جـمـعـيه الـقـطـاع الـنـفـطـي الـتـعـاونـيـه ...!!

الكاتب : المنجنيقي | المشاهدات : 2,522 | الردود : 44 | ‏1 أكتوبر 2009
  1. المنجنيقي

    المنجنيقي بـترولـي خـاص

    1,966
    0
    36
    السلام عليكم ورحمه الله وبركاته


    مساء / صباح الخير

    عندي اقتراح ومن زمان ودي أكتبه في المنتدى لعل وعسى تتم دراسته من قبل المختصين

    ولا شك أن الوزير هو صاحب القرار أولا وأخرا ,, ولا ننسى أعضاء النقابات النفطيه لاشك أن لهم دور كبير وفعال في

    المطالبه بتنفيذ المشروع

    بإختصار ومن غير مقدمات

    ليش مايكون في جمعيه تعاونيه لموظفين القطاع النفطي

    وراح أضرب مثال على الحرس الوطني عندهم جمعيه ,, وكذلك وزاره الداخليه ,, وأيضا وزاره الدفاع ,,

    كلهم عندهم جمعيه خاصه للموظفين وأسعارهم معقوله ..

    ويكون موقع الجمعيه بمنطقه صبحان ,, يعني بالوسط

    ومثل ما أنتوا عارفين المؤسسه غير عاجزه عن تنفيذ هذا المشروع اللي راح يعود عليها بالفائده

    وأتمنى أنكم فهمتوا إللي أبي أوصله

    ودمتم في رعايه الله

    أخوووكم / المنجنيقي
    :)
     
  2. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀
    السلام عليكم ورحمة الله وبركاته
    أخي الكريم "المنجنيقي"

    بدايةً أشكرك على طرحك لهذا الموضوع والذي يعود بالفائدة لكل العاملين بالقطاع النفطي

    ثانياً قد تم ذكر ذلك في فترة سابقة في المنتدى والصحافة, آملين أن يتم تحقيق هذا الهدف

    رابط موضوع النقاش بهذا الموضوع بين أعضاء المنتدى
    http://www.q8ow.com/vb/showthread.php?p=12686


    ورابط إقتراح برغبة من أحد نواب مجلس الأمة الأفاضل نُشر في الصحافة

    [​IMG]
    محمد الحويلة

    الحويلة يقترح إنشاء جمعية تعاونية للعاملين بالقطاع النفطي
    تقدم النائب محمد الحويلة باقتراح برغبة بشأن قيام مؤسسة البترول الكويتية بالعمل على استصدار واتباع كل ما يلزم من إجراءات وخطوات لإشهار جمعية تعاونية لخدمة أبناء القطاع النفطي.
    وقال الحويلة في مقدمة الاقتراح: «نظرا لما يمثله القطاع النفطي من أهمية قصوى وباعتباره الشريان الرئيسي لاقتصاد ومدخول البلاد، ولما يستحقه العاملون بهذا القطاع من وقفة تحية منا لهم، لما يقومون به من أعمال شاقة وخطرة ساعات طويلة تلتهم معظم أوقاتهم، لذا فأتقدم باقتراح برغبة التالي: قيام مؤسسة البترول الكويتية بالعمل على استصدار واتباع كل ما يلزم من إجراءات وخطوات لإشهار جمعية تعاونية لخدمة أبناء القطاع النفطي أسوة في جمعيات الشرطة والجيش والحرس الوطني.
    وتابع الحويلة: «على أن يتم انشاء هيكل تنظيمي للجمعية كامل ومستقل اداريا وماليا، وتكون تبعيته لشركة الخدمات النفطية لأنها هي المشرفة على خدمات أبناء هذا القطاع، ومساهمة جميع العاملين من أبناء القطاع النفطي في الجمعية ويتم توزيع أرباح سنوية لكافة المساهمين بنسبة حسب مشتريات كل عامل أو عاملة على رقم الصندوق، وانشاء فرع رئيسي في منطقة الوزارات بمنطقة جنوب السرة وفرع أول بمنطقة الأحمدي مقابل الشركات النفطية، وانشاء مكتب تدقيق ومتابعة مالية لكل فرع ويتبع التدقيق الداخلي في المؤسسة، ويقوم برفع تقارير دورية كل شهر لإدارة شركة الخدمات النفطية».

    http://www.aljarida.com/aljarida/Article.aspx?id=86599
     
  3. المنجنيقي

    المنجنيقي بـترولـي خـاص

    1,966
    0
    36
    كل الشكر أخوي Q8 OILER على ما ذكرته

    ومثل ما يقولون التكرار يعلم الشطااااار

    ولا شرايك ...؟
     
  4. خميس الخامس عشر

    خميس الخامس عشر بـترولـي خـاص أعضاء الشرف

    للعلم ان احدي الشركات النفطية كلفت بانشاء هذه الجمعية ..

    والموضوع منتهي تماماً تمت الدراسات كاملة من جميع النواحي المالية والإدارية والفنية وتم وضع هيكل تنظيمي للعاملين فيها وآخر ماسمعت قبل رفع الموضوع للمؤسسة ان كان فيه اختلاف في وجهات النظر في المكان فمنهم من اقترح المساحه الواقعه بين البانزين ودوار العظام مقابل محمع المحاكم على يمين الدائري الرابع بعد معسكر الحرس الوطني ومنهم من اقترح منطقة الوزرات في جنوب السرة وتم تحديد الموقع المقترح وانا لا اعلم وين بس احد هالموقعين وفي خطه انشاء فرع ثاني مستقبلاً في منطقة الأحمدي او الشعيبة والمسؤول عن هالموضوع احد المسؤولين في الشركة اللي راح تكون مسؤولة عن الجمعية وتم عمل دراسات وجولات على العديد من الجمعيات منهم الشرطة والحرس واجتمع مع اتحاد الجمعيات التعاونية وانتهت في شهر 7 الماضي وتم رفع الموضوع للمؤسسة لكي يتم عرضه على المؤسسة ومن ثم أخذ الموافقات علية من المجلس الأعلى للبترول ومن ثم مخاطبة الشوؤن لإشهار الجمعية
     
  5. Workers

    Workers إدارة المنتدى

    7,767
    30
    48
    ذكر
    الكويت
    الله يعطيك العافية ياخميس خوش خبر ..
    وجنوب السرة موقع تمام التمام ..
    اما اللي صوب دوار العضام قلعة وادرين ..
     
  6. feed gas

    feed gas بـترولـي خـاص

    شنو المساله سلق بيض ؟؟؟!!! الجمعيه يبيلها هيئه اداريه وموضفين وعمال ... و و و ... شنو هالحجى العاطفى !! بله صار فيها بوقه وتلاعب بالفلوس منو الى راح نلومه ونحاسبه ؟؟ يعنى مو مكفيكم جمعيات المناطق التهاونيه والبلاوى الى قاعد تصير فيها وشوفو محمد العفاسى كل يوم يحول مجلس اداره ورا الثانى للنيابه او يحط مكانهم مجلس مؤقت ..بله ما تقولون لى شلون تبون تدبرون الموضوع؟؟؟ اقول الى يبى يشترى يروح وين ما بغا وبلاش مشاكل للقطاع النفطى لانه الى فيهم مكفيهم طال عمرك.....
     
  7. المنجنيقي

    المنجنيقي بـترولـي خـاص

    1,966
    0
    36

    كل الشكر أخوي خميس على مانقلته

    وأنتمنى أن يتم تطبيق المشروع

    والله يعطيك العافيه
     
  8. المنجنيقي

    المنجنيقي بـترولـي خـاص

    1,966
    0
    36

    هلاااا بالحبيب:)

    شوي شوي طال عمرك لاتجي من أقصاك

    يعني الحين المشاريع اللي تنفع الموظف وتنفع المؤسسه بنفس الوقت صارت سلق بيض ....؟؟!:confused:

    ومنو قالك أن الجمعيه مايبيلها موظفين وعمال ,, يعني تبيهم يوظفون رجل آلي ولا شنو طال عمرك ....؟؟!:p

    و وين المشكله من ناحيه التوظيف ,, خلهم يوظفين شباب الديره ويترزقون الله ,, ارتاح طال عمرك ماراح يقل من راتبك شي:D

    ومن ناحيه البوقات وتلاعب على قولتك ,, أمرها بسيط ....

    مثل ما حطت المؤسسه موظفين واداريين ومحصلين ,, أكيد راح تحط مراقبين ولجنه مشرفه على الأيرادات

    ومن ناحيه الجمعيات والاختلاسات اللي تصير فيها ,, أنا معاك في هالنقطه بس أصابعك يالحبيب مو سوى

    في جمعيات ماشيه على أحسن مايكون وأرباحها ممتازه // بالعربي هي على الأداره وأعضاء الجمعيه

    وإذا هذه نظرتك للمشاريع ,, يعني كأنك تقول مو لازم نسوي مشاريع ونطور هالبلد عشان البوقات:(

    على العموم أضحكني ردك السريع والعجيب في نفس الوقت:)

    ودمت ياعزيزي
     
  9. خميس الخامس عشر

    خميس الخامس عشر بـترولـي خـاص أعضاء الشرف

    هلا فيد غاز

    اقرا اول كلامي بركاده شوي واعتقد انه واضح ..

    راح يكون مدققين من التدقيق الداخلي على الجمعية وراح يداومون فيها وراح يكون رقم الصندوق هو الرقم الوظيفي نفس المستشفى والعاملين من القطاع من نائب العضو المنتدب حتى الكاشير كلهم كويتيين من الشركة اللي بتكون مسؤولة عن الجمعية ...

    وراح اكتبة لك مره ثانية عشان ماتستعجل بالفاظ مالها داعي :


    والموضوع منتهي تماماً تمت الدراسات كاملة من جميع النواحي المالية والإدارية والفنية وتم وضع هيكل تنظيمي للعاملين فيها
     
  10. feed gas

    feed gas بـترولـي خـاص

    اتوقع الاكلام اخذ وعطا ... انا قلت رائى وما كنت متسرع ابدا لان القطاع النفطى معروفه مهامه وادوار عمله... نحن لسنا قطاع تعاونى طال عمرك.... الى يبى يشتغل بجمعيه تعاونيه ينزل مع 2 من ربعه ويسوى قائمه وينزل ك مرشح جمعيه وسلامتكم .
     
  11. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀
    حوار ونقاش يفضي إلى توافق وتقارب في وجهات النظر بيننا كعاملين لجعل جمعيتنا التعاونية المقترحة هي الأفضل... كما هو الحال في فكرة بناء مستشفاً ضخم للعاملين بالقطاع النفطي (جديد)... فهذه المشاريع غاية في الأهمية والمستفيد الأول والأخير هو أنا وأنت
    ملاحظاتكم وآرائكم وأفكاركم تهمنا
    تحياتي لكل المشاركين وبارك الله فيكم
     
  12. غلاب

    غلاب بـترولـي نشيط

    67
    0
    0
    خوش فكره وتكون مدعومه والله يعطيك العافيه علي الفكره
     
  13. العجمـي

    العجمـي بـترولـي خـاص

    1,857
    0
    0
    سـر
    kuwait
    الله بعطيكم العافيه .. بس لا تدخل فيها الواسطه وانتم بخير
     
  14. Sc0rpio

    Sc0rpio بـترولـي خـاص

    1,000
    0
    36
    مهندس
    الكويت
    يالطيب شنو مشكلتك الحين مو فاهم عليك :)

    ما اشوف اي شي مشكله بهالمشروع بالعكس فرصه للشباب الكويتي يتوظف وبنفس الوقت جمعيه مستقله لموظفي القطاع النفطي.

    اتمنى الطرح يكون منطقي :rolleyes:

    سلام
     
  15. Workers

    Workers إدارة المنتدى

    7,767
    30
    48
    ذكر
    الكويت
    الله والعالم ان شركة الخدمات البترولية هي اللي راح تشرف على الجمعية كونها شركة خدمات
    ويمكن بسبب هالجمعية تصبح شركة الخدمات من افضل الشركات التابعة للمؤسسة ..
     
  16. رجل امن اول

    رجل امن اول بـترولـي مميز

    756
    0
    0
    رجل امن اول
    الكــــــــــويت
    افضل مكان انه يكوون بصبحان بالنص على الكل

    وان شاءالله يطبقوووونه
     
  17. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ


    يا رجــل خلها بالأول يصيـر فيـها أدارة حـالها حـال باقي الشركـات عقبـن تشــرف علي الجمعيـة إن وجـدت :)
     
  18. abwkaledco

    abwkaledco بـترولـي نشيط

    52
    0
    0
    مشروع طيب

    مشروع طيبة وفي غاية الاهمية لمثل هذة الاقتراحات سر ونحن معك
     
  19. العيـن

    العيـن بـترولـي جـديـد

    41
    0
    0
    أنا مؤيد لهالاقتراح
    بس نبي المستشفى بعد

    ونبي توحيد لصناديق الزمالة الكويتية

    وتحياتي للجميع
     
  20. المنجنيقي

    المنجنيقي بـترولـي خـاص

    1,966
    0
    36
    هلاااا بالحبيب مره ثانيه :)

    أنا معاك أن الكلام أخذ وعطا بس قبل لا تاخذ وتعطي بالكلام خلك فاهم شنو الموضوع بالضبط

    وحاول أنك تركز بالكلام إللي أنت تقوله يالطيب:confused:

    ومسأله أن القطاع النفطي مو قطاع تعاوني ,, كمل كلامك وقول ليش حاطين لنا مستشفى ,, القطاع النفطي مو قطاع صحي

    وعندك الحرس الوطني والدفاع والداخليه كلها قطاعات عسكريه .. ومشاء الله عليهم مسوين جمعيات تعاونيه

    ماقالوا حنا قطاع عسكري مالنا شغل بهالسوالف

    يا ليت يالطيب يالحبيب يالغالي يالعزيز توضح النقطه الأخيره إللي كتبتها ,, النقطه إللي ذكرت فيها الترشيح وقائمه ومدري شنو :confused:

    نبي نفهم يالطيب:D

    مشكور حبيبي لأنك ضحكتني مره ثانيه // وبإنتظار ردك العجيب
     

مشاركة هذه الصفحة