناسبه اني اسجل بالمنتدى ... المنطقه الاولى في مصفاة الاحمدي من اتعس المناطق اداريا ... وللاسف اللي مخربها الكنترولريه والادمن اللي معطينه ثلاث مناطق ورؤساء الاقسام اللي مايدرون عن مشاكل الموظفين اهم شي يبون شغل ماشي وبس والموظف بالطقاق.
    نجي اول شي حق الادمن وانا صراحة اقوله يعطيك مليون عافيه على الشغل .. بس ترى ولله دايم تضيعنا وانا اخوك ... اوفر تايم ضايع كم شهر ماينزل ... كتاب مادري شنو مضيعه ... تنسيق اجازات ماكو .. مع انه مفروض رئيس القسم هو اللي ينسقها بس قاطها على الادمن ... واكثر شي يتشكون منه الناس تحويلة الشفت وتأخر الاوفر تايم .. ماني عارف ليش مايحطون على كل منطقه ادمن واحد وفكونا من المصخره اللي صايره عندنا .
    رؤساء الاقسام الثلاثه كأخلاق ونعم وستين نعم .. بس لو يتركون عنهم العنصريه شويه خصوصا وقت البونص والعلاوات ... واعتقد الشي هذا الكل يسولف فيه والكل متأذي منه بس ليش مستحين منهم لان تعاملهم زين محد كلمهم ... والشي الثاني انهم مو صوب مشاكل الموظفين .. اهم شي عندهم الشغل ماشي وبس .
    الكنترولريه للأسف هذيلا اللي مالهم خانه .. مسوين نفسهم مسؤولين وهم لا يهشون ولا ينشون ... واكثر ناس ينسون الاوفر تايم واوراق الاجازات والطبيات واي ورقه .. شياب مالهم خلق مانلومهم.
    بس لما توصل حق رزقي ورزق عيالي لا والله اوقف لهم ولعشره من اشكالهم .. لما يصير الاوفر تايم محسوبيه حق ربعي وحق خلاني واحبابي .. وحق الناس اللي مقزرها معاهم طلعات وسفرات ويعطوني شققهم بديرتهم.
    او حق الناس اللي تقلقس عندهم مع انه ماله حق يشتغل .. وراعي الحق يستحي يشتكي على شايب كبر ابوه.
    واحنا المنطقه الوحيده اللي ذابحينا بالساعات .... لازم يخصم عليك ساعه اذا داقين عليك اوفر تايم ... تقول دافع من مخباته الحبيب ..
    وفيه جم سوبرفايزر مقزرينها على ظهور بعض الموظفين مسوينهم مطراش للسوق للصناعيه لاي مكان .. واول واحد يدق عليه اوفر تايم هالشخص نضير اتعابه.
    التيم ليدر .... اقول ونعم فيه بس هم عليه اخطاء لي الراس ... واذا تبي تقابله يبيلك لفه طويله جنك بتقابل وزير مو تيم ليدر ...وعنده سكرتيره تقول اهي المديره مو هو ... تبي تعرف كل شي شحقه داق وشنو تبي وليش ومنو انت وشسمك وشنو مشكلتك وبالاخير تقولك والله مشغول :)

    وقت الاجازات ينزل تعميم ممنوع تبدل بعد نهاية شهر واحد .. وممنوع تبدل مع المقاول ... وممنوع تبدل مع شخص قريده مو نفس قريدك ... اللي يشوفه على باله نطلع اجازت بالهبل .. واحنا مو لاقين اجازات.
    حطو لنا التميز وضبطنا حالنا .. وانا من الناس اللي عندي فوق 15 يوم تميز وماني قادر اطلعهم .. والسبب كل ماصار فيه فرصه طلع اللي هو يبي .. والناس اللي ضابطه حالها مطنشهم .
    المنطقه الخامسه تبديل الاجازات عندهم مفتوح في اي وقت من السنه والاجازه كامله او نصها كيفك .. هذا الشغل السنع ... اما عندنا !!!! ياخي رفيجي ببدل وياه بأي وقت انتو شنو ضاركم ؟؟؟؟؟ شنو الفرق بدلت وياه اول السنه ولا نص السنه ولا تالي السنه ؟
    فيه ناس معينه تطلع كل سنه اجازه بالصيف ... ودي اعرف شلون ماني عارف ... ياخي دلونا على الطريج خل نسوي نفسكم ..
    الشلاتر صار لنا جم سنه نسمع انهم بيسوون شلاتر جديده ... بس الحجي اللي وصلنا انها حق المينتننس مو حقنا ... وبعض اليونتات ماعندها شلاتر جديده اصلا ... يعني عاجبكم وضع شلاترنا ؟

    انا بعرف شي واحد بس .... ليش التضييق على الموظف المسكين ؟؟؟ مو كافي دوام الشفتات وخافسين في التقارير وبونص ماكو ؟؟؟
    لا وفوق هذا انا على وشك اخذ درجة سينير ويقولون لي الاختبار مو الحين انطر ... ولاهم راضين يفرغوني اتدرب على البنل ... بالله شلون تبونا نستلم بنل ؟؟؟

    بو عيسى ... السيد أسعد السعد
    بو صالح ... السيد مناور المطيري

    واللي يرحم والديكم شوفوا لنا حل ... ترى والله النفسيه تعبت ... مضغوطين من كل صوب تقول داشين معتقل مو دوام ...​
     
  2. محلل نقابي

    محلل نقابي بـترولـي نشيط

    الله يكون في عونكم وثق اخوي تمام ان صوتك راح يوصل للمسؤولين وانشالله راح تنفرج بأذن الله لكن السؤال هل وصلت صوتك لأحد من اعضاء النقابه الي يمثلون مصفاه الاحمدي وشكرا
     
  3. الكليبي1

    الكليبي1 موقوف

    28
    0
    0
    مشكوووور على الموضوع وياربعني في المنطقه الاولى لحد يسكت على الحق وساكت على الحق شيطان أخرس وتكلمو وهددو وأرفعوها الي التيم ليدر وماضبطت الى مدير العمليات وأنا واثق من ابو صالح بيقطع الحق والاوفر تايم من حق كل موظف والله يعينكم على بلواكم ياربع؟؟؟ والاجازات من حقكم والواحد من تعب يبي يقسم أجازته وعادي مأشوف فيها مشاكل ياجماعه بس التمليدؤ الي يوقفها ضعيف نفس وخلق والله يعينكم على ماأبتلاكم
     
  4. سراب الصيف

    سراب الصيف بـترولـي نشيط

    الله يعينكم
    مالكم الا توكولون شخص او مجموعه اشخاص ينوبون عنكم
    ويدخلون عند ابو صالح عشان يشوف لكم حل
     
  5. KuwaitBoy1

    KuwaitBoy1 بـترولـي نشيط جدا

    393
    0
    0
    1111111111111111111111

    111111111111111111111
     
  6. المنطقة الأولى

    المنطقة الأولى بـترولـي جـديـد

    37
    2
    8
    السلام عليكم ورحمة الله وبركاته
    اشكركم جميعا اخواني على المتابعه ... بعض السوبر فايزريه مو عاجبهم وضع واحد من رؤساء الاقسام ,, ليش انه مهمشهم ومو معطيهم وجه ,, وصراحه مالومه مع انه جديد بس الغالبيه مو مال شغل مقزرينها حش وسوالف وتزريقات ولا يدرون عن هوا دار الناس اللي برى اللي بالصيف فاطسين من الحر في الشلاتر وفي الشتاء متجمدين من البرد ,,, نعنبوا داركم مو جنهم كويتيين حالهم حالكم ؟ يعني مامريتوا بهالمرحله وعارفينها ؟؟ وفوق هذا تلاقيهم ضاغطينهم.

    ويقولك شفت كنترولر هوايته كتب الشكاوي ,, كل يوم راص له واحد بكتاب , ومجمع وياه بشفته اثنين سوبرفايزريه من نفس المذهب ولاعنين خير الشباب اللي وياهم ,, وبالليل تشوفهم يتجمعون مع بعض ويقعدون بالساعات ,, ودري اعرف شيقولون ؟ ماتخلص هالسوالف كل يوم ؟
    هالشفت كنترولر لما قدم على اختبار شفت ليدر الكل كان يقول انشاءلله ماينجح والحمدلله الاداره كانت تعرفه وتعرف اسلوب تعامله مع الناس فسقطوه.

    تصدقون الاجانب بونص سنوي واغلب الشباب الكويتين مايعرفون شنو البونص ؟ تدرون المشكلة تبدي من وين ؟ من السوبرفايزريه اللي للأسف يفضلون الاجنبي على الكويتي ... تدرون ليش ؟؟ الاجنبي يقلقس وكله تمام يافندم او يس سير بالهندي .

    تصدقون فيه كنترولر غرامه الهنود ؟؟ من يشوف الهندي يتشقق ومن يشوف اي كويتي عطاه النفسيه الخايسه .
    واللي يقهر طلعاتهم ويا هالاجانب بالفنادق والشالليهات .

    سوبرفايزر يقول حق الشباب شنو عندكم مشاكل في الوحده ؟؟ ويقولون كل اللي عندهم واخر شي يروح حق رئيس القسم يقوله انا حصلت وانا حصلت , وفي النهايه ياخذ بونص والشباب محد درى عن هوا دارهم .
     
  7. Helmet

    Helmet بـترولـي نشيط

    56
    0
    0
    ابشرك ليلنا ويل وياهم :)
     
  8. حظوظ

    حظوظ بـترولـي جـديـد

    4
    0
    0
    وما خفيه كان اعظم هذا شي عادي انت بالمنطقه الاولى والله لو تشتكي عند اوباما مايفيدك خلها على الله
     
  9. محلل نقابي

    محلل نقابي بـترولـي نشيط

    سوال يطرح نفسه هل تقدمت ياصاحب الموضوع بشكوى رسميه لأحد اعضاء النقابه الي يمثلون مصفاه الاحمدي لكي نعرف من المقصر لان الانتخابات قادمه وشكرا
     
  10. سمار

    سمار بـترولـي جـديـد

    17
    0
    0
    الله يكون بالعون .. لحد يسكت عن حقه بس انا اشوف ان المنطقه الاولى افضل المناطق بالمصفاه
     
  11. TOWER

    TOWER بـترولـي جـديـد

    41
    0
    6
    السلام عليكم
    الله يكون بالعون عالعموم المنطقه الاولى مو شى جديد عليهم
    من صارت وهى من اتعب المناطق
    الكنترولر اللى تتكلم عنه معروف وكلامك صحيح وانشالله يطس ويطلع تقاعد وتفتكون منه
     
  12. ضمير الأمة

    ضمير الأمة بـترولـي نشيط

    100
    0
    16
    اييييييييييه

    خلوها على الله ياجماعه ،،، هالمنطقه بالذات محتاجه غربله وياليت يتم تدوير على مستوى التيم ليدرز والسيكن هيد كلهم
     
  13. R&GL

    R&GL بـترولـي نشيط

    129
    0
    0
    طلب تحقيق

    [المنطقة الأولى]السلام عليكم ورحمة الله وبركاته
    اشكركم جميعا اخواني على المتابعه ... بعض السوبر فايزريه مو عاجبهم وضع واحد من رؤساء الاقسام ,, ليش انه مهمشهم ومو معطيهم وجه ,, وصراحه مالومه مع انه جديد بس الغالبيه مو مال شغل مقزرينها حش وسوالف وتزريقات ولا يدرون عن هوا دار الناس اللي برى اللي بالصيف فاطسين من الحر في الشلاتر وفي الشتاء متجمدين من البرد ,,, نعنبوا داركم مو جنهم كويتيين حالهم حالكم ؟ يعني مامريتوا بهالمرحله وعارفينها ؟؟ وفوق هذا تلاقيهم ضاغطينهم.

    ويقولك شفت كنترولر هوايته كتب الشكاوي ,, كل يوم راص له واحد بكتاب , ومجمع وياه بشفته اثنين سوبرفايزريه من نفس المذهب ولاعنين خير الشباب اللي وياهم ,, وبالليل تشوفهم يتجمعون مع بعض ويقعدون بالساعات ,, ودري اعرف شيقولون ؟ ماتخلص هالسوالف كل يوم ؟
    هالشفت كنترولر لما قدم على اختبار شفت ليدر الكل كان يقول انشاءلله ماينجح والحمدلله الاداره كانت تعرفه وتعرف اسلوب تعامله مع الناس فسقطوه.

    ارجو من ادارة الشركة والعلاقات الصناعية التحقيق بهذا الموضوع لانه طرح جدا خطير ليس كل من لديه قصور اتهم الاخرين بالمذهبيه واذا كانت المذهبية موجودة فنطلب ايضا محاسبة المذهبين .

    ونرجو من كاتب الموضوع ان يوضح لنا الكنترولر من اى مذهب حتى تتضح الامور للجميع
    وشكرا
     
  14. جرأة الطرح

    جرأة الطرح بـترولـي جـديـد

    26
    0
    0
    ارجوا فعلا ان يتم التحقيق في هذا الموضوع
    لان العنصريه والمذهبيه متفشيه في جميع الاقسام مو بس في هذا القسم
     
  15. 4649

    4649 بـترولـي نشيط جدا

    180
    0
    16
    للحين ماصار شي يعني على هالموضوع ؟
    انا اقول ياجماعه لازم ينحكون بعض صغار المسؤولين اللي على بالهم انهم صاروا من قيادات الشركه
     
  16. Socialist

    Socialist بـترولـي جـديـد

    22
    0
    0

    ابشرك اخوي هذا مايفكر يتقاعد نهائيا على كلامه ما ادري صج ولا يتليعن


    ما ادري ليش هذا الانسان يتعامل بهالطريقه مع العالم يا اخي حتى ورقة تبديل الزام ما يوقعه يقول يمكن الي مبدل معاه ياخذ مرضيه او يتأخر او او او اشياء مالها اول ولا تالي

    يا جماعه انا يوم كنت بزامه غالبا اذا احتجت احد يبدلني ما احصل لانه محد له خلق يداوم معاه وانا عن نفسي ما ارتحت ليمن طلعت من زامه الغثتث صدقوني كنت اداوم غصب الله يعين الي بشفته من مشغلي غرف تحكم ومشلي حقول ومراقبين اهو شلون متحمل نفسه

    وكل واحد يكلمه يقول هذا القانون اذا موعاجبك روح اشتك باعمي اي قانون الي تكلم عنه قول اللعانه التصيد على العالم

    يا اخي تبي تطبيق القانون شوف زميلك الي ناطر قيرد 16 حتى اهو ملتزم بالقانون بس هو شخص محبوب جدا من 95%من الموظفين الي بزامه مشاء الله عليه الله بستر عليه مو مثلك 99% من زامك ما يواطنونك لا ويستانسون اذا طلعت اجازه اوطبيه

    وصدقوني الي قلته 10 %من مساوئه الله يهديه
     
  17. Kuwait-37

    Kuwait-37 بـترولـي نشيط جدا

    394
    0
    0
    سؤال لمقدم الشكوى. أنت بروحك حاس في المشكلة ولا معاك مجموعة بكل صراحة.
     
  18. Soberside

    Soberside بـترولـي جـديـد

    14
    0
    0
    قولوا انشاء الله يزيدون معاش التقاعد الي 1750 عشان يمكن يفكر يتقاعد هالكنترولر​
     
  19. ANWARKO

    ANWARKO بـترولـي نشيط

    70
    1
    8
    Control pannal oprator
    kuwait
    مع الاسف هناك مبالغه في وصف الدائره الاولى والكل يعلم ذلك منها وفيه جم سوبرفايزر مقزرينها على ظهور بعض الموظفين مسوينهم مطراش للسوق للصناعيه لاي مكان ..يعني مادري شقوول صراحا... انا واحد من المنطقة الاولى وعمري ماشفت هالشي صارلي 9 سنوات.والشي القوي اهوا وحق الناس اللي مقزرها معاهم طلعات وسفرات ويعطوني شققهم بديرتهم. اخوي انا اوجهلك رساله تحتفظ فيها لنفسك للامانه الكنتروليه كلهم خايفين ربهم وماعندهم هالسواله وترا عيب لما تتهم ناس تخاف ربهم يا اخي خاف ربك وانت تكتب الرساله خل عنك الحقد .الكنتروليه معرفين وبسيرتهم والكل ماسك شغله وانا من اول ما قريت هالشي بعيني حبيت اوضح للجميع ... الاخ الي كاتب الكلام 30 بالميه صحيح و70 من تاليفه .واذا عندك اي دليل او اي ممسك او اي شي غلط يا اخوي روح لسبر فايزر واذا مافادك الكنترولر كلم السكشن هيد او دش للتيم ليدر وانا متأكد انهم كلهم راح يساعدونك ومايقصرون وياك واذا كلهم ما فادوك عندك مكتب بوصالح وانا ادري انهم كلهم فيهم الخير والبركه وشكره .محامي المنطقه الاولى,
     
  20. القرم

    القرم بـترولـي جـديـد

    26
    0
    0
    لا تسكتون ربع تجمعوا ماذلوا اجتمعوا وشكلو لكم وفد يمثلكم وصعدوا الامر

    ونسقوا مع النقابة وقابلو كل المسؤلين وانتم على قلب واحد وكلمه واحده

    وكان لكم حق بتاخذونه وترا ما ضاع حق وراه مطالب
     
جاري تحميل الصفحة...

مشاركة هذه الصفحة