استفسار عن شركات القطاع النفطي

الكاتب : AL_7oB | المشاهدات : 976 | الردود : 8 | ‏19 أكتوبر 2009
  1. AL_7oB

    AL_7oB بـترولـي جـديـد

    3
    0
    0
    يا جماعة والله عيزت وانا اقدم على الشركات النفطية
    صارلي اكثر من سنه وللحين ما ياني اي رد
    وهذا وانا مهندس كمبيوتر .... يعني لازم الواحد يروح يقدم وبيده واسطته ولا شنو ؟؟
    تصدقون لو اني مو دارس ومريح راسي من الاول وماخذلي دبلوم جان ابركلي



    الحين يا جماعة ابي الي يعرف الشركات الخاصة بالقطاع النفطي يزودني فيهم
    انا سمعت ان في شركات عربية واجنبية (قطاع خاص) بالقطاع النفطي مثل الخرافي وشلمبرجير وهيلث فورد ...
    ياريت الي عنده المعرفة الكافية والكامله، يزودني باسماء هذي الشركات

    ولكم مني كل الشكر
     
  2. الرحا

    الرحا بـترولـي نشيط جدا

    491
    0
    16
    الله يوفقك ويرزقك ان شاءالله

    مهندس كمبيوتر وللحين مالقيت شغل !!

    وبخصوص الشركات الخاصه اعتذر منك ...ماعرف عنهم اي شي

    نصيحه اختصر الطريق واسحب واسطه
     
  3. AL_7oB

    AL_7oB بـترولـي جـديـد

    3
    0
    0
    اجمعين انشاء الله اخوي الرحا
    اذا على الشغل شغال الحين بس ودي بالقطاع النفطي
    ومشكله القطاع النفطي الواسطات الي داشة بكل صغيرة وكبيرة بهالقطاع
    يعني لمن تكون الواسطة هي السبب في توظيف شخص غير كفؤ مكان شخص ثاني احق واكفأ فهذا ظلم كبير وبالهطريقة الواسطة صارت طريق للتخريب وليس للتنمية والتطوير.
    شكله اخرتها جذي بروح وواسطتي بايدي لكن هذا شي يحز بقلب الواحد .. لكن لا حول ولا قوة.

    بس يا جماعة الي عنده فكره عن شركات الخاصة بالقطاع النقطي يقولي اسمائهم واي معلومات عنهم الله يجزاكم خير
     
  4. AL_7oB

    AL_7oB بـترولـي جـديـد

    3
    0
    0
    يا جماعة احد يفيدني باسماء الشركات الخاصة في القطاع النفطي للضرورة
     
  5. قطوة نفوط

    قطوة نفوط موقوف

    46
    0
    0
    اي لازم واسطه لحد يخدعك ويقولك مو واسطة
     
  6. Sc0rpio

    Sc0rpio بـترولـي خـاص

    1,000
    0
    36
    مهندس
    الكويت

    والله ياخوي الحين سواء الكفؤ أو غير الكفؤ يتوظف بالنفط - بعد التوفيق من الله تعالى - من خلال الواسطة ماعادت تفرق :)


    أما بخصوص الشركات ماعندي علم فيها وياليت أحد الإخوان يفيد الأخ صاحب الموضوع بطلبه


    الله يوفقك
     
  7. miss kuwait

    miss kuwait بـترولـي جـديـد

    9
    0
    0
    اخوي انا قبل علشان الانجليزي ما قبلوني وانت ماشاء الله والحين بقدم بس اكيد ما راح يقبلوني علشان العمر

    تحياتي لكم
     
  8. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي
    ( مهندس ) ماشاءالله وصارلك اكثر من سنه مقدم ولا ردو عليك !!!

    والله لو بيدي جان وظفتك ,,
    بس نفس ماردو عليك اخواني اتعب على = الواسطه = لأني والله اعرف مهندس توظف = قبل = لايتخرج ويستلم شهادته ب6 شهور وهذا ماصار الا بالوااااسطه !

    ودير بالك بس لاتصير شهادتك (قديمه) وانت ناطرهم !!!؟


    وبالتوفيق انشاالله ...







     
  9. Eng.Vampire

    Eng.Vampire بـترولـي خـاص

    مرحبا اخوي والله يوفقك ويرزقك بالوظيفة الي تبيها بالقطاع النفطي ...

    بعدين صدقني وعن تجربة شخصية ترى الواسطة موجودة لكن مو للدرجة هذه .. انا انقبلت ب 4 شركات نفطية بدون واسطة .. انت شد حيلك بالمقابلات واختبارات الانجليزي والتخصص وصدقني تنقبل ....

    بالنسبة للشركات الخاصة عندك شركة هاليبيرتون وشلمبيرجير ... هالشركات من ضمن الشركات الي متعاقده مع بعض الشركات النفطية وتقدم خدمات عديدة في مجالات مختلفة

    أعتقد مكاتبهم في الأحمدي واذا حاب ممكن اسأل لك وين مكانهم عشان تقدم او تسأل عن التوظيف والله يوفقك
     
جاري تحميل الصفحة...

مشاركة هذه الصفحة