السلام عليكم ورحمة الله وبركاته

الكاتب : فيصل الرشيدي | المشاهدات : 567 | الردود : 4 | ‏4 أكتوبر 2009
  1. فيصل الرشيدي

    فيصل الرشيدي بـترولـي جـديـد

    15
    0
    0
    صباح الخير يالطيبين

    حبيت استفسر منكم عن شغله مهمه الله يخليكم!!

    انا سعودي وساكن في الكويت من عمر طويل(معاملتي معاملة كويتي)

    بعرف طريقة المعاش ينزلي على الكويتي او السعودي؟؟ ولا في نظام معين لتنزيل الرواتب!!

    وبعدين بعرف طريقة البدلات والمعاش>>>الكويتي نفس السعودي بالمعاش بالضبط ولا لا؟؟

    وزين اللى عنده دبلوم هندسه جم معاشه تقريبا؟؟

    واللى عنده بكالوريس هندسه جم معاشه تقريبا؟؟


    وزين واخر سؤال(مافي خبر متى تفتح الشركة حق القبول)؟؟

    اروجو الافاده وسامحوني على اني طولت عليكم وشكرا لكم جزيل الشكرر
     
  2. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀
    وعليكم السلام ورحمة الله وبركاته
    حياك الله أخوي "فيصل الرشيدي"
    إن شاءالله يفيدونك شباب نفط الخليج
    في الرد عليك
    :)
     
  3. Sc0rpio

    Sc0rpio بـترولـي خـاص

    1,000
    0
    36
    مهندس
    الكويت
    وعليكم السلام ورحمة الله وبركاته

    نورتنا اخوي فيصل الرشيدي :)

    والله حبيبي راح اقولك المعلومات المتواضعه عندي واتمنى افيدك

    بالنسبه لمعاشك بما انك موظف ( إن شاء الله ) في نفط الخليج فينزل معاشك بالدينار الكويتي

    البدلات .. بدل الطريج ينحسب من الاحمدى الى الوفره .. بدل طبيعة عمل .. على حسب مكانك بالعمل .. بدل خطر

    وقيمة بدل الطريق تختلف على حسب الدرجة الوظيفيه والحاله الاجتماعيه ... إلخ

    بداية الوظيفه البكالوريوس درجة 12 والدبلوم على حسب الوظيفه .. بس بشكل عام درجة 9

    المعاشات عاد ياطويل العمر بعد الزياده النفطيه تغيرت :S

    بس بما انك غير كويتي فما تنطبق عليك الزياده .. يعني ممكن دبلوم كبدايه 600 وشي والبكالوريوس 800 وشي ( تقريبا مو اكيد ) *

    بالنسبة للتقديم .. اصبح التقديم عن طريق المؤسسة الكويتيه وعلى حسب نزول الاعلان .. ( الا اذا عندك واسطه )

    بالنسبه للشباب السعودي معانا في الوفره .. موظفين شركة شيفرون لكن يداومون عندنا في الوفره ويكونون تحت قوانين دولتهم


    اتمنى فدتك واسمحلي عالمعلومات الغير دقيقه :p
     
  4. فيصل الرشيدي

    فيصل الرشيدي بـترولـي جـديـد

    15
    0
    0
    ماقصرت اخووي والله يعطيك الف عافيه وعسى عمرك طوويل


    بس حبيت استفسر ليش ما تنطبق عليه الزياده بالضبط؟؟

    ممكن تعطيني السبب الاكيد

    وزين واذا كنت اداوم بالخفجي اهو نفس المعاش اللى بالوفره ولا غير؟؟

    انا سمعت ان الكويتي والسعودي بالخفجي معاشهم واحد

    الدبلوم تقريبا 1500 دينار كويتي ومع المميزات للكل سواء الكويتي او السعودي

    اللى يداوم بالخفجي هذا اللى اعرفه!

    هل اللى يدوام بالخفجي نفس معاش اللى بالوفره؟؟

    وهل معاش الكويتي والسعودي اللى يداوم بالخفجي نفس الشئ؟

    واتمنى تعطيني المعلومه الاكيده واكون لك شاكرك يالغالي:)

    وعالعموم عسى عمرك طويل ونخدمك بالافراح:)
     
  5. Sc0rpio

    Sc0rpio بـترولـي خـاص

    1,000
    0
    36
    مهندس
    الكويت
    هلا ومرحبا اخوي

    والله يالحبيب اللي اعرفه انه الزياده من حكومة دولة الكويت الى موسسة البترول الكويتيه والشركات التابعه لها وصادره من مجلس ديوان المحاسبة

    يعني للمواطنين .. وابد ماسمعت احد من الشباب السعودي اخوانا الموظفين معانا انه حاشتهم الزياده ! والله اعلم


    طبعا اذا داومت بالخفجي معاشك غير .. واكثر بكثير من الوفره .. سواء على الصعيد المادي ( المعاش ) او الامتيازات والحوافز الكثيره ...

    معاشات الخفجي ما اعرف عنها صراحه .. لكن اللي اسمعه .. انه يفرق عن الوفره مابين 400 الى 500 دينار .. والله اعلم


    اذا انت مخير نفسك مابين الخفجي والوفره .. وموضوع الدرب بالنسبه لك مو مشكله .. لا اخوي روح الخفجي .. امتيازاته تسوى ومعاشه يسوى



    واتمنى لك التوفيق وسامحنا عالقصور
     
جاري تحميل الصفحة...

مشاركة هذه الصفحة