ليش اذا طلبت طبيه من مستشفى الاحمدي ......

الكاتب : bo-saleh | المشاهدات : 2,709 | الردود : 15 | ‏19 أكتوبر 2009
  1. bo-saleh

    bo-saleh بـترولـي مميز

    ليش اذا طلبت طبيه من مستشفى الاحمدي من احد الدكاتره كانك ماخذها من جيبه ويتمادى لين يعطيك الطبيه


    اليس من حق الموظف ان يطلب طبيه حتى اذا كان مو مريض بل يعاني من تعب واكتئاب



    لماذا لا يكون لنا عرضي اسوة بالوزارات والدوائر الحكوميه
     
  2. like.no.other

    like.no.other بـترولـي مميز

    594
    0
    0
    حصلتلي نفس السالفه كنت مريض و ما داومت ورحت المستشفى و بعد ما فحصتني الطبيبه و عطتني وصفه الادويه

    قلتلها ابي طبيه حق اليوم فجأه سكتت و تطالعني و قالت انا اشوف انك كنت تقدر تداوم ؟؟؟؟

    وتقول الموظفين هالوقت ما يداومون و عطتني محاضره انا منصدم و قعدت اضحك بنفس الوقت اهي شكووووووو اصلااا

    عطتني الطبيه جنها معطتني فلوس من جيبها
     
  3. خذها من عياده خاصه


    احسن ماتحاتي انه يعطيك طبيه ولا


    وفوق هذا تنتظر يجي دورك بزحمه
     
  4. MAB12

    MAB12 بـترولـي مميز

    الشين يخرب على الزين

    بعض الاخوان مافيهم اللا العافية دايما ياخذون الطبيات بكثرة وهم مو محتاجينها وهذا اللي بسببها نزل عدة قرارات ان يكون في تشديد على اعطاء الطبيات ولا تزيد عن يومين ... وبعض الدكاترة تم انذارهم بسبب صرف الطبيات على غير وجه حق

    عشان جذيه تلقى الدكتور يطلع عينك على ما يعطيك الطبية يحاول يخليك تغير رايك

    المشكلة هذي دايما اواجهاا لما اخذ الطبية واكو واصل حدي وتعبان ومالي خلق اتفاهم على اي شي


    تقبل مروري
     
  5. q8rix

    q8rix بترولي خاص أعضاء الشرف

    437
    0
    16
    علشان جذي معطيني اجازه يومين مع انه فيني فلونزا يعني 4 ايام اقل شي بس اهوا قالي تعال يوم الثلاثه يعني اذا لي الحين تعبان اخذ اجازه يومين بعد ولا مادري ليش قال تعال يوم الثلاث بس الظاهر جذي :p الحمد الله والشكر من هلمستشفى الفاشل
     
  6. والله يا جماعه مره مريض وصوتي رايح وفيني كحه...لما رحت المستشفى عطاني حبوب بندول و دوا كحه..وقلت له دكتور انا ما قدرت اروح الدوام...قالي مشكلتك شسويلك؟ قلت له ابي طبيه مريض انا...قال الله واكبر كحه وتبي طبيه؟ روح اشتك علي هههههه خليته يولي و بدال لا اخذ يوم طبيه..خذيت 3 ايام من عياده خاصه..الله يجزاهم خير يقدرون الظروف بس عيبهم بفلوس:)

    للاسف مستشفى الاحمدي ما يعطونك طبيه الا اذا تبي تموت ...مره رحت المستشفى صبعي مشقوق:$ بصراحه اللحمه طايحه وينزف نزف مو طبيعي تقول قلم بو حبر وقاعد ينقط ودممممممممممممممممممم المهم لزقولي الجرح وما عطاني طبيه!!!!!! قلت له ابي طبيه جان ينصدم المضمد ويقولي من صجك تبي طبيه على شان هذا؟ قلت له بالله عليك انا اشتغل بالاوبريشن شلون بفتح واصكر؟؟ما اقدر ..يا جماعه يمكن انتو ناقدين على الموقف لانه شق بالاصبع بس استوعبو وياي ان قطعة لحمه طايحه من الاصبع وبصراحه فيها تعويض بس انا خليته يولي لان صار في تشويه خلقي:) المهم عطاني يوم واحد بس!!!!! ثاني يوم رحتلهم والا القى طبيب واشرحله الوضع وقلت له يعني انا اشتغل مع كيروسين وقاز و هذا جرح كبير يعني ولا اقدر افتح ولا اصكر ولا اسوي شي شلون تبوني اشتغل؟ عطاني يومين.......بعدها بيومين جيتهم وعطوني يومين وبعدين كملتها طبيب خاااااااااص الله يعزمهم
     
  7. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    الله يعـز مستوصف المنطقه :) ..
    تطلبْ طبية عطاك يوم تقوله يومينَ يعطيك ...
     
  8. bo-saleh

    bo-saleh بـترولـي مميز

    اخواني اللي يروح لمستشفى الاحمدي ويطلب طبيه من الدكتور وهو تعبان ويرفض الدكتور يعطيه يقوله بس عطني ورقه من عندك اني اروح للدوام ولائق ومافيني الا العافيه وانا حاضر وشوف شنو راح يسوي اذا قلت له هالكلام



    دكاتره المستشفى استغفر الله ينقع الواحد بالدور على باله انه اللي يفحص داخل عقليه بروفيسور يطلع دكتور سوري او مصري مايعرف يكتب على الكمبيوتر ولا يعرف يشخص ويقولك شنو تبي دواء الحين انا الطبيب او انت


    واذا قلت له ابي طبيه كانك معطيه كف على وجهه مادري هالطبيه ياخذون عليها فلوس من الدكتور او تنزل من درجته


    كلنا نعرف الدكتور ### كيف يعطي طبيات لمدراء وانا من الناس داش بيته شوفوا الهدايا الكترونيات واثاث انترس بيته واذا جيته تطلب طبيه يقول في قرار نازل علينا يا دكتور ### العب غيرها حبيبي وراح تنكشف مع الايام والناس راح تعرف ويمكن عرفت منهو لانه ماقدر احط اسمه لانه قوانين المنتدى ماتسمح



    وشكرا على مداخلاتكم المميزه ونتمنى كل من يحصله موقف مع الطبيات يحطها في المنتدى حتى كل الناس تعرف هالمستشفى الفاشل وادارته الفاشله حتى يسقط هالمستشفى باذن الله بادارته
     
  9. تايتنك

    تايتنك بـترولـي خـاص

    1,239
    0
    0
    خفوا علي الناس يامستشفي الشركة كافي عذاب المواعيد

    الحين المريض ليش يتعني ويروح يقعد ساعتين علشان دكتور مو مسموح لة يعطي راحات شكلهم مو دكاترة صيدلانية بس يوزعون ادوية خلك حبيب قلبي عن هذا المستشفي وادرك العيادات الخاصة المنتشرة بالبلد مثل الرز وقول جم يوم تبي واللة المستعان بس ها تكون مريض اوتعبان .
     
  10. Dashti83

    Dashti83 بـترولـي نشيط

    84
    0
    0
    سجين نفطي
    وطن النهار
    ولد عمي روح خاص وفك نفسك على الاقل الدكتور لا نفسية ولا شي وتفتك من زحمة مستشفى الشركة ونطرة الدكتور ساعة ونطرة الدوا نص ساعة , والدكتور يسالك جم يوم تبي ؟
     
  11. computer department

    computer department بـترولـي مميز

    725
    0
    0
    مهندسه كمبيوتر
    ديره الخير ( الكــويت )
    صباح الخير

    لا بعد واذا رحت الخميس تبي طبيه قالت ما نعطي الخميس طبيه بقانون منو هذاااااااااااا
    ويعطيك محاضره وانك صغير وتقدر تداوم وجدامك عمر
    شالمستشفى جد جد تعبنا
     
  12. YOU^AND^ME

    YOU^AND^ME بـترولـي نشيط جدا

    444
    0
    0
    اول شي الله يعطيكم العافية ويكفيكم شر الامراض

    يخوان الامر جدا بسيط .. تبي تعرف ليش الدكتور او الدكتوره ماتعطي طبيه بالسهوله اللي تبونها لان الموضوع داش
    بتقيمهم السنوي نعم وهذا الكلام صدر من دكتور اعرفه حيل داخل الشركة قال بالحرف الواحد والله يخواني
    انا اي واحد اشوفه مريض اعطيه طبيه يومين والاداره منزلين سنويتي وعطوني كتاب تحذير بكثر الطبيات اللي اعطيها للموضفين لكن ما يهمني راح اعطي اللي محتاج عرفتوه ولا بعد( الدكتور صلاح )
     
  13. aL- raSy

    aL- raSy إدارة المنتدى

    2,714
    0
    36
    كلامك صحيح..

    و اسم الدكتور غلط.. :)
     
  14. mtm

    mtm بـترولـي نشيط جدا

    419
    0
    0
    بصراحة من كثر ما يطفشوني دكاترة مستشفى الاحمدى بسبب رفضهم اعطائي للطبيه

    واذا عطاني لازم يذلني عليها؟؟؟

    قمت اروح للمستشفيات الخاصة

    وهشي ياخذ ميزانية خصوصا للي عنده ظروف مرضيه او نفسيه

    مافي تقدير لنظام عملنا واننا في شفتات واعمال شاقة
     
  15. alawadhi80

    alawadhi80 بـترولـي نشيط

    91
    0
    0
    قواكم الله يالشباب اب صراحة موضوع المرضية عمرها ما راح تخلص مع هل المستشفى الفاشل امس كنت تعبان حدي يالربع والله ما اشوف الطريج من الصداع والدوخة الي يايتلي قلت خلني امر على المستشفى واخذ مرضية مره وحده مريت على الطواري وشرحت للدكتور للي فيني قالي ما فيك الا العافية بس يمكن من قلت النوم !!! سكت وقلت امري لله وانا ناطره قلت يا دكتور ابي مرضية اليوم جان يطالع اب ساعته ويقولي انا راح اعطيك مرضية بس الله لا يهينك خذها ثاني مره من العيادة ولا حدي بس اقدر اعطيك يوم اي يوم زيادة تاخذها من العيادة بالله قولولي شالتخلف هذا شنو تنقص من ميزانيتهم شي لا خذيت طبية !!! والله الواحد يراجعله عيادة خاصة ولا هل المستشفى الفاشل الي من زحمتة علشان تاخذلك موعد يبيلك شهرين اقل شي : (

    ما اقول الا حسبي الله ونعم الوكيل وسامحوني على الاطالة
     
  16. زهرة التوليب

    زهرة التوليب بـترولـي خـاص

    انا بنالنسبه لي ما اطق درب واروح مستشفى الأحمدي علشان طبيه
    اروح مستوصف منطقتي او اروح دوامي دار الوطنيه العياده ويعطوني طبيه

    مستشفى الأحمدي مع ان عندهم سستم يبين اللي قاعد ياخذ طبيات بالهبل واللي مو ماخذ وهم يحاسبونك ؟؟
    الواحد يشتري صحته وراحة باله
     
جاري تحميل الصفحة...
مواضيع مشابهة
  1. redrose
    الردود:
    3
    المشاهدات:
    538

مشاركة هذه الصفحة