موظفين الامن و تنظيم السير في مصفاة الاحمدي

الكاتب : aL- raSy | المشاهدات : 1,306 | الردود : 15 | ‏12 أكتوبر 2009
  1. aL- raSy

    aL- raSy إدارة المنتدى

    2,714
    0
    36
    بسم الله الرحمن الرحيم

    و على بلاطه نبدا الكلام..

    انا صارلي كذا سنه اداوم في مصفاة الاحمدي، وماصادفت ازدحام في الخروج من الدوام او الدخول مثل اللي نواجهه هالايام بسبب ( تنظيم المرور من قبل موظفين الامن و السلامه ) الله يعطيهم العافيه و ما قصروا..

    بس فيه خلل و يوميا ازدحام بسبب تنظيم السير من قبل الامن و السلامه مع العلم ان فيه ايام يتم التغافل عن تنظيم السير من قبل موظفين الامن و السلامه بارك الله فيهم و يتم الدخول و الخروج من الدوام بكل سلاسه...

    مع كل الشكر و التقدير لموظفين الامن و السلامه على جهودهم..

    بإعتقادي انه موضوع مهم و يستحق النظر فيه..
     
  2. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    السلام عليكم ورحمة الله وبركاته

    وازيدك من الشعر بيت

    عمال المقاول من الهنود والاجانب صاروا يسفطون سياراتهم في مواقف موظفي الشركة وكذا مره اطيح عليهم وابلغ الامن

    بس للأسف الامن صايرين واجهه وقت دخول المسؤولين يطلعون

    والايام العاديه ماتشوفهم خير شر
     
  3. ANACONDA

    ANACONDA بـترولـي مميز

    687
    0
    0
    للاسف الشديد ان كمية سيارات المقاولين
    كبيرة وهم يتسابقون بالصباح قبل موظفى الشركة اى
    الساعه السادسة الى السادسة والنصف موعد دخولهم
    وهذا الوقت اصلا اخواننا بالامن ليسوا متواجدين مما يسهل
    عملية استغلال مواقف موظفى البترول لهم وضعنا بين حانا ومانا
    والحبل عالجرار ومع كل تقديرنا لاخواننا بالامن والسلامة , نتمنى منهم
    مراعاة تلك الاوقات ومع كل الشكر لطارح الموضوع .
     
  4. مشغل سياسي

    مشغل سياسي بـترولـي مميز

    568
    0
    16
    ذكر
    kuwait
    بما اننا نواجه هذه المشكله وبصدد ايجاد لها حل جاءتني هذه الفكر بأن تقوم الشركه بصرف استكر او طابع يكون عليه شعار الشركه يوضع على سيارات العاملين بها عندها راح تميزون موظفي الشركه من المقاولين ساعتها الامن يشوفون دورهم بمخالفة من لم يحمل استكر او طابع الشركه لانه يعتبر ليس من العاملين بها و شكرا
     
  5. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    فكره جميله اخوي مشغل سياسي

    ولكن المشكله وقت الدخول للمواقف مافيه احد يدقق الا بعد الساعه ست ونصف صباحا
    قبل دخلة المسؤولين
    لزوم البهرجه بس
     
  6. ضمير الأمة

    ضمير الأمة بـترولـي نشيط

    100
    0
    16
    انا اقول لو يلغون قسم الامن هذا بكبره ويخلون بس اللي على التصاريح يكون احسن

    ناس لا شغل ولا مشغله بس قعده وسوالف
     
  7. المميز

    المميز بـترولـي جـديـد

    12
    0
    0

    والله انا عندي فكره .. يطلعون تصاريح للموظفين للمسافط يعني يقسمون المسفط على 4 شفتات يعني الي يداوم بشفت الصبح يصفط بالمصفط ونفس المسفط يسفط فيه زام العصر وجذيه يعني وتتفتكون من الزحمه

    واذا كلش كلش حطوا مسامير حق المقاولين بس ها ثبتوهم اول وين يسفطون وجذيه بيهونون وما يسفطون
     
  8. frfosha

    frfosha بـترولـي مميز

    753
    0
    0
    السلام عليكم ورحمة الله وبركاته ، تعبنا يا اخوان من هذه المشكله ومشكلة المقاول تعبنا ونحن نتحدث عنها وعن مواقف الشكره لا يوجد لنا مكان ولا نستطيع السيطره على هذه المشكله وكذا مره تحدثت مع الاخوان من أمن المنشأت ولا مجيب للاسف ولا نعلك الى متى هذه المشكله شوف تطول الرجاء الحل السريع لاننا بالفعل لدينا مشكله معهم وشكرا
     
  9. ucrrmp

    ucrrmp بـترولـي جـديـد

    10
    0
    0
    السلام عليكم

    والله يااخوان كلنا انعاني من هالمشكله ولازم يكون هناك حل يافى بواب الالكترونيه بالكرت اتكون او يخلون الامن بدال قعدتهم

    يداومون عند البوابات شفتات يعنى موبس الصبح على على طول عشان صارت هناك سرقات كثيره يااخوان من ورا ترك البوابه

    مفتوحه اربعه وعشرين ساعه وشكرا لكم على هالموضوع الطيب
     
  10. Dashti83

    Dashti83 بـترولـي نشيط

    84
    0
    0
    سجين نفطي
    وطن النهار
    [CENTER]السلام عليكم ورحمة الله وبركاته
    بالنسبة لموظفين الامن والسلامة في مصفاة ميناء الاحمدي يوم تلقى تفتيش من اقوى نوع ومرة ماتلقى .
    ومواقف السيارات المفروض يكون في تفتيش يومي عند الدخول لان في موظفين مو من الشركة يصفطون سياراتهم في المواقف وغير الي يصفطها ويسافر تلقى السيارة مغبرة وراسمين عليها :) يمكن بالسيارة في شي .
    بس شاطرين يسوون تفتيش داخل المصفاة ويدورون على التلفونات والولاعات .
    [/COLOR
    ]


    ليس الفتى من قال قد كان أبي أعلنت بالقول الصريح مذهبي
    إني أوالي حيدرا بعد النبي ما يهمني لو أعلنوا دماري
     
  11. عساس

    عساس بـترولـي جـديـد

    34
    0
    0
    المشكله في الاجانب واخوانا العرب تسفط سياراتها وتسافر خبركم يبون يبردون على سياراتهم تحت المظلات المجانية واحنا الضحية
    الله يعين


    لازم يشوفون لهالمسافط حل لااااازم
    وما لاحظتواان الصبات اللي تحت المظلات معظمها تكسرت والاسياخ قامت تبرز اللي فيها خطر على اطارات السيارات ؟؟
     
  12. GATE

    GATE بـترولـي جـديـد

    31
    0
    0
    لازم يركبون لنا بوابه على بطاقه ممغنطه تحط البطاقه تفح البوابه أدري بتقولون جايب يديد لوووووووووووول

    والله ويصرفون ونش حق امن السلامه بدال التبطح اللي صافطه من زمان يسحبونها

    طبعا الشركه مراح ترضا مو عشان الفلوس لان الهنود أحسن من الكويتين راحتهم من راحتها
     
  13. ياخساره

    ياخساره بـترولـي نشيط جدا

    والله يا اخوان انا تركت المشاركه في هاذا المنتدى لمده من الوقت ولكن شدني الموضوع لاني احد موضفين هاذا القسم الجمييييل

    اذا المسؤول قاعد يقول اطلعو واشتغلو بس وقت دخول الادراه للمصفاه واذا شفتو مدير او موضف شركه خلوه يمشي حتى لو انه مخالف

    وحطو حيلكم بموضفين المقاول

    وعقب ساعه او اكثر شوي ردو المكتب واقعدو

    وين تبي انتاجيه من هاذا القسم الجميل

    بس على فكره انتو قاعد تقولون ان فيه موضفين يدشون بتلفوناتهم وبعض الممنوعات داخل المصفاه

    هاذا من اختصاص المنشئات

    والله يخليلنا قسمنا الجمييييييل

    واسف على الاطاله

    وشكرا


     
  14. فيصل العجمي

    فيصل العجمي مؤسس المنتدى أعضاء الشرف

    6,420
    1
    36

    حنا مانقول الا الله يعطيكم الف عافيه
    والمسؤوليه تقع على هالنوعيه من المسؤولين اللي يبي الشغل فقط قدام المسؤولين الكبار
    الموظف الكويتي مفروض تكون له معامله خاصه بس مو على حساب الشغل وامن الموظفين
     
  15. خبير دستورى

    خبير دستورى بـترولـي جـديـد

    20
    0
    0
    الله يعينا ويعينهم الكل موعاجبه الوضع وانشالله يتم تطبيق الاقتراحات

     
  16. ما اروعك

    ما اروعك بـترولـي نشيط جدا

    455
    0
    16
    اولا اقول اقدم شكري لصاحب الموضوع جزاه الله خير على اختياره للمواضيع الطيبة وفعلا مشكلة نشوفها في كذا مكان مو بس

    عندكم في المصفاة وبما اني واحد من رجال الامن بس مو عندكم لكن نعاني من هذي السالفة عندنا بعد

    اقول المشكلة مو بس في رجال الامن المشكلة في المسؤولين عنهم الله يهديهم اذا ماطلع اشتغل وسبب زحمه قاله انت ما

    تشتغل وين شغلك واذا اشتغل اشتكوا الموظفين قالوا حنا نتعطل عن شغلنا

    يعني مثلا رجل امن يوقف اكثر من عشرين سيارة من ضمنهم كبيري مهندسين وياخذ تصريحه ويسجله بيني وبينكم صعبه شوي

    واذا كلمته قال المسؤول يبي جذي اذا ماسويت راح يحاسبني اقلها كلمتين في العظم من النوع الي ما احد يحب يسمعهم

    انا عن نفسي بما اني صارلي سنين موظف اذا شفت زحمه ما اسجل على طول امشي الناس

    اهم شي مايتزاحم الناس في دخولهم وخروجهم لان اغلبهم اذا مو كلهم موظفين في الشركة فلماذا كل يوم اسجل اسمه دامني

    اعرف انه موظف واعرف سيارته وبعضهم اعرفه بالاسم واحيانا ياخذ فنجال عندي :)

    لذلك في نظري انسب واحسن حل ان يوضع ستكر مثل ماقالوا الاخوان وفقهم الله على كل سياره بحيث تمشي على طول او مثلا

    احد المسؤولين يخاطب التيم ليدر بان موظفي الشركة مايجيك عليهم رجال الامن وحنا وقتها نقول ابشروا بعزكم

    بارك الله فيكم ودمتم جميعا بخير وود
     
جاري تحميل الصفحة...
مواضيع مشابهة
  1. ابوراشد
    الردود:
    2
    المشاهدات:
    1,491
  2. قائمة التغيير KNPC
    الردود:
    5
    المشاهدات:
    9,564
  3. المحرر النفطي
    الردود:
    2
    المشاهدات:
    8,364
  4. المحرر النفطي
    الردود:
    0
    المشاهدات:
    1,501
  5. المحرر النفطي
    الردود:
    0
    المشاهدات:
    648

مشاركة هذه الصفحة