عيب عليك وين بتوصل يعني ..!

بسم الله الرحمن الرحيم

السلام عليكم ورحمة الله وبركاته

أعود إليكم من جديد وفي خاطري شوية كلام أوجهه إلى الجميع بلا إستثناء


راح أسأل كم سؤال وأبي كل شخص يجاوبني بقناعته الشخصيه

المشاكل اللي نعاني منها منو المسؤول الأول عنها ..؟؟

التذمر والإحباط اللي عايشين فيه منو زرعه فينا ..؟؟

هل أنت كموظف تستاهل اللي قاعد يحصل لك ..؟؟

هل أنت قادر تحل هالمشاكل أللي تعاني منها ..؟؟

إلى متى راح تقعد على هالحاله ..؟؟




الحين أبدأ بصلب عنوان موضوعي

أبخاطب كل موظف يقرأ هالموضوع ويشوف نفسه لي وين بيوصل ولي متى صابر

شلون قادر تعيش بقسم أو شفت مافيه مبدأ الأخوه تبي تعرف شنو الأخوه

تدري الاسئله اللى أنا سألتها كلها سببها أنت وربعك ..؟؟

الشركة والنقابه غير مسؤولين عنها تدري ليش تعال أقولك الأسباب

عدم وجود أخوه ... عدم توفر الشجاعه بأتخاذ قرار جماعي .. الخوف من المستقبل

تدري ياموظف لو أن الجميع يطبق الحكمة اللى تقول .. لا تخاصم من لا يملك شيئا يخسره

وضع مليون خط تحت كلمة الجميع

تحل جميع مشاكلك ..!

اذا انت ماتقدر تغير شي شلون تبي تغير شركة بكاملها

تبيني أقنعك أكثر تعال أقنعك بآيه قرأنيه

....(( إن الله لا يغير ما بقوم حتى يغيروا ما بأنفسهم ))...

غير نفسك حط قواعد بحياتك وفر لنفسك مباديء تسند ظهرك

خل الأخوه أساس الدوام ... وعلى فكره الدوام اللي مافيه أخوه ودك الواحد يطلع منه مايقعد فيه

ياجماعه عيب ترا مشاكلنا نقدر نحلها بنفسنا لكن شدو على ربعكم

وين بتروحين وين بتوصلون شنو أخرتها بتقعد بيتكم ولا بالدوام وبتقول زهقان من هالدوام

ليش ماتغير هالناس وتزرع بينهم الأخوه شنو المشكله لما زميلك بالعمل لا أخطأ ماتهاوشه

ليش مايكون في مجال أزرع الود بين هالناس

الكثير يتذمر اذا نقل من شفت لي شفت مايبي يغير ربعه شنو المشكله لا كونت لك علاقات اكبر ومساحه اكبر

والمثل يقول معرفة الرجال تجاره .. ماعندك أخوه تشتري فيها رجال ..؟؟

ليش ماتخصص يوم بالاسبوع تدق على كل شخص وتعرف اخباره مع دوامه

أنا أبي واحد يقولي وين بتوصلون اذا هذي حالتكم ....؟؟

مع الأسف الشركة صنعت لكم مشكله وحطمت صفوفكم وخلتكم تذمرون وغضيتو النظر

عن مشكلتكم الاساسيه اللى هي الاخوه لو تواجدت هالأخوه الشركه ماراح تقدر تهز فيكم شعره وحده

هل انت قادر تغير شي ولا بتقول ياعمي وين اغير تعال شوف دوامي عشان تغسل ايدك..؟؟

ولا بتقول هذا ماعنده سالفه ..؟؟

ولا بتقول ابليس يتغير وربعي مايتغيرون ..؟

تدري لو قلت كل هذا ترى أحب أقولك عيب عليك أستح وارفع ربعك ولا تنزلهم

اذا انت صاج بكلامك ليش قاعد وياهم ..؟؟

بتقولي شسوي .. عمر الانسان مايقعد بمكان مندمر

وعلى فكره التفاحه المعفنه لو تحطها بصندوق تفاح طازج ونظيف ماتاخذ لك يوم تلقى هالتفاحه وصخت

الصندوق بكامله

وأختم كلامي .. وأقولك عيب .. أتمنى محد يزعل لأن اذا هالكلام بيزعل مراح يزعل الا أهل النفوس الثقيله

وأصلي على رسول الله سيدنا محمد وعلى أله وصحبه أجمعين

والسلام خير ختام

 

بالبدايه أحب أشكر مروركم ويشرفني حضوركم

لكن ناقص منكم شي إللي هو إبداء آرائكم ..

تقـبـلو تحيـاتـي

 

أخوي: q8

شاكر لك تواصلك والمجهود المبذول منك وعساك على القوه

وتسلم أيدك على المرور وتسجيل الحضور وتثبيت الموضوع

تقبل تحياتي

 

أخوي : q8

الله يجزاك خير ويرحم والديك

وعلى قولت المثل : لو خليت خربت

وإنشاءالله الناس فيهم الخير

لكن مايمنع أننا نذكر الناس بالنسبه للي ينتقد هالمنهج من الكلام

والذكرى تنفع المؤمنين

تقبل مروري

 

عين العقل والله

 

أخوي : رجل أمن

تسلم أيدك على الردود وشاكر لك مرورك الكريم


أخوي : ماأروعك

ووجهك أبيض .. وتسلم أيدك على الرد الجميل

وبكل أمانه نتمنى أن الناس تفكر بمصلحة الجميع لا بمصلحته الشخصيه

كلنا راح نموت ولا راح يبقى الا الذكرى أن كانت طيبه أو سيئه

شرفني حضورك

 

أخوي : بو حمود

الله يعافيك والله يقويك

شرفني حضورك وتزيين الموضوع بردودك

 

لكن اخوي لي تعقيب على كلامك ومستغرب منه بصراحه , واسمحلي عاد مجرد تعليق حالي حال الشباب





ومنو قال انه الشركه كل همها تفرقنا اولا ؟؟ وشنو تستفيد الشركه اذا فرقت الموظفين اولا ؟؟؟

راح أمشي وياك حبه حبه .. أى جهة قانونيه بالعالم أول هم عندها الموظف لازم يكون خاضع لأي جهه

هذا شي والسبب منعا للإحتجاج أو التذمر أو رفض العمل بحجة ضعف الراتب أو غلاء المعيشه أو عدم وجود كادر

وتخيل أنت موضعك موضع الشركه هل بإستطاعتك رفض طلب مجموعة متماسكة على قلب واحد

طبعا لا .. لأن لو تم الرفض راح تنفتح العين من الجهات المسؤوله على الشركه والتجاوزات اللى حاصلة فيها

واضراب الموظفين او اعتصامهم يسبب ازمه للشركة .. بالدرجه الأولى يجب أخضاع الموظف .. هذا بالنسبه للفايده للشركة

وشنو مصالحها اصلا ؟؟؟ ومنو قالك انه شركه بتدري علينا او لا ؟؟؟ الشركه اللي تبيه بيصير رضينا او مارضينا

مصالحها ذكرتها لك طبعا بعضها مو كلها ... منو يقولك ان الشركة اللي تبيه يصير رضينا او مارضينا

لو على قولتك الشركة بتسوي اللى تبيه ليش النقابات تضغط على الشركات والوزارات بالاضراب والاعتصام الجماعي

شالفايده من هالتعب كله دامها تسوي اللى تبيه ... لا ماتسوي اللي تبيه دام القلوب على بعضها وواقفين وقفة رجال

واحد

ادري كلامي يمكن يزعل البعض لكن هذا الصج ليش نجامل اعمارنا ؟؟

مع كامل إحترامي لك هذه وجهة نظرك ويجب إحترامها لكن المفروض نعدلها .. لأن اذا كل شخص بيقول نفس كلامك

ماطبنا ولا غدا الشر ومكانك راوح ... أتمنى تعيد النظر بالتفكير لأن نظرتك يمكن أنحصرت للجانب الإلتزامي

وبصراحه اتكلم عن نفسي , أقسم بالله العظيم من عرفت الشركه هذي وانا الحمدالله بخير وماكو اي مشا
كل معاهم .,!!!

دامك تمام أنا بسألك .. هل تعرف السلم الوظيفي لك كرجل أمن .. هل تعرف متى تحصل على قريداتك ..؟!

هل تعرف راتبك أللي ينزل لك هو الصحيح او تتم فيه عمليات سرقة او تجاوزات ..؟!

الشفت اللى انت تداوم فيه كلكم نفس المعاش ولا فيه اختلاف رغم ان ولا واحد غايب او مستأذن او طبيه او اجازه

تحصل اختلاف وهذا دليل على تجاوز خطير

هل المسؤولين الكبار يجون ويتابعون مشاكل الموظفين ..؟!

هل فيه أهتمام من الشركة للموظف .. شنو برنامج العمل للموظف عند الشركه ..؟!

شنو مهامك الوظيفيه اللى حددتها لك الشركه ..؟؟!

وأسئله واجد مالها إجابه ولا أعتقد لو تروح للشركة اللى مابينك وبينها مشاكل تحصل اجابه لو لسؤال واحد

أنت تستلم راتبك ولا تدري عن شي وتمنياتي انك تعيد النظر

انا مستغرب من الناس اللي كله تذمر وصياح وشكاوي وماكو شي يعجبهم

ليش قولي شي واحد عاجبك بالشركه ..؟!

اذا في اي شي روحو لهم واستفسرو عن اللي تبونه وصدقوني ماتطلعون والا وانتو راضين

مايطلع راضي من الشركه الا المساكين .. تبي تعرف منو المساكين .. المساكين الفئه اللى تحبهم الشركه

اللى يزلقون ربعهم ويصيرون جواسيس للمسائيل مع كامل إحترامي للجميع لكن أنا أقصد فئه

والسلام مسك الختام[/B][/SIZE][/COLOR][/QUOTE]

تسلم على حضورك ومشاركتك وطرحك الجميل

تقبل تحياتي