بقرار حل الزيادات ما هي إلا بداية عهد اللا مساواة

الكاتب : Q8_oil | المشاهدات : 878 | الردود : 10 | ‏21 نوفمبر 2007
  1. Q8_oil

    Q8_oil بـترولـي خـاص

    1,387
    0
    0
    السلام عليكم​

    إخواني و أخواتي بالقطاع النفطي المظلوم ...

    تحية طيبة ...

    نفس ما حاشني إحباط أتوقع حتى إنتوا ذقتوا و شربتوا من إللي أنا و العديد شربنا منه

    و في ناس تداوم 3 مادري 4 ساعات باليوم و تقول الله بزيدونهم 300 مادري 400 دينار وايد على شنو شقاعدين يسوون ؟؟

    هذا إللي يتكلم جذي نقوله إي صح إحنا طايحينله إيميلات و مو قاعدين نسوي شي بدليل و لله الحمد نسبة العاملة الزطنية بازدياد و خروج العديد من العاملين الأجانب و لله الحمد المستوى و الأداء نفس ما هو بل أفضل

    عشان إللي قاعد يشتغل هو إبن البلد و قلبه عالبلد ...

    و لكن إذا الناس إللي تكرف و تشتغل ما تبون نزيدونها من أجل الخصخصة أو أي سبب آخر فهذه هي الطامة الكبرى !

    و يقولون إنه ماراح يعطونه الزيادة عشان بزيدون موظفي الدولة 50 مادري 100 دينار يا فرحتنا و الله ...

    أنا لازم يمشيلي 400 دينار راح يمشيلي بس 100 و أزيدكم من الشعر بيت بعد ...

    قبل كم سنة ما زادوهم ال 50 محد فينا شم ريحتها و كادر ما عندنا بالرغم إن المهندسين م المحاسبين و القانونيين عندهم كادر من كم سنة و حنا مكانك سر ...

    آخر شي تبون تقطعون أرزاقنا و تعطونا بس 100 دينار !!

    الله كريم
     
  2. LaRambla

    LaRambla بـترولـي خـاص أعضاء الشرف

    2,041
    3
    38
    لى الحين ماصار شي


    الصبر
     
  3. نفطي متحمس

    نفطي متحمس بـترولـي نشيط

    132
    0
    0


    فعلا للحين ما صار شي بس هم يا ريت يطلع لنا مصدر حكومي قوي و يصرح بشي يطمن القلوب التعبة ساعتها ننام قريري الاعين. اما تعويم الموضوع بهالشكل سيخلق جو من القلق لا يمكن تفاديه خصوصا و ان الحكومة ماطلت كثيرا و تاخرت بما فيه الكفاية و الان نرد من اول نعيد دورة المماطلة.

    بس التفاؤل مطلوب و ان شاء ثقتنا بالحكومة ما تهتز و يستثنون النفط بالزيادة مبجر.

     
  4. Bo Hadeel

    Bo Hadeel بـترولـي نشيط جدا

    245
    0
    0
    كلامك صحيح يا بش مهندس والحرة قاعده تاكل قلوبنا...
    الارزاق على الله وحسبي الله ونعم الوكيل
     
  5. Export_Doc's

    Export_Doc's بـترولـي خـاص أعضاء الشرف

    2,561
    0
    0
    اييييييييييييييه ماعليه الله موجود الله كريم
     
  6. العضو المنتدب

    العضو المنتدب بـترولـي نشيط جدا

    404
    0
    0
    العضو المنتدب
    قلب الحدث
    ما اعتقد انه راح يكون توزيع الزيادات بنفس التساوي بين قطاعات الدولة

    جذيه راح يكون ظلم وإجحاف في حق عدة قطاعات في الدولة
     
  7. Q8_oil

    Q8_oil بـترولـي خـاص

    1,387
    0
    0
    أخوي حرام عليك شيلي ماصار شي !
    الزيادة كانت لازم تمشي من قبل كم شهر و لما وصلنا للنهاية أخروها بعد والمشكلة إن مافي أثر رجعي فإحنا الخسرانين عشان أقل شي كانت لازم تمشي من شهر 8
     
  8. rahy50

    rahy50 بـترولـي نشيط

    78
    0
    0

    ما صار شي ؟ :eek:

    شنو لازم يصير اكثر من اللي صار !! :confused:
     
  9. shayib80

    shayib80 بـترولـي نشيط جدا

    193
    0
    0
    B OPERATOR
    MAB REFINERY
    إلى الزميل مهندس بورصة مع التحية

    صار هم الكويتي على الزيادة في جميع قطاعات الدولة... لا تلومه
    كثرت الاقروض والأقساط عليه
    30 سنة واحنا بالكويت ماشفنا شي جديد
    وكل خيرنا بره
    الرواتب مازادت حتى 4 % وكل شي غالي المواد الاستهلاكية والغير استهلاكية
    العقارات ، السيارات ، ...
    صار ينظربعين الحسد

    يبونك لما تستلم 100 دينار تقول زيييييييييييييييين الحمد الله احسن من ولا شي :eek:
     
  10. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    موضوع يضع اليد على الجرح

    للأسف ان السبب في تأجيل هذه الزياده هو الأضطراب اللي حاصل عند أغلب النقابات لان الكل قاعد يطالب ويهدد بالاضراب وهذا من حقهم لأن الحكومه مقصره حيل .

    الأسعار في ارتفاع مستمر, السلع الغذائيه , الأجارات , الأراضي , العقارات , وكل شي مرتفع ماعدى الرواتب فهي مكانك راوح , فمن الطبيعي ان نرى هذه الثوره من النقابات للمطالبه بالزيادة,

    الكل يعلم ان هناك فائض شبه سنوي في ميزانية الدوله وكل سنه يقولون هذا الفائض سيخصص للمشاريع الأنمائية,

    ولكن وللأسف لا مشاريع أسكانيه وطلبات الأسكان وصلت الى 70 الف طلب أسكاني والأجارات مرتفعه.
    المستشفيات على وضعها منذ مايقارب 25 سنه والبشر في تزايد وعلشان تدخل على الطبيب يبيلك كم ساعه وعلشان عمله بسيطه يبيلك موعد من 3 اشهر الى 6 اشهر بسبب الزحمه ومع ذلك لا نعلم اين ذهبت الفوائض السنويه , عدا عن الهبات والمنح التي توزعها الدوله كل فتره على الدول التي كانت ضد الكويت اثناء الغزو وبعد الغزو.

    اعضاء مجلس الأمه وبكل أسف تناسوا القضايا المهمه والتفتوا الى صغائر الأمور , اين هم من ارتفاع الأسعار ؟ اين هم من مشكلة الأسكان؟ اي هم من مشكلة المستشفيات؟؟

    فيا حكومه لا تلومي النقابات عندما يهددون بالأضراب
     
  11. Q8_oil

    Q8_oil بـترولـي خـاص

    1,387
    0
    0
    و الله كلام صحيح و أتفق معاك
     
جاري تحميل الصفحة...

مشاركة هذه الصفحة