معانات اخر دفعه من مطافي الشركة (koc)

الكاتب : للاسف اطفائي | المشاهدات : 2,407 | الردود : 17 | ‏11 أكتوبر 2009
  1. للاسف اطفائي

    للاسف اطفائي بـترولـي جـديـد

    8
    0
    0
    السلام عليكم ورحمة الله وبركاته
    هذى معانات اخر دفعه من الاطفائيين في الشركة الي ييشوف اخر دفعه يعتقد ان حنا موظفين صار لنا شهر لكن بالعكس حنا موظفين صار لنا خمس سنين وكانت بداية معاناتنا بعد تخرجنا من الثانوية ودخولنا دورة المطافي وبعد تخرجنا من الدورة توظفنا على قريد 6 (للامانة مابقى احد ماضحك على توظيفنا على قريد 6 وكانوا يسؤلنا انتو كويتيين ؟) وبعد معانه ومطالبات ( كانت المطالبات من تقريبا من اربعه او خمسه من الربع الله يجزاهم خير والباقين كانوا نايميين طبعا وانا من ضمنهم ) صرنا قريد 7 ( وصرنا اطفائيين اد الدنيا ) وطبعن استانسنا وبغينا نسوي حتى حفل ومرة سنة وثلاث شهور ومرة ثانية رجعت الماساة وبعد شق الانفس ومابقى احد ماطلبناه عطونا قريد 8 ورجع السناريوا هذا مرة لين عطونا قريد 9... وقبل ماناخذ قريد عشرة ( هذا القريد شمل كل الموظفين في المطافي ) صادف ان رئيس النقابة كان موجود عندنا في المحطة وسئلته عن قريد 11 مع العلم ان قريد 11 فاضي لان الي فيه كان مسماهم Op2 ترقوا وصاروا Op1 يعني القريد فاضي مافيه احد وحنا المفروض يرقونا يحطونا Op2 سئلتها عن ترقيتنا قال انتوا اصلا شنو مشكلتكم مادرى صراحه الغلط منا حن الي ماوصلنا لهم المعلومه او انه من الدائرة الي مو مهتمه فينا او من النقابة صراحه انا مادرى بس الاكيد نبي حل ل مشكلتنا يعني اذا القريد فاضي وحنا المفروض نترقى ونستحق هذا القريد ف اين المشكلة ....

    وشكرا لكم واسف على الاطلة
     
  2. Clever Accountant

    Clever Accountant بـترولـي جـديـد

    46
    0
    0
    محاسب
    الكويت
    السلام عليكم يا اطفائي

    في البدايه انا من عشاق الاطفاء وكان حلم حياتي لكن قدر الله ما شاء فعل

    لكن اسمحلي شوي يا اطفائي انت شهادتك ثانويه يعني لي وين تبي توصل الصراحه عطوكم وانشاء الله يعطونكم اكثر
    بس الحق ينقال انا اعرف ناس وضعها سيء بالاطفاء وعندهم شهادات جامعه ف شنو اترجا من الي شهادته ثانويه ؟؟؟
    وارجوك لا تزعل على هذا الرد

    تعليق (( اطفائي يكفيك فخر انك في وظيفه مصنفه بالوظيفه النبيله ووظيفة الرجال ))

    وشكرا...
     
  3. Eng.Vampire

    Eng.Vampire بـترولـي خـاص

  4. المنصور

    المنصور بـترولـي خـاص أعضاء الشرف

    في امور ادارية ما يفقه فيها الكثير من الناس

    كل وظيفة لها وصف وظيفي وخطه لدرجات هاذي الوظيفة

    مثل اول درجة وآخر درجة على الوظيفة هاذي

    اذا انت وصلت إلى آخر درجة على المسمى الوظيفي

    فـ من المستحيل انك تصعد درجة زيادة

    إلا اذا سووا دراسة جديدة على الوظيفة وزادوا المهمات الجديدة اللي تترتب عليها هاذي الوظيفة

    فـ في هاذي الحالة يفتحون لك درجة جديدة
     
  5. للاسف اطفائي

    للاسف اطفائي بـترولـي جـديـد

    8
    0
    0
    السلام عليكم
    بالنسبة للاخ كلفر انا ماتكلم عن المطافي وعن انها مصنفه ومو مصنف انا اتكلم عن حقنا وانا اتمنى ان ماحد يتكلم الا عنده خلفية بالموضوع وتقول شتوقع يعطونك على شهادتك الثانوية شرايك ان الضباط والظاهر حتى السنيرية شهادتهم ثانوية وبعدين هذا حقنا شلون قسم مافيه Op2
    وبالنسبة للاخ فامبير الله يعين الجميع

    وبالنسبة للاخ المنصور شايفني كاتب بالموضوع ان حنا مومستعدين للمسؤليات الجديدة ولا قلت لا يسوون اختبارات ياخي لعلمك انهم مرقين Op2 الي Op1 شلون تسوي دراسه ترقى الشباب ولا تسوي دراسه تحط بدالهم احد يعني وظايفهم الي كانوا قاعدين يسوونها تقعد فاضيه يانها تقعد فاضية يا انحنا الفاير مان نسوي شغلهم وهذا ظلم
     
  6. Clever Accountant

    Clever Accountant بـترولـي جـديـد

    46
    0
    0
    محاسب
    الكويت

    في البدايه اشكرك على درك
    ثانيا الضابط او السينير من متى متوظفين على شهاده الثنويه انا اراهن انها متعديه 15 سنه
    فلا تقارن 15 ماضيه مع ناس ما صارلها 5 سنين واقل

    ترى مو لازم يرقون احد على المسمى اذا كان فاضي لازم يسوون دراسه

    مع تمنياتي لك بالترقيات انشاء الله

    :)
     
  7. للاسف اطفائي

    للاسف اطفائي بـترولـي جـديـد

    8
    0
    0
    اخوي انا اتمنى انك تقرى ردي كامل
     
  8. Clever Accountant

    Clever Accountant بـترولـي جـديـد

    46
    0
    0
    محاسب
    الكويت
    ابشر طال عمرك
    :d
     
  9. للاسف اطفائي

    للاسف اطفائي بـترولـي جـديـد

    8
    0
    0
  10. المنصور

    المنصور بـترولـي خـاص أعضاء الشرف

    طيب حضرتك شايفني كاتب في ردي ان انتوا مو مستعدين للمسئوليات الجديدة او لا يسوون اختبارات؟

    اقرا كرامي بركاده وراح تفهد شنو المقصد

    طيب وظيفة Op2 فاضية مثل ما تفضلت

    الحل:

    1- انهم يرقونكم

    2- انهم يوظفون Op2 وتنتهي المشكلة
     
  11. للاسف اطفائي

    للاسف اطفائي بـترولـي جـديـد

    8
    0
    0
    هذى المشكلة اخوي المنصور ان ماعندك خلفية عن الموضوع ياحجي الفاير مان الي عندنا من اوسكوا يكفون حتى عشرين سنه قدام و Op1 عندهم نقص حتى مع ترقية Op2 الجدد والله على قولتك يوظفون ناس جدد ف انا ماستغربها من دائرتنا لانهم صايرين مثل عين عذاري واذا بننطر الدراسات فالله يعوضنا انشالله عنها باحسن منها
     
  12. ART

    ART بـترولـي جـديـد

    37
    0
    0
    بعد التحيه

    بما ان دورتكم على ما اضن 6 شهور او 4 شهور شي طبيعي بتاخذ قريد 6 او 5 اذا فيه, وبخصوص op1 على حسب علمي ان الشفت فيه من8 الى 10 وهذا عدد كافي جدا جدا لان الزام اساسا يحتاج الى 4 op1 و op2 مادري شنو فايدته بالظبط لا انت فايرمان ولا سايق والظاهر حتى العلاوات ما يمشولك علاوة سايق ولا علاوة فاير مان يعني خلنا نتكلم بواقعيه op2 ما منه فايده ابدا ابدا وانت عارف هالشي.

    انا اقول لو تطالب بالقريد وتبقى فاير مان بتكون حجتك اقوى

    واما بخصوص الاوسكو وين يا الطيب يكفون حق عشرين سنه بالزام من 7 الى 10 اطفائئين اوسكو اللي يسمعك يقول بالزام 40 اطفائي اوسكو .

    واسف على الاطاله
     
  13. naser

    naser بـترولـي نشيط

    92
    0
    0
    ما شاء الله...اخذتوا 4 درجات خلال خمس سنوات...شي ممتاز.....الله يزيدكم من نعيمه و يوفقكم :)
    و انشاءالله يعطونكم الدرجة اللي تطالبون فيها عند استيفاء الشروط
     
  14. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي

    اخوي احنا 20 الى 22 بالزام و مجتمعين بغرفة تقول محكر حمام لو واحد يتمغط يكفخ اللي يمه هالدور تبينا نصير اربعين و هالاربعين يروحون الحريق بشنو باص مواصلات :D

    ما شاء الله الشباب الموجودين مكفين و موفين و فيهم البركة و على عددنا هذا يالله المركز و السيارات تشيلنا .
     
  15. الهيلاني

    الهيلاني بـترولـي نشيط

    89
    0
    0
    السلام عليكم تبي الصراحة اخوي احمد ربك بس على النعمة اللي انت فيها وربعك ، وبعدين شلون تقارن نفسك بأطفائيين الأوسكو مع احترامي لك ولزملاؤك ، انتم دورتكم ان ما خاب ظني ما تعدت 5 شهور كأقصى حد ، بينما أطفائيين الأوسكو دورتهم 18 شهر اي ما يعادل سنة ونصف ، انتم مدربينكم كويتيين والاوسكو مدربينهم بريطانيين !!!!!!!!!!! وبعدين أنا ارى ان موظفي الأوسكو هم المظلومين والا انتم توكم مآخذ up grade وشتبي بعد ، وبعدين الشغل كله اللي قاعدين يسوونه في المحطات الثلاث هم الاوسكو والا انتم حدكم 3 أطفائيين في كل زام هذا عدد بالله عليك يقوم بالواجب ، وبعدين أنا ما ودي أتطرق للشغل بعد شكلكم ناسين اشياء كثيرة في مجال عمل الاطفاء وهذا الشيء ملاحظ عليكم يا أطفائيين koc في جميع المحطات ، يا اخي اول اجازة حتى مو قادر تطلع كلكم 3 نفر في اللزام ، الحين بعد الاوسكو سجل إجازتك واطلع وانت مرتاح شتبي بعد ؟؟؟؟؟؟*وبعدين اذا لك حق عند شركتك فرجاء منك ان لا تقحمنا في مشاكلك مع شركتك وبعدين الاوسكو ما توظفوا علشان يخدمونك او يخدمون غيرك علشان اترقى على حسابهم يوم تقول يكفون حق 20 سنة ، أكيد بنكفي حق 100 سنة بعد لأننا عمالة فعالة ولسنا كغيرنا عالة ، وارجوا منك اخي الكريم ان تأتي بأرقام صحيحة مرة اخرى لإعداد الموظفين فكل زام يتساوى به عدد الاوسكو مع الكي او سي ، ولم تتعدى في اي حالة من الاحوال 25 فرد ما بين سائق واطفائي لاوسكو والكي او سي جميعا في اي زام . ولكن يبدوا يا اخي العزيز انك حاقد وحاسد موظفي الاوسكوا لأسباب لا نعلمها، ويبدوا انك تناسيت افضال الاوسكو عليكم في الكي او سي ، ولكن كما يقال ان اكرمت الكريم ملكته وان اكرمت اللئيم تمردا .
     
  16. djlion

    djlion بـترولـي جـديـد

    23
    0
    0
    الله يكون بالعون انشالله
     
  17. ART

    ART بـترولـي جـديـد

    37
    0
    0
    شكرا لك على ردك الرائع اخوي

    انا اقصد على كلام الاخ للأسف اطفائي يقول الاطفائيين من اوسكو يكفون عشرين سنه جدام وانا ارد عليه اقوله اللي يسمعك على عشرين سنه يقول بالزام 40 اطفائي

    وشكرا
     
  18. alighsaad

    alighsaad بـترولـي نشيط

    131
    0
    0
    اخوي الاطفائي

    مع احترامي لجميع الردود الكل يدري ان متى ما صار اهتمام بقطاع معين صارت الدراسة والتعديل بغمضة عين وفعلا كلامك صحيح كثير من السينيرية سواء بالفاير او بالشركة درجتهم 15 ... ومو كلهم اقدميتهم هي المؤهله .. والمفروض تكون احوالكم افضل عالاقل لان النقابة ولو شكليا اقرب لكم من غيركم !!

    تبيها من الآخر ........ خلوكم على قلب واحد واطلبوا تعديل وضعكم لان مو طبيعي يكون بوست فاضي اصلا .. وكلها شخطة قلم ويسكرون البوست الفاضي مالكم .. ولعلمك انا لي 20 سنة بالشركة وعاجنها وخابزها

    علي العلي
     
جاري تحميل الصفحة...

مشاركة هذه الصفحة