مهم جدا ارجو المساعده

الكاتب : Co.Eng.Bo3LaWy | المشاهدات : 997 | الردود : 17 | ‏17 أكتوبر 2009
  1. Co.Eng.Bo3LaWy

    Co.Eng.Bo3LaWy بـترولـي جـديـد

    27
    0
    1
    السلام عليكم و رحمه الله و بركاته

    انا يا جماعه سالفتي سالفه

    تبدي سالفتي لمن قدمت عن طريق الموقع شهر سته الي طاف و خلصت كل الاجراءات و الفحوصات
    قالو لنا راح ندق عليك بعد العيد

    و من بعد العيد لين صار تاريخ 15-10 الي اهو اخر يوم في توقيع العقود وانا قاعد على اعصابي و احاتي

    تفاجأت لمن دقيت استفسر عن وظيفتي قالولي انك غير لائق

    و عقب كل هالنطره و الاعصاب اييون بهالسهوله يقولون غير لائق ؟انزين يعني مافي طريقه اتوظف فيها مافي حل ؟

    مع العلم انه كذا واحد من ربعي الي فيه عمى الوان و الي وزنه زايد الله وفقهم و انقبلو عادي

    علموني شالحل ؟ و اذا واحد واصل و عنده واسطه يساعدني اكون شاكرله

    ناطر ردودكم يالربع
     


  2. روح الشركه وقولهم ليش مو لائق

    ما ينفع الحجي بالتلفون
     
  3. [ عبدالعزيز ]

    [ عبدالعزيز ] بـترولـي نشيط

    بعيد الشر عنك و عن المسلمين

    عندك مشكله صحيه كمثال ربو صرع مشكله بالقلب ؟؟

    و اذا عندك واسطه خير و بركه قدمها و شوف ربك شيقسملك

    اخذها من اخوك قدم على ديوان الخدمه و توظف و متى ما فتحوا التسجيل سجل مره و مرتين و عشر

    لا تقعد تنطر و تحط امال على الفاضي

    اخوي خريج هندسه تخصص كهرباء و توظف بالنفط بعد اربع سنوات انتظار

    و طول هالسنوات ما قعد توظف بالوزاره الطاقه لما طلع التسجيل سجل و انقبل

    على طول قدم استقالته و التحق على النفط الكويت
     
  4. حمود الشمري

    حمود الشمري بـترولـي نشيط جدا

    172
    0
    0
  5. Chem.Eng

    Chem.Eng بـترولـي نشيط جدا

    182
    0
    0
    انزين كل البنات اللي اعرفهم محد وقع العقد
    مو معقوله كلنا غير لائقين صحيا



    السالفه فيها ان
     
  6. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    سهالات يمكن خيره ..
    بس راجـع الشركة ومثل ماقال أخوي
    ماينفع التليفون .......... :(
     
  7. عاندني الحظ

    عاندني الحظ بـترولـي نشيط جدا

    207
    0
    16
    ابيه حتى انا قالولي غير لائق فيج انيميا لوووووووول

    فحص طبي للزواج مو فحص شركه ...:D

    طالعت بالدكتور اقوله من صجك؟:confused:

    كا توظفت بالحكومه ومحد ياب طاري دمي :rolleyes:

    ان شالله يمشي بعروقي شربت مو دم ,, انتو شكو بدمي

    يقولي عشان مصلحتك يا بنتي , قلت مصلحتي ترفضني حط لائق خلص:mad:

    و حط لائق :D

    خو انتا جان لما استلمت الفحص شفت النتيجه وخليته يغيرها ترى يتلككون يبون ينحشونه بأي طريقه ..

    جنه مقابلتهم ما قعد شي ما سألني ...

    عادي عندج تنزلين موقع

    عادي عندج اتداومين اوفر تايم لي الساعه 5

    عادي عندج تكرفين

    عادي عندج اتطقين مشوار لي الاحمدي وانتي بمنطقه بعيده

    ناقص يقولولي عادي عندج اتقطين روحج بالنار <=== عاد لعانه بقول أي :p
     
  8. Co.Eng.Bo3LaWy

    Co.Eng.Bo3LaWy بـترولـي جـديـد

    27
    0
    1
    للاسف ما عندي واسطه , والمشكله الثانيه انه عمري 25 و اكبر شي حق التسجيل 24 يعني السستم يرفض معاملتي في النت ,,, ان شاء الله رايحلهم باجر و بشوف شسالفه غير لائق

    لا فيني ربو ولا فيني القلب بعيد الشر عنكم

    كل المسأله مسأله حظ و انا عارف حظي :)
     
  9. مهندس افنيوزى

    مهندس افنيوزى بـترولـي جـديـد

    10
    0
    0
  10. المنصور

    المنصور بـترولـي خـاص أعضاء الشرف

    اول شي لا تاخذين الامور بعفرته والقوة

    الدكتور له نظره انتي ماتشوفينها

    وفي المقابلة لازم يعرفون اذا الشخص عنده استعداد قوي للعمل

    ولا اذا باجر احتاجوه بيقعد يتدلع ويقول مابي

    لأن هذا شغل مو لعب صغار
     
  11. عاندني الحظ

    عاندني الحظ بـترولـي نشيط جدا

    207
    0
    16
    مش عفرته حضرة المراقب بس انا متأكده اني سليمه وقدها والا جان ما قدمت =)

    وسالفة الانيميا انا مسويه تحاليل بمستشفى خاص ما اشوفهم تفلسفوا :)

    واذا على النفط ترى الواحد ما اختارها على المعاش ,,, انا معاشي بالمحطات اعلى ولي انتقلت للنفط يقل ..ناهيك عن الخدمات اللي يوفرونها بالمحطات عندنا , يمكن لو اقولها المهندسين يغيرون رايهم وايوون عندنا وكل هالخدمات وانت حاط ريل على ريل

    بس انا ابي شغل مليت من قعدت المكاتب ...

    و اذا على سالفة قوه؟؟ اتوقع الرد كتابي بالمنتدى فما يبين معاك حدة الكلام والطريقه اللي قلتها فيها وما اتوقع اني قلت طقيت الدكتور و لا بسويها و نهاية الحجي لو رافضيني اهما الخسرانين زين جذي :)
     
  12. المنصور

    المنصور بـترولـي خـاص أعضاء الشرف

    القوة مو شرط بالطق .. انا اقصد بقوة الكلام وحدته


    محد يخسر أحد

    الشغل ماشي فينا وبليانا
     
  13. عاندني الحظ

    عاندني الحظ بـترولـي نشيط جدا

    207
    0
    16
    اتوقع الرد كتابي بالمنتدى فما يبين معاك حدة الكلام والطريقه اللي قلتها فيها <=== اتوقع اني كتبت هالجمله فما ادري ليش حضرتك تجاهلتها و مو صح تاخذ جزء من الحديث واتعلق عليه ... اتوقع كل رد يبين بنبرة الصوت وهذا اللي يميز المعصب عن الرايق . فما ادري اذا نبرة صوتي بالرد واضحه بالمنتدى :rolleyes:


    <<

    الشغل ماشي فينا وبليانا>>

    اوكي متفقه معاك بهالنقطه

    بس رحم الله امرء عرف قدر نفسه وانا عارفه قدراتي وعارفه ان المكان اللي انقبل فيه اصير مكسب له مو خساره ..

    فمادري ليش استفزتك هالجمله؟
     
  14. 3EiMyA*CoOoL

    3EiMyA*CoOoL بـترولـي جـديـد

    41
    0
    0
    Q8

    لوووووول ضحكتيني والله
    من قلب ضحكت على سالفتج شنو ما يبون الناس تتوظف اي جان قلتيلهم عادي عندي
    خو من كبر الكويت مسكينه كلها هالكبر 10 دقايق توصلين كل مكان تبينه :D

    اييي الله كريم اهمه بينحشون الناس مو عارفين اشون بعدين يقومون مره وحده
    يطالبون بالعماله الكويتيه ويصارخون ويناشدون بلا عماله وافده
    واهم خرطي بس حجي بحجي والله
    وبالنسبه للاخوان اللي قايليهم غير لائق صحيا ليش ؟
    كاه الداخليه والدفاع اللي يبون ناس لائقين قاعدين يدخلون كل من هب ودب
    حتى لو عنده مشاكل صحيه
    شكلي بروح اشتغل بدوله ثانيه بهاجر
    يمكن القى احد يبيني ويبي تخصصي :eek:
     
  15. المنصور

    المنصور بـترولـي خـاص أعضاء الشرف

    ادري انج كتبتي هالجملة وانا بينت في الاقتباس السابق عن شنو كنت اقصد

    وايضا عارف ان كل رد يبين بنبرة الصوت سواء معصب او رايق مثل ما تفضلتي

    لكن انا ما اتكلم عن نبرة الصوت

    في شغله يمكن غايبه عنج

    ان بعض الكلام يقص قص حتى لو كان بنبرة صوت عالية او منخفضة او حتى لو ينقال مع إبتسامه


    ايضا احب انوه ان كلامج ما استفزني مثل ما ذكرتي

    ولكن لفت نظري
     
  16. عاندني الحظ

    عاندني الحظ بـترولـي نشيط جدا

    207
    0
    16
    دووم هالضحكه :)

    انتي قدمي على النفط ما تدرين يمكن يسوويها البخت وتنقبلين :p
     
  17. عاندني الحظ

    عاندني الحظ بـترولـي نشيط جدا

    207
    0
    16
    الله يهداك مادري ليش بتخليني غلطانه غصب :confused:

    والله اللي يقرا ردك يقول انا سابه الدكتور ومع العلم الدكتور مو زعلان و محد متضايق من الموضوع الا انت طال عمرك :p

    على العموم وجهة نظرك وانا متقبلتها بغض النظر ان كنت مقتنعه فيها او لا ...

    ومشكور على التنبيه مراقبنا :)
     
  18. المنصور

    المنصور بـترولـي خـاص أعضاء الشرف

    الاختلاف بالرأي لا يفسد للود قضية

    اشكرج لسعة صدرج
     
جاري تحميل الصفحة...

مشاركة هذه الصفحة