ديوانية ما يحشم صاحبها روادها

الكاتب : شركة من صادها عشى عيالة | المشاهدات : 1,848 | الردود : 25 | ‏16 أكتوبر 2009
حالة الموضوع:
مغلق
  1. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    بسم الله الرحمن الرحيم

    كلنا اخواني نعرف الدواووين و دورها في التواصل بين افراد المجتمع و هي منتشرة بين افراد المجتمع فبعضها عائلية يتجمع فيها ابناء العائلة او القبيلة يستقبلون بها اخوانهم من اهل الكويت هذي الدواوين لها احترامها بحيث لا يتطاول شخص على اخر و في حالة تطاول احدهم على رواد الدوانية هنا يكون دور راعي الدوانية بحفظ هيبة ديوانه و احترام الموجودين ....

    هنا اعتبر منتدانا ( منتدى القطاع النفطي ) كديوانية يلتقي فيها ابناء القطاع النفطي واخوانهم من خارج القطاع يتناقشون و يتعلمون و يتواصلون و صاحب هذي الدوانية هم ادارة المنتدى و مسؤوليتها تكون بمنع نشر العنصرية و التفرقة بين اعضاء المنتدى و بالتاكيد حفظ المنتدى من التعرض لكرامة الاعضاء و شخصيتهم لكن ... كثرت في الاونة الاخير عرض المواضيع العنصرية اللتي تأججت في قضية التأبين و تبعها الهمز و اللمز على ولاء الشيعة انتهاء بسب السيد القلاف و وصفه بالعبد .... حاولت مرارا و تكرارا الرد على هذه المواضيع المهينه و بينت وجه نظري و كررت اكثر من مره انه هذه المواضيع تغذي العنصرية و الطائفية لكن للاسف لم تتدخل الاداره او كان تدخلها متأخرا ... قبل يومين تعرضت للسب و الاهانه من قبل عضوه في المنتدى و لم تتدخل الادارة في مسح كلامها مع انه نفس الاداره تدخلت كثيرا في مسح مواضيعي اللتي لا تحمل اي اساءه سوى جرئتها في الطرح .... و كأن ادارة المنتدى تعاقبني على ارائي و طرحي و تقولي قلعتك خلها تسبك انت تستاهل هني انا بين امرين اما ان انزل لمستوى البنت و اقابلها بنفس الاسلوب او انسحب من الدوانية ( المنتدى ) اللي اصحابة ما حشموني ؟

    سؤال اوجهه للكل في حاله دخلت دوانية و ما حشمك صاحبها شنو تسوي بالطبع تطلع منها و ما ترجع لها صح ؟؟؟

    بأذن الله هذا اخر موضوع لي في المنتدى لانه اصحاب المنتدى ( الادارة ) لم تحترمني و سمحت للعضوه انها تسبني و كاني بالشارع و المطلوب مني ان ارد عليها بأسلوب سيء ....

    كلمه اخيره اخواني اصحاب المنتدى ادارة المنتدى كافي طائفية كافي عنصرية ضد اخوانكم اقول هالكلام لاني شفت ادارة المنتدى تنزل مواضيع تأجج الطائفية و العنصرية ....

    اتمنى عدم حذف هذا المقال : )
    .

    بلانا باللي ما يعرف الا ربعه و ما يعاشر ناس غير عيال عمه لو انه طلع شوي من منطقته و عرف الناس راح يدري انه كل اصل فيه الشين و الزين و كل طائفه فيها الطيب و الردي .
     
  2. EviaN

    EviaN بـترولـي نشيط جدا

    اخوي من لديه فكر متخلف يرى اي موضوع يتعلق مثلا بشخصيه لها مذهبها فيعتقد ان الذي كتب هذا الموضوع هو ضد هذا المذهب وانه طائفي ...

    للاسف لما الواحد يكتب عن شغله وهالشغله مالها شغل بالطائفيه والفتن ... اييون ناس عندهم فكر متخلف فيقول لا انت قاعد تسب هالطائفه .. واييون ناس يصطادون بالماء العكر ف يستغلون فكر هالناس المتخلفه فيستفزونهم بعبارات غير لائقه...


    انا معاك بموضوعك ومشكور
     
  3. WaRiO

    WaRiO بـترولـي مميز

    والله ياخوك الحال من بعضه ... بس مو سبب انك تطلع ، وهذا القسم بالذات يامه كتب عنه شكواي والمواضيع الي فيه عنصريا 100%

    لأنه في موضوع كتبته عن معصوم المبارك لمن وصلتلها الرساله الغبيه من بعض النفوس الغبيه والخبيثه ... وحاولت ارفع الموضوع على اتفهه الاسباب بس عشان اشوف الردود ... ومثل ماكان واضح تم الرد من قبل بعض الأعضاء ...

    بس الي فيهم المرض الطائفي مر عليهم مرور الكرام ... فرأيت ان اوخر عن هذا القسم ولا ادخل في نقاش الا اذا تم التكلم عن مذهبي بصوره واضحه اما التلغيم ....الخ اوخر عنه


    واذا احد قال عن السيد انه العبد .... فكلنا عبيد انشالله ولا تزعل

    وموفق مهما كان قرارك
     
  4. عرباوية

    عرباوية بـترولـي نشيط جدا

    165
    0
    0
    مو لازم اقول
    حبيبتي الكويت
    اخ شركة نأسف اذا طلعت من المنتدى خصوصا وانك عضو مميز

    بصراحة مواضيعك هازة المنتدى و اثريت المنتدى بمواضيع قيمة و بالنسبة لموضوع بنت حمايل فقد تم

    اغلاقة و نتمنى من ادارتنا توقيفها على الأقل لأن ما مس اخونا شركة من كلام سوقي منها لا يحتمله

    احد على نفسه و قد رديت عليها اكثر من مرة و لم ترتعد تلك العضوة ... ادارتنا الموقرة كل يوم نخسر

    عضو مميز له دور بتفعيل المنتدى و نتمنى توحيد الصف الكويتي في النهاية كلنا عيال الكويت ...و يا ريت

    تتعاقب بنت حمايل و اطلب من جميع الأعضاء الذين يقرأون ردي بأن يرون موضوعها امبيه هذيلا من صجهم

    كيف تلفظت العضوة المحترمة بالألفاظ السوقية على شركة و شوفوا اذا تستاهل التوقيف و لا لا والله

     
    آخر تعديل بواسطة المشرف: ‏17 أكتوبر 2009
  5. EviaN

    EviaN بـترولـي نشيط جدا

     
    آخر تعديل بواسطة المشرف: ‏16 فبراير 2015
  6. عرباوية

    عرباوية بـترولـي نشيط جدا

    165
    0
    0
    مو لازم اقول
    حبيبتي الكويت
    اي والله نوعدك يا بو ناصر ونوعدج ياكويت ان احنا حضر بدو

    شيعة و سنة ايد وحدة ومحد يقدر يفرقنا و على راسي يا شركة و مشكور يا فيان على المقطع
     
  7. EviaN

    EviaN بـترولـي نشيط جدا

  8. الشقردي

    الشقردي بـترولـي نشيط

    79
    0
    0
    http://www.q8ow.com/vb/showthread.php?t=23585


    السلام عليكم ورحمة الله وبركاته

    للعلم اني متابع فقط بدون مشاركات للمواضيع


    ولاشوف في صاحبت الموضوع اي تجاوز

    ولكن التجاوز بدر منك حين عزلت شعب العراك عن حاكمه المقبور

    وكأنك تستميت للدفاع عن شعب القندره (شعب العراك)


    اخوك الصغير

    الشقردي
     
  9. عرباوية

    عرباوية بـترولـي نشيط جدا

    165
    0
    0
    مو لازم اقول
    حبيبتي الكويت

    سويتها دفاع مستميت اهوه عرض وجهة نظره ان الشعب

    العراقي فيه الشين والزين مثل المعارضة العراقية الي ساعدت اسرانا بالخروج من السجون و عشان لا

    تهاجمني ترى انا يوجد من اهلي شهيد و ذقنا المر من الغزو العراقي الله يلعنهم .... بس اعتب عليك لما

    تقول ما تجاوزت بنت حمايل حدودها و اهية ضربته بوطنيته و كتبت جملة تمس كرامته و كل شي موجود

    هناك تقدرون تطلعون عليه اناشد كم بأن تحكموا ضمائركم وانتم تقرأون ذلك الموضوع و الردود اللامسئولة

    من كاتبته واذا مافيه اسلوبها شي ليش عيل سكرت الادارة الموضوع حتى و اهوه يودعنا ماكو كلمة طيبة

    حقه
     
  10. الشقردي

    الشقردي بـترولـي نشيط

    79
    0
    0
    :)
    الأخت محاميه عن صاحب الموضوع؟؟؟؟؟؟؟؟؟؟

    ايه نسيت

    ان لم تكن معنى أو لاتكن ضدنا:)
    في هذا الموضوع
     
  11. EviaN

    EviaN بـترولـي نشيط جدا

    لا حول ولا قوة الا بالله

    بنت حمايل غلطت بس قلنا انه يعني من القهر والحره عشان ترد وتقول اي وتتاسف وتاسفت وانها غلطانه

    خلاص ماله داعي نرد لهذا الموضوع ...

    شركة امسحها بويهي يا اخوي وهذا المنتدى اهوا منتداك

    وهذا اعتذار اوجه لك .. ان شاء الله تقبله

    وابد يا اخوي ترا والله العظيم احنا ببلدنا محسودين


    قبل يوم الواحد يغلط .. الناس كلها تحاسبه اهو مو مذهبه والحين اي واحد يغلط الكل يحاسب مذهبه وهذا فكر المتخلفين اللي مو كويتيين ..


    تقبل مروري .. انا الصراحه بس ماقدر اعلق والله وانا معلق فيني قهر على حال الديره شلون الناس قامت تنظر للناس الثانيه مادري شلون بس الحمدالله ان هالفئه صغيره وماتمثل الشعب الكويتي


    ......
     
  12. بن عامر

    بن عامر بـترولـي خـاص

    1,159
    0
    0
    k.o.c
    kuwait
    يا جماعة الخير في شغله الكل معلق عليها ...

    أول شي إذا تم الإشادة بشخص فهي تعني الشخص نفسة ولا تعني قبيلته أو طائفته أو وطنيته و إذا تم مهاجمه شخص أو عتب بحق الشخص فهي تعنيه هو و ليست طائفته أو قبيلته او أو أو لازم تكون الصورة واضحة .

    بس مع الأسف لاحظت أخوانا الشيعة و أرجو أن كلامي ما يزعلهم لأنه واقع لاحظتهم إذا تمت مهاجمة شخص بعينة عمموها على الطائفة بالكامل و هذا غلط و أكبر غلط و لو سوينا نفسهم كان أي شيعي يتعرض لأي مسؤول أو عضو مجلس أمة أو عضو بمنتدى سني قلناله أنت طائفي و أنت عنصري و ووووووو ما يصير بارك الله فيكم و احنا ما نبي نصير مثل غيرنا مشاكل و طائفية بغيضة و عنصرية و فتنة بالعكس من عرفنا الكويت و الشيعي و السني اخوان و البدوي و الحضري نفس الشي .

    و بالنسبة للأخ شركة إذا رجع للمنتدى راح تكون صدورنا و قلوبنا مفتوحة له و إذا غادر نتمنى له التوفيق وين ما راح و ياليت يراجع نفسة و يعدل عن قراره .

    أتمنى عدم تفسير كلامي أنه طائفي بعد لأن و الله مو ناقصين فتنة .


    و سا محوني على الإطالة .
     
  13. العجمـي

    العجمـي بـترولـي خـاص

    1,857
    0
    0
    سـر
    kuwait
    السلام عليكم

    شلون تقول ما راح انزل لمستواج وانت وترد عليها ؟؟
    يا اخي ترى كلامك مو عدل واذا عن سالفة الدوانية ترى هذا مكان الجميع وانت اكثر واحد ماخذ راحتك بالسوالف بس لازم تحترم اقرب الناس لك ( اقصد الكويت والكويتيين ) يعني ما تعرف تراعي شعور ابناء الشهداء من اهل ديرتك
    وبعدين عندي سؤال لك تجاوبني عليه بكل صراحه
    لو لك قريب ( اب - اخ - ام - اخت - ابن - ابنه - زوجه ) استشهد من الحرب بتقوم تدافع عن بعض الهكره بالطريقه هذي
    وعلى قولتك الثورة الشعبانية طبعا ( ايران ) بالذمه حنا بالكويت شدخلنا بالثورة او البقره يا اخي ليش ما تخلي الامثله كلها عن ديرتك الكويت
    وبعدين ارد واقولك راع شعور اخوانك واهل ديرتك بدال ما تقعد تسوي لنا درس عن العراق واهل العراق
    --------------------------------
    شوف كلامها وردك :

    المشاركة الأصلية كتبت بواسطة بنت حمايل
    اخوي " شركة من صادها عشى عياله "
    امووووووووووت واعرف ليش ترد وتدافع عن العراقيين لايكون انت واحد منهم واحنا ما ندري
    اخوي على قولة الاخ سكاربيو
    يا ان تصمت او تتكلم بكلام يبرد على اخوانا اهل الاسرى والشهداء

    احنا مالنا علاقة شنو صار بديرتهم لأنهم يحاربون بعض داخل ديرتهم والعياض بالله ، بس احنا نتكلم عن ( اغتصـــــــــــــــــاب ) دولة وناس
    انت عارف شنو معناته انت نايم واحد يغزيك

    وسؤال اخير اذا ممكن اخوي شركة ؟ انت جم عمرك ؟ لأن شكلك ما عشت الغزو
    وما عشت لما كنا ننخش احنا البنات ونختاف احد يعتدي علينا ؟؟؟؟؟؟؟؟؟؟؟؟؟؟؟؟؟؟؟
    -----------------------------------------------------------------------------------------------

    رديت عليج بأيه قرانية و ما اعتبرتي ذكرت كلام الامام علي و هم ماكو فايده و اللي ما يفهم كلام الله و لا يعتبر منه مستحيل يأثر فيه كلامي المتواضع .....

    ( لا تزر وازره وزر اخرى ) ضعف حجتج اهوا سبب اسلوبج السوقي و القاء التهم علي .... اكبر خطأ طحت فيه هني هو محاوله رفع مستوى تفكيرج و استيعابج لاني ما كنت ادري انه الجهل واصل حده عندج على كيفج سويتيني مو حاس بالشهداء و على كيفج حطيتيني عدو للشعب الكويتي و اخاف اطول معاج شوي و تقولين اني بعثي من حزب صدام ... عشت الغزو و شفت اللي انتي ما شفتيه ... شفت ولد فريجنا مصوب و شفت كويتي يعلق الشبة و شفت الجيش العراقي و اهوا يحاول اخذ جماعتي كأسرى و عايشت هذا كله ...

    يا بنت انا اعتب على الادارة اللي تقرى اسلوبج و ساكته اما انتي ما عليج شرهه بتسوين نفسج المحامي و المدافع على الكويت على حسابي ليش اني حبيت افهمج و لكن للاسف انت ما تفهمين ...
    يا بنت صدام رئيس دكتاتوري غير منتخب يعني ما يحظى بتأيد من شعبة و لا عنده مجلس يرده و ما يسمع راي اي شخص يعارضه صدام هالزنديق قتل ابو احفاده ما يرد على الشعب العراقي في قراراته ... شلون اتهم شعب كامل انه يكره الكويت على اي اساس سويتي استبيان و قالج الشعب العراقي انه يؤيد غزو الكويت يعني شلون يا امشي على رايج و لا اطلع خاين و ما احب بلدي اعادي شعب كامل مالي اي مصلحة بمعاداته شعب هو نفسه هااااااااااااجم صدام في حرب تحرير الكويت و كاد انه يقضي علي في الثورة الشعبانية انا عندي قريب لي كان اسير و اللي طلعه من السجن هم المعارضه العراقية لما قاموا بثورتهم مثل ما طلعوا الكثير من الاسرى لما فتحوا السجون ... الشيخ جابر نفسه استقبل المعارضة العراقية بالكويت قبل سقوط صدام الحين انتي حضرتج اكثر حبا للشهداء و الاسرى من الامير ....

    كلامج مكرر انت و انت عزيزتي ردي على كلامي بالحجه ... ما راح انزل لمتسواج بالرد
    اذا كانت الادارة تقرى ردودج و ساكته على السب و الاهانات فهذا يبين حرص الادارة على الاخلاق و احترام الغير اما انتي مثل ما قلت ما عليج شره .

    هذا بعد من الردود
    شوف كلام البنت واحكم

    المشاركة الأصلية كتبت بواسطة بنت حمايل
    روحو لبيت الاعمال الكويتية وشوفو الادوات اللي عذبو فيها شبابنا وبناتنا

    ترىما اعتقد انك ترضى ان احد يغتصب اختك اكيد ماراح ترضى
    ترضى احد يعتدي على امك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    اكيد ماراح ترضى واذا رضيت هذا شي ذاني راح نتكلم فيه

    والله حسافة على عيالنا الكويتيين ما كو فايدة ينسون الطعنات بسرعة

    -----------------------------------------------------------
    ردك ..

    هل هذا الكلام موجه لي ؟

    سؤال وين ادراة المنتدى ؟!!

    هالكلام يبين اخلاقج العالية ... بالذمه اللي تقول هالكلام تنفع تعطي دروس بالوطنية و هي فاقده ابسط مباديء الادب كلامج هذا يبني شنو تربيتج .
     
  14. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    أخوي شركة ... ماعاش اللي يزعلك ..وأنت مقدر ... واذا ماشالك المنتدى تشيلك عيوننا ...

    وننتظر عودتك.... في أقرب فرصة ..... ونرجو من من ربعنا تهدئة النفوس ... لأن اللي صار هو نقاش ... وحصل فيه انفعال من الطرفين .. ونبقى كلنا عيال ديرة ..وزملاء في العمل ....

    تقبلوا مداخلتي
     
  15. والله يا ( اخ شركة ) البعض يبي يسويها طائفيه وقبليه وتفرقه بأي طريقه << البعض عشان لا تسوون سالفه بعد

    قبل فتره موضوع انكتب

    بعض الردود قالت وهالمنتدى يبي الطائفيه ... بذمتك شكوو الطائفيه بالموضوع ؟؟ :confused:

    الصراحه في ناس عقولهم بركبهم ..

    ومثل هالمواضيع ما احب اتكلم عنها بالعكس كلنا اهل واخوان وكويتيين

    وتكلمتو كذا مره بس ماكو فايده

    يعني معقوله بعض الناس وصل تفكيره لي هالدرجه هاذي ؟؟؟

    والله ما احب اتكلم بالمواضيع هاذي بس .... الله كريم
     
  16. AHMAD ALI

    AHMAD ALI بـترولـي مميز

    523
    0
    16
    ذكر
    Admin
    KUW
    فعلاً اخوي كلامك صحيح

    وانا ماحب اشارك بهالمواضيع الحساسه خصوصا لان بالمنتدى حرية التعبير عن الرأي للبعض وليس للجميع ;)
     
  17. LaRambla

    LaRambla بـترولـي خـاص أعضاء الشرف

    2,041
    3
    38
    لا ياشركة بصراحة ما نتحمل خسارتك

    ارجع ياخوي كلنا اخوانك وهذا مكانك

    اترك عنك الزعل وابيك ترد علي ولا لزعل عليك
     
  18. بن عامر

    بن عامر بـترولـي خـاص

    1,159
    0
    0
    k.o.c
    kuwait

    مع احترامي لك كلامك غير صحيح و لكن مع الأسف أي انتقاد لأحد أبناء الشيعة رحتوا تعممونه على الطائفة و هذا اللي لاحظنا عليكم مع الأسف عموما أرجع لردي فوق و أتمنى تقراه عدل علشان تعرف الخطأ اللي بعضكم مع الأسف يقع فيه .
     
  19. بلبل عنقريزي

    بلبل عنقريزي بـترولـي خـاص

    2,187
    0
    0
    انا من الناس اللي يعارض خروجك اخوي شركه
    ومو بكيفك تقرر هالاشياء فيها قبايل هذي
    ياليت هالمواضيع والنقاشات ماتكون سبب بخروجك بالاخير احنا اخوان ودم واحد
    والله بنخسر اخو غالي
     
  20. FOX70

    FOX70 بـترولـي مميز

    للاسف الشديد ان ينحدر الحوار
    الى هذا المستوى بين اخوان
    تجمعنا تلك الارض الطيبة التى تدعى
    الكويت ولا فرق بين الاديان والمذاهب بها
    ولقد مرت علينا ازمات كثيرة وكبيرة وكان
    ابناؤها اكثر ايمانا وقوة ولم تفرقنا اهواء الانفس
    فلنترفع بالحوار عن تلك الاساليب وندعوا للجميع بالهداية والصلاح
    فليس الحل بان نترك مواقعنا متى احتاجت لنا ارضنا
    فالكويت تخدم فى كل المواقع ومن هنا نتحاور ونتفكر لنعمل
    على الارتقاء والتواصل فيما بيننا فليس بالهين ان نترك عزيزا ليرحل
    وليس تجاوزا لنترك من يحاول التقليل من شان الاخرين
    فمهما تعصب بنا الرياح سنظل للسلام ممدودى اليد
    وللاخاء والعمل منادين لما فيه خير الجميع
    واللهم اصلح امورنا وتجاوز عنا والهداية للجميع .
     
جاري تحميل الصفحة...
مواضيع مشابهة
  1. pic2020
    الردود:
    0
    المشاهدات:
    354
حالة الموضوع:
مغلق

مشاركة هذه الصفحة