منو ادزله الواسطه ؟

الكاتب : Br0nz | المشاهدات : 1,548 | الردود : 15 | ‏30 سبتمبر 2009
  1. Br0nz

    Br0nz بـترولـي نشيط جدا

    291
    0
    0
    منو اللي بيده التوظيف اللي اقدر ادزله واسطتي و تضبط ؟
     
  2. HBMDD

    HBMDD بـترولـي جـديـد

    49
    0
    0
    engineer
    kuwait
    حرام عليكم يا جماعة خافوا ربكم
    لي متى تلعبون بالديرة بهالواسطات
    ياخوي اذا كانت مؤهلاتك زينه فتوكل على ربك
    واذا ماكان لك نصيب لا تاخذ نصيب غيرك
    والله يوفقك ويوفق الجميع
     
  3. Br0nz

    Br0nz بـترولـي نشيط جدا

    291
    0
    0
    و نعم بالله ..

    بس اذا الكل اييب واسطه .. ليش ما اييب انا ؟

    حبيبي ديرتك كلها ماشيه بالواسطه و اذا ما يبت ماراح توصل حق شي .. بتقعد و بينوخذ حقك فمهت يا عزيزي الفاضل
     
  4. المنصور

    المنصور بـترولـي خـاص أعضاء الشرف

    الارزاق عند رب العالمين
     
  5. اذا ربك مو راضي تدش هالوظيفه صدقني لو بأكبر واسطه ماراح ادش

    احنا نطرنا سنتين وما نفعتنه الواسطه

    بعد هالسنتين توظفنا بالشركه

    واسف عالمداخله

    بالتوفيييج
     
  6. Br0nz

    Br0nz بـترولـي نشيط جدا

    291
    0
    0
    الحين يا جماعه شهالتناقض اللي انتو فيه ..

    بكل موضوع اقراه .. لابد رد من الردود اييك يقول (( و لا تنسى الواسطه , اهم شي الواسطه , فيتامين و لا تنساه ))

    لا تقعدون و تصيرونلي مثاليين الحين ..

    نعم و نعمه بالله , و ندري اذا الله مو قاسملك هالمكان ماراح اتدشله .. و كل شي بيده سبحانه .. ما نعترض على هالشي ..

    بس الواقع صاير هني بالكويت كله واسطات ..

    اذا ما واكبة الشي ولا بضيع حقك انا عارف ..
     

  7. حبيب اولا ليش زعلان ؟

    ثانيا خص ولا تجمع

    موفق انشالله
     
  8. q8rix

    q8rix بترولي خاص أعضاء الشرف

    437
    0
    16
    صدقني اهوا على المعدل متخرج اب 3 نقاط وفوق ياخذونك وانت امغمض انا رفيجي قدم 7/19 ودقوه عليه بعد يومين علشان يمتحن لانه معدله فوق 3 وو بالمقابله دش ويانا واحنا كنا اول الناس
     
  9. المنصور

    المنصور بـترولـي خـاص أعضاء الشرف

    اخي الكريم

    في البداية محد ادعى المثالية ولكن هذا الكلام الصحيح واللي حضرتك اعترفت فيه

    لما تشوف ان في عدد من الناس يكتبون على قولتك

    مو معناه ان كلامهم صحيح!

    مع احترامي الشديد للجميع

    اغلب اللي يذكرون موضوع الواسطة .. هم بنفسهم مو لاقين وظيفة

    لأن الاغلبيه هم اصحاب المؤهلات البسيطة مثل الثانوية او الدورات الخاصة ويطمحون للوظيفة في القطاع النفطي

    واغلب شركات القطاع النفطي تقبل بالدبلوم بعد الثانوية كـ حد ادنى للمؤهل الدراسي

    وقد تستعين بأصحاب مؤهل الثانوية لبعض الوظائف المحدوده كـ (الأمن ، المطافي ، مشغل مصفاة)

    فـ اللي ما يحصل على فرصة عمل عن طريق اعلان الشركة ، راح يحاول انه يستعين بالواسطة علشان يتعين

    وطبعًا هالشي غير صحيح في شركات القطاع النفطي لأن عملية التوظيف مرتبه وتحكمها قوانين

    ولكن في بعض الشركات الخاصة كـ شركات المقاول اللي تتعامل مع شركات القطاع النفطي

    من ممكن ان المعرفه او الواسطة تفيدك في عملية التوظيف عندهم لأنهم ما يطرحون اعلانات للتوظيف



    اغلب الموظفين متعينين من غير واسطة

    والبعض اللي يقولون انا عندي واسطة.. بالاخير ما تفيده واسطته اذا ربه ما كتب له انه يشتغل في هذا المكان

    وعلى فكرة..

    اللي عنده واسطه ما يجاهر ويعلن للناس ان عنده واسطه

    والرسول عليه الصلاة والسلام قال "واستعينوا على قضاء حوائجكم بالكتمان"
     
  10. mud engineer

    mud engineer بـترولـي جـديـد

    19
    0
    0
    مع الحترام لأراء الجميع بخصوص موضوع التوظيف والواسطه احب ابينلكم بعض النقاط اذا سمحتوا :

    بالنسبه للرأي الشرعي بهالموضوع فهاهي فتوى اللجنه الدائمة في حكم الواسطه :
    أولاً : إذا ترتب على توسط من شفع لك في الوظيفة حرمان من هو أولى وأحق بالتعيين فيها من جهة الكفاية العلمية التي تتعلق بها والقدرة على تحمل أعبائها والنهوض بأعمالها مع الدقة في ذلك فالشفاعة محرمة ؛ لأنها ظلم لمن هو أحق بها وظلم لأولي الأمر وذلك بحرمانهم من عمل الأكفأ وخدمته لهم ومعونته إياهم على النهوض بمرفق من مرافق الحياة ، واعتداء على الأمة بحرمانها ممن ينجز أعمالها ويقوم بشئونها في هذا الجانب على خير حال ، ثم هي مع ذلك تولد الضغائن وظنون السوء ، ومفسدة للمجتمع ، وإذا لم يترتب على الوساطة ضياع حق لأحد أو نقصانه فهي جائزة بل مرغب فيها شرعاً ويُؤجر عليها الشفيع إن شاء الله ، ثبت أن النبي صلى الله عليه وسلم قال : " اشفعوا تؤجروا ، ويقضي الله على لسان رسوله ما يشاء " البخاري/1342

    ولكن يبقى السؤال هو ماذا اذا كانت الشروط المطلوبة غير متوافقه هل تحتاج واسطه والا لا ؟

    للاسف شروط القبول لوظائف شركة البترول معقدة وانا ما اقضد شروط المعدل والمؤهل اقصد الشروط الاخرى مثل :

    اخر اعلا ن ينقسم الى قسمين الاول لحديثي التخرج بشرط ان لا يكون مر على تخرجه اكثر من 3 سنوات وعمره لا يتجاوز 28 سنه

    الثاني لذوي الخبره ون يكون لديه 5 سنوات وفي بعض التخصصات 6 سنوات

    1-ماذا عن حديث التخرج اللي درس وتخرج على كبر وعمره فوق 28 يعني ياب الشهاده وتعب عليها؟ما يقبله السيستم
    2- واللي تم على تخرجهم 3 سنوات وشهر الى 4 سنوات و 11 شهر وين مكانهم من هالاعلان ؟ ما يقبلهم السيستم
    3- لك فرصه اتقدم على وظيفه وحده يعني كل سنة تجرب حظك مع وظيفه
    4- التقديم يعني عن طريق النت ولك وقت محدود عشان اتسجل والوقت ما يمدي لذوي الخبره انه يحط شهادات الخبره ويرفقها والخانات بعد محدوده للخبره

    5- كل شركه طالبة تخصصات صعبه ومو موجوده الا في الشركه نفسها يعني منين الواحد اييب خبره الا اذا كان في هالشركه مثال اووضح فيه اكثر koc مثلا فيها حفر وانتاج واستكشاف وال knpc ما فيها حفر فاذا واحد خبرته بالحفر شلون بيروح لل knpc
    بالضافه لو تردون للاعلان بتلقون تخصصات غريبه واجهزه ومعدات معينه طالبين واحد خبير فيها والاجهزه هذي بالكويت ما يستخدمها الا الشركه نفسها والمفروض انهم يطلبون شهاده في تخصص معين مثل هدسه كهرباء او ميكانيكا او اي تخصص هندسي اخر بدون شرط انه يعرف للجهاز الفلاني لانه هالجهاز اذا اهوا خلفيته بتخصص مطابق للجهاز يمكن يعطونه دوره فيه بسهوله

    6- ماذا اذا كان اشخص التقدم تخصصه هندسه كهرباء ولكن لديه خبره في احدى شركات النفط الخاصة بتخصص بترول في وايد مهندسين كويتيين تخصصهم غير وخبرتهم العملية غير شيسون ؟ هم ما يقبلهم السيستم لانه كل مسمى وظيفي له تخصص معين ما يصير مهندس كيماء مثلا اشتغل مهدس سلامه 5 سنوات ايقدم على مسمى مهندس سلامه لانه تخصصه كيماء مو سلامه
    7- لماذا لا يكون الاعلا ن عام مثلا مطلوب تخصص هندسة ميكانيكية او هندسه كهربائيه او اي تخصص اخر لحديثي التخرج مفتوح لغاية 3 سنوات ولذوي الخبره من بعد 3 سنوات الى مالا نهاية والتقديم عن طريق مباشر حق وزارة النفط عشان يوقفون الواسطات ويكون فيه طلب يعبيه الواحد ويرفق كل بياناته وشهاداته ويحطه في مغلف ويختار فيه التخصصات اللي يبيها وممكن يبدع فيها بحيث ان تكون عنده اكثر من فرصه في اكثر من تخصص نفس تقديم الجامعة والتعليم العالي يعني والموارد البشريه يشكلون لجنة تشوف من الكفؤ وتختار وتوزع



    والسؤال هل هذه الشروط وضعت بالخطاء ام انها وضعت لخلق الواسطه ؟ وكلنا عيال قريه وكلن يعرف اخييه وسامحوني على الاطاله
     
  11. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀

    عزيزي "mud engineer"
    للأمانة أنا أؤيدكم الرأي
    لأني لم أجد تغيير للأفضل في نظام إعلان الوظائف وقبول المستجدين
    سوى تعقيد في تعقيد في تعقيد
    لا والأدهى والأمر يقولون ما فيه واسطة في القبول وإنه نظام الإختبار والقبول "كمبيوترايزد" في مركز التدريب البترولي الخاص بمؤسسة البترول الكويتية المبنى الكائن في مدينة الأحمدي, حيث الجهة المخولة لعمل الإختبارات لجميع طلبات وظائف القطاع لجميع الشركات النفطية تحت مظلة المؤسسة, وأنه لا يمكنك معرفة اسم المتقدم, بل أرقام, بمعنى التعامل مع أرقام لكل لطلب لمنع تدخل الواسطة!

    بصراحة عندي شك في ذلك, فالواسطة في القبول ما زالت باقية وبقوة, لكن بأسلوب آخر!

    أنا برأيي... نرجع للنظام القديم في إعلان التوظيف كل شركة نفطية على حدة حسب تخصصاتها المطلوبة, واااااااايد أحسن!!!

    ف "(أهل مكة أدرى بشعابها )
     
    آخر تعديل: ‏3 أكتوبر 2009
  12. خالد91

    خالد91 بـترولـي جـديـد

    11
    0
    0
    حبيب بدون زعل
    الواســــــــــــــــــــــــــــــــــــــــــــــــــــــــــطه فوق القانون
    صحيح كلامي ولا لا
    لانا اكثر اللي اعرفهم داخلين بواسطه
    وشهايدهم ثنوي
     
  13. mud engineer

    mud engineer بـترولـي جـديـد

    19
    0
    0
    كلا مك صحيح الواسطه فوق القانون بس الواسطه في هذه الحاله تكون مساعده ولكن ما تقدر اتقول انا عندي واسطه قويه ادش غصب عن اللي يزضي لا نه هذا منافي للعقيذه الاسلاميه فكل شي بأمر الله سبحانه وتعالى بدليل قول الرسول صلى الله عليه وسلم :



    "يـا غـلام!
    إني أعـلمك كــلمات: احـفـظ الله يـحـفـظـك
    احـفـظ الله تجده تجاهـك، إذا سـألت فـاسأل الله، وإذا اسـتعـنت فـاسـتـعـن بالله، واعـلم أن الأمـة لـو اجـتمـعـت عـلى أن يـنـفـعـوك بشيء لم يـنـفـعـوك إلا بشيء قـد كـتـبـه الله لك، وإن اجتمعـوا عـلى أن يـضـروك بشيء لـم يـضـروك إلا بشيء قـد كـتـبـه الله عـلـيـك؛ رفـعـت الأقــلام
    ، وجـفـت الـصـحـف
    رواه الترمذي:2516 وقال: حديث حسن صحيح


    صج ان الواسطه اتفيد والبعض يراها شيئ اساسي ولكن بعد الله سبحانه وتعالى واذا الله مو كاتبلك ترى خيره لقول الرسول صلى الله عليه وسلم

    : (عجبا لأمر المؤمن إن أمره كله خير وليس ذاك لأحد إلا للمؤمن ، إن أصابته سراء شكر فكان خيرا له وإن أصابته ضراء صبر فكان خيرا )


    فالله سبحانه تعالى هو الذي يسخرلك الواسطه بدليل ان البعض ساعات يدور على احد يتوسطله اب اي شغله وما يلقى او يلقى بس بامر الله الشخص ينسى والا يكون مو مشتهي وساعات يروح من غير واسطه والله يسخرله واحد يخلصه ويقوم فيه وساعات تقفل معاه ومحد ايمشيه محد سأل نفسه ليش البعض ايقول انا حظي خايس والا قبسه ولكن الصحيح ان الله كاتبلك هالشي وصدقني خيزه

    ساعات اتكون واسطتك المذير نفسه ولكن ايصير شي بأمر الله ويعفس الدنيا وواسطتك ايحاول بايدينه وريوله بس الله مو كاتبلك فما اتصير صح

    ختام الموضوع ان الله هو بيده الامر والواسطه مساعده ،
    بالنسبه للشخص اللي بدأ السؤال ياجماعه تري الريال قصده والله اعلم من الناس اللي لها القرار في التوظيف بعد الله سبحانه وتعالى عشان يبي يوصلهم ويساعدونه


    هذا والله اعلم
     
  14. Mechanical Engineer

    Mechanical Engineer بـترولـي نشيط جدا

    359
    0
    0
    مع الاسف

    و هل شغله شوف عيني بالتدريب الميداني بأحدى الشركات الي تحت المؤسسه


    شاب مصري توه متخرج من مصر تخصصه بالكمبيوتر ما راح اذكر التخصص بالضبط بس موظفين الشركه اكيد راح يعرفونه اذا قروا الموضوع


    ابوه كان موظف قديم بالشركه و تقاعد او بالاصح خلص عقده يعني طاف السن المحدد للوظيفه

    توسطوله يمين يسار

    و اشتغل بشنو تتوقعين ؟؟؟؟؟؟؟؟


    بال Planning داخل سكشن كله سوالف ميكانيكه بدون ذكر اسم السكشن

    طبعا ال work order كله بشغلات اهو ما يفقهه فيها شيئا حتى كان يتشكى من صعوبة الامر ... يقولون له مع الوقت راح تحفظهم و تتتعلم الاسماء و المسميات و الاجزاء الميكانيكه !!!!!!


    و يا حراام للكويتي الي حقه انهضم من الطريفين الواسطه الي رايحه للكويتي و الغير كويتي



    خلفله عليج والله
     
  15. Assistant driller

    Assistant driller بـترولـي خـاص أعضاء الشرف

    كلشي بالواسطة بعد الله سبحانه
     
  16. ابو ريتاج

    ابو ريتاج بـترولـي نشيط جدا

    190
    0
    0
    ماشاءالله عليك كلامك كله فوق الزين .... وقلت كلى اللى فى خاطرى كأنك قارى افكارى .... وعلى ماقالو المصريين روح يابنى الله يوفئك
     
جاري تحميل الصفحة...

مشاركة هذه الصفحة