أنا والحزن

الكاتب : PIANO | المشاهدات : 1,262 | الردود : 23 | ‏12 أكتوبر 2009
  1. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT
    من كتاباتي المتواضعه جدا ..

    حبيت اشاركم فيها .. وأتمنى تنال اعجابكم ..


    ما عمري فرحت إلا ولقيت الحزن ياخذني
    لدنيا بعيده .. مافيها إلا انا بس واهوه !

    أبي أنسى واهو مصرّ يذكّرني !
    بكل ألم مرني .. ياهي عليه قسوه ..

    يشتتني يبعثرني .. ويرجع يلملمني ..
    أحاول ابتعد عنّه .. ولكن حيلته أقوى !

    مليت منّه .. مليت أقول له خلني ..
    ترجّيته يردلي .. أي لحظه بحياتي حلوه

    ولكنّه كالعاده .. يرجع ويخذلني ..
    يحسسني بأمل .. ويرجعني مليون خطوه !

    صرت أخاف أفرح .. أخاف احلم ويصدمني
    وآنه الصراحه .. تعبت وماعاد فيني قوّه ..

    قررت أتصاحب معاه

    وتصاحبنا أنا وياه

    وعدته اذكره حتى بغيابي

    أو وعدني

    القاه ناطرني على بابي

    أثاري الحزن طيب !
    وكل ما صار مو بيده
    مني دوم قريّب
    حتى إنّه يمسح دموعي بإيده !!

    لقيته وفي .. أوفى حتّى منّي ..
    كافي ان الوحيد اللي فاضي يسمعني ..
    مخلصلي في أسوأ الحالات
    ومستحيل يقدر يتخلى عنّي ..

    يحبني !!

    اعتذرت منه وقلت :

    يا حزن انا آسف .. انا آسف
    ما دريت إنك مثلي مهموم
    قبل لا اعرفك .. كنت خايف
    كل شي بحياتي ما يدوم !

    تخيلتك مثلهم
    نسخه منّهم
    عرفت الحين بس
    إنك غير عنهم ..

    تعال واحضن آلامي دامها تسعدك
    تعال .. قرب .. مابي شي عني يبعدك
    تعال مالي غيرك يا حزن .. مابي افقدك !

    لولاك ؟ ما حسيت بلذّة فرح
    بدونك ؟ ما تعلمت غلطاتي
    من غيرك ؟ ما لقيت دمعه تواسيني بعزّ صدماتي ..

    شكرا يا حزن علمتني التالي :

    1- الوفي

    2- المخلص

    3- الخاين والجاحد

    وعلّمتني ان الدنيا أبد

    ما توقف على واحد !


    وسلامتكم ..

    ملاحظه : ( ترى مو شعر .. هذي مجرد خاطره أو تخاريف كما احب ان اسميها )


    وشكرا :)
     
  2. ما شاء الله عليييييييييييك :)

    ولا اروع الصراحه

    بعد نبي من هالخواطر :)
     
  3. عرباوية

    عرباوية بـترولـي نشيط جدا

    165
    0
    0
    مو لازم اقول
    حبيبتي الكويت
    انا نفسك دايما فرحتي ناقصة و كل ما ابلش خطوة و اتفائل خير فيها تنقلب علي
     
  4. Bos3ayd

    Bos3ayd بـترولـي مميز

    523
    4
    18
    الله يبعدك ويبعدنا عن الحزن :) خاطرة روعة اخوي

    شاكر لك موضوعك
     
  5. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    كلمات تعبر عن جرح غائر بعد تجربة صعبة

    إن شاء الله أكون غلطان في ظني :)

    و فعلا الدنيا ما توقف على واحد

    تسلم بنات أفكارك على هالكلمات يا بيانو
     
  6. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT
    مرورك أروع وأروع ..

    ألف شكر :)
     
  7. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT
    تفائلوا بالخير تجدوه :)

    الحزن أو الضيق لابد إن ( يسيّر ) على أي انسان ..

    بالنهاية تبقى حالة نعيشها .. وبعدين باي باي ..

    والله يسعد أيامج إختي ويكمل أفراحج ...


    شكرا على المرور :)
     
  8. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT

    إنت أروع يا بو سعيّد :)

    مشكور وايد وايد ويبعد الجميع عن الأحزان
     
  9. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT


    اي والله اي والله اي والله ( على قولة سعد الفرج ) يا اخوي عبدالله :)

    كانت مرحلة وعدّت .. عدّت ( بكل ما تحمله هالكلمة من معنى )

    وشاكر لك مرورك ( اللي يحس )

    :)
     
  10. المعلمة المتميزة

    المعلمة المتميزة بـترولـي مميز

    945
    0
    0
    جميل هذه الخاطرهـ التي تعكس هذه المشاعر ...}

    أحسنت .... تقبل مروري

    شكرا يا حزن علمتني التالي :

    1- الوفي

    2- المخلص

    3- الخاين والجاحد

    وعلّمتني ان الدنيا أبد

    ما توقف على واحد !..... مما راق لي ...} .


    [​IMG]
     
  11. كندريه

    كندريه بـترولـي نشيط جدا

    315
    0
    0
    باحثه اجتماعيه
    خاطره جميله كل إنسان يمر بمرحلة الحزن والشاطر اهو إلي يتغلب على احزانه وان شاء الله ما يمر عليك يوم حزن يا بيانو ويعطيك العافيه
     
  12. البندري

    البندري بـترولـي نشيط

    115
    0
    0
    إذا تخاريف و جذيه حلوة :)

    عيل لو شعر شبيكون اسمها :)

    ما ظنتي هذي اسمها تخاريف

    هذي مشاعر راقية من انسان راقي

    و بما إنك بيانو

    فعزفك بيكون حلو


    شكرا
     
  13. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT
    شكرا على مرورك الراقي اختي :)
     
  14. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT

    أخجلتم تواضعنا :eek:

    شكرا لمرورك الجميل والمشجّع

    بس والله تخاريف :)
     
  15. البندري

    البندري بـترولـي نشيط

    115
    0
    0

    إذا تخاريف ليش منزلها هنيه بالمنتدى :mad:

    بصراحة خليتنا نخرف معاها :D

    هذا اسمه مشاعر مبدعة

    و بسك حركات ;)

    كلماتك حلوة و متابعينها :)

    إختك البندري

     
  16. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT
    ألف ألف شكر لج إختي البندري ..

    ومروركم أحلى وأجمل :)
     
  17. reznama

    reznama بـترولـي مميز

    كلمات نابعه من أحاسيس ومشاعر حيّه صادقه مفعمه بالحب ..

    حب الحياة جميل .. جميل جدا .. مافيه لحظة حزن ..

    كله سعاده في سعاده ..

    و لااااا تحزن يا (( آلتي الراقيه )) .. ترى الحزن يتعّب النفسيه .. ويعور قلب البني آدم .. على ولا شي ..!

    لا تكتب جذي كلمات .. لأنها مو من صفات النبال اللي تجدهم " دائما متفائلين بهذه الحياة الجميله " :) (( مثلي ))

    أبي الخاطره التاليه يكون طابعها شبه كوميدي نفس اللي عوّدتنا عليه من خلال ردودك وتعليقاتك المميّــــــــزه ..

    وأوعدك .. إذا كتبت لنا خاطره فيها زخارف كوميديه .. لك مني أكتب لكم خاطره من خواطري الواقعيه الكوميديه .. (( كلام نسوان ما ينزلش الأرض أبدا )) :rolleyes:

    ..

    بالنهايه أحب أقولك :

    (( مو عبالك إن الخاطره مو عاجبتني .. لالالا .. حشى والحشى عن ألف يمين .. ! ))

    بس ليش إني متعوده حتى وآنا بعز الحزن والبجي .. تلقاني مبتسمه .. (( وهذي أحلى إبتسامه وأحلى حياة بالنسبه لي ))

    تحياتي

    رزنامه \ نبله

    :rolleyes:
     
  18. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT

    الله يعافيج اختي ..

    والله يبعد عن الجميع الأحزان

    شكرا لمرورج :)
     
  19. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT
    حيالله نبله

    ان شاء الله راح احط شي كوميدي ..

    ودام كلام نسوان كدّينا خير !

    والتفاؤل موجود دايما ان شاء الله

    بس لا بد أن يكون للحزن مساحه ولو صغيره .. بالنهاية احنا بشر .. نتأثر

    اعتبر الخواطر توثيق لمراحل مرّيت فيها ( ربما ) أو ساعات تكون مجرد فكرة مستمدة من واقعنا ..

    عموما نورتي الموضوع كلندره :)
     
  20. reznama

    reznama بـترولـي مميز



    أفاااا .. أتشك في بنات حوا يا نبل ...!! :confused:

    ما هقيتها من النشامى :eek:

    خلاص عيل (( كلام إخت رجاااااال )) راح أكتب خاطره بعد ما تكتب لنا خاطره بالشروط المطلوبه فوووق :rolleyes:

    ..
     
جاري تحميل الصفحة...

مشاركة هذه الصفحة