الكويتيات يحصلن على حق السفر من دون موافقة الزوج

الكاتب : feed gas | المشاهدات : 1,543 | الردود : 30 | ‏21 أكتوبر 2009
  1. feed gas

    feed gas بـترولـي خـاص


    الكويت - أ ف ب

    أصدرت المحكمة الدستورية في الكويت الثلاثاء 20-10-2009 قراراً بمنح النساء حقّ الحصول على جوازات سفر وحق السفر من دون موافقة مسبقة من أزواجهن.

    وألغت المحكمة بنداً في قانون الجوازات الذي يعود الى عام 1962 والذي ينصّ على حاجة المرأة لموافقة زوجها قبل الحصول على جواز سفر.

    وحكم المحكمة نهائي ولا يمكن نقضه.
    ..........................................

    الله يستر علا الكويت واهل الكويت بدت حملات التغريب وتدمير البيت الكويتى تؤتى ثمااااارها
     
  2. 3EiMyA*CoOoL

    3EiMyA*CoOoL بـترولـي جـديـد

    41
    0
    0
    Q8
    اوووف من متى هالقرار؟؟!!:eek:
    لا بالله راحووو وطي الحريم
    لا تعلنون عنه الحين اي وحده تسمع ما تصدق خبر تجهز جنطتها وتطير :p

     
  3. عرباوية

    عرباوية بـترولـي نشيط جدا

    165
    0
    0
    مو لازم اقول
    حبيبتي الكويت
    الله يبشرك بالخير خوش خبر لفئات معينة طبعا مثل الي انفصلت عن زوجها يتم اسمه بالجواز

    ليمن تتزوج رجل آخر او الي بينهم خلافات و رافض طلاقها يمنعها عن السفر بحجة النحاسة يعني هالقرار ينفع الحالة

    الأخيرة الي ذكرتها بس شرعا اكيد لازم موافقة الزوج بس انا قلت لك لحالات معينة كانت متضررة من ذلك القانون حتى

    في بعضهم ما كانت تقدر تجدد جوازها الا باذن الزوج انزين اذا مسافر او نحيس شتسوي يعني فشوفوا الجانب الحلو من

    القرار و ا كيد ماكو مرة عاقل على وفاق مع زوجها بتاخذ جنطتها و تسافر يعني خلونا منطقيين شوي
     
  4. بن نفل

    بن نفل بـترولـي نشيط جدا

    456
    0
    0
    يا ويلنا من النسوان ويلاه والله وجا وقت حكمونا فيه

    انا اشهد ان هذا زمنهم لذا احذر كل الرجال من معارضة النساء او تحديهن والا ترى بيروح فيها
     
  5. speed-way

    speed-way بـترولـي نشيط جدا

    نرفض القرار الا في حالات معينة مثل ماقالت الاخت عرباوية
    وين قاعدين احنا
    ومنو ورا هذه القرارات؟؟؟؟؟؟؟؟؟؟؟؟؟
     
  6. الفارس99

    الفارس99 بـترولـي نشيط

    145
    0
    0
    aaaa

    حكم غير منطقي يؤدي الي هدم وتفكك الاسرة
     
  7. feed gas

    feed gas بـترولـي خـاص

    هالقرار ضاهره رحمه وفى باطنه العذاااب...... والايام سوف تثبت كلامى وراح تشوفون شلى راح يصير بس طولو بالكم ..
     
  8. Sc0rpio

    Sc0rpio بـترولـي خـاص

    1,000
    0
    36
    مهندس
    الكويت


    أساس القرار باطل

    لنكن واقعيون قليلا

    أهذا القرار هو ما يجعل الأسرة متماسكة وغير مفككة ؟

    أهذا القرار هو ما يوجد الإحترام بين الأزواج ؟

    أن كان الزوج غير واثق بزوجته .. فكيف به أن يعيش معها في بيت واحد :confused:

    إن كانت المرأه تسافر من غير علم أو إذن زوجها .. فأصلا التفاهم منعدم بينهم :)

    أنا رأيي من رأي الأخت عرباوية

    هناك الكثير من هم انفصلوا عن ازواجهم ولا زالوا يعانون من هذا القرار ..


    شكرا لكم



     
  9. feed gas

    feed gas بـترولـي خـاص

    شكرااااااااااااااااااات لمروركم ومشاركتم
     
  10. otaq8

    otaq8 بـترولـي جـديـد

    14
    0
    0
    القرارهذا قرار لتدمير الدين الاسلامي وتدمير الاسر وتفكيكها لولاحظتو كثرة المساجد وقلة المصلين .........اللة يكون في عون الجميع
     
  11. reznama

    reznama بـترولـي مميز

    والله هالقرار فيه الايجابيه والسلبيه بنفس الوقت ..

    لأن وايد رياييل امعلقين حريمهم لا راضيين يطلقونهم ولا راضيين يعيشون معاهم بسلام ..!

    واحيانا كثيره .. تلقى البعض من النساء اللي يبون يأدون فريضة الحج .. بس في مانع يمنعها من هالشي .. الا وهو .. زوجها المجهول ..ّ!

    فـ هالقرار جدا ممتاز .. لأنه يعطي استقلاليه للمرأه ..

    وكل وحده حسب تربيتها .. مو كل النساء يخربطون على فكره .. الحرمه السنعه اهي اللي تصون ذاتها ..

    وبعدين اذا يايه على " الخراب " ترى الخراب منتشر اهني اكثر من بره .. يمكن اهني بالخش والدس .. علشان جذي حاطين حجتكم في السفر بره والتخربط بره .. لأن بره كل شي علني وواضح وضوح الشمس ..

    عكس اللي عندنا .. المصايب بالخش والدس

    وماخفي كان أعظم

    وآنا مع هالقانون السلـــــــــيم ..

    شكرا لصاحب الموضوع .. الموضوع الذي يثلج الصدور ..

    ..
     
  12. الرحا

    الرحا بـترولـي نشيط جدا

    491
    0
    16
    بغض النظر عن القانون الجديد وتعديله

    رأي شخصي : الزوجه اللي تطلع جواز سفر بغير اذن زوجها

    هي امرأة وقحة وغير محترمة

    الا في حالة ان الزوج غير سوي ومتسلط عليها بغير اي وجه حق
     
  13. EviaN

    EviaN بـترولـي نشيط جدا

  14. مبارك الشمري

    مبارك الشمري قــلــم بــتــرولــي أعضاء الشرف

    686
    0
    0
    بلا تعليق والله يستر من قادم الأيام وما يحمل لنا من عجايب وغرائب وطوام

    والله أسأل أن يستر ويحفظ نساءنا ونساء المسلمين أجمعين
     
  15. WaRiO

    WaRiO بـترولـي مميز

    ترى القرار يقول تطلع جواز مو تسافر !!!!

    في حال السفر لازم الزوج يكون راضي .... هذا فقط لاستخراج الجواز من الاداره لا اكثر ولا اقل ؟!

    اذا الجواز يفكك الاسره ويهدم البيت ويزيد نسبة الطلاق :)

    انزين الانترنت شنو يسوي :) ولا التلفاز الضيف الدايم بالبيت :)

    خلاص خلنا نشيلهم لأنهم يفككون الاسره ويأخروون نزول المطر وترووح البركه من الديره ؟!

    موفقيين
     
  16. فرناس

    فرناس بـترولـي نشيط جدا

    183
    0
    0
    حكم جائر ومخالف لشرع الله

    فالرجال مثل ما هو مذكور بكتاب الله قوامون على النساء ولهم عليهن الولاية

    والمرأه التي تخالف وتروح اتطلع جواز من دون رضى وليها خالفت شرع الله

    وان سافرت بدون رضى وليها فهي عاصيه لله ولرسوله ويا ويلها من عذاب الله
     
  17. feed gas

    feed gas بـترولـي خـاص

    اخى العزيز .. فاطمه حسين وربعها يوم حرقو العباة فى اخر الخمسينات..كانت الناس تنضر للامر انه فقط عباة واحرقوها وشنو المشكله ؟؟ قالو ما كو مشكله وزين سوو الحريم وبدايه التحرر والكلام الى ماخوذ خيره... الان نفس الكلام يتكرر بس بعد 60سنه .. جواز وطلعوه للمره بدون شور ريلها وين المشكله؟؟!! اقولك وين المشكله
    المشكله طال عمرك الان نحن فى بدايه المشوار الى راح يوم من الايام تدش عليك بنتك وتقول لك يبه هذا رفيجى وابيه ينام عندنا الليله لا تقووووول ما قلت لك !!! امريكا كانت قمه فى المحافضه علا التقاليد والدين (مع تحفضى علا كلمه دين ) بس هم صار لهم الى بيصير معاك قبل( بحكم انهم اقدم منك ك دوله ) بس انته انطر عسالله يعطيك طوله عمر و ح تشووووف
     
  18. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    عفية عليج اوافقج الراي 100 % و فرتي علي الكتابة لووول :p
     
  19. WaRiO

    WaRiO بـترولـي مميز

    اول شي شجاب العبايه للجواز ؟؟؟؟

    اخوي انت عايش في عايله محترمه ومستوره والله لا يغير عليك وانت انسان مؤمن مصلي تعرف ربك وتعرف شنو الواجبات الي امرك في الله ورسوله عليك باتجاه زوجتك وبناتك واهلك بشكل عام ... في ناس يا اخي يمكن ما تعرف عنهم ولا سامع عنهم

    يا رجل ... هل عمرك سمعت في زوج او اب يحرق جوازات و بطاقات و جناسي بناته وزوجته بس عشان ما يقدرون يتحركون على راحتهم ؟؟؟ اذا عندك احد من ربعك في المستشفيات تعال شووف جم امرأه تجيب عيالها وتدفع فلوس حق العلاج بس لأنه الزوج او الاب خاش عنهم اوراقهم ؟

    انا واحد من الشباب زوجته بدون ؟ بس كويتيه ؟ ابوها الله يرحمه قبل الغزو عصب على زوجته قام وحرق جوازاتهم وبطايقهم وكل اثباتاتهم ... وصار الغزو .... وللحين صاحبي متزوج من 7 سنين ما يقدر يطلع بيت لأنه زوجته كان عندها رقم مندني والحين بدون .. وانت عارف وزاراتك شلون شغاله .....

    ويالنسبه اذا الجواز راح يخلي بنتي تييب صاحبها وتبيه ينام بالبيت ؟؟؟ فيا اخي شنو الجواز الي يبي يسوي جذي .. امنع النت والتلفزيون احسن لأنه دمارهم وخرابهم اكبر ..... ويا حبيبي هل انت مو واثق من تربيتك ، عشان تخاف ؟

    يا خووك كل الخراب الموجود بالديره من الي نشوفه والي نسمعه ونقراه والحمدلله أهالي الكويت معروفون بتربيتهم الصالحه والخيره ... ومالك شغل بالدخلاء على المجتمع

    موفقييين
     
  20. عسلا

    عسلا بـترولـي نشيط

    74
    0
    0
    رايح جاى
    عز ياكويت
    الله يستر على الكويت
     
جاري تحميل الصفحة...

مشاركة هذه الصفحة