نصيحه

الكاتب : مهموم | المشاهدات : 635 | الردود : 6 | ‏5 أكتوبر 2009
  1. مهموم

    مهموم بـترولـي نشيط جدا

    261
    0
    0
    يااخوان انتخابات النقابه على الابواب ونصيحه لاخواني اعضاء الجمعيه العموميه وطلب منكم انكم تنبذون عنكم الفكر الفئوي والطائفي والقبلي وتختارون اللي يمثلكم خير تمثيل وترى كلنا مهما اختلفنا نبقى كلنا موظفين وعاملين ونحتاج للي يمثلنا خير تمثيل ويحقق مطالباتنا بغض النظر عن طائفته او انتمائه وترى ما دمر جسدنا النقابي الا القبليه والطائفيه العمياء اللي اشغلتنا عن مطالبنا وصار همنا قبل كل انتخابات من يمسك الرئاسه ومن يمسك اتحاد البترول ومن يروح للاتحاد العام ومن اللي تطلع صورته بالجرايد ومن يصور مع المسؤولين وغير وغير واذا بيصير الاختيار على هالمعايير ترى عملنا النقابي بيلحق العمل التعاوني في الجمعيات اللي تدمر من الفرعيات والطائفيه والقبليه ونصيحه لك يااخوي اللي بتنزل انتخابات اذا ماعندك شي تقدمه وبرنامج واضح ابتعد احسن لك واطلب من اخواني العاملين لا مروا عليكم في جولات انتخابيه اسالوهم وناقشوهم ترى مو عيب مو ابشر وبس وفعلوا الجمعيه العموميه وناقشوا والغلط قولوا غلط والصح اشكروهم عليه وهذي نصيحه لكل متابع او والله والله والله ماني محسوب على احد او قائمه معينه بس ودي يكون العمل النقابي على اصوله ويفيد الجميع والله يوفق الجميع ان شاء الله
     
  2. q8rix

    q8rix بترولي خاص أعضاء الشرف

    437
    0
    16
    القبلية مو بس امخربها الاتحاد ... امخربه الدوله كله لا حول ولا قوة الا بالله حسبي الله ونعم الوكيل عليهم (اقصد القبليين والطائفيين)
     
  3. علميني الحب

    علميني الحب بـترولـي نشيط جدا

    365
    0
    0
    أصبت كبد الحقيقة
    أتمنى أن نختار خير من يمثلنا
     
  4. GOLDSMITH

    GOLDSMITH بـترولـي جـديـد

    15
    0
    0
    ليش مانقدر نقدر بإذن الله بحوله وبقوته
    كم من فئة قليلة غلبت فئة كثيرة
    بإذن الله.. والله مع الصابرين!
     
  5. مهموم

    مهموم بـترولـي نشيط جدا

    261
    0
    0
    والله يا جماعه انا اللي احزني وخلاني اكتب عن الموضوع هذا انه قاعد تصير اجتماعات هالايام بخصوص انتخابات النقابه على اساس قبلي وطائفي وفئوي بعيد كل البعد عن مصلحة النقابه والعمال والمصيبه ان القائمين على هالتجمعات يبررونه انها لمصلحة الجماعه والطائفه والقبيله والعائله هذا ظاهرها وباطنها قاعدين يستغلون تعاطف طوائفهم وقبائلهم وعوائلهم حتى يجعلونهم سلم للارتقاء عليهم ومايهمهم مصلحة العمل النقابي ومصالح العمال واذا كان فعلا يهمه امر طائفته او قبيلته او عائلته ترى يقدر يتبنى انشاء صندوق لمساعدة المحتاج والمريض وطالب العلم والا اللي عندهمشروع يفيد البلد او حتى قبيلته او طائفته او عائلته وترى الكل بيكون مستانس بها الامور وبيشد من ازره اما انه يجيك ناس مايعرفون ان لهم طائفه او قبيله او عايله الا في الانتخابات ومن اجل مصالحه واهوائه يثير هالامور ويستجدي الصوت من وراء اثارة النعرات
     
  6. محمد المذن

    محمد المذن بـترولـي مميز

    694
    0
    0
    طال عمرك العنصريه عموما تخرب كل شي لان بجذي انت يمكن تهدم الكفاءات ولازم الكل يتفق معاك على نفس الفكره عشان تهدم العنصرية بس اخذها واقعياا صعبه حيل لان كلنا تربينا على هالسالفة (انا واخوي على ولد عمي وانا وولد عمي على الغريب )
    كل الي تقدر تسويه تغير من نفسك لان بتغير المجمتع لازم تغير الفرد اول وكل شي يصير
    والناس بدت تمل من هالشغله وشوي شوي تتغيره هالفكرة
    وان شاء الله يتم الاختيار بالعقل للافضل مو بالروابط الاجتماعيه
    وشكراا
     
  7. ثامر الخالدى

    ثامر الخالدى بـترولـي نشيط جدا

    393
    0
    0
    كلام طيب وينطبق على الانتخابات بشكل عام ..

    نظرتنا واختيارنا لازم يكون على تغليب المصلحه العامه

    الله يوفق الخيرين
     
جاري تحميل الصفحة...

مشاركة هذه الصفحة